|
|
 بالله عمى دا موش ليهو حق!
|
حج عمى قبل عدة سنوات ومعه زوجته وابنه الصغير وكانت درجة الحرارة يومها 45 مئوية على احسن الفروض وبعد ان قضىوا ايام التشريق الثلاثة فى حر منى المركزىاقتاد زوجته وحمل ابنه وتوجه معتدل مارش صوب الحرم لأداء طواف الافاضة يحمل متاعه بيد ويحمل ابنه الصغير على كتفه متقدما زوجه فى حر لاهب وارض ترتفع لتنخفض وزوجته تترنح من التعب وهى تلهث :
هسة نحن ماشين وين!
عمى مزمجرا: ماشين اسرائيل!
باقيلكم عمى دا عندو حج!
والله فى بورداب اخير منهم مرة عمى اسئلتهم تخلى الزول يمرق من طورو!
جنى
|
|
 
|
|
|
|
|
|
|
|
Re: بالله عمى دا موش ليهو حق! (Re: jini)
|
غايتو يا جني
انت
وعمك
وود عمك
كلكم تحف ما حصلت
حسب علمي انه سرعة البديهه والرد الزي الطلقات ده قالوا حق اهل سجيمان(الرباطاب) لكن يبدو
في داخل كل سوداني يتخبأ (رباطابي صغير),لهم التحيه.
المشكله انه عمك مع ال(Brain Wash) الحاصل علينا مصدق انه اسرائيل هي جهنم
وهي دوله من اجمل الدول!!! وطقسها اروع ما يكون.
تراجي.
| |
|
|
|
|
|
|
|
|
|
Re: بالله عمى دا موش ليهو حق! (Re: Tragie Mustafa)
|
Quote: كلكم تحف ما حصلت
حسب علمي انه سرعة البديهه والرد الزي الطلقات ده قالوا حق اهل سجيمان(الرباطاب) لكن يبدو
في داخل كل سوداني يتخبأ (رباطابي صغير),لهم التحيه.
المشكله انه عمك مع ال(Brain Wash) الحاصل علينا مصدق انه اسرائيل هي جهنم
وهي دوله من اجمل الدول!!! وطقسها اروع ما يكون.
تراجي |
عمى يا تراجى اى حاجة تعجبوا يقول ليك سماحة يهود وشغل يهود وبعز اليهود شديد مرة قال لى انا السودان عرفتوا ماشى لى وراء من ما مرقوا من اليهود والاغاريق!
مرة عمى هو ولده المشى معاهو الحج بتفرجوا فى مسلسل عربى على ما أذكر الممثلة كانت هناء ثروت الولد احمد الصغير علق قائلا أكان دى أمى (متمنيا)!
فرد عمى غامزا زوجته :بى حظ منو! انت ولا أبوك!
عمى يعز اليهود مرة قال لى حصل سمعت يهودى ما أدى فلسطينى مرتبه زى ناسنا ديل!
جنى
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: Hozy)
|
Quote:
جني
معناها عمك ده لما رد على زوجته انه ماشين اسرائيل ده
كان جااادي في التشبيه وقاله بقلب متطمئن |
عمى كان كثيرا ما يسألنى عن سعر الريال السعودى وكالعادة يتذبذب تالريال صعدوا وهبوطا فى مقابل الجنيه السودانى مما يربك حساباته ومصاريف اولاده فعلق ذات مرة
انت الريال دا مالو طالع ونازل زى سيد السكرى!
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
اخى وصديقى العزيز جنى
بالجد عمك عمل كده ؟ عشان نساعدوا يعمل حجه ثانيه
غايتوا زمان بنعرف الخرف لكن جن الكبر دا ما سمعنا بيهو
وين صورة الحلوين اجننت زياده وعملت ذى عمك وحذفتها
المهم متين نشوفك وبالمناسبه انا على الطريق للسودان
تحياتـــــــــــــــى
ســـــــــــــــــيد
| |
|
|
|
|
|
|
|
|
|
Re: بالله عمى دا موش ليهو حق! (Re: سيد محمد احمد سيدنا)
|
عزيزي جني
تحياتي
Quote: هسة نحن ماشين وين!
عمى مزمجرا: ماشين اسرائيل!
باقيلكم عمى دا عندو حج!
والله فى بورداب اخير منهم مرة عمى اسئلتهم تخلى الزول يمرق من طورو! |
سؤال مرة عمك فعلا يطلع الواحد من طورو ..
غايتو ربنا يقبل منو حسب نيتو.
