|
الهلال يعلن تجميدة نشاط فريق كرة القدم
|
خلال اجتماع الجمعية العمومية قام رئيس الاتحاد العام الدكتور كمال شداد بطرد رئيس الهلال السيد صلاح ادريس من اعمال الجمعية بعد ان اصر على مقاطعة اعمال الجمعية كل لحظة بطلب نقطة نظام فى الوقت الذى كان فيه النظام محفوظ ليقرر رئيس الجمعية طرده مستخدما افراد الشرطة المناط بهم حفظ النظام فى الجمعية لابعاده عن قاعة التداول **********************
اصدر مجلس ادارة نادى الهلال بعد ظهر الاحد قرارا قضى بتجميد نشاط فريق الكرة بالنادى وافادت متابعات سودان سوكر ان القرار الذى تم اتخاذه فى اجتماع طارىء استند على ما اعتبره اهانة للهلال من قبل الاتحاد العام بطريقة التعامل مع رئيس النادى فى الجمعية العمويمة الاخيرة السبت وافاد مصد مسؤول بنادى الهلال ان جميع انشطة النادى تحت اشراف الاتحاد العام لكرة القدم مجمدة لحين البت فى الطعون التى تقدم بها النادى للمفوضية الاتحادية
منقول من سودان سوكر
|
|
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
شوفو يا ناس هووووووووووووووي.. واسمعوني يا هلالاب كوييييييييس.. بغض النظر عن ما قام به الدكتور شداد .. صلاح ادريس زاااااااااااتو زودها شوية وبقا يتعامل مع نادي الهلال وكأنه واحد من مؤسساته الفاشلة !!!!! صلاح إدريس زول ما عندو علاقة بي الرياض ولا يمت للهلال الكيان بي اي صلة !!!!! اي نعم صلاح ادريس زول كان عندو قروش وحاول يحاكي باقي راسماليين العالم بدخول عالم الكرة لكن صلاح ادريس لا يملك عقول هؤلاء!!!!!!! تم ترشيح صلاح ادريس وايدناه وهللنا وكبرنا .. لكن لا يمنعنا ذلك من ان نقول رأينا كجماهير عندما يتعلق الموضوع بالهلال الكيان .. صلاح ادريس الذي اصبح يدخل مشاكله الشخصية في نادي الهلال فيحلف بي الطلاق مرة ومرة يحلف بي الحرررررم لا يحق له ان يصفي حسابات شخصية مع شداد على حساب نادي الهلال... والحكاية ما جعولية يا صلاح ... وشداد راسو اقوى منك وفي يدو السلطة ومش كان تجمد الهلال كان تدق راسك بي الحيطة ما بيخليك .. يبقا بالله عليك يا صلاح ادريس ما تقعد عشان تضرب شداد تقوم تستخدم جماهير الهلال كدروع بشرية .. نرفض وبكل شدة قرار التجميد وإن كان لرد الإعتبار .. فصلاح ادريس يود ان يرد اعتباره هو وليس اعتبار الهلال الكيان والنادي فيحاول ان يتسدر عطفنا نحن الجماهير ولكن صدقوني عندما يكون الموضوع الهلال لا نقبل لا صلاح ادريس ولا الجن الاحمر يجي يضحي بينا ... على جمهور الهلال ان يقف ضد هذا القرار بشدة وعلى صلاح ادريس ان يصفي حساباته مع شداد خارجاً.. وطالما الموضوع جعولية فعلى صلاح ادريس ان يقول لكمال شداد : طااااااااااالعني الخلا ويمشو يضاربوا هناك .. لكن الهلال لأ يا صلاح ادريس.. صلاح ادريس بي صراحة بقا زول ممل جداً وبي صراحة اكثر بقا زول بيجيب العصبي !!! بقا جنننننننو ظهور في التلفزيون وإن شاء الله كان إستضافوهو في فترة المنوعات يقوم ينط ليك بي حكاية ولقد نجحنا في تقديم طعن ضد شداد .. من هو صلاح ادريس الرياضي ؟؟؟؟؟؟؟؟؟؟؟؟؟؟؟ وما هو تاريخه الرياضي مع الهلال ؟؟؟؟؟؟؟؟؟؟؟؟؟؟ وماذا يعرف صلاح ادريس اصلاً في الرياضة ؟؟؟؟؟؟ نعم يا صلاح ادريس يمكن ان تشتري قصيدة ولحن .. نعم يا صلاح يمكن ان تحوي مجموعة من الفنانين ليطبلوا ويهللوا لك ويشيلوك فوق الراس ويشبكوك يا الارباب الارباب .. نعم يا صلاح ادريس يمكن ان تشتري شعراء ... نعم يا صلاح يمكن ان تشتري وتتاجر بالاعمدة الصحفية اليومية .. ولكن ................................... لن ولن ولن ولن ولن ولن تستطيع ان تشتري الهلال الكيان والجمهور العظيم .. ولا ولن تمسح لك الجماهير لتهدم ما بناها اعظم رجالات امدرمان بعرقهم وجهدهم .. ولا ولن يسمح لك الجمهور العظيم ان تضحي بسمعة نادي من اجل علي الطلاق والروب والتوبة لي حبوبة ... لا لن تستدر عطفنا بشماعة مهزلة الهلال في شخص رئيسه فما تقوم به مع شداد مسألة شخصية .. وبالرغم من انني لم اشهد هذه الجمعية ولكني على يقين بأنك كنت مشاتراً وخارجاً عن حدود ادب الحوار واخدت المواضيع بعنجهية بعد ان صرت تتلذذ بما تسميه النصر على الاتحاد وكمال شداد الذي لم يستطيع احد هزيمته .. اكررها يا صلاح ادريس ويا ادارة النادي .. لا تتخذوا قرارات فردية وتعلقون شماعات خيباتكم في مرمطة سمعة الهلال في شخص رئيسه .. ويا إدارة نعم نسمح لأنفسنا بتجميد النشاط بل وإغلاق النادي تماماً عندما يكون هذا الريس المطرود هو ربان سفينة الهلال الطيب عبد الله الذي هو فعلاً يمثل الهلال الكيان .. ولكن نرفض لمن هم رؤساء الصدفة والمال والذين لا علاقة لهم بالرياضة لا من قريب ولا من بعيد ان يلتصقوا بتاريخ الهلال وهم مثلهم مثل الذي جاء ليشجع الهلال بعد ان صار عمره 30 عاماً لا يعرف من تاريخ الهلال إلا برشم وهيثم مصطفى واقجي ..
