|
Re: مـدني ...... حـلـوة ....... (Re: أحمد الشايقي)
|
صديقي احمد الشايقي
مدني من المدن العظيمة بلا شك
عرفنا انك قضيت اجازة نهاية الاسبوع بمدني
بس عاتبين عليك ما اديت الحصاحيصا طلة
برغم الدعوة العندك لزيارتها
كنا نطمع في تشريفك لنا
لكن طالبنك زيارة
| |
|
|
|
|
|
|
Re: مـدني ...... حـلـوة ....... (Re: انعام عبد الحفيظ)
|
Quote: عرفنا انك قضيت اجازة نهاية الاسبوع بمدني
بس عاتبين عليك ما اديت الحصاحيصا طلة
برغم الدعوة العندك لزيارتها
كنا نطمع في تشريفك لنا
لكن طالبنك زيارة |
هاي انعام,
دعوة كريمة أكيدة تلقيتها منكم والأسرة الكريمة وشكري لهم جميعا لطيب متابعتهم وإن ضاق الزمن عن تلبيتها فهي محلوفة ان شاء الله تعالى,
للحصاحيصا وأهلي الطيبين فيها كل تحية
شكرا يا عظيمة
أحمـد
| |
|
|
|
|
|
|
Re: مـدني ...... حـلـوة ....... (Re: أحمد الشايقي)
|
معقولة يا أستاذ أحمد (( حنتوب الجميلة )) خارج الشبكة؟؟ أعيانا البحث عنك يوماً كاملا ، وتأكدنا الآن من يطلع برة الشبكة يكون في عداد (المفقودين) إلى أن يدخلها ،، وكان حظنا خيرا أن سمعنا صوتك أخيراً مفعماً بدفء الوطن ومنسجما مع صوت الكاسيت في طريق العودة إلى الخرطوم،،
منور بوجودك السودان ،، وإن شاء الله الحفلة عجبتك ،،
إلى أن تعود لرياض الخير ، نحن خرج شبكة النور والألق،،
رائع أنت يا بو حميد ،، have a nice stay
to do so
keep your phone out of the reach of Daleal
| |
|
|
|
|
|
|
Re: مـدني ...... حـلـوة ....... (Re: رشا سالم)
|
العـزيـز أحمـد .. كيـف فعلتهـا أيهـا العظيم ؟؟ مش عيب عليك ، تجي لغاية مدني وما نعرف خبر ؟؟؟ كم كنت سأكون سعيد بك لو التقينا ..
ورب النبي العربي يا أحمد عبارتك دي عن مدني ، قالها أحد أصدقائي بالأمس وهو يزورنا في مدني لأول مرة .. وبعد أن أخذناه في جولة (شارع النيل ، قصر الثقافة ، سينما الزمالك ، موقف أمجاد ، وجامعة الجزيرة ...الخ) لم يملك إلا أن يقول :
مـدنـي حلـوة ، والحياة فيها رخيصة .. أصلو صاحبنا ما مصدق إنو الأمجاد ب500 جنيه ، والتكسي ب2500 جنيه .. وكيس التمباك المدنكل من عبد الخق أو بوش ب200 جنيه
قلنا ليهو : كل شئ في مدني سمح إلا والينا الهمام !!!
مـع الحب ونتمنى أن نلتقي في الزيارة القادمة ..
| |
|
|
|
|
|
|
Re: مـدني ...... حـلـوة ....... (Re: حسين يوسف احمد)
|
الحبيب حسين يوسف أحمـد
كانت زيارة خاطفة,
فعلا ندمت فيها على عدم تخصيص وقت أطول,
هنا الجنة على ارض السودان,
كل شئ غني والخضرة (أصلية) والمشاعر دافقـة,
Quote: العـزيـز أحمـد .. كيـف فعلتهـا أيهـا العظيم ؟؟ مش عيب عليك ، تجي لغاية مدني وما نعرف خبر ؟؟؟ كم كنت سأكون سعيد بك لو التقينا ..