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
سماحه اليهود دي تعمينا وتطرشنا الا سمح القرش تراجي قالت من اجمل البلدان او ما معناه هل ممكن تكون اسرائل جميله بعد الحاصل بينهم وبين الفلسطنيين وسمح البلد البتكون وراها امريكا وسمحين اليهود الماسكين العالم من الساحل الشرقي للغربي ولابسين العالم خاتم
| |
|
|
|
|
|
|
|
|
|
Re: بالله عمى دا موش ليهو حق! (Re: doma)
|
| Quote: سماحه اليهود دي تعمينا وتطرشنا |
والله الجينز دا يخلو لي بنات اليهود!
شعب الله المختار كان ما بقى سمح الببقى سمح منو!
ما سمعت بي سالومى المهرها كان راس نبى الله يحى!
انت ما عاوزة تبطلى عدائك للسامية!
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
الاخ/ جنى
تحيه طيبه
قبل فتره ملاسى فتح بوست سماهو اوسلى و انا عملت مداخله على عجل لبلدى
رقم انو كان قاصدك بالبوست لكنك ما قدلت فيه كتير .
على العموم ياجنى هاك دى من الذاكره
عم امى احمد مشى الحج بعدين مرض مرض الموت فاخذه ابناء الاهل
و لزم سرير المستشفى شهر و الحج فاتوا
اول ما فاق قال ماشى البلد و الناس تعتذر له و تطلب المغفره له
و قالوا له العام القادم تكاليف الحج علينا
قال لهم الله لا جابنى هنى تانى
| |
|
|
|
|
|
|
|
|
|
Re: بالله عمى دا موش ليهو حق! (Re: محمد احمد ابراهيم)
|
Quote: عم امى احمد مشى الحج بعدين مرض مرض الموت فاخذه ابناء الاهل
و لزم سرير المستشفى شهر و الحج فاتوا
اول ما فاق قال ماشى البلد و الناس تعتذر له و تطلب المغفره له
و قالوا له العام القادم تكاليف الحج علينا
قال لهم الله لا جابنى هنى تانى |
جينا لى مكة تغنينا قلعت طواقينا!
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: صديق الموج)
|
| Quote: جنى المجنون...ده ما بكون عمك بتكون ده انت زاتك..الله يضحكك شديد،،، |
والله يا ود الموج عمى دا راجل خترى عديل
راجل حبوب يعمل فى مزرعة فى المدينة المنورةنال حظا بسيطا من التعليم ويتمتع بذكاء ورهافة حس ورقة تعامل لا تجده حتى فى الهيئات الدبلوماسية الولية موش بتاعتنا افتقدته بعد انتقاله من جدة للعمل فى المدينة كنت ابادله الحديث قلت له مرة ياعمى متى تضع حدا لهذه الغربة فقال لى بعفوية
ك
يا ولدى انا ما مغترب انا مخلى أهلى با قيلك فى مغترب بيصرف 1200 ريال مرتب بس!
جنى
| |
|
|
|
|
|
|
|
|
 Re: بالله عمى دا موش ليهو حق! (Re: jini)
|
Quote: قلت له مرة ياعمى متى تضع حدا لهذه الغربة فقال لى بعفوية
ك
يا ولدى انا ما مغترب انا مخلى أهلى با قيلك فى مغترب بيصرف 1200 ريال مرتب بس! |
جنى
و الله عمك دة عسل عديييل كدة
خالص التحايا لك
و لابنائك الحلوين
مشتاقين لشوفتهم
غادة
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
Quote: عمى قالو ليهو لونسيت الجمرات ما لقطتها من مزدلفة الا ترجع تجيبا تانى!
قال ليهم ليه اصلها اسبيرات نيسان!
|
الله يجازى محنك ... ياجنى
وود عمك دا اخطر من ابوه
| |
|
|
|
|
|
|
|
|
|
Re: بالله عمى دا موش ليهو حق! (Re: على محمد على بشير)
|
Quote: بري دا كله يطرشني .تتذكر ممثله مولد نجمه Barbra Streisand النبي سماحتها شنو يا جني _؟؟
والسامييون ديل ولا العم سام ولا شنو؟؟؟؟ الاتننين لاهم لا ولاد عمهم ما بريدهم وحاجات تانيه خليها في سرك |
Star is born!
Barbra Straisand!
صاحبة الأنف الرومانى الجميل أسألى عمر الشريف خلينى أنا!
أسكنازيم وسفرديم ناس من كل بلاد الدنيا ما بلموا السماحة كيف!