| |
|
|
|
|
|
|
صلاح (Re: haider osman)
|
بعد كارثة نميرى فى رياضتو الجماهيرية
صلاح ادريس دا برضو حيكون الكارثة التانية للكورة
| |
|
|
|
|
|
|
Re: صلاح (Re: mohmmed said ahmed)
|
غايتو عجبنى الكلام ده..
Quote: شوفو يا ناس هووووووووووووووي.. واسمعوني يا هلالاب كوييييييييس.. بغض النظر عن ما قام به الدكتور شداد .. صلاح ادريس زاااااااااااتو زودها شوية وبقا يتعامل مع نادي الهلال وكأنه واحد من مؤسساته الفاشلة !!!!! صلاح إدريس زول ما عندو علاقة بي الرياض ولا يمت للهلال الكيان بي اي صلة !!!!! اي نعم صلاح ادريس زول كان عندو قروش وحاول يحاكي باقي راسماليين العالم بدخول عالم الكرة لكن صلاح ادريس لا يملك عقول هؤلاء!!!!!!! تم ترشيح صلاح ادريس وايدناه وهللنا وكبرنا .. لكن لا يمنعنا ذلك من ان نقول رأينا كجماهير عندما يتعلق الموضوع بالهلال الكيان .. صلاح ادريس الذي اصبح يدخل مشاكله الشخصية في نادي الهلال فيحلف بي الطلاق مرة ومرة يحلف بي الحرررررم لا يحق له ان يصفي حسابات شخصية مع شداد على حساب نادي الهلال... والحكاية ما جعولية يا صلاح ... وشداد راسو اقوى منك وفي يدو السلطة ومش كان تجمد الهلال كان تدق راسك بي الحيطة ما بيخليك .. يبقا بالله عليك يا صلاح ادريس ما تقعد عشان تضرب شداد تقوم تستخدم جماهير الهلال كدروع بشرية .. نرفض وبكل شدة قرار التجميد وإن كان لرد الإعتبار .. فصلاح ادريس يود ان يرد اعتباره هو وليس اعتبار الهلال الكيان والنادي فيحاول ان يتسدر عطفنا نحن الجماهير ولكن صدقوني عندما يكون الموضوع الهلال لا نقبل لا صلاح ادريس ولا الجن الاحمر يجي يضحي بينا ... على جمهور الهلال ان يقف ضد هذا القرار بشدة وعلى صلاح ادريس ان يصفي حساباته مع شداد خارجاً.. وطالما الموضوع جعولية فعلى صلاح ادريس ان يقول لكمال شداد : طااااااااااالعني الخلا ويمشو يضاربوا هناك .. لكن الهلال لأ يا صلاح ادريس.. صلاح ادريس بي صراحة بقا زول ممل جداً وبي صراحة اكثر بقا زول بيجيب العصبي !!! بقا جنننننننو ظهور في التلفزيون وإن شاء الله كان إستضافوهو في فترة المنوعات يقوم ينط ليك بي حكاية ولقد نجحنا في تقديم طعن ضد شداد .. من هو صلاح ادريس الرياضي ؟؟؟؟؟؟؟؟؟؟؟؟؟؟؟ وما هو تاريخه الرياضي مع الهلال ؟؟؟؟؟؟؟؟؟؟؟؟؟؟ وماذا يعرف صلاح ادريس اصلاً في الرياضة ؟؟؟؟؟؟ نعم يا صلاح ادريس يمكن ان تشتري قصيدة ولحن .. نعم يا صلاح يمكن ان تحوي مجموعة من الفنانين ليطبلوا ويهللوا لك ويشيلوك فوق الراس ويشبكوك يا الارباب الارباب .. نعم يا صلاح ادريس يمكن ان تشتري شعراء ... نعم يا صلاح يمكن ان تشتري وتتاجر بالاعمدة الصحفية اليومية .. ولكن ................................... لن ولن ولن ولن ولن ولن تستطيع ان تشتري الهلال الكيان والجمهور العظيم .. ولا ولن تمسح لك الجماهير لتهدم ما بناها اعظم رجالات امدرمان بعرقهم وجهدهم .. ولا ولن يسمح لك الجمهور العظيم ان تضحي بسمعة نادي من اجل علي الطلاق والروب والتوبة لي حبوبة ... لا لن تستدر عطفنا بشماعة مهزلة الهلال في شخص رئيسه فما تقوم به مع شداد مسألة شخصية .. وبالرغم من انني لم اشهد هذه الجمعية ولكني على يقين بأنك كنت مشاتراً وخارجاً عن حدود ادب الحوار واخدت المواضيع بعنجهية بعد ان صرت تتلذذ بما تسميه النصر على الاتحاد وكمال شداد الذي لم يستطيع احد هزيمته .. اكررها يا صلاح ادريس ويا ادارة النادي .. لا تتخذوا قرارات فردية وتعلقون شماعات خيباتكم في مرمطة سمعة الهلال في شخص رئيسه .. ويا إدارة نعم نسمح لأنفسنا بتجميد النشاط بل وإغلاق النادي تماماً عندما يكون هذا الريس المطرود هو ربان سفينة الهلال الطيب عبد الله الذي هو فعلاً يمثل الهلال الكيان .. ولكن نرفض لمن هم رؤساء الصدفة والمال والذين لا علاقة لهم بالرياضة لا من قريب ولا من بعيد ان يلتصقوا بتاريخ الهلال وهم مثلهم مثل الذي جاء ليشجع الهلال بعد ان صار عمره 30 عاماً لا يعرف من تاريخ الهلال إلا برشم وهيثم مصطفى واقجي .. |
وصراحه صلاح ادريس كونو يتعدى فوق القانون دى انا اصلو مقادر اتقبلها مهما غلط شداد الا ان القانون مفروض يكون الفيصل..وفوق الجميع..