|
لم أعرف أنك هناك,
اتصلت بعدد من البورداب,
ربما لنا لقاء سأصر عليه, في المرة القادمـة
أكيد هناك مرات قادمات,
لك التحيات يا عظيم وعيدكم مبارك
أحمـد الشايقي
| |
|
|
|
|
|
|
Re: مـدني ...... حـلـوة ....... (Re: عبد اللطيف بكري أحمد)
|
Quote: رائع أنت يا بو حميد ،، have a nice stay
to do so
keep your phone out of the reach of Daleal |
الريس عبد اللطيف, شكرا للروعـة فأنت مزاجها
من يذهب إلى مدني يشتاق أهلها وهو بينهم,
ومن يذهب إلى الحصاحيصا مفقود مفقود,
التلفون مسجل باسم دلائل
لك التحيات يا عظيم
أحمـد
| |
|
|
|
|
|
|
Re: مـدني ...... حـلـوة ....... (Re: اسامة الخاتم)
|
الحبيب أسامة الخاتم
ياخي أنا وين لاقبكم
مش انتو ناس (خنساء)؟
الزميلة المثال,
وناس صلوح,
الراحلة الباقيـة,
ياخ انتو أهلي عديل كدا,
أنا اصلا كنت قاصد حنتوب, آل التريكي,...
وخالتي الحبيبة هناك,
لكم التحيات ولنا لقاءات إن شاء الله
أحمـد الشايقي
| |
|
|
|
|
|
|
Re: مـدني ...... حـلـوة ....... (Re: أحمد الشايقي)
|
مولانا سلام فعلا مدني حلوة وأنت أحلى كل عام وأنتم بخير ، وخالص التحايا للوالدة أم أحمد تحية لك ناس مدني وكل ناس الدويم تحية لك الأسرة وخصوصا العمين الكريمين بابكر وفضيل تحية خاصة جدا لخالكم العزيز والصديق الكريم حيدر بابكر (حيضر ود الموت) و لا تنسى أن تعرج على ود العوضية وتغترف غرفة من مائه ولك حبي (وربنا يكتب سلامتك)
| |
|
|
|
|
|
|
Re: مـدني ...... حـلـوة ....... (Re: ابي عزالدين البشري)
|
Quote: مولانا سلام فعلا مدني حلوة وأنت أحلى كل عام وأنتم بخير ، وخالص التحايا للوالدة أم أحمد تحية لك ناس مدني وكل ناس الدويم تحية لك الأسرة وخصوصا العمين الكريمين بابكر وفضيل تحية خاصة جدا لخالكم العزيز والصديق الكريم حيدر بابكر (حيضر ود الموت) و لا تنسى أن تعرج على ود العوضية وتغترف غرفة من مائه ولك حبي (وربنا يكتب سلامتك) |
أستاذي الحبيب أبي عز الدين,
لك الشكر الجزيل على المشاعر الطيبة,
وتحياتك وصلت,
وأكيد مدني حلوة وكمان فداسي,
وقفت في فداسي واكتشفت أنها حلوة أنيقـة, وجميلة وغنية أيضا
لكم التحية جميعا
أحمـد الشايقي
| |
|
|
|
|
|
|
Re: مـدني ...... حـلـوة ....... (Re: حمزاوي)
|
الحبيب الخال حمزاوي
عبري بـس
ياخي كمان قول تـبـج وصــاي وبـديـن,
ودلقو ومشـاكـيـلا كمان ,.
نحنا في كل بلـد لينا أحـباب,
والمحـس في عيونا, آل بدر وآل شـلا وآهـل أستاذنا البروف على عثمان,
كانت أيام يا خال حمزاوي,
ليك التحية بس أأكـد ليك,
مدني حلـوة
والقلقالـة كمـان ..........
أحمـد الشايقي
| |
|
|
|
|
|
|
Re: مـدني ...... حـلـوة ....... (Re: sudania2000)
|
الأستاذ الكبير احمد الشايقى السيلام عليكم وعيد مبارك وهنيئا لك وانت تتجول
فى ارض المليون ميل مربع صحبتك السلامه فى حلك وترحالك ورغم نصيحة
الريس عبد اللطيف بكرى نقول ليك ماتنسى دلايل عشان تجوالنا يصبح
استقرارا وامانا بحول الله والواعى مابوصوا التحايا لكل اسرتك
واهلك واصدقائك واجازة سعيده ان شاء الله .
ابو ختم
| |
|
|
|
|
|
|
Re: مـدني ...... حـلـوة ....... (Re: الحارث سرالختم عبد الله)
|
Quote: الأستاذ الكبير احمد الشايقى السيلام عليكم وعيد مبارك وهنيئا لك وانت تتجول
فى ارض المليون ميل مربع صحبتك السلامه فى حلك وترحالك ورغم نصيحة
الريس عبد اللطيف بكرى نقول ليك ماتنسى دلايل عشان تجوالنا يصبح
استقرارا وامانا بحول الله والواعى مابوصوا التحايا لكل اسرتك
واهلك واصدقائك واجازة سعيده ان شاء الله .
