التجربة العاطفية تخضع لعوامل كثيرة جدا منها الإجتماعي والمادي والفكري وووو لكن قناعتي الشخصية أن التجربة و(بالذات الفاشلة) تؤدي إلي تغيير جزري في تفكير من عاشها وربما يكون ذلك في شكل تساؤلات تكبر وتصغر حسب حجم التجربة .. وحتما كل تجربة نعيشها في الواقع عادة ما تكون ذات بدايات حالمة وخيالية نحو: لن نفترق أبدا.. وسنميل للريح لكي لا ننكسر وهكذا..
لكن ما أن تتلاشي هذه الأحلام الوردية والقوة الناتجة من رغبة الوحدة العاطفية حتي وتخرج تساؤلات مبهمة حائرة كثيرة وربما تؤدي بك إلي الجنون إذا كنت مرهفا وصادقا تجاه من تحب.
و ليس بعيدا عن كل هذا..نجد أن الرغبة في الزواج أيضا هي مكبلة بكم وافر من القيود المادية والمجتمعية تذهب بك وبمن تحب بعيدا عن سواحل القلب الواحد.
عصام ياجميل جابت ليها نقة تحت تحت عاوزنا نفتو مش كدة انحنا بنقول السلام عليكم والناس ما مريحننا بس تعرف بوست ظرييييييييييييف شديد لو الجماعة قرو واعترفوا قدامنا نديك جنس تجارب اسكت ساكت راسك يشيب
النقة كانت تحت تحت..ما نفعت قلنا نحولها ..فوق فوق.. مش أسحن ؟
Quote: عاوزنا نفتو مش كدة
والله ده العشم وبكده نستفيد من تجارب بعضنا ويستفيد كل الشباب ..
Quote: انحنا بنقول السلام عليكم والناس ما مريحننا
Quote: لو الجماعة قرو واعترفوا قدامنا نديك جنس تجارب اسكت ساكت راسك يشيب
دي أهم نقطة .. لكن ما تربطها بالجماعة..
أعترف أسحن ليك..
Quote: تخريمة الماتش عملت فيهو شنو منتظرين الفرق البتلعب
بالنسبة للماتش وصلني مسنجرين من زملاء واحد بخصوص تيم تالت حينزل في الدوري فيهو .. ناذر وفيصل وتمبس وبوب وسوباجو عمر دفع الله عنيدة نادية عثمان المهم فريق كامل وخطير جدا.. والتاني بخصوص تسجيل لعيبة للفريق التاني
إقترح فيهو المرسل أحمد حنين ولعيبة محترفين لابد من إضافتهم قبل بداية الدوري.
عصام اللذيذ تحياتي, الحب دا الحاجة الوحيدة اللي ما فيها إستفادة من التجارب وقلب صفحات، ولو كان فى زول إستفاد منها وملأ منها كُتب كان عمك نزاز قباني (فردة د. مصطفى محمود بتاعنا ) قال: عشرون عاما فوق درب الهوى --- ولايزال الدربُ مجهولا فمرة كنت أنا قاتلاً --- وأكثر المرات مقتولا عشرون عاماً يا كتاب الهوى --- ولم أزل في الصَّفحة الاولى
إذا كان نزار قباااااااااااااني فى عشرين سنة ولسا فى الصفحة الأولى، وأنتا يا عصومي ود أمبارح عايز تقلب الصفحة ومسطر ليك مية سطر!!
Quote: الحب دا الحاجة الوحيدة اللي ما فيها إستفادة من التجارب وقلب صفحات،
بالعكس يا النذيرأنا إستفدت كتير
من تجربتي ال(5)سنين حب.. وهي التجربة الأولي وفشلت..لكن كانت جميلة وصادقة وصامدة طيلة هذه المدة وأخطاءها لن تتكرر أبدا في المستقبل.
Quote: ولو كان فى زول إستفاد منها وملأ منها كُتب كان عمك نزاز قباني (فردة د. مصطفى محمود بتاعنا ) قال: عشرون عاما فوق درب الهوى --- ولايزال الدربُ مجهولا فمرة كنت أنا قاتلاً --- وأكثر المرات مقتولا عشرون عاماً يا كتاب الهوى --- ولم أزل في الصَّفحة الاولى
إذا كان نزار قباااااااااااااني فى عشرين سنة ولسا فى الصفحة الأولى، وأنتا يا عصومي ود أمبارح عايز تقلب الصفحة ومسطر ليك مية سطر!!
النذير القصيدة دي بالذات ياخي بفتش ليها من زمن طويل جدا وسألت منها د.مصطفي علي أمل أن أجدها لديه لكن ما لقيتها.. لو عندك ختها لينا هنا..
أما بالنسبة لكون الأستاذ نزار ما زال في أولي صفحات الحب فلا تخرج من صميم فلسفة نزار الشعرية لتجاربه وللحب ليس إلا.. الأستاذ نزار (رحمه الله) جامعة للحب تخرج منهاالاف الطلاب..وبرضو في الصفحة الأولي..مستحيل!!
