|
يعنى هسه أنا كان داير لى "كيان" أتلما على وين؟
|
المشكلة هى إنه أنا "السودان"
تقريبا كل السودان، أو ينقص قليلا
طيب
الوالد
أبوهو من قبيلة المسلمية، رهط "مسلم بن جماز" أهل الشيخ "حسن ود حسونة"، من مسلمية البطانة
وأمه خليط من الرفاعيين والبطاحين، جزء من النيل الأزرق وجزء من البطانة برضو
يغنى كدى يبقى تلاتة قبائل
الوالدة
أمها من الجعليين الكتياب
وأبوها، وتعال شوف ليك لخبطة عاد
أم أبوها برضو من الرفاعيين، دى ساهلة شوية
لكين تعال شوف أبو أبوها
أمه من المحس، ناس ود أرباب العقائد فى الخرطوم وتوتى وناس الخليفة بركات فى العليفون
وأبوهو خليط شكرية ورفاعيين برضو، إسمه الشيخ محمد على ود حمد العربى أخو الشيخ حياتى ود حمد العربى بى أبوهو
يعنى كدى وصلنا ستة قبائل
يا ريت كان فى زول منهم زمان دخل فينا جزء من الدينكا أو الباريا وجزء تانى من الفور أو المساليت أو البرتا ده بالطريقة المباشرة يعنى، أما بالطريقة غير المباشرة، فأكيد ومليون فى المية فيهم جزء وجزء اصيل كمان داخل فينى، لأنه القائمة الفوق دى كلها خليط بين العنصر العربى "الوافد" والعنصر "الما عربى" الصيل، نسميهو الزنجى أو الحامى أو الأفريقى، ما مهم، المهم الموضوع وما فيهو، خليط ومزيج، عصبا عننا كلنا
المهم الزول هسه كان ممكن "يتشلخ" علم السودان، بس يكون العلم القديم ما الجديد، لأنه العلم الجديد ده ما راكب لى فى راسى، وطوالى بعد داك أترشح رئيس لعموم شعب السودان
يا ريت والله بالجد
أما البجة ديلك، فأنا متأكد إننا داخلين فيهم أكيد، بس ناسنا زمان ما بكونو وعوا بالشى ده أو ما بكون فرزوهو ساى
يا اخوانا ما تخليكم من حكاية قبيلتى وقبيلتك دى شوية ليه ما يكون فى قبيلة واحدة بس إسمها "السودان"
المانع شنو يعنى
على بالإيمان كان الزول عاين كويس فى الخلق الحايمة جوه السودان ديل، اصلا ما حيلقى فرق
أنا من قبيلة السودان
ومن هنا أعلن قيام "كيان السودان"
أى زول داير ينضم معاى حبابو
وعما قريب حيصدر البيان الأول ل
"كيان السودان"
|
|
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: Dr. Abdalla Siddig)
|
العزيز
د. عبد الله صديق
تحايا كاملة الندى وسلام أخضر ليك
وآلاف المراحب بيك
والفكرة طبعا إنه أى إنسان يؤسس كيانه الواحد الموحد المتعايش والجميل جوه دواخله
وبى كده نكون أسسنا لوطن متعافى وخيّر يشيل الناس كلها
ومؤكد إنت واحد من عشاق الوطن
دمت طيب إن شاء الله ودام الوطن لينا جميعا
وعميق الإمتنان يا دكتور
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: فيصل محمد خليل)
|
العزيز
فيصل محمد خليل
تحياتى وودى يا "قريبى"
تعرف قريبى دى أنا جاد فيها والله يا فيصل
وليه لا؟
هسه يمكن نكون أهل عديل كده، يمكن قبل سبعة أو تمانية أجداد، نكون كنا أسرة واحدة فى بيت واحد
عشان كده أنا مصر إنه السودان والسودانيين ديل حاجة واحدة مهما تباعدت الأشياء وإختلفت
شكرا ليك يا فيصل وأعلن والله فرحى بيك
وأهديك المعزة والتقدير كله
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: Tabaldina)
|
إزيك يا تبلدينا
يا ريت والله
بس يا ريت لوحدها ما مجدية
المجدى والأهم إنه لازم نعمق الإنتماء داخل النفوس ونمشى على كده
لازم نبعد من ضيق الأفق الجهوى والقبلى ونتمسك بكيان واحد إسمه السودان
كل واحد فيهو ليهو نفس الحق والواجب
وتسلم يا سيدى
وإنت معانا معانا أكيد
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: أبوذر بابكر)
|
........ يا زول هووووووووي
...... أبعد من كيان السودان ده...........