ابو ختم |
الاخ الحبيب أبو ختـم
الحارث سر الختم,
لك التحية وللاسرة وبالتأكيد فأرض المليون ميل هي المحبوبة الاولى والعليا,
ونحن كما نحن يا أمتي وفاء وحب لهذا التراب
ومع دلائل أيضا بالتأكيد
مخلصكم
أحمـد الشايقي
| |
|
|
|
|
|
|
Re: مـدني ...... حـلـوة ....... (Re: sudania2000)
|
Quote: السلام عليكم
معقولة؟؟
نور بيتنا
بس ليش ما جيتنا؟؟
تنور مدني بوجودك |
الأخت الكريمـة الدكتورة سودانية
بيتكم منور أكيد بأهله,
تعرفي, أنت من بين القلائل الذين تمكنت من الاتصال بهـم, وكنت سعيدا بالاتصال,
وذلك لعدم توفر هواتف الإخوة البورداب بمدني, واللوم علي أنا في ذلك فمن يقصـد المكان يسأل عن أهله,
كان الوقت المخصص قليلا جدا ووصلتني العديد من الدعوات التي لم أتمكن من تلبيتها,
مرة تانية اكيد حنرجع لزيارة المدينة الحلوة درة المدائن ودمدني ولنا لقاءات بسوحها الجميلة,
وتسلمي يا عظيمة
أحمـد الشايقي
| |
|
|
|
|
|
|
Re: مـدني ...... حـلـوة ....... (Re: أحمد الشايقي)
|
حلوة بمرورك يا موملانا ..
وكمان بالله زرت حنتوب الجميلة التي حوت مدرستنا الحنينة حنتوب ..
يا سلام ..
have a nice stay
to do so
keep your phone out of the reach of Daleal
آوت أوف ريتش بي وين يا ريس عبداللطيف .. نحن وراه والزمن طويل ..
عوداً حميداً يا أستاذ أحمد ..
تحياتي،، جاد
| |
|
|
|
|
|
|
Re: مـدني ...... حـلـوة ....... (Re: JAD)
|
الأخ الحبيب جمال الدين
جــاد
بالتاكيد مدني حلوة
وحنتوب أحلى
وكل شرق وغرب النيل الأزرق الذخار
ليك الشكر
وبرنامج اجازة نلف وندور
من الشرفة وحتى الصالحين في اب حراز
وتحياتي
مخلصك
أحمد الشايقي
| |
|
|
|
|
|
|
Re: مـدني ...... حـلـوة ....... (Re: أحمد الشايقي)
|
الأخ أحمد الشايقي
مدني حلوة وحلاتها بنعرفها جيداً نحن ناسها الشاربين من نيلها الأزرق الطائش. ترحب مدني بك وطالما دخلتها فأنت آمن بأمان صالحيها وقببها ورجالها الذين لا ينامون الليل وهم في ذكر ربهم سائحون.
أبوفتحية
| |
|
|
|
|
|
|
Re: مـدني ...... حـلـوة ....... (Re: الصادق صديق سلمان)
|
الاخ الحبيب
الصادق صديق سلمان,
Quote: الأخ أحمد الشايقي
مدني حلوة وحلاتها بنعرفها جيداً نحن ناسها الشاربين من نيلها الأزرق الطائش. ترحب مدني بك وطالما دخلتها فأنت آمن بأمان صالحيها وقببها ورجالها الذين لا ينامون الليل وهم في ذكر ربهم سائحون.
أبوفتحية |
لك التحية من على البعد
وشكرا للمداخلة التي اتفق معها 100%
قلما التقيت أخاً أو أختاً من هذه المدينة الحضارة إلا وسررت به /هـا والتمست الحضارة والرقي,
ولا يشـذ عن القاعدة إلا من هو غريب عنها حقاً,
مدني الحضارة السودانية وموئل الطبقة الوسطى
ومهـد مؤتمر الخريجين,
أحمـد الشايقي
| |
|
|
|
|
|
|
Re: مـدني ...... حـلـوة ....... (Re: JAD)
|
والله فعلا هيجت شجونا
وانشاء الله استمعت بشارع النيل ودار الاطباء ومسك الختام وقدر ظروفك والبحوث الزراعية ووووووووووو.............................................
