|
.. مـــا أحلى هــذا....الإكتشــاف ..؟!
|
إكتشــاف الأغــاني القديمــة .. ذات الكلمـــات الموزونــة .. والألحــان العذبــة .. والأداء الراقي من صاحبــه هــل ( تدنصر ) هذا الضرب وأنقرض ؟ أم إيقــاع الزمــن .. فعل بنا العجب .. وما كنــا ( نغنية ) بالأمس .. ( نبكيه ) اليوم ؟
|
|
|
|
|
|
|
|
Re: .. مـــا أحلى هــذا....الإكتشــاف ..؟! (Re: عصام أحمد)
|
اهـــلا يا ( عصــام ) صاحبي ..
Quote: لو سمحت كبر الميديا بلير حبة عشان أعلي الصوت.. |
حالتي قلته تاني ما اقول ليك يا كيشة اضغط بالماوس R.C وأختـار Volume وأختار Up علشان تعلي الصــوت.. وبالمناسبة دي .. ما عندك أغنية ( مستعملة ) يا قديمــة؟؟
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: احمد معتصم الطيب)
|
العزيز احمد معتصم .. الإبـــداع .. قيمة جميلة أخشى انه اصبح في طور التلاشي هذا الإبداع الذي تركــه جيل من العمالقــة.. برغم قلة الأمكانيات المتاحــة.. جميعهم كانوا عباقرة في إبداعهــم . . ليتنا نعيد ما مضى أو نحاول ملامسة الأشياء رغم بعدهـــا.. شكرا يا جميل للمتابعة
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: تولوس)
|
تولــــوس .. كيفك ياأبو الشباب ؟ تعرف الموضوع دهـ طويل وعايز ليهو قعــدة ( مناكفـــة ) ( ومناكفية ) زي بتاعت الجمعة المشهودة مع العزيز أبوجـــودة .. صديق المــوج ( الحريف جدا ) في الحقيبة وفي غير الحقيبة اتحفني بتسجيلات إذا قلت عنهــا نادرة اكون ظلمتهــا.. وقصرت في حقهــــا وهي الحفزتني وشجعتني للبوست دهـ بعدمــا سمعت فنان ( وقتهــا ) كان في بداية المشوار أو كان من النوعية لما يمسك المايك بيكون بيرجف استغربت لي طريقة غناهــو الحالية والأتربع بيها في ماف الشهرة عند طبقة ( معينة ) والطريقة القديمة الكان بيغني بيها في خواتيم التمانينات الطريقة الواعية جدا يعني زي ما تقول عكس الآيــة .. بدأ من فوق .. وجا ( طالع ) لي ( تحت ) .. .
بعدين يا تولوس وين الاشرطة الجبتها لي ؟؟ يعني لازم اشيل حسك أونلاين؟؟
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
انا مشتاق ليك جدا والاشرطة موجودة وكمان توجد مجموعة حلوة جد من الاثيوبي فيديو كليب من النوع تشوف بي جاي وتنسي عيالك وتمشي طوالي تقطع تذكرة لاديس ابابا وكمان عندي ليك cool edit pro2 كامل لزووم التراكات والمعالجات الموسيقية... يا تمبس بس كلمني القاك وين .. اعمل لي مس كول
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
خطير يا أبوالزمل .. تعرف زي الحاجات دي .. أخطر علاج لحالات الزهج والدبرسة .. وبتوديك لعوالم من الروعة .. الراحل خضر بشير مسكون بالإبداع كما أنت يا صديق .. لذلك تجد أغانيه أكثر ترديداً وسط الفنانين الشباب .. ومحفوظة لعشاق الفن الجميل ..