في إنتظارك .والحكي
كل الود
09-12-2006, 09:50 PM
بدرالدين كاجوري
بدرالدين كاجوري
تاريخ التسجيل: 08-12-2005
مجموع المشاركات: 670
عصام واللة نفس الخمس سنوات والانهيار بدا في نفس الشهر وغالبا السقوط النهائي بدا في نصفة لا اكاد اجزم انة سقط نهائيا ولكن مرات التشبث بخيوط العنكبوت نوع من العزاء لتقبل الامر باقل الخسائر محتاج لك هذة الايام... مع انك معاي بدليل هذا البوست خمس سنين عاشون الحب ولك التحايا
Quote: عصام واللة نفس الخمس سنوات والانهيار بدا في نفس الشهر وغالبا السقوط النهائي بدا في نصفة لا اكاد اجزم انة سقط نهائيا ولكن مرات التشبث بخيوط العنكبوت نوع من العزاء لتقبل الامر باقل الخسائر
الغالي بدر الدين..
صباح الخير..
ليس تشبثا وإنما إحساسك ومعرفتك بالذي منحته مفتاح قلبك هدية
وبكل صدق وإخلاص..
Quote: محتاج لك هذة الايام... مع انك معاي بدليل هذا البوست خمس سنين عاشون الحب
وأنا أحتاج إليك أكثر هذه الأيام أيضا.. فالقلب يكاد يتوقف عن النبض.. والله أصبحت نبضاتو ضعيفة جدا.. ليس إلا لأنه ولأنه...
خمسةسنين معاك يا زينة الأيام ويا نوارة الحلوين مرت حلوة زي أنسام..
سلامات العزيز عضام شنو يا معلم انت يا زول كنت بتحب ليك زولة منالقاعدة والا شنو الرعب الفي وصيفك ده ياحبة القصة انا عرفتها كفتيريتك الفتحتها ديك شكلك بتعمل ليهافي دعاية مجانية يا زول ما عندك مشكلة بنجيك في الكفتيريا
(لكن الكلام ده لو جد تبقى مشكلة ) انت عارف انا باحب ليك قص الحببان والتكسر والتدلدل من الغرام والتدله في مواجهة الحبايب واحب ليك العيون والحور والابتسامات دي بشكل بس بشرط انه الزولة تكون حبيبة زول تاني (لزوم الشاكوش وكده) ااااااااااااااااا الشاوش ليه ما لي عشان اصلا فكرة الحببان دي ما لذيذة انك تكون الضحية فيها والا شنو
09-13-2006, 11:23 AM
حسين يوسف احمد
حسين يوسف احمد
تاريخ التسجيل: 08-17-2005
مجموع المشاركات: 4490
معقولة شاكوش قدر دا يا عصام أخوي؟! والله شكلك كدا كنتا ممكون وصابر، و كفارة وسلامتك وجعله الله آخر شواكيشك وتاني معقولة بعديها ما حبيت يا عصام ؟! من سنة 2001 إلى 2006 ؟! قاعد ساى ؟! والله تكون بالغتا.
بخصوص القصيدة والله للأسف يا عصام ما عندى وبعدين أنت عايز بيها شنو بعد الشاكوش القوي دا؟!
ولتعاطفى مع شجنك ما ح أخليك تطلع ساي، وأهديك أجمل قصيدة حُب لأجمل حبيبة (ما بتشوكش كلو كلو ):
الحب الأخير
الحبابيب خانو فاتو وضيعوني وإنتي باقية وديمة وآفية وما بتخوني. تاني غيرك ما بغازل وأعبدك كل العبادة إنتي نفسي وبرضو رسمي والأغاني والسيادة والمعاني والشهادة. *** ولو حصل فارقت عينيك ببقى حزنان وأبقى خايف شان خُطاي عرفت دروبك وما أظن غيرك توالف. *** وشان بعزِك يا حبيبة داير أكتب إستقالة بي حروف بالحرقة بقت وضاعفت ألمها المهانة فيها ما داير أعاتب للأحبة الخانو فاتوا وبرضو ما داير أجرَّح للزمان جوايا عاشو وبي إيديهم برضو ماتوا. داير أشيع فيها معنى الإلفة والحب والأمانة المعاني الفي زمنا إتباعدت فقدت مكانها. وأقول كمان للفاتو: فوتوا ولي جروحي السلامة. *** وقبل ما أختم حروف الإستقالة داير أبايع للغلابة وللتعابة وليكِ إنتي يالحبيبة الواحدة والحضن الأمين. العرِفت المعنى فيها وبت فى حُضن اليقين ياجميلة .. يا محنة يا أمينة ... يا أملنا يا
بلدنا. ------------ للأستاذ هاشم صديق
09-14-2006, 05:05 PM
غادة عبدالعزيز خالد
غادة عبدالعزيز خالد
تاريخ التسجيل: 10-26-2004
مجموع المشاركات: 4806
Quote: معقولة شاكوش قدر دا يا عصام أخوي؟! والله شكلك كدا كنتا ممكون وصابر، و كفارة وسلامتك وجعله الله آخر شواكيشك وتاني معقولة بعديها ما حبيت يا عصام ؟! من سنة 2001 إلى 2006 ؟! قاعد ساى ؟! والله تكون بالغتا.
