|
|
|
 Re: الزووول .. الوسيــــم (Re: tmbis)
|
الوسيم علاء
كل سنة و إنت طيب
الأغنية روعة و كلماتها أروع ..
بس هناك صنف وسيم لو كشر عن أنيابو .. الله يجيرك .. و كأنه لبس قناع زى بتاع فيلم SCREAM
| |
 
|
|
|
|
|
|
|
 Re: الزووول .. الوسيــــم (Re: ابو جهينة)
|
كل سنة وأنت طيب يا ريس ..
الأغنية دي سمعتها قبل يومين عند الريس عبد المنعم .. بعد الفطور مباشرة ..
حيرني صوت الطمبـــور .. وصوت النعام آدم .. وكلمات الأغنية.
..
| Quote: بس هناك صنف وسيم لو كشر عن أنيابو |
يعني بتقصد أنو الما وسيــم كان كشر .. والا ما كشر ما محسوبة ليهو ؟؟ 
| |
|
|
|
|
|
|
|
|
 Re: الزووول .. الوسيــــم (Re: البعيو)
|
Quote: شايفك بقيت قاصدنى
عديل فى اسماء بوستاتك |
يا ابو نــورة .. فعلا قاصدك عديل ياوجيه .. بس لو ترفع لي سعر ( النضارة ) شوية
كل سنة وأنت طيب يا عظمة ... والقابلة اكتر وسامة من السنة دي
| |
|
|
|
|
|
|
|
|
|
Re: الزووول .. الوسيــــم (Re: طارق جبريل)
|
العزيز طـــارق جبريل
كل سنة وأنت طيب يا طــارق . . | Quote: بي طريقتك دي بتخلي ليك زول يفلكب عدييييييييييل |
انا بتذكر انك ( فلكبته ) المرة الفاتت مع عبد الرحيم ارقي .. ( دي بلد نحن نفارقه ) .. تاني يعني ..؟ ( دي فلكبه جديده ) ؟؟
اتفلكب على راحتك .. وانا معاك متفلكب ..
حمد الله على السلامة
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
Quote: في طبعو دائما هــادي
النــعام آدم
كلمات : مختــار دفع الله |
عيد سعيد يا تمبس
لا اعتقد ان شاعر الاغنية مختار دفع الله. هل تقصد محمد سعيد دفع الله؟
| |
|
|
|
|
|
|
|
|
 Re: الزووول .. الوسيــــم (Re: ساورا)
|
ســاورا . وهشــام كمــال ، ربيع وعبد اللطيف وكلكم ..
مجذووووب وبغني ..
.
.
وعشان تلقي السكة عيونك
كل سنة وأنتو طيبين يا شباب .. ويومــا مــا ح يغني اطفال العالم لحن واحد
هشام كيفك يا صاحب ؟؟
| |
|
|
|
|
|
|
|
|
|
Re: الزووول .. الوسيــــم (Re: Adil Osman)
|
سلام يا تمبس
مزاج الغناء العالى
ده طوالى شغال
ــــــــــــــــــــــــــ
العزيز عادل عثمان
الاغنية قديمة جدا
واشك ايضا
ان يكون شاعرها
محمد سعيد دفع الله
( وهو الاقرب لذلك رغما عن شكى )
___________________________________
لكن قطع شك
ليس مختار دفع الله
| |
|
|
|
|
|
|
|
|
|
Re: الزووول .. الوسيــــم (Re: عصام عبد الحفيظ)
|
| Quote: وهو الاقرب لذلك رغما عن شكى |
يا عصام .. والله مع المزاج العالي ده .. ( خمشتها) ليك زي ما الخواجة جابه بس ما عارف مختار دفع الله لفحت اسمو من وين ..
الحمد لله لحقتوني حار .. حار
طبعا اللخبطة في الحاجات دي .. ما حبابو
| |
|
|
|
|
|
|
|
|
|
Re: الزووول .. الوسيــــم (Re: Adil Osman)
|
| Quote: لا اعتقد ان شاعر الاغنية مختار دفع الله. هل تقصد محمد سعيد دفع الله؟ |
عــادل عثمان .. يا لحاق بعيد
كل سنة وأنت طيب .. والقابله على امانيك ..
شكرا يا عادل ..
طبعا انا عندي المسالة بتاعت ( خلط ) الحاجات في بعضيها دي عادي جدا ..
الشاعر فعلا محمد سعيــد دفع الله
تعرف لي فترة بفتش لي كلمات الأغنية بشكل صحيح ما لاقيها ياريت كمان ... لو تساعدني بالكلمات بشكل سليم ..