محبتي ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: معتصم دفع الله)
|
Quote: الراحل خضر بشير مسكون بالإبداع كما أنت يا صديق .. لذلك تجد أغانيه أكثر ترديداً وسط الفنانين الشباب .. ومحفوظة لعشاق الفن الجميل .. |
تعرف يا ( دفينس ) مفترض أنو نحن من الناس المحظوظين كوننا بنسرق اللعب بي ( المكاشفي خضر بشير ) النسخــة طبق الأصل من الراحل .. وكمان بنختار نسمع على كيفنــا يعني لســه بندافر من ( رحيــــــق ) الزمن الجميل جدا.. يعني ممكن تقول لســه ما ( اتفرمطنــا ) بي ايقاع بي هنــاك ( حلو حلا ) بالرغم من انهــا بتجي صلاخيــة .. ممكن تسال ( مجرب )
اطلع بي العندك .. كــوم السيديهــات بتاعت السودان .. والا نقلع يعني ؟؟
محبتي الشديدة يا صاحب
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: rani)
|
رانـــي .. والاّ أيـــــام يا لذيذ .... عصــام دهـ اكتشاف جديد يا راني .. بس ( هبــاش ) كويس انك رقعت ليهو لنك الحفــظ .. وبعداك يمتع نفسو بي الحاجات المعتقة دي ..
بالمناسبة ايميلك الزمــان بيرجع الايميلات .. تحرك مني زميل قبل فترة .. وجاي حلتكم في زيارة عمل سريعة وكنت عشمان تلاقيهو ..
تحياتي ليك وللمعاك ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: محمود ريحان)
|
العزيز محمود ريحــان .. سلامــات ..
Quote: قد اختفي النغم الاصيل واصبح لاجديد هنالك فقط ماضي جميل نعيش عليه |
بقولو علينا شعب ارشيفي .. بنحب تخزين الاشياء القديمة ... لكن انطبقت علينا حكاية الما عندو قديم ما عندو جديد .. اخشى أنو يا محمود بعد الشي الحاصل دهـ نفتش حتى لحق الماضي العايشين علهيو دهـ .. وما نلقاهــو..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Elmuez)
|
المعــــز .. كيفك يا غايب وناسي هـــواك ؟ .. مقبولة كل ( العلب ) يا صاحب .. وأجمل الاكتشافات مريتو بيهــا .. وكنتو جزء أصيل اضفتو وساهمتو وما بخلتو نحتــاج عودتكـــم يا معــز يمكن تلحقــو باقي من الفضـــل وتحلو محل ( الـــكودا ) وترجعو الزمن الجميل..
ـــــــــــــــــــــــــــ قلت ليك الخواجة كان فكيتو ( بطيــر ) .. ما صدقتني اهــا ( خٌــم& صٌــــر )
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
الرائع تمبس
تحيات زاكيات
كدت أصدق إنني أعاني من مرض الهروب للماضي ( هو في مرض زي دا ؟؟ ) أحس أن أجمل أشيائنا هي ما عشناه في ما سلف من أيام ، أغاني الحقيبة ،المدائح النبوية الشريفة بأصوات أولاد البرعي ( الأوائل ) ، الأمين القرشي ، علي الشاعر ، محمد الطيب هاشم،الحبر ،اسماعيل محمد علي وأغاني الرواد ناس وردي وكابلي وود الأمين وعثمان حسين و شرحبيل وخضر بشير والشفيع و------- . توقف التذوق المتأمل عند جيل ( الشباب ) زيدان وعركي وإبراهيم حسين وعبد العزيز المبارك والمرحوم مصطفى سيدأحمد. بعد ذلك شذرات من هنا وهناك ، أتذكر بعض الأغاني وأجهل الأكثر بل ( أتلخبط ) في الأصوات الجديدة المتشابهة . بل إن البرنامج المفضل الذي أحرص على متابعته في الفضائية السودانية هو برنامج ( بين الأمس واليوم ) . بس يا كافي البلا طقوني عين قاموا ناس التلفزيون وقفوهو . قلت مرة لأحد الأصدقاء وهو من ( شعراء الأغنية الشبابية ) الحديثة ، أن نزوع الأجيال الحديثة للتغني بأغاني الحقيبة وأغاني البرزخ التي مثلها عبدالرحمن الريح ومن ثم أغاني الرواد هو هزيمة كبيرة للأغنية ( كلمات وألحان ) التي تقدمونها لهم .فالمشاعر هي المنطقة المحررة الوحيدة التي لا نفاق فيها .