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
يا جني سبب شناتها عندي انفها دي ذاتها خلي خشمها المشرتم داك وعيونها صغار بعدين ملخبته ما ظنيت يهوديه صافيه هم عيونهم ما مفروض تكون بلو لانهم ولاد عم الاعراب تكون مطعمه بي روس ولا نصيبه زمان لكين ياها انف اليهود الما بتغباني وما سمحه انفهم اشنا ما فيهم وين تلقي الانف الرومانيه؟؟؟!!!
عمر الشريف شن خبرو بالسماحه غير كدي يكون خاف لانه اي زول يقول شي ضدهم معناتو قيامته ربطت اها عمر الشريف حريف ما يقدر يقول ام المك عزباء ولا كان تاني عقد فلم من ناس هولي وود قدحه ما يشمه
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
ياجدو جني ..
عمك زول لذيذ وواضح وصريح ..
طبعاً صاحبك (الأسد) من أكتر المستهلكين للصناعة اليهودية
عندو صندل بني كدا بيشتريهو يلبسو وتاني أنسى !
أصلو ما بيتقطع ..
تموت تخلي .. لكن اسرائيلي
ويقول لينا شفتوهم مخلصين كيف ؟
ديل كان العرب كان لحق الزينين
| |
|
|
|
|
|
|
|
|
|
Re: بالله عمى دا موش ليهو حق! (Re: Muhib)
|
| Quote: لوفكرت فيها ,اسرائيل نفسها ارض مقدسه ويدي عمك العافيه .. |
وداخلين بى15 سهم!
والميزة فيهم بعزو أرضهم وزولهم يجيبوا من سقط لقط يدفنوا فيها ومقابرهم السد ما يدخلها نحن مقابرنا مرتع للكلاب الضالة والله مقابرهم تعمل فيها رحلة ونحن مقابرنالو سكاك كيس نايلون فيها السروراب ما تحوشك!
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: زرياب كنيش)
|
Quote: لك التحية
عارف لما اقرا ردودك دي بتزكر
خالي متوكل جبريل اعتقد انك تعرفو |
بلحيل متوكل جبريل الوجيه والله خالك دا كان فى الحفلات تقول جون ترافولتا فى الرقيص يخطف ليك الأضواء ويخليك الباقين لافين صينية
تحياتى له
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
Quote: العزيز جني
فعلاً في أسئلة بتجنن عديل كدة..
لك ولأسرتك الكريمة تقديري وكثير احترامي..
الزاكي |
الزاكى حبينا
عمى يحتفظ بمياه صحية فى غرفته وكذلك ماء زمزم وماء عادى للاستعمالات الاخرى ذات مرة احدى المصريين تناول جرعة من ماء فى التلاجة ولم يستسيغها وكانت موية زمزم وقال لى عمى دى مية أيها
فرد عمى سفن أب يا بيه فأخرجها أخونا المصرى من مناخيرها حتى كاد أن يشرق!
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
Quote:
عارف يا جني
البجنن منو ؟
مرات عمك دي
ليهو حق ...
بس في الحقيقة جابدك شديد
تسلم |
فى احدى المرات غضب زوجة عمى من نصيحة شقيقه واعتبرته تدخلا سافرا فى شئونها واخبرت عمى مستنكرة فألقمها عمى حجرا قائلا انا واخوانى الاتنين زي البطارية أم تلاتة حجار ماتنور الا بينا التلاتة!
جنى
| |
|
|
|
|
|
|
|
|
|
Re: بالله عمى دا موش ليهو حق! (Re: jini)
|
Quote:
سؤال مرة عمك فعلا يطلع الواحد من طورو ..
غايتو ربنا يقبل منو حسب نيتو. |
أبو جهينة
قام عمى بقشر غرف منزله الجالوص بالطوب غقب عودته فى احدى المرات من السعودية فقال له ابنه يا بوى ما تعمل لينا الأوضة التانية! فرد عمى ساخرا يا ولد انت داير يدونا عين !
جنى
| |
|
|
|
|
|
|
| |
jini
يازولyazoalيازول
Tragie Mustafa
ناذر محمد الخليفة
سيد محمد احمد سيدنا
ابو جهينة
doma
محمد احمد ابراهيم
صديق الموج
غادة عبدالعزيز خالد
على محمد على بشير
الزاكى عبد الحميد
تيسير عووضة
Muhib
القلب النابض
فيس بوك
تويتر
انستقرام
يوتيوب
بنتيريست