شكرا يا عادل .. وتم التعديل في المكان المطلوب
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
اسم الأغنية : الزول الوسيم
كلمات والحان: محمد سعيد دفع الله
غناء : النعام آدم
الزول الوسيم في طبعو دايما هادي
ومن أو صافوا قول أسكرني هات يا شادي
من حور العيون اختار غزال الوادي
الخد كالزهور تلقاهو دايما نادي
من عينيك سيوف تسطع دوام في فؤادي
فاقت لي سيوف عنتر بني شداد
كل ما مر يوم ازداد علي سهادي
عيني دمعهن بل الفراش ووسادي
ساقيني العذاب ما شفت يوم إسعادي
ولا حنيت يوم تروي القليب الصادي
ليه جافيتني وليه سمعت قول حسادي
ديل عزالي ديل قاصدين دوام إبعادي
مسجون لديك واقع دوام في صفادي
أنت القاسي ما راعيت دوام لودادي
مظلوم ما حصل في يوم وجدت مرادي
مكتوبلي العذاب في جبيني يوم ميلادي
| |
|
|
|
|
|
|
|
|
|
Re: الزووول .. الوسيــــم (Re: Adil Osman) (Re: tmbis)
|
الأخ تمبس, عام دون منغّصات و كفى.
أى شجن يخبئ هذا النعام فى صوته و (طنبوره). لطالما ذكّرنى صوته بأمى فى تلك الأيام البعيييدة وهى تعلّق على الصوت و على الحسرة و المعانى فى صوت النعام , لطالما أسرها الشجن و الحزن( المعطون) فى صوته.
Quote: مظلوم ما حصل في يوم وجدت مرادي
مكتوبلي العذاب في جبيني يوم ميلادي |
و كأنها صرخة من سويداء البلد المكلوم و المغلوب على أمره
| |
|
|
|
|
|
|
|
|
 Re: Re: الزووول .. الوسيــــم (Re: Adil Osman) (Re: رشا سالم)
|
| Quote: ياخ انا قلت ليك الكلام ده اكتبه لي في الماسنجر الداخلي.. |
يا رشــا..
ايووووة .. يعني انا اكتب وأقول Online
واجي اتزرزر ( واتطقش ) Offline وتتغابي فيني العرفة
وبعدين تجي تقولي هو القال .. مش كده ؟؟
كل سنة وأنت طيبة .. يا صديقة الكـــل والجاية على امانيك ..
بعدين قالو ليك .. ( الكعك ) بتاعنــا .. ما تعملي بيهو نايمه
ايوة الكعك بتاعنــا ..
متغربين وبعيدين عن امهاتنا
| |
|
|
|
|
|
|
|
|
|
Re: Re: الزووول .. الوسيــــم (Re: Adil Osman) (Re: عبدالله شمس الدين مصطفى)
|
العزيز عبد الله شمس الدين
عام سعيد .. تتحقق فيه كل الامنيات ..
كنت من قبل امر مرور الكرام في صوت النعام آدم .. أو اكاد لا اتحسس حوار انامله مع اوتار الطمبور ..
لكن يبدو أن مع عوامل الغربــة نصبح اكثر عمقا في بحثنا عن الشجن القديم واشيائنا المفقودة ..
في لحظة شداني صوت الطمبور .. الذي تألمت أوتاره لكأن ما هي شئ ما خفي داخل قلب النعام تترجم احساسه مروراً بصوته الشجــن ..
ليس غريب ان نتحسسه الآن .. بينما اكتشفته الحاجة من ازمان ... الفن الخالد يصمد كثيراً هذا ما تبقى لنــا منهم . فقط ذكراهم وشجن وفن خالد سيضاف إلى رصيدهم في ما امتعونــا
التحية ليك وللحاجة الوالدة .. والف حمة ومغفرة على النعام
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
غايتو بنات الزمن دا ..... جنس قوة عين
كل سنة وانتوا طيبين يا دكتورة....
ولدنا تمس.....
يديك العافية....والفي نيتك ...
محمد الامين في القناة السودانية...يحير...بعد الزمن دا كله ...عظيم وبس
طرمبا
| |
|
|
|
|
|
|
|
|
|
Re: الزووول .. الوسيــــم (Re: رشا سالم)
|
Quote: الإبنة الدكتورة رشا
والله {دخول} بقلب أبيض من الفمر { ليلة تمامه}
وتمس دا ولدي |
..Quote: شفت ده الانا خايفه منو..الناس البيخشوا بين التفاحة وقشرتها
عشان كده بقول لتامبا القضايا العائلية دي نناقشها بعيد.. |
رشـــا ..
غايتو انا ح احسب ليك أسبوع لي قدام .. من بعد عطــلة العيد دي
بالطريقة دي .. بوستاتك ح نمشي نشرك ليها في الخــور
عمك محمد إبراهيم يا رشــا راجعي هنــا
الأستــاذ محمد إبراهيم عبد الماجد .. ( طرمبـة ) على الأبواب
ولازم تتلتلينا معاك الصباح ده ..