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Ahmed Alrayah)
|
أحمد الريــح كيفك ..؟ بلاي اللحظة الوحيدة البلقاك فيها الواحد ( مستنير ) في الحاجات المعتقة دي ..
بلاي ( ولــع ) على كــدهـ ..
أنت راجل ( سمييع ) حقيبة درجة أولى يا أحمد ومن ما سالتني المرة الفاتت من زقاق بيت ناس إبراهيم عبد الجليل عرفتك حريف جدا .. تتخيل يوم الجمعة الفاتت دي كنت بسمع في شريط لي ( زنقـــــار ) قام في واحد من الجيل البعد جيل نميري قال لي دهـ بقول في شنـــو ؟؟ .. كان لقيت طريقة ( بردمك حقيبة شديدة جدا ) يا خليت الغربة دي .. يا بقيت شيوعي
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
يا للروعة
ويا لجمال المكتشف (بفتح الشين) ويا لرقة ونداوة المكتشف (بكسرها)
وياهو حالكم يا علاء الدين انت ورفيق دربك المعتصم .. تلونون زهور اللوحات الحزينة وتعطرونها وتغرسوا الفرح اينما حللتم ..
وزي ما قلت ليكم قبل كده والله بتعيدوا لينا الثقة في شبابنا..
Quote: إكتشــاف الأغــاني القديمــة .. ذات الكلمـــات الموزونــة .. والألحــان العذبــة .. والأداء الراقي من صاحبــه هــل ( تدنصر ) هذا الضرب وأنقرض ؟ |
كاد ان (يتدنصر) .. وكادت الملوثات أن تصيبه .. ولكن يبقى الأمل طالما صيادو (المحار والصدف) امثالك يغوصون دونما اسطوانات ليجلبوا لنا الؤلؤ .
مودتي يا جميل .
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Muhib)
|
Quote: الله شافك من الاخ كوستاوي |
يا محب .. المارشــال كوستاوي بنثبتو ليك أول حاجة بي ( منقول ) .. وكان فرفر زياده بنلحقو بي ( لنك ) من الماضي زمن بوليس الرداء والبرنيطة الفيها ريشة وبذلك نضمن أنو ما يقوم يفتش بي ورانــا.. يعني عايزني ( اتقوقل ) ليهو بالساهل كدهـ والله يلقاهــا عند أبو رزقة بس
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: امير عوض الجمري)
|
Quote: وياهو حالكم يا علاء الدين انت ورفيق دربك المعتصم .. تلونون زهور اللوحات الحزينة وتعطرونها وتغرسوا الفرح اينما حللتم .. |
صديقي الجميل أمير الجمري .. شكراً لجميل حرفك والكلمات في حقنا ..
تعرف الفن السوداني بخير طالما في ناس ذواقة مثلك .. كلما أستمع للزول الفنان المكاشفي خضر بشير أقول هذا الشبل من ذاك الأسد .. فهو أيضاً مسكون بالإبداع إذا يا صديقي الفن لن يموت والكلمة الحلوة ستظل باقية محفوظة في الوجدان .. على فكرة سوف يكون بمعيتنا يوم الجمعة القادم " تعال بدري " .. رحم الله المبدع خضر بشير ..
أها صاحبي تامبا دا يوم بكتل ليهو زول بمثل الحاجات الحلوة دي .. ونحن زي ما إنت شايف قلوبنا رهيفة وعلى الهبشة يعني ما بنستحمل البهدهلة بعد العمر دا ..
