|
جدعة - برية- حنجبة - وهمة
|
كنا نسميها حنجبة في زماننا والان الجيل الجديد يـطلق عليها برية ووهمة وجدعة وباختصار شديد الفكرة هي تحوير اي كلمة وسحب حرف او حرفين من الكلمة علي ان تعطي معني مضحك والامثلة كثيرة اكثر ما عجبني في هذا البورد كلام تماضر شيخ الدين في بوست لكل مهنة سردوب ياناس ناسا ناس ناسا وخلوا الناسا في ناسا دعوة للجميع وسوف نذكر كلمة او اكثر ونطلب من الجميع بريتا او جدعتا او وهمتا او حنجبتا
|
|
|
|
|
|
|
|
Re: جدعة - برية- حنجبة - وهمة (Re: Mutwali Malik)
|
الممثل الكبير جمال حسن سعيد له من الجدعات الكثير مرة في تمثيلية تلفزيونية كان معاه عزابة في البيت اليوم كلو يلعبوا في الليدو المهم مرة جمال جاء البيت زهجان ولقي الشباب نفس الحال بيلعبوا ليدو فقال ليهم تلعبوا في الليدو والليدو في النار مازي الليدو في الموية
| |
|
|
|
|
|
|
Re: جدعة - برية- حنجبة - وهمة (Re: محمد أبوعاقلة الطريفي)
|
اخي محمد ابوعاقلة لك تحياتي علي اطلالتك وشكرا للمشاركة صديقي الفنان العزيز اسامة الشيخ من الناس البارعين في ذلك وبالامس كنا نتحدث وجاءت كلمة اللوبي واسامة لايفوت اي فرصة لاي جدعة فقال لي اللوبي حلا بي دلاني في الودي
| |
|
|
|
|
|
|
Re: جدعة - برية- حنجبة - وهمة (Re: Mutwali Malik)
|
يا متولي يا عسل كيف اخبارك .. والله اول مرة اشوف البوست بوست لذيذ جدا وزي الحاجات دي كتيرة بالحيل بس الراس خرب لكن انشاء الله بنبحت في الذاكرة..
عندنا واحد في الرياض هنا كان بزبط في حلة في واحد بضوق فيها قال ليهو والله رهيبة قال ليهو (حالتو) دي لسة ما عملنا ليها التوم قال ليهو (حالتو احت امو)؟
| |
|
|
|
|
|
|
سيدا؟ (Re: Mutwali Malik)
|
سلام يا متولي ومشتاقين
طبعاً الأشهر بينهم جميعاً من رد على بتاع الركشة بعد أن سأله: سيدا؟
قال ليه: سيدا ومقددا
تحياتي لصاموطي ولكل الشباب
| |
|
|
|
|
|
|
Re: جدعة - برية- حنجبة - وهمة (Re: Mahir Ali Bob)
|
اخوتي امير الجمري - حسن بشير - ماهر علي تحياتي وشكرا علي المرور الجميل وطوقتونا بمشاركتكم مرة في واحد الله يطراهو بالخير قلت ليهو مالك كابي الزوقة فقال لي زوقة وبرندة فقلت ليهو زوقة ناس كتيرة
| |
|
|
|
|
|
|
Re: جدعة - برية- حنجبة - وهمة (Re: Mutwali Malik)
|
اعجبتني هذه الجدعة من اخي بدرالدين شنا في بوست انا والشيطان لمانا كون والي الان رافض يدخل معانا في بوستنا دا
سلامي وإحترامي وإشتياقي
Quote: YOU MADE MY DAY....
الله يـ(MADE) في أيامك
| |
|
|
|
|
|
|
Re: جدعة - برية- حنجبة - وهمة (Re: Mutwali Malik)
|
عمك قال لولده: أقعد هنا أنا ماشي وبجي صاد الولد قال ليه : لا تعال سين عليك الله.
الأستاذ قال للطالب : ياخي إنت مش زول كبير؟ رد : لا أنا زول كحفرة معليش ياخواننا ما مواكب, كنت نايظ في الحوش
| |
|
|
|
|
|
|
Re: جدعة - برية- حنجبة - وهمة (Re: Mutwali Malik)
|
معليش بس الموضوع دا جاني عوضا كدة أيام كنا في حمزة الشيخ ولا حمزة الوز ما متاكد لكن العارفه إنو لما جات سيرة الراجل داك أنت قلت لي : ياخي الزول دا متوفي مالك ومالو؟ عموما متولي ولكم يغفر الله
| |
|
|
|
|
|
|
|