امرقي قدامي الماسينجر الحاجات العائلية دي نناقشة بي هناك
| |
|
|
|
|
|
|
|
|
|
Re: الزووول .. الوسيــــم (Re: yasiko)
|
| Quote: من حور العيون اختار غزال الوادي |
شكرا للأستاذ عادل وأظن أن الكلمه (احتار)
تعرف ياتمبس ، زمان ونحن سغار ، كان في برنامج اسمو من الربوع بيقدمو المرحوم المبارك ابراهيم يوم الثلاثاء العصر وكانت الأغنية دي شبه ثابته فيهو مع أغنية أخرى لذات الرائع بيقول فيها ( لاشوفتن تبل الشوق لاردا يطمّن .. اريتك تبقى طيب انت أنا البي كلو هيّن) المهم في الموضوع ياعلاء انو حقيقه أي زول وسيم طبعو دايما هادي بالذات بنات حوا واما (النجاضات) ال
termagant (ولو غلطان صلحوني) مهما كان تناسق تقاطيعهن فبينهن وبين الوسامه مابين حسن نصرالله وأولمرت ، المهم انك بطريقتك دي يوم بتكتل ليك راجل وانت واصل وانا البي كلو هين.
| |
|
|
|
|
|
|
|
|
|
Re: الزووول .. الوسيــــم (Re: محمد المرتضى حامد)
|
العزيز ياسيكو
وأنت بالف خير .. وربنا يحقق الاماني ..
تعال بي راحتك ولسه .. لانو ح نواصل باقي الحاجات دي هنــا بي لنكات الحفظ طبعا .. وراجع تحت رد الملك .. بتلقاهو نزل ليك الكود ..
..
حبيبنا ود المرتضى ..
كل سنة وأنت طيب يا عظمة والقابلة برضو ( اشوفك بي عيوني ديل )..
اريتك تبقى طيب انا البي كلوو هين دي برضو من الحاجات الجميلة بتاعت الزمن الجميل وبي صراحة كده دي العرفت بيها النعام آدم ..
Quote: أي زول وسيم طبعو دايما هادي بالذات بنات حوا واما (النجاضات) ال
termagant |
أمــا الـ decose ( ديكوز ) يا حكومــة في حالة المفرط من الوسامة لابد من ( اكسسوارات ) تتناسب مع الملامــح .. وده الجنن عبد القادر .. ( وكتل ) قيس قبالو
وفي كل الأحوال .. الموت حـــق ..
مش قبل كده قال ليهو .. تفديك الروح اظهر لا تبالي .. يــا غزال الحاجات الحلوة 
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
يا ريت يا تمبس تلقا لينا
الفوسيب القايم دقاق توتيب
جاهل ننو
..............
برضو دي كلمات الشاعر الفذ
محمد سعيد دفع الله أبو شعراء الشايقية والشاعر المثقف
............
أغنية الزول الوسيم ظهرت في برنامج الربوع في أواخر الستينات
وقد كانت أغنية الموسم بدون منازع
الآن التسجيل هو التسجيل القديم نفسه ماعدا إيقاع الطبلة فهو مدبلج وفيهو إخراج من صاحب الأستوديو..
أما صوت النعام آدم حتى الآن لم يلد مثله رحم الشمال.. لم يرتفع الغناء بعده الى هذا الصرح العملاق ماعدا المحاولات القريبة التي يبذلها رائد الطنبور صديق أحمد..
بكل اسف كل هذه الأغنيات القديمة للنعام آدم لاتوجد في شكل فيديو..
ولايعرض التلفزيون له إلا سهرة عملها في آخر عمره وهو لايقدر على حمل الطنبور بالصورة الصحيحة وإنسجام الإيقاع بصورة تبرز من قمة غناء الطنبور.
وكلما يعرض التلفزيون شئ للنعام يعرض من هذه السهرة البائسة
أما من عاش حفلات النعام زمان ومقدرته الفائقة على التطريب وانسجام الإيقاع، يظل عارفا قدر النعام الكبير..
أول مرة جاء ديارنا في عرس فنان الطمبور أحمد محمد صالح.شقيق عبدالرحمن البركل وشقيق عبد الرحيم البركل.. والذي وهبه النعام آدم طنبوره الأول وأعلن في الحفلة نفسها.. أنه يتوج أحمد لقمة غناء الطنبور لجمال صوته وتفرده ولآن صوته يكاد يكون مطابق للنعام.. ولكن أحمد تبرهن وترك الغناء ومسح تسجيلاته.. وكان ذلك أواخر الستينات بقرية ( عقيبة اللمين بالمناصير)..
المرة الثانية رأيت فيها النعام آدم
في الجزيرة شيري بالمناصير في عام 1970 في طهورة أولاد سليمان حامد ود بت الشاعر.. وكانت الحفلة ضهرية والمايكرفون مربوط في ( كروقة التمرة).. وفي ولد شافع كان اسمو النعام من شدة إعجاب أمو بالنعام كان عمرو 12 سنة جاء للنعام قالوا أنا مسمني عليك يا النعام طلع النعام من جيبو عشرة جنيهات أعطاها ليهو.. عشرة جنيهات سنة سبعين تعادل مليون الآن..
.......
ثم توالت مشاهداتي لحفلات النعام بعد ذلك
أما الزول الوسيم فكانت حدث وقتها لوحدها
أبدع فيها الشاعر محمد سعيد دفع الله
...........
عاد حمد سعيد شن عندو ليك يا السر
بلا ألم إنطوى إنترجم بقالو شعر
...