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
Quote: من هو صلاح ادريس الرياضي ؟؟؟؟؟؟؟؟؟؟؟؟؟؟؟ وما هو تاريخه الرياضي مع الهلال ؟؟؟؟؟؟؟؟؟؟؟؟؟؟ وماذا يعرف صلاح ادريس اصلاً في الرياضة ؟؟؟؟؟؟
|
سلام يا عمر ، الكلام ده زمان قالو زولكم تاج السر حسن.. فاكر
و لو ما الامور اتلخبطت على انت كنت فرحااااان بالارباب ساعتها
كنت فاكرو زى (جمال الوالى)
لكن على الما بيكتلك بيقويك
ركنية :
يا راكوبة البيشجع من يوم فتحو النادى زاتو ما فاتتو حاجة
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
راكوبة الصهيوني : الشجع الهلال بعد الثلاثين مليون في المية ما حضر الكؤوس الذهبية الدبل قبينة وما حضر عز الدين الدحيش وهو يستلم الكأس مرتين من نميري وقطع شك بيكون ما سمع بي حاجة إسمها الرياضة الجماهيرية وده معناهو إنو ما عارف إنو الهلال فاز على المريخ مرتين في كأس ذهبية البيشجع الهلال بعد الثلاثين بيكون ما اكل حلاوة جكسا في المولد .. البيشجع الهلال بعد الثلاثين ما حا يكون عارف إنو الهلال لاعب فريق سانتوس البرازيلي في وجود بيلية وخسر بهدف وما حا يكون عارف إنو الفاتح النقر كان زول لعيب وحريف وعمل في كارلوس البيرتو فيريرا مدرب البرازيل لمن كان لاعب وخلاهو يمسك راية الكورنة .. البيشجع الهلال بعد الثلاثين ما بيكون عارف إنو الهلال لعب نهائي افريقيا في يوم ما وفي كشفه 13 لاعب فقط ... والبيشجع الهلال بعد الثلاثين ما بيكون عارف ناس الامير منزول وناس قاقرين وناس جكسا وناس جعفر عبد الرازق وربما حتى حمد والديبة .. البيشجع الهلال بعد الثلاثين لا يعرف ربان سفينة الهلال الطيب عبد الله ولا يعرف السماني ولا يعرف حتى الحكيم طه علي البشير البيشجع الهلال بعد الثلاثين ربما يكون ما عارف إنو شداد الأسة بيقولوا ضد الهلال ده كان هو مدرب الهلال في نهائي افريقيا 87 .. طبعاً انا عاااااارفك يا كارثة راجينا نقول ليك البيشجع الهلال بعد الثلاثينات ما بيكون حضر بطولة خارجية للهلال وطبعاً دي لو سألوا محمد احمد المهدي الكان مرضان بتشجيع الهلال حا يقول ليك يعميني
| |
|
|
|
|
|
|
Re: الهلال يعلن تجميدة نشاط فريق كرة القدم (Re: عمر الفاروق)
|
....
خبر مؤسف ان يجمد نشاط نادي الهلال الرياضي بقرار من مجلس إدارته اقول نشاط النادي وليس فريق كرة القدم لان فريق الكرة هو اساس نشاط النادي . وبالطبع سيكون لهذا القرار اذا استمر سريانه الكثير من الانعكاسات على مسيرة الدوري الممتاز ومشاركة الهلال في البطولة الكونفدرالية والبطولة العربية القادمة .
الوسط الرياضي يعج بالخلافات في كافة المؤسسات الرياضية على مستوى الاتحادات و الاندية ويقيني لايوجد نشاط رياضي واحد في البلاد خالي من الخلافات بين الاشخاص ؟؟؟ ولكل هذا يعود الى الغياب التام للقوانين التي تنظم النشاط الرياضي وعندما نتحدث عن القوانين نتحدث عن تلك القوانين اللتي تجاز ديمقراطيا وليس القوانين الموضوعة الان من قبل قلة المشاركة في وضع القوانين وإجازتها تجعل الكل ملتزما بها وحريصا على تطبيقها من قاعدة الهرم الرياضي الى قمته .... وزارة الشباب والرياضة واخيرا اضيفت اليها الثقافة وانظر فقط الى اسم الوزارة التي هي احدى وزارات الترضيات ونظرة الحكومة المستصغرة اليها وهي المناط بها إدارة النشاط الرياضي في البلاد بدون تخطيط ورؤية واضحة او ميزانية اذا الفشل يكون من قمة الهرم ..
ثم ياتي دور الاتحادات الرياضية ونخص إتحاد كرة القدم والحديث عن اهلية وجماهيرية اتحاد كرة القدم او تبعيته للحكومة وهل العمل في الاتحاد تطوعي ام بمقابل ..فكثيرا ما دار جدل واسع وكثيرا ما عينت الحكومة الاتحاد وكثيرا ما شهدنا صراع الاتحاد مع الوزارة ...وهو الاتحاد المناط به إدارة نشاط كرة القدم في البلاد بادارة وتنظيم المنافسات الداخلية ومسؤليته عن الاتحادات الاقليمية و الفرعية و الاندية و المنتخب الوطني ...طوال تاريخ كرة القدم في السودان فشل الاتحاد العام في تحقيق اي إنجاز لكرة القدم السودانية على مستوى المنتخب سوى عام 70 وعلى مستوى الاندية هناك انجاز واحد عام 89 باسم المريخ ..إذا كانت العبرة بالنتائج فالمحصلة صفر كبير على الشمال ...
اما الاندية الرياضية فلايختلف حالها عن حال الدولة و الوزارة و الاتحاد صراع وانقسام بين الافراد من اجل الفوز بكراسي مجلس الادارة سواء كان بالانتخاب الزائف او التعين التركيز على نشاط كرة القدم واهمال المناشط الاخرى الوجاهة وحب الظهور و الفلاشات و الصحف الرياضية المملوكة اصلا لاعضاء مجالس الادارات العشوائية و التخبط وعدم النظام .....الخ هو حال الاندية التي يصرف عليها افراد ليمتلكوها بامتلاك حق إتخاذ القرارات ...
لا خير في شداد وحواريه ولاخير في الارباب وتابعيه ولاخير في حكومة دكتاتورية لا يحكمها قانون ..
ولا تقدم وإزدهار للرياضة او اي شئ آخر في بلد يعاني مواطنوه ولاتتوفر لهم لقمة العيش و الماء ...
يعني بصراحة (بلد فيها مشكلة اكل وشراب ) لا يمكن ان تتقدم .....؟؟
...
| |
|
|
|
|
|
|
Re: الهلال يعلن تجميدة نشاط فريق كرة القدم (Re: عمر الفاروق)
|
ودالفاروق
Quote: الشجع الهلال بعد الثلاثين مليون في المية ما حضر الكؤوس الذهبية الدبل قبينة وما حضر عز الدين الدحيش وهو يستلم الكأس مرتين من نميري وقطع شك بيكون ما سمع بي حاجة إسمها الرياضة الجماهيرية وده معناهو إنو ما عارف إنو الهلال فاز على المريخ مرتين في كأس ذهبية البيشجع الهلال بعد الثلاثين بيكون ما اكل حلاوة جكسا في المولد .. البيشجع الهلال بعد الثلاثين ما حا يكون عارف إنو الهلال لاعب فريق سانتوس البرازيلي في وجود بيلية وخسر بهدف وما حا يكون عارف إنو الفاتح النقر كان زول لعيب وحريف وعمل في كارلوس البيرتو فيريرا مدرب البرازيل لمن كان لاعب وخلاهو يمسك راية الكورنة .. |
دايماً كده محليين وبس!
Quote: البيشجع الهلال بعد الثلاثين ما بيكون عارف إنو الهلال لعب نهائي افريقيا في يوم ما وفي كشفه 13 لاعب فقط ... |
ودايماً وصافة، حتى بالتزوير والمنشطات أها في حاجة تانية، إذكر إن شاء الله ربع إنجاز بنقول ليك واحد!!
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
اخونا جمال:
Quote: وعلى مستوى الاندية هناك انجاز واحد عام 89 باسم المريخ .. |
يا راجل حرام عليك ظلمت الجماعة !!! الإتحاد الأفريقي والفيفا سجلوا إنجاز المريخ بفوزه بكأس إعتزال اللاعب شخبوط بن متعب ال فريحان .. الفيفا سجل إنجاز المريخ بفوزه ببطولة كأس والي الخرطوم لوزارة التخطيط ... الفيفا سجل للمريخ بطولة كأس دبي والشارقة للخيول والنعام ... الإتحاد الأفريقي سجل إعجاز المريخ بفوزه في مباراة تكريم علوية الإنقاذ.. المريخ سجل نااااااااااااصع في البطولات الخارجية والكأسات المحمولة جواً .. مالك عايز راكوبة يزعل منك
| |
|
|
|
|
|
|
Re: الهلال يعلن تجميدة نشاط فريق كرة القدم (Re: عمر الفاروق)
|
والله ياعمر الفاروق كلامك سمح وبخليني اقلع مريخيتي ولكن بعد دا كلو ما بتفق معاه زي عدم اتفاقي مع ناس السعودية في هجومهم على البلوي..ونكاية في دكتور شداد لأنه زمان أيام الهوى الأول ولع لمباته في فردتي في صالة البي إن لما كان قابلناه ونحن داخلين السينما ولما حاولت اتصدى ليهو وقفتني البنية ومشت سلمت عليهو وعرفته بنفسها وإنها من طالباته وكدا ومن وقتها وأنا دكتور شداد شايل ضده لحدي ما جاء صلاح إدريس وكفكف ليهو. ما لا أطيقه في صلاح إدريس تطاوله على أولاد ملاح وطه البشير والأمين البرير وأخيرا هجومه على أمين زكي دفاعا عن سبت دودو.. أما مشروعه لبناء استاد جديد للهلال (وين؟) فدا حيعوض عليهو صغر سن هلاليته بأثر رجعي وهو سيكون مشروع ناجح والإستاد الحالي عجز وبقى قدرنا ويا ما شفنا فيهو ناس استاروستا وجكسا وسبت وغيرهم بتمرنوا فيه والعراضات كانت صفائح اسمنت ووقتها كان الإستاد بتحيط بيهو نفس المعالم الهسع القعدوا يستعروا منها مع إنو زريبة العيش دي كانت زريبة بهائم وحوش البلدية دا كان فيهو حظيرة الحيوانات السائمة والمصانع بنت السودان والظهرة وإدريس الهادي والطرمبات وبيوت ناس أبوالعلا والسر الحلبي ومعهد امدرمان ووووووو
| |
|
|
|
|
|
|
Re: الهلال يعلن تجميدة نشاط فريق كرة القدم (Re: banadieha)
|
بناديها
Quote: ووقتها كان الإستاد بتحيط بيهو نفس المعالم الهسع |
الغريبه طالب بعض الرشاشات إذا ما تم بناء استاد جديد، نقل محلات البهارات وموقف أمبده بجانب الملعب الجديد، لانوا لاعبي الهلال وجمهوره تعودوا على اللعب في مثل هذه الأجواء! يمكن عشان كده اخدوا خمسة من الرجاء في ملعب واضح المعالم!!
| |
|
|
|
|
|
|
Re: الهلال يعلن تجميدة نشاط فريق كرة القدم (Re: عمر الفاروق)
|
....
اخينا ...عمر الفاروق
الاتحاد الافريقي والفيفا في سجلاتهم فوز السودان بكاس امم افريقا عام 70 وفوز نادي المريخ
السوداني ببطولة كاس الكؤس الافريقية عام 89 بعد تغلبه على بندل يونايتد النيجيري ..
وفي سجلات إتحاد سيكافا فوز المريخ بالبطولة عام 86 بموانزا ودار السلام ثم تكرر فوزه بها مع
العلم ان اسواء مركز للمريخ في سيكافا هو المركز الثالث وهو المركز الافضل للهلال .....
اما عربيا فقد فاز بكاس دبي الذهبي وكاش الشارقة ..... نعم للمريخ سجل ناصع في البطولات
الخارجية وكذلك الداخلية ....اما الهلال فلم يتوشح بالذهب الخارجي إطلاقا ولا اظن ان ذلك سيحدث
قريبا ما لم ينصلح حال بلادنا وحكمها لتنصلح الرياضة .....
الايام القادمات ستشهد الكثير من الوقائع و التحديات الفارغة .....
...
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
مسكين الهلال البقى بين مطرقة شداد وسندان صلاح أدريس.
كمال شداد أستاذ الفلسفة يصر أصرار شديد بأن الكرة السودانية لن يتم تطويرها إلا عبره هو شخصيا. نصيحة لكمال شداد. تقاعد من العمل الاداري الرياضي.
أما صلاح أدريس. فمن أين ظهر هذا الرجل؟ ولماذا يريد أن يصير كل شئ؟ صلاح الفنان,صلاح الشاعر, صلاح رجل المال, صلاح رجل البر, صلاح رجل التقوى, صلاح الكاتب, صلاح صديق منصور خالد وصلح صديق الميرغني.
أنا بدوري أرشح صلاح أدريس رئيس لجمهورية السودان.
دينق.
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
بناديها يا شيخ شباب المنابر.لا يعرف قيمة هذه الشطة والحرجل والشمار والبهارات إلا من تنسم عبيرها رغماً عن انها كانت غصة في الحلق وكحكحة لكنها كانت ذات طابع خاص لمن كان يشق طريقه في سوق امدرمان وعطارة التيمان وأزقة حي العرب للوصول للإستاد .. نعم تقع رجلك في حفرة وتسمع جمبلغ وانت في حواري حي العرب ولكنها تظل اروع جمبلغ في هذه المدينة برائحة الطين ونكهة القرنفل..
Quote: ما لا أطيقه في صلاح إدريس تطاوله على أولاد ملاح وطه البشير والأمين البرير وأخيرا هجومه على أمين زكي دفاعا عن سبت دودو.. |
مبدئياً كده يمكن إخراج الأمين البرير فهو كصلاح إدريس دخيل على الهلال الكيان وجاء من بوابة المال فقط دون الحكمة كما طه علي البشير وكما ال ملاح وهو يموت في سبيل الهلال وبشهقة في حب الهلال..
اخونا جمال الصادق:
Quote: اما عربيا فقد فاز بكاس دبي الذهبي وكاش الشارقة ..... نعم للمريخ سجل ناصع في البطولات
الخارجية وكذلك الداخلية ... |
لا يملك المريخ أي إنجاز عربي منذ تأسيسه ويظل سجله العربي كله فضائح وخروج مبكر من بطولاته اما ما ذكرته انت عربياً فلا يتعدى كونه حفلة شاي وبارتي يتم بعدها توزيع الجوائز وليست هي ببطولات للإتحاد العربي فلا تجمل المريخ عربياً .. الهلال هو شرف الكرة السودانية عربياً بوصوله للنهائي مرة ولدور الاربعة مرتين وحاز على المركز الثالث والرابع والثاني في هذه البطولات العربية في جميع نسخها.. للمريخ إنجاز واحد فقط هو كاس مانديلا وما دونه هو ثرثرة بطولات لا اكثر ولا اقل..
Quote: الايام القادمات ستشهد الكثير من الوقائع و التحديات الفارغة ..... |
وتكمن المشكلة في ان الايام الفئتة كانت كذلك ..
السني يا ود دفع الله : أو كما يقول احمد المصطفى في يا بت النيل ..
Quote: انا مع كـــلام عــمــر الــفاروق لي الطيــــــش وراك وراك يا الفـــاروووق |
الزييك يا ود السني ما بيكون ورانا بيكون قدامنا (الموضوع ما عندو علاقة بي الحجم والساتر ) .. فانت رجل رقم والارقام يظلون في الامام نحتدي ونقتدي بهم .. وسنظل نهتف ونحن من خلفك : لن نثني إلا السني .. لن هلللللا ..هلللللا .. بي ود دفع الله ..
تخريمة : وتظل هذه الراكوبة بلا مشلعيب ودونما شعبة وقريباً ستنهار وهذه الامواج الزرقاء تلاطمها وهبي هبي رياح الجنة
| |
|
|
|
|
|
|
Re: الهلال يعلن تجميدة نشاط فريق كرة القدم (Re: عمر الفاروق)
|
الموضوع ما عندو علاقة بالحجم والساتر عندو علاقة بي شنو ؟؟ السلك ؟؟ انت الظاهر ماعندك وطنية وما بتعرف العصبية وما بتخش الشعب شنو العايز تعمل لي الصهاينة قومة وقعدة راكوبة اشيل واهندس وماعارفين في جولة تاني والدورة التانية جاية والهلال جاي الا اذا الحمقى ديل ركبو راسهم وطلعونا من الدوري بلا فول مش حمص !! عمر الفاروق ما ترتى للصهاينة ولانامت اعين الكورنجية عليك الله بي كورتنا العجيبة في احلى من الهلال والمريخ ؟؟؟؟؟؟؟؟
| |
|
|
|
|
|
|
Re: الهلال يعلن تجميدة نشاط فريق كرة القدم (Re: عمر الفاروق)
|
.
اخينا: عمر الفاروق
Quote: لا يملك المريخ أي إنجاز عربي منذ تأسيسه ويظل سجله العربي كله فضائح وخروج مبكر من بطولاته اما ما ذكرته انت عربياً فلا يتعدى كونه حفلة شاي وبارتي يتم بعدها توزيع الجوائز وليست هي ببطولات للإتحاد العربي فلا تجمل المريخ عربياً .. الهلال هو شرف الكرة السودانية عربياً بوصوله للنهائي مرة ولدور الاربعة مرتين وحاز على المركز الثالث والرابع والثاني في هذه البطولات العربية في جميع نسخها.. للمريخ إنجاز واحد فقط هو كاس مانديلا وما دونه هو ثرثرة بطولات لا اكثر ولا اقل.. |
المريخ لم ينال بطولة عربية وكذلك الهلال ....المريخ توشح بالذهب باعترافك افريقيا ولاعزاء
للهلال ....لماذا لم تتحدث عن سيكافا؟؟؟ التي تقللون كهلالاب من شائنها مع انكم اكثر الفرق
السودانية مشاركة فيها وافضل مركز لكم كما ذكرت سايقا هو المركز الثالث الذي يعتبر اسواء مركز
للمريخ .... اما حفلات الشاي التي ذكرتها كانت لكم ايضا مشاركات مثلها وخرجتم كعادتكم من
المولد بدون حمص .... نعم الهلال وصل الى نهائي افريقيا مرتين ولم يتوشح بالذهب بل في المرة
الثانية خرج الكاس من استاده ...وايضا وصل النهائي العربي وكعادته لم يحرز الكاس ....
وماقلته من قبل الهلال خارجيا لم يفز بكاس منذ تاسيسه شانه شان الفرق السودانية الاخرى عدا
المريخ ... ليتكم تبلغون ثرثرة البطولات هذه .... لانكم افضل من يجيد الثرثرة ومغالطة التاريخ
نتمنى ياعزيزي ان تحل كل المشاكل الموجودة في الهلال داخليا وايضا مشاكل الهلال مع الاتحاد العام
وان تحل مشاكل الرياضة والوطن .... نحلم كسودانيون ان يكون منتخبنا الوطني ضمن المنتخبات
الكبرى في كاس العالم و انديتنا تنال البوطولات القارية كل هذا ممكن حدوثه اذا صلحت قمة الهرم
.
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
ألتقيت صديق هلالابي بالميلاد ومن نشطاء رابطة الهلال عندمــا كان الهلال هلال قبل أن يمتلكه المال السعودي المنهوب من بنك الأعتماد والتجارة السابق (163 مليون ) ، على كل سألته لما ترك النادي والكورة فحكى لي رواية ديك العدة ،
نصيحة لجماهير الهلال لو ترك هذا الأمــر لمن فشل في أدارة كل أعماله التجارية كيف له أن يدير نادي الهلال ؟؟ الحقوا هذا الصرح العظيم قبل أن يبيعه ليكم ،
أهــو جزء من فوضى الحالة السودانية ...
أخي دينق ،
هذا الرجل غير سوداني كيف له أن يكون رئيس ؟؟ بعدين لو سمعك يقوم يصدق نبقى في مشكلة
| |
|
|
|
|
|
|
Re: الهلال يعلن تجميدة نشاط فريق كرة القدم (Re: NEWSUDANI)
|
.. بلا ميعاد: عوض أحمد عمر صلاح إدريس والهروب الكبير 1-3)(جريدة الكابتن اليومية +المشاهير )
¨ الهزيمة والانكسار الذي لاحق السيد صلاح إدريس في الجمعية التاريخية للاتحاد الرياضي لكرة القدم التي عقدت أمس الأول لا تعد مبررا لأن يلحق سيادته الأذى بفريق الهلال وجماهيره ويعلن عن تجميد نشاط فريق كرة القدم .
¨ فالهلال برئ من كل الممارسات التي قام بها السيد صلاح إدريس قبل الجمعية وداخلها والتي جعلته أضحوكة في نظر ممثلي الاتحادات الولائية الذين ساءهم أن يجلب رئيس الهلال الذلة والمهانة لنفسه والهلال .
¨ لقد أضاع السيد صلاح إدريس وقت الهلال ولم يهتم بأولوياته وأنصرف لمناكفة الإتحاد العام ورئيسه الدكتور كمال شداد , وأوهم الرأي العام بتأييد الاتحادات الولائية لمشروعه الرامي لسحب الثقة من مجلس الاتحاد .
¨ وعندما جاء وقت الإمتحان الذي يكرم فيه المرء أو يهان أحس بحجم المأزق الذي وجد نفسه في مواجهته .
¨ لذلك عمل الممكن والمستحيل لكي لا تقام الجمعية العمومية للاتحاد حتى لا ينكشف أمام الرأي العام وشعب الهلال .
¨ وكعادته في إطلاق التصريحات العنترية أكد أن الجمعية لن تقام وتحدى في ذلك .
¨ ولكن لأن إرادة الأخيار لا ترهن للمؤثرات وأن إرادة الحق لابد أن تسود كان لابد للجمعية أن تقام .
¨ وعندما ألقمته جمعية الصمود والتحدي والإرادة الحرة النزيهة حجرا وجعلته وحيدا يؤانس الأسى والخذلان لم يجد بدا للخروج من هذا الجو إلا بمبادلة الأخ مجدي شمس الدين الضحكات كما كتب هو ذلك .
¨ وعندما لم تسعفه هذه الضحكات (والصفقة ) بلا سبب لتقليل مساحة الألم الذي كاد أن يقتله داخل الجمعية كان لا بد أن يخرج من القاعة منسحبا كما فعل في الجمعية السابقة .
¨ ولأنه عبقري في لي عنق الحقيقة واختلاق المسرحيات كان لابد أن يشكك في سلامة إجراءات الجمعية .
¨ ولأن لا أحد يمكن أن يستمع له إلا مكرها أو مجاملا , ولأنه يعي ذلك جيدا , كان لابد أن يجعل من الهلال العظيم كبش فداء لكل أخطائه وانفعالاته غير المؤسسة .
¨ ولكن هل يظن أن شعب الهلال أصبح مسلوب الإرادة مثل مجلسه الذي فقد التقدير والاحترام ؟
¨ وإن قرار تجميد نشاط فريق كرة القدم يمكن أن يجد من يقف معه أو يسانده ؟
¨ إن الأهلة يعلمون أن عمر السيد صلاح إدريس بالهلال قصير , وأنه يفكر جادا في الطريقة التي يغادر بها ساحة الفعل الموجب بالهلال بلا رجعة .
¨ لذلك متأكدون أن قرار تجميد نشاط فريق كرة القدم هو محاولة جادة للهروب .
¨ لان سيادته يعلم أن مهام مجلس الهلال هي تسيير النشاط وليس التجميد .
¨ فهو يعلم نهاية مثل هذه القرارات غير المقبولة .
نواصل [email protected]
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
Quote: هذا الرجل غير سوداني كيف له أن يكون رئيس ؟؟ بعدين لو سمعك يقوم يصدق نبقى في مشكلة |
الاخ نيو سوداني.
مقارنة سريعة بين صلاح ادريس والذين حكموا السودان. تجد صلاح ادريس أحسن منهم, حتى المنتخبين منهم.
أنتخبوا مرشحكم صلاح ادريس
لو صدق فعلا تكون مشكلة.
دينق.
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
حبيبنا يا سني:
Quote: الموضوع ما عندو علاقة بالحجم والساتر عندو علاقة بي شنو ؟؟ السلك ؟؟ |
والله انت الفي السلك وقميصك في السلك مع هذه الالوان التي تبعث فينا السعادة لأصحاب السعادة منا ابناء الموج الأزرق ..
Quote: انت الظاهر ماعندك وطنية وما بتعرف العصبية وما بتخش الشعب |
هييييييييييييييييه يا سني مالك علينا ومالك علي الشعب !!!! ياما بتاع السواري ادانا ليك شحطة في الضهر ونحن نحاول تسلق اسوار الاستاد (طبعاً جماعتك كان عندهم حفرة فكنا بنتلب عاااااااادي بس الزمن غلاب ) .. وما تذكرنا القصب والتسالي والشاي وكيس الداردمة (الداردنمة) واحلى ما في ذلك الصياح والهدير والنبز والشكل في اللاشئ.. وما اجمل الشعب وانت تنظر وتعمل فيها مدرب فلان يطلع وفلان يخش وهناي دو لو لعب الكورة بي الكعب كان خشت قون وفرتكان لو كان طار لي داك جوز كان اسة الحكم مشاها ..
Quote: شنو العايز تعمل لي الصهاينة قومة وقعدة |
والله إلا تكون قاصد قعدة نجيب ليهم فيها كريستال البلح ديل يا سني نمشي معاهم بي نظرية قدم الكيشة وفوتو مش الحقو ..
Quote: عمر الفاروق ما ترتى للصهاينة ولانامت اعين الكورنجية |
الله اكبر ..الله اكبر..الله اكبر.. إلى الجهااااااااااااااااااااااد يااااااااااااااااااا قوووووووووم .. هلموا بنا يا امة الهلال ... ويا ابا السني عليك براكوبة إبن ابي امية ..
Quote: عليك الله بي كورتنا العجيبة في احلى من الهلال والمريخ ؟؟؟؟؟؟؟؟ |
والله يا السني شفت عبارتك الاخيرة دي ؟؟ والله بي البوست كلو .. اااااااااااه لو يعرف الناس ما حلاوة كورة هلال مريخ بالرغم من العك والجوطة .. ياخ انت فهمتها صاح وقلتها كمان للبفهموها صاح ..
تخريمة : أين المنجنيق يا ايها السني ؟؟؟
| |
|
|
|
|
|
|
Re: الهلال يعلن تجميدة نشاط فريق كرة القدم (Re: haider osman)
|
اخونا جمال: سيكافا التي تتحدث عنها لكم فيها تاريخ موشح بالسواد ودونك الطيب عبدالرحمن مختار سكرتير الإتحاد العام حينها وهو يهديكم كأساً وانتم مهزومون في معظم المباريات .. الكأس التي تتحدثون عنها عندما اقيمت في السودان ذات مرة تألهتم للأدورا المتقدمة فيها بي الحركرك ودونك ابراهومة الديسكو .. اما الحديث عن إقتلاع الكأسات فها هي نفس الكأس التي تتشرفون بها وتفاخرون بها إنتزعها منكم فريق مملوك لشركة خمور .. وليست البيرة عنكم ببعيدة في داخل السودان وبهدفين نظيفين .. وللعلم فقط يا جمال لم يلعب الهلا بطولة 90 دقيقة طيلة هذه الفترة كما فعلها المريخ مع الزمالك في بطولة من 90 دقيقة !!!! لكن الهلال لعبها بطولة كاااااملة وخسر في النهائي امام الاهلي في الامارات بهدفين .. المريخ لديه إنجاز عبد الواحد هو شوكة حوت لنا ولكن ما دونه ليس للمريخ فيه تاريخ !!! وليتهم وضعوا كأسا لمباراة الهلال والمريخ في قطر يومها حتى نحتسبه بطولة خارجية من 90 دقيقة .. ورحم الله والي الدين .. لا اود ان اجرف البوست ولكن يظل الهلال العظيم والعظمة لله ويأتي من بعده من يأتي .. وكذلك اتمنى ان تنهض الرياضة في السودان ولكن قبل الفريق القومي اتمنى ان اراها في الهلال والمريخ ..
| |
|
|
|
|
|
|
Re: الهلال يعلن تجميدة نشاط فريق كرة القدم (Re: Rakoba)
|
الاحباء الاعزاء.......لكم التحايا
مايحدث الان يحزنني فعلا ويحزن كل سوداني غيور ...فنحن لم يتبقي لنا غير الرياضة..وابي اهل هذا الاتحاد المتهالك الا ان يحرمونا ماتبقي من هذا الكوب....ماذا يريد هذا الجاثم في صدر الاتحاد منذ قرون خلت ولم نتقدم قيد انملة...يقول ان لديه خطط وبرامج لتطوير الكرة ...اين هذه الخطط والبرامج وانت تجثم علي ظهر هذا الاتحاد المتهالك لقرون ولم نجن نحن غير الهزائم والفضائح بدءا بمدربك وازاريك الذي اتيت به مرورا باجتهادات مازدا الفردية والتي لم تغن او تسمن من جوع.... لماذا تستغل كل امكانياتك اللغوية والحوارية وبقية مهاراتك لارضاء نفسك فقط ولو علي حساب امه وشعب فيه مايكفيه ويزيد ويعيش فقط علي جهاز اوكسجين كرة القدم ...لماذا تريد سحبه ليلفظ هذا الشعب عديم الوجيع انفاسه الاخيرة ان بقيت انفاس...لتنتقم انت لغرورك الشخصي من ناس زعيط ومعيط....
رائيي الشخصي اننا شهدنا من ناس زعيط ومعيط في وقت وجيز مااعاد لنا بعضا من الشهيق والزفير...
لضرب المثل لا للحصر: شاهدنا مدربا برازيليا عالميا متميزا ظهرت بصماته مبكرا وهز الارض تحت اقدام اعتي الفرق العربيه والافريقية... شاهدنا محترفين علي مستوي عال جدا واداء راق واهداف عالمية.. شاهدنا فريق لاول مرة يلعب بخطط وتكتيك.. شاهدنا امكانيات ماهولة وطائرات خاصة تجوب القارة الافريقية طولا وعرضا...فيصل الاعبون مرتاحون وتظهر النتيجة .....بدلا من شحططة اللعيبة من مطار لمطار...وفي النهاية نسمع النغمة التي مللناها وهي كسبنا الاحتكاك....
ماذا دهاكم ...مالكم لاتعدلون... مالنا ومال خصوصيات صلاح ادريس....وطباعه وعاداته...ما اتي به الرجل لعمري كبير وجديد علي الساحة...حتي ولو سلمنا بانه لايجيد الحديث...ماذا فعل لنا من يجيد الحديث والمحاضرات الفلسفية...ماذا جنينا من النظري والنضمي... لماذا تبحثون في الامور الثانوية ....الرجل قدم مايجب ويزيد فله التحيه... لقد احدث صلاح ادريس التوازن المطلوب ...حتي لو قلنا فرضا فقط علي مستوي الفريق الرياضي...وحفظ الفارق الواسع بينه وبين المريخ الذي اضحي ناديا للسلطه وللمؤتمر...فصرفوا فيه ماصرفوا وكبوا فيه ماكبوا من فلوس واستخدموا قوة السلاح لنزع اللاعبين المحليين المميزين ودونكم تسجيلات العام الماضي....علي طريقة البلد بلدنا ونحن اسيادها... فأتي صلاح ادريس وحفظ التوازن باللاعبين الاجانب ..وحتي هذه حاربوه فيهابعدم تسجيله لاكثر من تلاته...
والان جزاءه ان تتم بهدلته علي الملا نكاية فيه وفي الهلال.... لاتقولوا لي ان شداد هلاليا لا ليس كذلك...
من يفعل ذلك يفعله لاسباب ذاتية اكثر من مصلحية..
لقد اتضحت الرؤية....والعاجبو عاجبو والماعاجبو.........
| |
|
|
|
|
|
|
Re: الهلال يعلن تجميدة نشاط فريق كرة القدم (Re: yasir Abdelgadir)
|
الموجز: الأرباب يعد لمكاشفةجماهيرية 2 بالجمعة القادمة! المريخ يبدأ في مفاوضة علاء الدين طيارة (سباب الدين) مشطوب الهلال!. الفريق سافر لسنار لأداء مباريات ودية تكريماً لحكومة سنار - ما قلتوا واقفين مغربياً: خريبكة يهزم الوداد، ويستعجل الكاف لتقديم مباراته مع الهلال عشان يعمل (الخربكة) الماخمج!
| |
|
|
|
|
|
|
Re: الهلال يعلن تجميدة نشاط فريق كرة القدم (Re: Rakoba)
|
Quote: مغربياً: خريبكة يهزم الوداد، ويستعجل الكاف لتقديم مباراته مع الهلال عشان يعمل (الخربكة) الماخمج! |
والله نحن زااااتو مصيبتنا مصيبة نقع مع الفرق المغربية والمشكلة اسماء الفرق البيلاقيها الهلال دائماً بتزبط مع المريخاب عشان يطلعوا منها حاجة وين اسماء فرق المستقبل و الكواكب والطليعة ديك تخريمة : الشافنا قلنا لي صلاح عتريس يجمد الفريق جدجد مااااااا كضب..
| |
|
|
|
|
|
|
|