تمنى ليك الرجعة السريعة لها دائما
ابومصطفى
| |
|
|
|
|
|
|
مدني الحاصاحيصا الحليلة وبالعكس (Re: أحمد الشايقي)
|
السلام عليكم صديقي الشايقي لا شك أبدا أن مدني مدينة عظيمة ولكن للأسف السياسيين لهم موقف مغلوط تجاههاولذلك تجدها دوما منسية علي المستوي الرسمي
بالمناسبة ستسعد الحليلة بتشريفك لها عند زيارتك المرة القادمة لمدني, وإن شاء الله نحن - نازلين البلد - علي قول أصحابي الشوايقة كان الله هون في القريب علي الأقل تكون فرصة نتلاقي هناك وفي نيتنا نزور كل السودان خاصة والوليدات لسانن داير إنعوج من لغة الترك يا قول حبوبتي بت نمر نخليهن أطلقوا لسانن شوية من التعسمة الواقعة فيو دي من كتر التلج
أها وعلي قول أهلنا في الحليلة
الوصية بالمهلة
ما تخلط بينا وبين الحليلة بانقا فهي قريبة من ناس إنعام أما حليلتنا نحن فهي شمال الكاملين بنحو تلاتة كيلومترات
أما مدني فهي بحق مدينة جميلة وراقية جدا فلي معها بعض الذكريات وإن لم تكن ذكريات سارة فهي خالدة في مخيلتي خاصة حادث الحركة الذي كتب الله لي معه عمر ثان و16 يوم قضيتهاملازما سرير المرض في مستشفي ود مدني صباح يوم سباق الميرغني للدراجات واحد واحد تمانية وتمانين
*****
والله يا إنعام فرصة جميلة إنك تطلي علينا مع الشايقي بعد زيارته لكم في الحصاحيصا فألف مرحب بيكم في الحليلة
نتــــــــواصل
زين العابدين - الحليلة
| |
|
|
|
|
|
|
Re: مدني الحاصاحيصا الحليلة وبالعكس (Re: elhilayla)
|
Quote: والله يا إنعام فرصة جميلة إنك تطلي علينا مع الشايقي بعد زيارته لكم في الحصاحيصا فألف مرحب بيكم في الحليلة
|
اهلييييين بود الحليلة
نحنا نزورك مع احمد او من غيرو
لأنو باين الشقيق ده تقلان علينا شويه
وهو وعد بالزيارة ولسه ما اوفى
على العموم الجايات اكتر من الرايحات
| |
|
|
|
|
|
|
Re: مـدني ...... حـلـوة ....... (Re: عمران بابكر بدري)
|
أخي أحمد
مدني الجزيرة .. مدني السني .. مدني فندق الخواض.. مدني المدنيين..مدني شجرة خضرة.. مدني العشير.. مدني دردق .. مدني جزيرة الفيل.. مدني المزاد.. مدني الحي البريطاني .. مدني المديرية..مدني فندق سنترال .. مدني جنينة ود كريم.. مدني يأتيك عبقها إستهلالاً من مارنجان .. وترحيباً من مارنجان .. مدني حنينة تحتضن من يأتي إليها بأحضان حارة وقلبٍ مفعم أخضر .. الشباب العامل لوطنو في مدني الجزيرة .. مدني محمد مسكين (أرض المحنة)!! كونها أسرتك فهي تعرف جيداً كيف تنزل الناس منازلهم خاصة الشعراء يا صديقي الحبيب من أمثالك.. حبي ومودتي أخوك/ ابوبكر يوسف
| |
|
|
|
|
|
|
Re: مـدني ...... حـلـوة ....... (Re: أحمد الشايقي)
|
Quote: مدني حلـوة
والقلقالـة كمـان .......... |
كيفك يا أبوحميد .. حمد لله على السلامة .. مدني حلوة .. والقلقالة حلوة .. والسودان كله حلو وناسه حلوين كمان .. بس الله يجازي اللكان السبب ..
تحية خاصة لقريبي زين العابدين الحليلة .. لمن لا يعرف أن لقب العائلة هو ود الحليلة ونشتهر بهذا الاسم .. هناك علاقات رحم ومصاهرة بين أبناء المنطقة لذلك نجدهم يتعارفون ومتداخلون ببعضهم البعض .. ربنا يجمعنا على خير في أرض الوطن الحبيب ..
محبتي للجميع ..
| |
|
|
|
|
|
|
|