والسر هنا
هو الشاعر
السر عثمان الطيب هذا كمان قامة أخري في الشعر له مدرسته الخاصة
| |
|
|
|
|
|
|
|
|
 Re: الزووول .. الوسيــــم (Re: منصوري)
|
اختيار رائع و شكرا يا ذوق 
بس ما كنت اتوقع انك تسمع للنعامة ادم ;(
صغير و جاهل انت
الزول الوسيم في طبعو دايما هادي
ومن أو صافوا قول أسكرني هات يا شادي
من حور العيون اختار غزال الوادي
الخد كالزهور تلقاهو دايما نادي
من عينيك سيوف تسطع دوام في فؤادي
فاقت لي سيوف عنتر بني شداد
كل ما مر يوم ازداد علي سهادي
عيني دمعهن بل الفراش ووسادي
ساقيني العذاب ما شفت يوم إسعادي
ولا حنيت يوم تروي القليب الصادي
ليه جافيتني وليه سمعت قول حسادي
ديل عزالي ديل قاصدين دوام إبعادي
مسجون لديك واقع دوام في صفادي
أنت القاسي ما راعيت دوام لودادي
مظلوم ما حصل في يوم وجدت مرادي
مكتوبلي العذاب في جبيني يوم ميلادي
| |
|
|
|
|
|
|
|
|
 Re: الزووول .. الوسيــــم (Re: sudania2000)
|
| Quote: بس ما كنت اتوقع انك تسمع للنعامة ادم |
سودانية ..
كان قلت ليك في ( عبد الرحمن + ) تقولي شنو ..؟؟
تعرفي ..؟ عبد الرحمن بلاص ده بالذات زمان كنت لما يجيبوهو في الرادي .. بحس بي كآبة شديدة جدا .. فقام اكتشف السمالة دي أخوى .. وبقت مشروع ( مكاواة ) تصل حد البكا..
لكن مع نظرية التطور بتاعت الأنسان بقيت عادي جدا اسمعو..
شكرا سودانية يا ذوق .. والقابلة على امانيك
| |
|
|
|
|
|
|
|
|
|
Re: الزووول .. الوسيــــم (Re: منصوري)
|
Quote: أغنية الزول الوسيم ظهرت في برنامج الربوع في أواخر الستينات
وقد كانت أغنية الموسم بدون منازع
الآن التسجيل هو التسجيل القديم نفسه ماعدا إيقاع الطبلة فهو مدبلج وفيهو إخراج من صاحب الأستوديو..
أما صوت النعام آدم حتى الآن لم يلد مثله رحم الشمال.. لم يرتفع الغناء بعده الى هذا الصرح العملاق ماعدا المحاولات القريبة التي يبذلها رائد الطنبور صديق أحمد..
بكل اسف كل هذه الأغنيات القديمة للنعام آدم لاتوجد في شكل فيديو..
ولايعرض التلفزيون له إلا سهرة عملها في آخر عمره وهو لايقدر على حمل الطنبور بالصورة الصحيحة وإنسجام الإيقاع بصورة تبرز من قمة غناء الطنبور.
وكلما يعرض التلفزيون شئ للنعام يعرض من هذه السهرة البائسة
أما من عاش حفلات النعام زمان ومقدرته الفائقة على التطريب وانسجام الإيقاع، يظل عارفا قدر النعام الكبير..
أول مرة جاء ديارنا في عرس فنان الطمبور أحمد محمد صالح.شقيق عبدالرحمن البركل وشقيق عبد الرحيم البركل.. والذي وهبه النعام آدم طنبوره الأول وأعلن في الحفلة نفسها.. أنه يتوج أحمد لقمة غناء الطنبور لجمال صوته وتفرده ولآن صوته يكاد يكون مطابق للنعام.. ولكن أحمد تبرهن وترك الغناء ومسح تسجيلاته.. وكان ذلك أواخر الستينات بقرية ( عقيبة اللمين بالمناصير)..
المرة الثانية رأيت فيها النعام آدم
في الجزيرة شيري بالمناصير في عام 1970 في طهورة أولاد سليمان حامد ود بت الشاعر.. وكانت الحفلة ضهرية والمايكرفون مربوط في ( كروقة التمرة).. وفي ولد شافع كان اسمو النعام من شدة إعجاب أمو بالنعام كان عمرو 12 سنة جاء للنعام قالوا أنا مسمني عليك يا النعام طلع النعام من جيبو عشرة جنيهات أعطاها ليهو.. عشرة جنيهات سنة سبعين تعادل مليون الآن..
.......
ثم توالت مشاهداتي لحفلات النعام بعد ذلك
أما الزول الوسيم فكانت حدث وقتها لوحدها
أبدع فيها الشاعر محمد سعيد دفع الله
...........
عاد حمد سعيد شن عندو ليك يا السر
بلا ألم إنطوى إنترجم بقالو شعر
...
والسر هنا
هو الشاعر
السر عثمان الطيب هذا كمان قامة أخري في الشعر له مدرسته الخاصة |
منصوري
كل عام وانت بخير
يااخي دى حكي جميل جدا عن قامات سوامق يا ريت تواصل فيه وتكمل كلامك عن النعام و الشاعر محمد سعيد دفع الله والسر عثمان الطيب ..شعراء الطمبور ومغنيه مظلومين وحقهم كبير على حركة الفنون عندنا ياريت نجزيهم على ابداعهم بالكتابه
دمت ومودتي
| |
|
|
|
|
|
|
|
|
|
Re: الزووول .. الوسيــــم (Re: Aymen Tabir)
|
تمبس يا صديقي
كل عام وانت بخير ويحقق امنياتك يا رب
وزي ما قلته ليك في بوست الخور يديك الفي مرادك
شكرا على نكهة حاجاتك الحلوه الدايمن خاصه ومميزه
والله بالزول الوسيم جعلته للعيد طعم
عندي مشكله طبعا الاغنيه ما فتحت بظهر مستطيل فاضي لكن الكلمات كانت كفايه وصوت النعام وحس طمبوره في الراس ما اتنسى الحقنا باللنك وكتر من الطمبور الواحد خايف يتكلم عن شايقيته يلحقوا حميد (وجه ضاحك حق مكاوه).
ابقي بخير يا وسيم الخلق والاخلاق
ود السر!
| |
|
|
|
|
|
|
|
|
|
Re: الزووول .. الوسيــــم (Re: Aymen Tabir)
|
| Quote: البيخشوا بين التفاحة وقشرتها |
يااااااي ..
أها .. كده كويس !!!
( قشرت ) بيك الديامية .. يا وسيم .
أمشي إتشالق تاني .
يا أصلي ..
أسمع كمان : ( كيف أنساك يا سمح الخصايل ) ..
فيها مقطع يتور النفس :
البت أم رشوم بت القبايل
جات تقدل متل ود الأرايل
و أديها واحد كيسنجر بعد داك ..
و تنوم و تنجر على خير 
شكرا يا تامبا على صباحات عيد وسيمة زيك ..
كل سنة و إنت كده : باراي وجع .. و جميل .
| |
|
|
|
|
|
|
|
|
|
Re: الزووول .. الوسيــــم (Re: Emad Abdulla)
|
| Quote: ( قشرت ) بيك الديامية |
والله ياعمدة الديامية فعلا .. ضاربه سلم عالي جدا ..
.
لكن ما قلت ليك .. الديامية الجد جد بي وراء البحر .. كاسرة حاجات كتيرة جدا
بجيك وكلامي ده بتسمعو ..
| |
|
|
|
|
|
|
|
|
|
Re: الزووول .. الوسيــــم (Re: Aymen Tabir)
|
صديقي وصاحبي العزيز
ايمن تابر
كل سنة وأنت طيب بالرغم من العيد الكسح .. وما شاورنــا ده ..
| Quote: عندي مشكله طبعا الاغنيه ما فتحت بظهر مستطيل فاضي |
ومعليش مفترض من بدري كان ارد ليك على الجزئية دي بالذات ..
تعرف عندك مشكلة في البرامج التشغيلية .. غالباً الـ Real Player
لانو الملف ده عاملو على نفس البرنامج ده ومفترض يشتغل معاك مباشرة
حاول اعمل تحديث للبرنامج من هنـــا
http://europe.real.com/player/?&src=ZG.eu.idx,ZG.eu.sp.sp.hd.def
في آخر الصفحة بتلقى ايقونة على ايدك اليمين مكتوب عليها
Download the free
RealPlayer only
اضغط عليها وبتديك النسخة المجانية .. بتشتغل معاك على طول ..
| |
|
|
|
|
|
|
|
|
|
Re: الزووول .. الوسيــــم (Re: منصوري)
|
العزيز منصوري ..
كل سنة وأنت طيب .. وربنا يحقق الأماني ...
..
مرورك بذكريات الملك النعام .. اسعدني واضاف بعد آخر للبوست عن جانب جميل من حياة الملك النعام آدم ..
هنيالك أن كنت بالقرب من النعام .. وبين كل هؤلاء ممن تربعوا على عرش اغنية الطمبور ..
اطمع في عودتك مرة أخرى .. لنجعل من هذا البوست فيه من التوثيق .. ومن نداوة وشجن النعام آدم وذكرياته الجميلة ..
أكون ممنون لحضورك مرة أخرى ..
التحية لك وللجميع
| |
|
|
|
|
|
|
|
|
|
Re: كل عام وأنتم بخير بمناسبة عيد الفطر المبارك (Re: تولوس)
|
الأخ تمبس .. تحياتي .. وكل عام وأنت بخير .. وشكراً على هذا البوست
الذي يطلق شعرة الجلد في إكفهرار المنبر وتكشيرته والدنيا عيد
وتبسمك في وجه أخيك صدقة كما ورد في الأثر .. إختيار للنعام آدم
موفق جداً (من وجهة نظري) .. وكمان الزول الوسيم ..
طبعا تعليقاتكم
انتا وأبوجهينة خارج النص لأنو (الزول) معرف بالألف واللام .. يعني
مش أي زول .. وقد حذفت التاء للضرورة الشعرية ثانياً .. أما أولاً
فاللضرورات المجتمعية .. مش الفنان إحساس بقول الزول زولي لنفس
الغرض غير الشعري ..
