.... الماسنجر.....

Quote: نتمنى ان يسمح الباشمهندس بكرى برساله واحده فى اليوم لكل عضو عشان حكاية حل المشاكل دى

Quote: رشا نحن السودانيين إتعودنا إنو دائماً الصاح بيقيف لأسباب غلط وبي أعذار مبرر ليها بالغلط غض النظر عن كون الفاعل عارف ولا ما عارف .

البوست دا بتاع حناسات لبكري..

دايرنه يفكر ويدبر ويقرر انه حيشوف حل تاني..

علي العموم كلامك دا علي عيننا وراسنا..

Quote: ما توقف الماسنجر وشوف ليك حل تاني...انت مهندس وبتعرف تحلها

Quote: أضم صوتي لدكتورة رشا لأهمية المسنجر..

Quote: مطلوب القبض على تمبس حيآ لتأخذ العدالة مجراها..

ادخل تمبس في جملة مفيدة

Quote: ما شايفة زميلنا هيثم عبد العزيز كلّما يفتح ليهو بوست يجيب سيرتي ((أستاذي لؤي))

أولاً عـذراً يا رشــا و شكــراً للموضــوع دة ...

طبعـاً دي مكنتــك عـايـز تزوق من رشــا عشـان الحصص ... يلا خـم و صُـر و هاك الفتنـة دي......

اهــا يا رشـا شفتــي لـؤي دة ورانـي أي حـاجـة و كان بديني دروس خصوصية بهناك بس بـراحـة عليهـوا بلاي...

Quote: تقول أنا عُمري كم وتلاتين سنة

لا بلاي إنت عمـرك كمتــاشـــر سنــة عُمر الزهور و عُمر المنى ..و بالمناسبة نزًل الغنية دي يا أستاذي عشان خاطر رشـا....

لا يـا يـابـا إنت لا تفوت لا تمــوت و إن شـاءالله عــاد يوم شكــرك ما إجـــي ... تجـي و لا أجــي .. و منتظــرك بهنــاك ...

ودي يا أستـــــــاذي و زي ما قلت ليك ......
هيثــــم....

Quote: بسبب بوستك دا بكري كتب بوست جديد قل الماسنجر بيتقفل أوّل ديسمبر

Quote: الماسنجر يعتبر اداة مهمة في حل الخلافات البتحصل بين الأعضاء... يعني لو زول قال ليك كلام زعلك ...ماضروري تحرجه قدام الناس.. ممكن ترسل ليهو واحد ماسنجر وتوضح ليهو بهدؤ وجهة نظرك.. ودا بيحد من البوستات والبوستات المضادة..

Quote: العمود الفقري لسودانيزأونلاين هو الماسنجر...بكري ده بصحو?

Quote: الاستاذة رشا كيفنك حقيقي طرحك للموضوع جيد جدا انا ايضا اتفق مع ان يكون هناك عدد محدود لعدد الرسائل للعضو الواحد

Quote: لا شك انه الاخ بكري يبذل مجهود خرافي هنا واول ثمرات هذا المنبر من وجهة نظري هو كمية الحرية الفيه والتي جعلت الكل يتناقش بصوت عالي بعيدا عن الاعتقال او القمع او المعيقات المشابهة

ما قلت غير الحق..

Quote: الحرية دائما تنجب جوا معافى يساعد على التنمية فقط علينا استخدام تلك الحرية بعقلانية اكثر

انت عارف كلامك دا وقع لي في جرح..

انا مافي شي بيفقع مرارتي..غير ادعياء الحرية والديمقراطية البيمارسوا

الدكتاتورية علي الآخر!

مافي اي مبرر للتصرفات دي..

لا سنوات الظلم والقمع..

ولا عمر كامل من الاضطهاد ..بيمنح شخص حق الحكم علي الاخرين ومصادرة

حريتهم الخاصة في التعبير عن ذواتهم ..او حتي الافصاح عن قبح نفوسهم..

يعني اي زول في المنبر دا عنده الحرية يكتب الدايره..

ومن حق ذيد ولا عبيد يناقشه في الكلام الكاتبه...

لكن ما من حق اي زول يسفه كلام زول ولا يقول ليهو ما عندك موضوع..!

يعني دايما الناس بتزكر مثل : فلان كاتب عن غنمايته الولدت تيمان..!

ياخ خليهو يكتب عن غنمايته زي ما داير..

انت مالك؟ داير تقول ليهو مبروك ..كان بها ..

ما داير ..اقطع وشك

اي زول ليهو الحق يختار المواضيع البتعجبه ويكتب فيها...

يختار صورة للبروفايل بتاعه بمزاجه الشخصي...

يختار اسم معين يكتب بيهو..

دي حريات بسيطة ربنا بمساعدة بكري اتاحها لينا..

ونحنا يا كافي البلاء مستكترنها علي بعض..؟!

شي عجيب..!


ياخ عملت ليك صداع..لكن الناس ديل صدعوا بي من اول الصباح..

يلا سلم علي وليداتك الحلوين ديل..وولدك الصغير دا اتا لو لميت فيهو بكملوا ليك

وبكرة بيجي سجيمان يقول : رشا سالم من قبائل النيام نيام

Quote: رشا سلم ليك و لكل الاخوات/ة المتداخات / ون مع اني جديدة و مافي زول قاعد يرسل لي شمار ساي خشيت المسنجر لقيتو عامل زي الروشته سطرين للدواء بس

ويلا ورينا همتك...