.............. علي بالايمان يوديك في خبر كانا ذاتا..............
.................. ويلحقك علي عبداللطيف كان ما أمات طه
............... لو عايز تاكل لؤمة حلوة يا حبيب ........
................ شد حيلك كده .......
............... و أبقى جبهة.... ....
................ عديييييييييييييييييييييل كده
,,,,, ولو عايز تتشحتف في الدنيا دي وتبقى غفاري زي اسمك
.............. وتاكل لؤمة مش حلوة وتتدين من كل بنوك الدنيا
................. خليك معانا بيجاي.............
.................... في صف الشحاتين بتوع...............
....................... كيان السودان ........
..................... والله المستعان
11111111111111111 فاروق حامد!!!!!!!!!!!! الشحااااااااات
؟؟؟؟؟؟؟؟؟؟؟؟؟؟؟؟؟؟ لكن ما جبهة!!!!!!!!!!!!!!!
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: فاروق حامد محمد)
|
كيف الحال يا فاروق
وعساك طيب وبألف خير
والله يا فاروق لو بقينا حاجة واحدة وبعيد من كل البلاوى الضيقة دى
أكيد ما حنشحد ولا حنشقى ونتعب
بس كيف نكون واحد
وكيف يبقى سودان واحد
وما تسمع الجوطه الكتيره دى
على الإيمان السودانيين ديل كلهم زول واحد
كدى خلى أى زول يعاين جواهو
وتسلم يا زول يا زين
وخليك معانا بس
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: أبوذر بابكر)
|
يا أبوذر موضوعك دا بيقودنا لمسألة الهوية ومشكلة السودان الأساسية .. من أين نبدأ وكيف ننطلق لنؤسس كيان الوطن السودان ليضم كل قبائله وثقافاته .. من أجل رابط واحد يوحدنا مهما إختلفت أفكارنا وتوجهاتنا .. يعني السودان يبقى همنا الأول وخلاف ذلك لا يهم ..
فوووووووووووق ..
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: عبده عبدا لحميد جاد الله)
|
العزيز
عبده جاد الله
الناس دى كلهم مقيدين، شاؤوا أم أبوا
وما عندنا مفر والله يا عبده ولا جيهة نقبل عليها غير السودان
ومهما تعاظمت الرزايا وكترت الخطوب، أنا متفائل إنه حيرجع وهو أقوى وأجمل
يمكن الناس تشوف إنه ده كلام نرجسى وتهاويم خيالية ساى
لكين العبر والشواهد كتيرة فى غيرنا من الأمم والمجتمعات
وأكيد حنبنيهو البنحلم بيهو يوماتى
شكرا ليك كتير يا زول يا سمح
وجاد الخالق عليك بما تحب وتشتهى
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: abuguta)
|
العزيز أحمد
إزيك يا ابوقوتة وكيف أحوالك
طولنا منك ياخى
تعرف
العبادى ده مفروض بعد ما قال
يكفى النيل أبونا والجنس سودانى
ومع إنه أى سودانى أكيد فيهو حتة من طين النيل ومويته كان برضو يدخل لينا باقى الوديان والعيون والسهول والجبال
وسجلناك معانا وفينا
وتسلم يا ابوحميد
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: أبوذر بابكر)
|
الأخ أبو ذر
سجلني معاك طووووووالي . لكن بشرطين
الأول: بعدين لمن نجي لاقتسام السلطة تديني منصب مستشار لرئيس الجمهورية اللي هو إنت.
التاني: ما تعين معاي اي مستشار تاني يعني أكون أنا المستشار الوحيد. ولو أصريت شدييييييد إنك تعين معاي مستشارين. مافي مانع لكن ما يزيدوا من اتنين. وفي الحالة دي أنا أكون كبيييييييــــــــر المستشارين. موافق وللا أشيل كلاشنكوفي وأدخل العشر.
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: الزاكى عبد الحميد)
|
العزيز
زاكى العبير
تحياتى
وحنظل متمسكين بيهو لآخر زفرة نفس وقطرة ريق
لأنه فعلا بستاهل يكون ويبقى
والشعب السودانى كله شعب متفرد ومتميز فى كل حاجه
والله يا الزاكى الزول فى حياته لاقى يمكن كل شعوب الأرض وعاش معاهم
وأجزم إنه مافى شعب زينا، فى كل شى
عشان كده لازم نحافظ "علينا" وعلى البلد
ولن نحيد ابدا
وودى وإمتنانى ليك
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: shammashi)
|
تحياتى يا شماشى
كيف الأحوال يا زول يا زين
شروطك كلها مجابة
المشكلة إنه نحن لسه ما دخلنا مرحلة العمل السياسى الهم الأول والمُلح، هو إننا نجمع السودانيين كلهم فى بيت واحد وكيف كل سودانى يحس وبعمق إنه البلد دى حقته زيه زى التانين
وبعد ده يتحقق أنا أؤكد ليك لو قالو ليك تبقى الملك ما حتوافق لأنه كل شى حيكون عال العال، وممكن تتنازل وبطيب خاطر عن أى مكسب أو منصب أو مغنم لزول تانى والمناصب حتبقى بالنسبة ليك عبارة عن Headache ساى
هسه إنت بس شيل كلاشينكوف الوئام والمحبة للبلد السمح ده وخلينا نعتز بى كيان واحد غسمه السودان
والباقى ساهل
وليك المحبة كيمان
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: عاصم ابوبكر حامد)
|
عزيزى عاصم
تحياتى وطيب الأمنيات
الطرب مكون اصيل من مكونات الوجدان ومافى شعب بعرف يطرب زى السودانيين
بالله هسه لو غنى كرومة أو أبوداود أو اسرار بابكر
مش يخلو الحجر ينطرب
أنا معاكم برضو
ولسه أنا ما فكرت فى حمل السلاح، واصلا مافى حاجة خلت الناس تشيل السلاح ووتقتل بعض غير الكراهية والإحساس بالغبن والتهميش، ولو الناس فى السودان من زمان قاموا بى قناعات وفهم سوى ده كله ما بقى علينا
بعدين أنا هسه لو خلاص بقيت على حمل السلاح، أنضم لى منو
ما ياهو ده سؤالى أنا من الأول، ما عارف لى جيهو أتلم عليها، إذا كان بالقبيلة، أها أنا عندى ست قبابل، وإذا كان بالمنطقة، عندى تلاتة أو أربعة مناطق
عشان كده الشغلانة بالفهم ده بتكون غير مجدية، والأجدى والأنفع إننا كلنا نتعاون ونتكاتف وصدقنى من غير ما نشعر بنحقق العايزنو
والإنقاذ جاتنا لأننا كنا ولا نزال مشتتين ومبعزقين وكل زول يقول نفسى نفسى
واستفردت بالناس بالقطاعى، دى جهويات ودى أحزاب ودى مناطق
إنت بس قول أنا سودانى وخلى غيمانك بالخالق وبالسودان قوى
ووسائل تحقيق المطالب بتكون متوفرة ومتنوعة، وحنختار الأجدى منها
المهم بس يكون عندنا وطن سالم متسامح وطيب وكل زول فيهو زى التانى
وتسلم يا عاصم إن شاء الله
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: د.محمد حسن)
|
العزيز د. محمد حسن
نسعد بإنضمامك ونفخر كتير
ورسوم العضوية بسيطة جدا
وهى بذل أقصى ما فى الوسع من محبة وإيمان بالوطن الواحد
وطن متسامح تسود فيهو شريعة العقل وتسيطر عليهو قوانين الفهم المتبادل مع المحبة والعمل الجاد الصادق
وأكيد إنت قدرها وزيادة
شكرا ليك يا دكتور
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: أبوذر بابكر)
|
ابوذر في ذمتك انت زمان ما قلت شلخوني ؟
السودان دا يا ابوذر كيان كيانا زاتو وما اظن في فكاك خالص من النسيج العجيب دا
والله وماطالبني حليفة انا من الناس البترعبهم اي نزعة انفصالية واتمنى اشيل البلد دي بأركانا الأربعة وادسها جواي ..
وحااظل ادعو بوحدة ورفاهية البلد دي واتمنى من ابنائها يبروها ليوم القيامة
وكونه انا ولودني في منطقة معينة واتشربت حبها مابنفي حبي لكل المناطق
ولمن يهبشني سلك طمبور مع معناهو اني مابتفاعل مع باقي الإيقاعات
لكن حدود امكانيةاني اقدم خدمة للبلد دي (ككيان واحد) تنحصر محل انا قاعدة وانت محل قاعد واى واحد فيهم محل قاعد وكله يصب محل غرقانين ..
وتبقى الاماني وحدها والنيةالطيبة في تطواف دائم لتعم كل البقاع .. الفي إيدو منقاش يقدر يجر شوكايتو
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: ملكة سبأ)
|
إزيك يا بلقيس
وعاش وسِعد من شافك
الشلوخ أنا ما باباها، علا الفيك إتعرفت
Quote: لكن حدود امكانيةاني اقدم خدمة للبلد دي (ككيان واحد) تنحصر محل انا قاعدة وانت محل قاعد واى واحد فيهم محل قاعد وكله يصب محل غرقانين .. ] |
كلام تمام وسليم مية المية، وأكيد ده هو المطلوب من كل زول فينا
المهم فى الموضوع إننا نكون مؤمنين وصادقين فى كل شى
البلد ده بيستاهل أكتر والله يا بلقيس
لكين كمان عشان نحن ما نكون مثاليين زيادة من اللزوم، لازم نؤكد برضو إنه فى ناس ما بفكرو زى ما نحن بنفكر، فى ناس مسكونين بكل ما فى الدنيا من قبح وحب نفس وأنانية، لكين المطمئن فى الموضوع إنهم والحمد لله أقلية، والأغلبية هى الطيبة والنقية وبيها حينصلح حال البلد
تعرفى يا صاحبة السمو
أنا لو عايز أتشلخ
وشى ده حيتملى شلوخ، شى راسى وشى أفقى وشى فى الجبهة
عشان يكون السودان كله منحوت فينى
وتسلمى إن شاء الله
وليك خالص الود والتقدير
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: أبوذر بابكر)
|
ليه ما يكون فى قبيلة واحدة بس إسمها "السودان
انا خايف اي صاحب طرح عنصري يجي لي هناويذرف الدموع
علي لهفته ومحبته للسودان
لكن نحت تحت يكون عرقو شدرت بطيخ هي العنصرية
انا شكل وجدان مجتمع اذاب القبلية ونشات بمدينة مدني
لا تجد بها اسماء احياء تحمل مسمي قبلي
مدينة تشكل شريان قوي للسودان
نحب الطمبور لكن ما شايقية ونزور نوبة الجبال في افراح المدينة والذي
يشرب الكجومورو والعسلية يجدها
واهل الجموب كان عم ميانق دينق يتوقف عند الاذان وهو مسيحي
والجاك نوباوي كان يعد الاباريق والتباريق للمصلي
الشرق انداح بداخلنا والغرب والجراري يهز الوجدان انه السودان
قاتل الله من يدعو لتقسيمه اخص الكيزان
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: Sabri Elshareef)
|
العزيز صبرى
تحياتى
موجودة والله قبيلة السودان الناس ديل كلم شى واحد أحد
بس المشكلة كلها فى "عدم "العِرفه"
وكلما زادت، كلما زادت معاها الأشياء الكعبة
وزى ما قلت للجماعة هنا، نحن أبدا ما عندنا طريقة نمشى لى قدام ولو خطوة واحدة، طالما كل واحد فينا، حتى على مستوى الأفراد، قافل نفسه فى دائرة وهمية صغيرة وضيقة جدا إسمها "قبيلتى"
صاح، ممكن الشى ده كان فعال وعنده دور مؤثر قبل قرن أو قرنين، لما كانت القبيلة هى الدولة أو الإطار البعيش فيهو الناس، وهى البتنظم حياتهم وسلوكهم وحتى تفكيرهم، بس دلوقت خلاص دورها يمكن يكون إنتهى فى المجالات دى، وهى المجالات المهمة الممكن تنظم حياة الناس، ومفهوم الدولة الحديثة بيلغى كل المفاهيم القديمة، والدولة اصلا ما حتستقيم إلا تكون حاوية لكل الناس، وعشان يحصل كده، أنا دائما ماسك فى حكاية إنه لازم الإنصهار يبدأ بالقناعة الفردية أول شى، بمعنى إنه كل زول يرسخ جواهو المفاهيم دى وبالتالى الناس ومن غير ما يشعرو حيلقو نفسهم بقو كيان واحد
شكرا ليك يا صبرى على الحضور الجميل والرؤية الأجمل
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: اسامة محمد ميرغني)
|
العزيز اسامة
تحياتى وآلاف المراحب بيك فى رحاب سودانيزاونلاين
الشلوخ دى غالبا ما يتم الإستغناء عنها تماما، لأنه فيها نوع من تكريس مفاهيم ما أظن نكون محتاجين ليها
بعدين لو أصريت عليها وعلى كل الشلوخ الفى السودان، طبعا الوش ما حيشيلها كلها
لكين ممكن نصغر ليك ال Font
شكرا يا اسامة لتضامنك وإنضمامك لأمنياتنا السمحة
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: أبوذر بابكر)
|
إنى أخترتك ياوطنى حباً وطواعية إنى اخترتك ياوطنى سراً وعلانية إنى اخترتك ياوطنى فليتنكر لى زمنى مادمت ستدكرنى * ياوطنى الرائع ياوطنى ياوطنى الرائع ياوطنى ................... * لدى مشكلة فى حرف ال thaal فاستعضت عنه بحرف الدال " تكونوا طالبنى نقطة " ...........................................
لك التحية ياغفارى ، وطن تنتمى له أنت هو بالتأكيد وطنٌ للجمال .
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: Rashid Elhag)
|
راشد العزيز
كيفك يا دكتور
الشايل هم البلد
والله بالجد يا راشد، وبعيد عن أى أحلام أو أوهام متخلية، يمكن ده يكون هو الحل النهائى والحاسم لكل المعضلات العويصة
صحيح، هو حلم بعيد المنال أو صعب التحقق، بس أهو خلينا نحلم
الساهل فى الموضوع يا راشد
هو إنه مافى حاجة بتمنع، وكل المطلوب هو عقول منفتحة وأفق واسع من المعرفة والإدراك
وبعدها ممكن السودان يبقى فردوس الله على الأرض
شكرا ليك يا راشد على المؤازرة والحضور السمح
وما تنسى تحياتى كالعادة بالله للدكتور عاطف
| |
|
|
|
|
|
|
Re: يعنى هسه أنا كان داير لى "كيان" أتلما على وين؟ (Re: أبوبكر حامد الأمين)
|
العزيز أبوبكر
تحايا بطعم الوطن
ندى وسماحة وطيبة وطيب
لا بد من الإختيار عشان حالنا ينصلح
وعندنا خيارين اتنين بس
يا السودان أو السودان
نقطة ال "ذ" ما مشكلة يا زول
إن شاء الله "ننقط" ليك فى جديدك
ده طبعا لو كنت لسه Single
ولو غير كده، فى جديد الوليدات
عليك الله هسه شفت الطقوس بتاعة "النقطة" والحنة ولمة الناس دى شكلها وطعمها كيف فى السودان
طقس بديع جدا ومحتشد بمعانى عجيبة وجميلة، وزيه كده كتير وفى مناسبات عديدة فى كل مناطق السودان، شى نفير وشى فزع وشى لمة حبان ساى
أحييك يا أبوبكر وليك جزيل الإمتنان والتقدير على كلماتك الزينة
| |
|
|
|
|
|
|
|