محبتي وتقديري ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: معتصم دفع الله)
|
أبو الدفــاع .. ياخي الف شكر أنك اهديتنا الصديق أمير الجمري ـ ودعمتنا بالمكاشفي خضر بشير وكلهم شباب يرجى منهم الكثير وطالما نحن بجوارهم اكيد شكل الوعي بيكون مختلف دعنا ننهل من مخزونهم .. ونواصل المسير . وما زلت انتظرك في أن نواصل التوثيق لكل العمالقة ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: امير عوض الجمري)
|
الأمير .. ود الجمري .. جميل ان تساهم معنــا في اعادة شئ من الماضي البعيد .. معتصم دفع .. مثلي مهتم وينقب دائما في صدف الماضي بالأمس القريب اجتهدنــا في اصطياد المكاشفي خضر بشير ونسعى من خلفكم في فتح منافذ نغير بها رتابة الوضع الحالي ونطمع أن تمدنــا بمخزونك الثقافي .. ووعيك الذي لمسناهـ لحظة أن تلاقينــا.. مافي خوف من على الاشياء الجميلة طالما أنت ومن معك من الاصدقاء يكرسون جهدهم لعكس الوجه المشرق للسودان بمخونه الثقافي والفني والحضاري .. نحن من خلفكم يا امير ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
الأخ الحبيب تمبس السلام عليكم ورحمة الله وبركاته
شكرا جزيلا أخي العزيز وأنت دائما تأتينا بكل رائع وممتع . يا ريت لو تلقى لينا من القديم : - من أنت يا حلم الصبا - سيد خليفة حارم وصلي مالك - عثمان حسين .
تحياتي ومودتي
جعفر
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Gaafar Ismail)
|
استاذنا العزيز جعفر اسماعيل.. ولك كل الشكر على حسن المتابعة .. من أنت يا حـــلم الصبــا .. موجودة بصوت غير صوت الراحل سيد خليفة .. استمع كثيرا لهذا الشاب وهو يعيد تجربة الراحل سيد خليفة بإجادة تامة وصوت مدرب .. حارم وصلي مالك ح افتش عليها في تسجيلات الأستاذ عثمان حسين .. وأوعدك بأن تكون معنا هنا في نفس البوست .. شكرا تاني يااستاذ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
وين يا راجل نغيب و ما تسال علينا خوه زى الطين اقعد انكت فى سحارتك دى لما تطقك عقرب و لا يطلع ليك بعاتى يا دبيب انت. ابو داؤود فى مقابلة معاهو و هو بغنى و معروف بطقطقة بالكبريتة. المذيع سالو انت الكبريتة دى جبتها من وين. رد ابو داؤود:
من الدكان
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Hatim Elhassan)
|
أووووووو صديقنــا ( منقو) حاتم الحســـن ياخي الواحد فاقدك بالجد لكن عرفنــا انك في تحصيل علمي منقطع النظير نتمنى ليك التوفيق دائما وإن شاء الله بعدما تخلص ( تخش الديش ) غذا كنت من المحظوظين عندي تسجيل جميل جدا لي ابوداؤود في جلسة طرب بالعود مع اللــحو .. في كمية من الغناء الجميل .. والقفشات الاجمل بعدين رسلنا ليك الارقام والبيانات الخاصة .. شايفك ما عقبته .. استلمته والا الأرقام كمان ما عجبتك .. اصلك أنت لا بيعجبك العجب والا الصيام في رجب .. اهــا رمضان حسن جا .. بل راسك.. وانستر معانا
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Habib_bldo)
|
Quote: بعض ما يضفى على شخصية الفنان خضر بشير خصائصها الكريزمية الجالبه لاعجاب الناس ومحبتهم فضلا عن حركاته المسرحية الناجمة عن انجذابه العميق لجو الاغنية هو البساطة والصراحة والعفوية، |
ليس بعض .. بل هذا كل .. خضر بشير فنان متصوف وزاهد .. يغني ليستمتع على كيفو .. ذكرت مرة في تكريم أبناء الصحافة لخضر بشير أني أشعر أن أهتزازت خضر بشير توحي للمتلقي بأن الجسد يضيق بقوة المشاعر التي يريد أن يعبر عنها .. وضربت مثلا بقوة الإستفهام في: كيف يجهلوك؟ فخضر بشير يا تمبس .. أصالة الفن وفن الأصالة.. ولا يعرف إلا من أدائه وكلماته المنتقاة .. فنشكر لك هذه وننتظر الآخريات ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Mohamed Abdelgaleel)
|
تمبس .. يا نضيف ..
يا ( هبّاش ) دائماً تتلمس مواقع الجمال .. خضر بشير .. دنيا من الطرب الأصيل .. بس منو البيفهم ؟؟؟؟
والله ريقنا نشف من النقة في الموضوع ده.. كلما نزرزر لينا واحد من أهل الموسيقى عشان يرد على تساؤلاتك الفوق دي .. ما نلقى فيهو (فَرَقَة) .. غايتو ان شاء الله الجماعة يسمعوك ويردوا عليك ..
تحياتي
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Salah Abdulla)
|
نــــادية عثمان .. وينك ما ظاهرة ؟ يا سلالام دي معناته طرب حد الثمالة .. إن شاء الله دائما ياسلام .. . . صــلاح عبد الله .. كيفك ياجميل .. ويا السميع النضيف ..
Quote: والله ريقنا نشف من النقة في الموضوع ده.. كلما نزرزر لينا واحد من أهل الموسيقى عشان يرد على تساؤلاتك الفوق دي .. ما نلقى فيهو (فَرَقَة) .. |
.. والله مسالة محبطة جدا يا صــلاح .. ولمتين الناس دي تنتبه ما معروف - ياخ الناس الفاهمه المزيكا دي في السودان كان ختو الرحمن في قلبهم ممكن يطلعوا لينا درر غواني لكن حظنا دائما مشــاتر ..بدل ما نمشي لي قدام .. راجعين بسرعة الصاروخ ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Mohamed Abdelgaleel)
|
Quote: خضر بشير فنان متصوف وزاهد .. يغني ليستمتع على كيفو |
Quote: أهتزازت خضر بشير توحي للمتلقي بأن الجسد يضيق بقوة المشاعر التي يريد أن يعبر عنها .. وضربت مثلا بقوة الإستفهام في: كيف يجهلوك؟ |
والله يا محمد عبد الجليل الملاحظة العميقة دي دايما بمر عليها من ضمن الملاحظات العميقة وانا بستمع أو بشاهد في اي عمل لي الراحل خضر بشير .. وبحس بي أنو في لحظته بيكون في عالم مختلف بالرغم من حضورو العميق جدا في آنية اللحظة أمام الحضور أو المستمعين.. في الفيديو المرفق .. شدتني ملاحظة انو ذكر الشطر الثاني من القصيده .. وفي لحظة استدرك أنو قدم البيت الثاني عن الأول سرعان ما اتادرك الربكة الصغيرة دي وعاد لي أول البيت بعد المحافظة على النوته الموسيقية ومن غير ما يديك احساس أنو هنا في خلل ما حدث .. ومن غير ما تحصل أي ربكة أو اضطراب حتى ولو على شكلو العــام.. ودي في ذاته عبقرية يحسد عليها.. أما الأخريات .. في الطريق وما تقلق.
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
تعرف يا تامبا هناك مسرح ضخم للراحل خضر بشير بشمبات .. ولكن للأسف لم يكتمل وزي ما عارف إنت زي الحاجات دي بتمشي كيف عندنا .. ويحلك على بال ما يكتمل هذا العمل الكبير .. ولكن بتحسر إنو المبدع عندنا ما بيكرم إلا بعد ما يفارق هذه الدنيا .. ودا شئ محزن شديد ليه ما يكرم وهو عايش وفي قمة مجده طالما بيمنح البسمة لهذا الشعب الجميل .. وبرجع تاني أقول إنو التكريم الأكبر هو عند هؤلاء الأوفياء جمهور ومحبي هؤلاء المبدعين .. وهذا البوست أكبر دليل يا تامبا وهو بمثابة تكريم ووفاء لإنسان أبدع وأثرى الساحة الفنية بكل رائع وجميل .. رحم الله فنانا الكبير خضر بشير ..
شكراً جميلاً يا صاحبي ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: NASERELDIN SALAH)
|
Quote: رانـــي .. والاّ أيـــــام يا لذيذ .... عصــام دهـ اكتشاف جديد يا راني .. بس ( هبــاش ) كويس انك رقعت ليهو لنك الحفــظ .. وبعداك يمتع نفسو بي الحاجات المعتقة دي ..
|
سلام العزيز تمبس، اكتشاف جديد ساي يا مان صحبكـ دا هباش هبيش ما عادي شايفو جايط الدنيا جوطة شديد.. الله يديهو العافية.
Quote: بالمناسبة ايميلك الزمــان بيرجع الايميلات .. تحرك مني زميل قبل فترة .. وجاي حلتكم في زيارة عمل سريعة وكنت عشمان تلاقيهو ..
تحياتي ليك وللمعاك .. |
. . كيف الكلام دا؟ الغريبة انو شغال كدي اكتب لي الرسلتا لي فيهو. علي اي حال حاول دا. [email protected] او [email protected] او 13065644688 وممكن تتستعمل دا وملح كمان اتصل لاكثر من 30 دولة مجاني
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
أولا
Quote: صديق المــوج ( الحريف جدا ) في الحقيبة وفي غير الحقيبة اتحفني بتسجيلات إذا قلت عنهــا نادرة اكون ظلمتهــا |
يا حظك حدوقى معاك ثانيا: بعدين ياخى ما تربط لينا لأغانى دى ما تقول لى يا كيشة ما تعمل خصائص وكدة أعملها دوغرى بكلّفك شنو غير نشر الفرح
ثالثا جدا ..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: tmbis)
|
الأخ تمبس:
زي ما ذكرت, خضر بشير مدرسة متفردة لم ينهل من مدرسته الا ابنه محمد الغيـور جـدا على أعمال والده( و هذامن حقه بالطبع)...
أتذكر أن الراحل خضر بشير في سهرة من الأمس قال انو لمـا ينطرب شـديد و هو بغني في حفلة بطلع فوق الشجرة و يغني !!! يعني كمية من الطرب ما عادية لدرجة انو لو ما طلع فوق الشجرة كان حصلت ليهو حاجة
لـه الرحمة و المغفــرة..
و لــك التحيـة..
في انتظـار المزيـد من نكت القـديم..
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: Ahmed Mohammed Osman)
|
.....لقشره
تعرف ياتبمس لله فى لله كدا أريدك يأخى زول مليان طرب وغنى جميل وحالف رجعتك السودان أعزمك قعدتنا بتاعت قدامى الموسيقيين والعازفين فى بيت عمنا عزالدين بالسابعة طرب أصيل وجميل وعمنا عزالدين ده من العازفين القدام جداً لحسن عطية والجلسه محضوره من عباقرة العازفين والسميعين الزينا ديل فيها الشاعر الطاهر أبراهيم شاعر |أبراهيم عوض بيعزف كمنجه بشل بديع وفيها فنان توتى أبراهيم خوجلى والفنان عاطف ومحمد برل ومرات النحاس وود الصول وبجوا فنانين شباب لأنو هناك فى مختبر حقيقى وعالى الحساسية لقييم أدائهم..ودائما مانختم برائعة التاج مصطفى أنصاف.. الكلام دا كل جمعة المهم ياصديق قبل مده كنت مسافر وسمعت فلى الباص اللحو بغنى ياسايق الفيات ساقتنى الكلمات ودسترتا ومن اليوم داك وأنافى حالة أنتعاش بصوت اللحو وسايق الفيات
دحين وأنت الحريف فى الغنا والكمبيوتر ماتنزلها لينا زاد الله أجرك واطرب روحك بفتوحات الغنا والموسيقى
حاتم الياس..وفى رواية أخرى سايق الفيات زاتو
| |
|
|
|
|
|
|
Re: .. مـــا أحلى هــذا....الإكتشــاف ..؟! (Re: ثابت محمد)
|
انا مافاهم ســـــــؤالك موجه لي منو ؟؟؟ انت بتسأل نفسك وحتجاوب لينا ؟؟؟ ولاالسؤال ده موجه للجميع وعايز إجابة ؟؟؟؟؟ كنت بشارك معاك لكن زعلان زعل شديد منك وانت عارف السبب ياقاسي ولايهمنا الاغاني القديمة ولا الجديدة بعدين نحن اولاد النهار ده ايه رايك ؟؟؟؟
| |
|
|
|
|
|
|
|