هذا التنقيب عن الكلام القديم (البشق القلوب قبل الجلود) .. يجعلك
تسير في درب ود الموج .. فعليك بمحمد عمر الرباطابي:
شايل برقو عبادي
وأصيح دائما عليه وانادي
ويشرد مني لغادي ..
ود. مبارك بشير يقول:
كل الحبيبات الجميلات مستحيلات
ونزار يقول:
أنا عنك ما حدثتهم
لكنهم لمحوك تغتسلين
في أحداقي
ويقول أيضا:
أأسبانية ساءلتها؟
قالت: وفي غرناطة ميلادي
غرناطة؟!!!!!
وصحت قرون سبعة
في تينك العينين بعد رقاد
وجماع يقول:
أنتي السماء بدت لنا
واستعصمت بالبعد عنا
واحدهم يقول:
واحدين قالوا شفنا الشافه
وآخر يقول:
نمر على الأبواب من غير حاجة
عسى أن نراهم أو نرى من رآهم
(شوف بالله التعمية في "نراهم" دي كيف؟
وشيخنا الأمدرماني محمد أحمد محجوب يقول:
قالت وقد أمعنت في تقبيلها
ماذا بربك تنفع القبلات
فخطفت كالطير المغرد قبلة
ضحكت لرنة وقعها النونات
وقد قال شخينا دكين أن  تسمية نونات جاءت لوقوع
نقطة النون في قلب شبه الدائرة كما وقوع حفرة
النونات في قلب دائرة الخد والله أعلم)
وأقول :
أستغفر الله .. وكل عام وأنتم بخير
| |
|
|
|
|
|
|
|
|
|
Re: كل عام وأنتم بخير بمناسبة عيد الفطر المبارك (Re: Muna Khugali)
|
الأخ الفنان علاء
كل سنة إنت وضيوفك الكرام بخير
تعرف خذلتني خذلان جميل خالص
قبل ساعة تقريبا، استمعت للزول الوسيم في تلفزيون السودان
بصوت جعفر السقيد فتحسرت أيما حسرة
ولما جيت دخلت النت افتكرتك سجلتها من نفس الحلقة
لكن الحمد لله لم أخذل في ذوقك الجميل...
أنا بفتكر الفنانين البيحبوا النعام ويحترموه
المفروض ما يغنوا ليهو..
المرحوم النعام آدم ده فنان بصمة لا يشبهه أحد
وهو يمتلك نمة في صوته قادرة على تطريب الحجار اليابسة
ويخيل إليك وأنت تستمع للنعام بأن الطمبور عنده ليست آلة شعبية
فقط بل هي مزمار من مزامير داوود.
والله يا علاء الأغنية دي ريحتني راحة كبيرة خالص
لك الشكر والتقدير وأنا مدين لك بهذا الإمتاع الجميل
ورحم الله فناننا الكبير رحمة واسعة.
| |
|
|
|
|
|
|
|
|
|
Re: كل عام وأنتم بخير بمناسبة عيد الفطر المبارك (Re: Nasruddin Al Basheer)
|
منى خوجــلي وسط الدارهـ ؟؟
بعد الـ ( تقطة ) عليك ( بالشبال ) المكرب بس
..
نصر الدين ..
وأنت بالف خير مع تحقيق كل امانيك ..
| Quote: المفروض ما يغنوا ليهو.. |
تعرف يانصر كنت متابع الحلقة بعيد من البيت وعكس اتحسرت لي اني ما سمعتها ، مع انو برضو بتضامن معاك في مسالة التقليد البيفقد اللونية والطعم الحقيقي .. لكن جعفر السقيد والمجموعة اكيد ما ح يكونوا زي الملك الاصلي .. وكانت برضو لفته جميلة منهم أن بدو بي النعام وختموهــا بالنعام عرفانــا ورد للجميل .. مع الملاحظة أنو اغاني النعام اختفت تماما من الإذاعة السودانيةمن خلال متابعتي ليها من فترة ..
فإذا لقينا بعد كل فترة حتى ولو القليل .. ما بيضر على الاقل بيسد الرمق ..
اما طمبور النعام فهو بدون شك حالة استثنائية ونادرة جدا بنلقى فيها كل شئ وبينقلنا من ريحة الجروف لي صوت الطير .. لحنين الأم ، لخطوات الزول الوسيم وأجمل ما فيهو التوقيع للاسم في خاتمة كل عمل ..
علي كل يانصر الدين سعيد بأني اضفت ليك سعادة مع العيد الجا ماشي فينا ( فووو ) ده
وأتمنى اني اكون دائما اختار ما يرضي الجميع ويتفاعلوا معاهو وجدانيا..
| |
|
|
|
|
|
|
|
|
|
Re: كل عام وأنتم بخير بمناسبة عيد الفطر المبارك (Re: Mohamed Abdelgaleel)
|
اهـــا يا جنرال عبد الجليل ده الكلام البنفتش عليهو زاتو
يقوم النعام آدم يلف بيك بي طمبورو ده ويطلع منكم زي الحاجات دي ..
شي برق .. وشي نونات . وما خفى كان اجمل ..
حتى الطير .. ومنقارو .. وبالمناسبة المرة الفاتت لما شرحت لي المسالة دي .. قدرت اتخيله في وقتها بس لما قعدت براي .. جاتني من زاويا تانية ، صعب انو يتكرر فيها نفس التصوير ده وطبعا كل السبب هي ..
كل الاماني الطيبة ياجنرال .. ودائما انا قاعد اشيل منك وزي ما شايفني بجيد الاستماع والاستمتاع بس ..
| |
|
|
|
|
|
|
|
|
|
Re: كل سنة وانت طيب (Re: ود الباوقة)
|
هشــام كمال يا زوق يافنان..
اكيد الطمبور ده هبشك في حتة معينة قاعد اعرفه كويس .. ونوعية الهبشة دي بتطلع كل الجــوة دفعه واحده ..
اطلع من جــوه بالفيها النصيب ..
.
.
الريس ود الباوقة ...
بالمناسبة عندك دفعة جديدة جاهزة .. جهز المواعين بس
كل سنة وانت بي كل امانيك ..
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
يا رفيق مالك علينا ..
الدنيا عيد والدميعات على الهبشة ..
تعرف من يوم ما سمعنا الأغنية دي والحالة ماشه لي وراء ..
الله يجازي اللكان السبب ( الباش مهندس طبعاً ) في الدنيا والأخرة ويسعده ويهنيه ..
لي عشق خاص لغناء الطمبور وخصوصاً الراحل النعام ومحمد جبارة ..
والسحارة عامرة زي ما إنت عارف ..
وزي الحاجات دي ما بتمرق بالساهل كده ..
تورت علينا الضرس وقلبت علينا المواجع ..
يا وسيم وهادي ..
| |
|
|
|
|
|
|
|
|
|
Re: الزووول .. الوسيــــم (Re: معتصم دفع الله)
|
معتصم يا( دفينس ) يا( صديق )
يا دافننو مع بعض ..
بعدين ما تطلع اسرار أشجان ما خلف الظل وتداعيات الغرفة .. ا،ت ما عارف بيمسكوك لي قدام .. ما عارف الالغام متربصة بيك .. وبي
الباش مهندس معودنــا على السمع العميق ـ الله يخلي لينا بادي كمان
ح تفضل ذكرى اليوم ده ما بتتنسي ـ ما شفتني ( اتململته ) كيف ..؟
اغاني الطمبور غنية بالمواجع .. والتعويدة عليها بتعمل نفسيات ـ وانا قلت ليك اكتر من مرة الايامات دي والجاية ابعد عن الطمبور وغنيلو .. لحدي ما يصبح الصبح ..
والحاجات تبقى ظاهرة وبتتشاف بالعين المجردة
اسأل مجرب ياأبو الدفاع ..
اسأل مجرب
| |
|
|
|
|
|
|
|
|
|
Re: الزووول .. الوسيــــم (Re: الملك)
|
الملـــلك ناجي
شكرا لي كود الوسيم بتاع الحفظ ..
ما عدمناك ياصاحب .. بتسدهــا وقدود ..
.
.
النعام ده برضو من ضمن المراكب البتبحر بسرعة برضو عامر زي عميري بيومضو فجأة وبيختفوا للابد ..
ليهم الرحمة والمغفرة ولنــا ما تركوه من آلم .. وشجن .. وكلام جميل
| |
|
|
|
|
|
|
|
|
|
Re: الزووول .. الوسيــــم (Re: Ibrahim Adlan)
|
استاذنــا ابراهيم عدلان
كل عام وأنت بالف خير .. دعوتك بالجد في حوجه شديده ليها بالذات الايامات دي
بقول آمين كبيرة جدا لعدة اسباب ..
والحمد لله عمنــا النعام .. وصل ليك الطيب الجاي مننا ليك
الف شرك .. وربنا يجعل ايامك كلها اعياد
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
السلام عليكم
هسي يا جماعة
المنبر ده فيهو زوول اسمو الزوول
غير الزوول؟؟
..........
غايتو ....جنس سلبطة
شكراً يا تمبس على الإهداء
وعيدكم مبارك
........................
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
|
Re: الزووول .. الوسيــــم (Re: الزوول)
|
تمبس
صمنا وفطرنا على خير
وعيدنا بالزول الوسيم
الاخ الزوول ياخي الراجل يقول ليك الزول الوسيم تقول ليهو
| Quote: وما الناس إلا هالك وأبن هالك *** وذو نسب في الهالكين عريق |
اسي في داعي للكلام الشين في ايام العيد دي
| |
|
|
|
|
|
|
|
|
|
Re: الزووول .. الوسيــــم (Re: Marouf Sanad)
|
السلام عليكم
سلامات يا معروف
تعرف...