كفر الله سيئاتك يا صاحبي.. والله ما ضوقك شاكوش زي ده.. لكن صدقني الخروج من التجربة ما ساهل..لأنها ما كانت تجربة عابرة ولا كانت فكرة حب وبس.. بالإضافة الي تراكمات كثيرة أخري تجعلك ربما تتخوف أو تتردد كثيرا في الدخول وتجربة أخري ببساطة..
Quote: بخصوص القصيدة والله للأسف يا عصام ما عندى وبعدين أنت عايز بيها شنو بعد الشاكوش القوي دا؟!
يا صديقي كنت عاوز أعرف بيها الحب.. لأنو نزار في البيتين ديل بالذات قال كلمات عميقة خالص..فماذا في بقية القصيدة؟؟ أتمني أن نجدها ..فهي ليست كلمات فحسب..لا بل هي حياة كاملة وتجربة من أعمق التجارب ,,هي تجربة نزار.
Quote: ولتعاطفى مع شجنك ما ح أخليك تطلع ساي، وأهديك أجمل قصيدة حُب لأجمل حبيبة (ما بتشوكش كلو كلو ):
الحب الأخير
الحبابيب خانو فاتو وضيعوني وإنتي باقية وديمة وآفية وما بتخوني. تاني غيرك ما بغازل وأعبدك كل العبادة إنتي نفسي وبرضو رسمي والأغاني والسيادة والمعاني والشهادة. *** ولو حصل فارقت عينيك ببقى حزنان وأبقى خايف شان خُطاي عرفت دروبك وما أظن غيرك توالف. *** وشان بعزِك يا حبيبة داير أكتب إستقالة بي حروف بالحرقة بقت وضاعفت ألمها المهانة فيها ما داير أعاتب للأحبة الخانو فاتوا وبرضو ما داير أجرَّح للزمان جوايا عاشو وبي إيديهم برضو ماتوا. داير أشيع فيها معنى الإلفة والحب والأمانة المعاني الفي زمنا إتباعدت فقدت مكانها. وأقول كمان للفاتو: فوتوا ولي جروحي السلامة. *** وقبل ما أختم حروف الإستقالة داير أبايع للغلابة وللتعابة وليكِ إنتي يالحبيبة الواحدة والحضن الأمين. العرِفت المعنى فيها وبت فى حُضن اليقين ياجميلة .. يا محنة يا أمينة ... يا أملنا يا
بلدنا. ------------ للأستاذ هاشم صديق
يا سلااااام يا النذير..
ياخي شكرا كتير ليك علي الروعة وللحبيبة الما بتشكوكش فعلا..
Quote: العزيز عضام شنو يا معلم انت يا زول كنت بتحب ليك زولة منالقاعدة والا شنو
الغالي محمدعلي تقريبا كده..بس ما عرفت الحاجة دي إلا بعد التفجيرات.
Quote: انا عرفتها كفتيريتك الفتحتها ديك شكلك بتعمل ليهافي دعاية مجانية يا زول ما عندك مشكلة بنجيك في الكفتيريا
أتمني ذلك..لكن السبب الرئيسي هو الذكري الخامسة لعلاقة إستمرت خمسة سنين.. وهسه ليها خمسة سنيين من إنتهت..
Quote: (لكن الكلام ده لو جد تبقى مشكلة )
الكلام ده جد..لكن برضو بسأل نفسي دائماوهي ممكن تكون أحد الأشياء التي إستفدتها من العلاقة
سؤال هو:- الحب لابد أن يكون متساو من الطرفين فإذا تقلت كفة طرف علي الآخر بيبوظ حتي لو كان الطرف الأقل نسبة حبوا خمسة وتسعين في المية والأكبر مية في المية برضو حتنهار العلاقة.. دي واحدة من الإتعلمتوا من التجربة التي لم أكتب عنها بعد..
Quote: باحب ليك قص الحببان والتكسر والتدلدل من الغرام والتدله في مواجهة الحبايب واحب ليك العيون والحور والابتسامات دي بشكل بس بشرط انه الزولة تكون حبيبة زول تاني (لزوم الشاكوش وكده) ااااااااااااااااا الشاوش ليه ما لي عشان اصلا فكرة الحببان دي ما لذيذة انك تكون الضحية فيها والا شنو
عندي صديق يا محمد زول لذيذ جدا ده بيحب العذاب في الحب !!! يعني قصة حب بدون عذاب وجهجهة الله تعلم يستمر فيها.. أعرفك بيهو حيبقي فردتك شديد.. وأنا فردتك برضو..
10-06-2006, 04:09 PM
Mustafa Mahmoud
Mustafa Mahmoud
تاريخ التسجيل: 05-16-2006
مجموع المشاركات: 38072
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة