|
تجربتي في التقديم للجامعات المصرية من مكتب قبول الوافدين بالقاهرة ..خاصة لحملة الشهادة العربية
|
بحمد الله وتوفيقه قمت بالتقديم لمكتب الوافدين بالقاهرة بخصوص ابنتي اسماء التقديم ساهر جدا ويتطلب الآتي
خطاب من مكتب المستشار الثقافي لسفارتنا بالقاهرة بقاردن سيتي وتحمل معك أصل الشهادة
تقدم الخطاب الى إدارة الوافدين بجوار السفارة وجوار ضريح سعد ( خلف شارع القصر العيني ) وهو مشهور جدا تسلم الخطاب ويطلبون منك مبلغ 55جنيه مصري ويسلمونك مظروف التنسيق ومعه كتاب دليل القبول
تمشي البيت وتقوم بتكملة كل البينات التي في الاوراق التي بداخل المظروف
المطلوب :
أصل شهادة الميلاد + 3 صور أصل الجواز + 3 صور أصل الشهادة + 3 صور أصل أورنيك الرغبات + 3 صور
تسلم المظروف مرة أخرى في الطابق الخامس من الإدارة لمدام فتحية
ومعها طوابع بمبلغ 4 جنيه أو تشتريها من بواب المصعد بمبلغ 6 جنيه
ولاي استفسار انا مستعد
صلاح غريبة - القاهرة
0020102505243
|
|
|
|
|
|
|
|
Re: تجربتي في التقديم للجامعات المصرية من مكتب قبول الوافدين بالقاهرة ..خاصة لحملة الشهادة العر (Re: ghariba)
|
احد المتقدمين قابلته مشكلة في الشهادة فالمطلوب الشهادة الأصلية وليس صورة طبق الأصل
يتم توثيق الشهادة من الخارجية السعودية او الخارجية في البلد الصادرة منه ثم توثق من السفارة المصرية في الريا بمبلغ 80 ريال او البلد الصادرة منها
أو
يتم توثيق السفارة هنا في القسم القنصلي بمبلغ 50 جنيه مايعادل 30 ريال
والقنصلية السعودية بجوار السفارة السودانية بجاردن سيتي - شارع القصر العيني
ثم توثق من مكتب التوثيق بالخارجية المصرية ولديهم مكتب بجوار الكورنيش عمارة عزوز جوار السفارة الامريكية بمبلغ 11 جنيه مصري
| |
|
|
|
|
|
|
Re: تجربتي في التقديم للجامعات المصرية من مكتب قبول الوافدين بالقاهرة ..خاصة لحملة الشهادة العر (Re: ghariba)
|
بسم الله الرحمن الرحيم
الاخ غريبة سلامات وكيف الحال ومبروك للابنة أسماء
والله عرفتها انت ومشيت السودان( ياود أنت ساحر) لكن ماعرفت الحصل
للجماعة المساكين هنا فى الرياض جنس بشتنه وعدم تنظيم على مرأى ومسمع من الناس وذلك
يوم الثلاثاء 25/7/2006
تصور شالوا من كل أب مغترب مبلغ 110 ريال وهذا للتوثيق فقط
ثم 150 ريال قيمة استمارة التقديم علما بأن استمارة القبول الخاص للجامعات 260ريال
وده كلو هين مع عدم التنظيم الجماعة المسؤلين يبدا عملهم الساعة 10 صباحاكل يوم
ولا توجد اى بيانات توضح ماهو المطلوب حيث كان الأباء يقومون بالاستفسار عن المستندات
المطلوبة كل على طريقته وبعضهم رجع الى الدمام لاكمال النواقص واحضار
ابنه او ابنته معه ليس هذا وحسب يوم الثلاثاء اسنلم الاباء صور الاستمارة
وانتظروا حضورالاستمارة الاصلية يوم السبت مما جعل نوع من الهرجلة وعدم التنظيم
داخل السفارة جموع تتصارع واعضاء لجنة القبول يستمتعون بهذا التناطح المشين بين
جموع الحاضرين ابلغنى شاهداعيان انهم قرروا ان لا يأخذو قيمة الاستمارة من الذى تحصل
على 99% فما فوق ولكن بعد برهة صاح صائحا ان أحد الكبار بالسفارة قرر أن الذين يعفون
من الرسوم من هم تحصلوا على درجة 100% سبحان الله انظر الى هذا الشح والبخل علما بأن
توثيق الشهادة فى الخارجية السعودية بثلاثين ريال فقط أين البترول واين الذهب مع هؤلاء
كاد عقلى يذهب ارجو رجاء خاصا تشر هذا فى صفحتكم المرموقة ظلال التبلدى حتى يعلم
الظالمون اي منقلب ينقلبون .. جنس إهانة ومذلة لهؤلاء المغتربون مع استقطاع 10% من
الشهادة العربية حيث هنالك فرق عام جعلهم يفكرون فى تكملة التقص بزيادة سنة فى مرحلة
الاساس وتغيير المناهج التعليمية لاحقا حكمة والله وحكاية ارى ان يختار التربويين لهذا
المهمة.إن ما حصل فى السفارة يوم السبت يوم استلام الاستمارات شئ مضحك مبكى ومخجل وسط
سكوت تام من المسئولين يالسفارة ؟؟؟؟؟؟؟ علما بان استمارة التقديم فى الداخل بمبلغ 25 الف جنية سودانى فقط تفريبا إذا إلى متى يستمر مثل هذا الحال ؟؟؟؟؟؟؟؟؟؟
| |
|
|
|
|
|
|
Re: تجربتي في التقديم للجامعات المصرية من مكتب قبول الوافدين بالقاهرة ..خاصة لحملة الشهادة العر (Re: ghariba)
|
تخيل يا غريبة كل الحاجات دي عملتها هنا في الرياض .. وما كلفتني غير مشوار لغاية القنصلية المصرية .. يعني الناس ديل عندهم نظام ماشين بيهو ونحن لا .. لكن المصيبة إنكم مبارين الناس ديل وشايلين بطاقاتهم وحايمين وما بتقدروا تقولوا ليهم لا .. بعدين القاهرة نفسها بقت ما زي زماااان .. عايز ليك شوال قروش عشان تعيش فيها ولا كيف يا غريبة .. الله يرحم أيام كان الجنية يكفيك اليوم كلو ..
Quote: ارجو رجاء خاصا تشر هذا فى صفحتكم المرموقة ظلال التبلدى حتى يعلم
الظالمون اي منقلب ينقلبون .. |
يا آدم أخوي .. ناس غريبة ديل ما بيقدروا يقولوا الكلام دا .. لانه تمنه غالي وبيكلف كتييير .. المعروف عن أولاد الإنقاذ كلهم بيتعلموا بره وبقروشنا كمان .. وأولادنا نحن يودوهم الخدمة الإلزامية عشان يمشوا لي محرقة ما ليهم يد فيها وبرضو بي قروشنا .. شفت الفرق كيف ووصلنا لي وين ..
| |
|
|
|
|
|
|
Re: تجربتي في التقديم للجامعات المصرية من مكتب قبول الوافدين بالقاهرة ..خاصة لحملة الشهادة العر (Re: معتصم دفع الله)
|
بسم الله الرحمن الرحيم
أخى الكريم معتصم دفع الله مع فائق الاحترام
انا والله للآن لم اعرف سر الهجوم المتواصل على
الاخ صلاح غريبة لكن كل له اسبابه أماأناوالله ما وجدت
منه إلا الاحترام المتبادل والمعاملة الحسنة والسيرة الطيبة
حتى الآن لم المس منه إلا الهدوء والروية وطيب المعشر والشهادة
لله نشر لي فى صحيفته ظلال التبلدى ما لم ينشره الآخرون لكن نرجع
تقول حب الناس مذاهب ولولا إختلاف الأراء لما صنع من القماش الأسود
وجهة نظر ليس إلا لذلك أتمنى من أخى معتصم التسامح بالمناسبة
أنا قبل كدة دخلت فلم كاوبوى يذكرنى بهذا الاحساس انت عارف اسمه ايه
GOD CAN FORGIVE YOU BUT I DONT
بالله عليك الله شوف الشيطان ده
| |
|
|
|
|
|
|
Re: تجربتي في التقديم للجامعات المصرية من مكتب قبول الوافدين بالقاهرة ..خاصة لحملة الشهادة العر (Re: ادم الهلباوى)
|
ده بوست مهم
والتحية للباشمهندس غريبة للتطرق للموضوع ده
لكن لما شفت مداخلة أخونا أدم الهلباوي شعرت بأسى شديد رغم الكلام الجميل حق غريبة في الاول
هذا بعض حالنا
ولما يصبح مسؤولي السفارة السودانية بالرياض في وضعنا نحن الغلابة سيطالبون بما نطالب به الان
من وضع قوانين ولوائح منظمة للشغلة الدوشة دي .. بل ربما يصل بهم الامر للاعتصام امام السفارة
واشدد على قول الاخ معتصم دفع الله .. سياسة الكيل بمكيالين والمعايير المذدوجة سمة من سمات
اولى الامر عندنا
غايتو تقيف قدام محكمة مجرمي الحرب .... ولا تقيف قدام سفارة سودانية بهذا الشكل
نسأل الله السلامة
| |
|
|
|
|
|
|
|