كنت دائماً حريصاً على إخفاء إمضائي هذا في بعض الحالات التي لا تليق ، كما أفعل عادة في بوستات التعزية وكما أحرص عادة على تغيير لون الخط في تلك الحالات ايضاً
ولكني لم ألحظ هذا في هذا البوست فلك الشكر على التذكير..
وتقبل مني هذه الطرفة التي ربما لها صلة بالموضوع ...
قدم علي بن الجهم على المتوكل - و كان بدويًّا جافياً - فأنشده قصيدة قال فيها :
أنت كالكلب في وفائه، وكالتيس في قرع الخطوب
فعرف المتوكل قوته ، و رقّة مقصده و خشونة لفظه ، وذلك لأنه وصف كما رأى و لعدم المخالطة و ملازمة البادية . فأمرله بدار حسنة على شاطئ دجلة فيها بستان يتخلله نسيم لطيف و الجسر قريب منه ، فأقام ستة أشهر على ذلك ثم استدعاه الخليفة لينشد ، فقال :
عيون المها بين الرصافة والجسر جلبن الهوى من حيث أدري ولا أدري
فقال المتوكل : أوقفوه ، فأنا أخشى أن يذوب رقة و لطافة !
........................
إن العيون التي في طرفها حور *** قتلننا ثم لم يحيين قتلانا
يصرعن ذا اللب حتى لا حراك به *** وهنَّ أضعف خلق الله أركانا
| |
|
|
|
|
|
|
|
|
|
Re: الزووول .. الوسيــــم (Re: الزوول)
|
الزووول
كويس جدا أنت ومعروف حليتو المسالة وديا من غير تدخل قوات اممية
والمساحة حرة ومفتوحة ليكم الاتنين .. النفوس كان اتطايبت اصلو عوجه مافي ..
| |
|
|
|
|
|
|
|
|
|
Re: الزووول .. الوسيــــم (Re: الزوول)
|
الزووول الوسيم
ياخي والله تستاهل مليون بوست . من ترحيب لحدي اي حاجة تجي في بالك ..
باقي الشغل ياعمدة ـ وصل ولسه مااستلمت .. وإن شاء الله بعد الفكفكة للحاجات ح تشوف ليك وسامه ما حصلت يازوووول ..
كل سنة وانت بالف خير ..
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
Quote: هسي يا جماعة
المنبر ده فيهو زوول اسمو الزوول
غير الزوول؟؟ |
تصدق كان قلت ليك انا دخلت البوست دا عشان اقترح الإهداء يكون ليه؟
تامبا يافنان رايك شنو؟
| |
|
|
|
|
|
|
|
|
|
Re: الزووول .. الوسيــــم (Re: ملكة سبأ)
|
الحبيب تمبس
لعل الحديث في حضرة هذا الكرنفال والإحتفال الجمالي الرهيب يفسد طعمه... ولكن فقط نقول هكذا ذوقك الرفيع دوماً في إنتقاء الأشياء.
ولكن كما نعلم أن الوسامة للرجل والجمال للمرأة ... فاذا قبلنا هذا لشفاعة الجمال في هذا العمل من الشاعر محمد سعيد دفع الله .... لماذا كل جميلة وكل وسيم هم على قدر من الأدب والهدوء الجميل والحياء ... ( رغم نشوز البعض منهم ) ... لكن ما هي القرينة بين الجمال وهذه السمة المليحة .
تحياتي
| |
|
|
|
|
|
|
|
|
|
Re: الزووول .. الوسيــــم (Re: tmbis)
|
Quote: كل سنة وأنت طيب يا ريس ..
الأغنية دي سمعتها قبل يومين عند الريس عبد المنعم .. بعد الفطور مباشرة ..
حيرني صوت الطمبـــور .. وصوت النعام آدم .. وكلمات الأغنية. |
شفت يا معتصم صاحبك ضرب الفطور وسمع الكروان بادى لمن سكر و أخد معاه ملك الطنبور وكمان جاى فى البوست داير إكبرنى و يطلعنى قدر عبد المنعم عبدالعال .... طيب تعالو تانى !!!؟؟؟
إزيك يا بدر البدور تحياتى ليك وكل الإهل ، شنو ما تدينا طله فى الرياض حتى ولو عملتها غشية صغيرة زى بتاعت محمد السنى وهو فى طريقه للعمرة بسط كل أهل الرياض وقدم عيديه كانت ولا أحلى .
وأخيرا قالو : الزول السمح فات فات الكبار و القدرو .
| |
|
|
|
|
|
|
| |
tmbis
ابو جهينة
طارق جبريل
Adil Osman
عصام عبد الحفيظ
عبدالله شمس الدين مصطفى
رشا سالم
yasiko
محمد المرتضى حامد
منصوري
Aymen Tabir
Emad Abdulla
رأفت ميلاد
ابي عزالدين البشري
تولوس
Mohamed Abdelgaleel
Muna Khugali
Nasruddin Al Basheer
معتصم دفع الله
الملك
الزوول
Marouf Sanad
القلب النابض
ملكة سبأ
مجاهد عبد الرحمن
doma
بدرالدين شنا
فيس بوك
تويتر
انستقرام
يوتيوب
بنتيريست