|
Re: من سيكون صاحب/ة اول بوست ينكشح الى الخور؟ (Re: فيصل نوبي)
|
اضحك الله سنك يا نوبي
فيما اورد ابن فطحل ان خسائر الضاحية و الجالسين على الشجر سواء والجامع هو ارتفاع المنبع و انخفاض المصب.. فكثرت الخسائر و الحيران.. و في الحالتين هو ضائع و على كفاحو يعينو الله..لأننا اعددنا بحول الله ميدالية ماسية للفائز في ضاحية الخور المشهودة هذه..
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: saadeldin abdelrahman)
|
بالمناسبة كلمة خور التي نراها او يراها البعض (يااااي) هي كلمة بليغة جدا اذا تقصينا اصلها خار يخور فهو خائر و الخور هو الوهن ( كان ما غالطني محمد E سليمان اخونا) اذا هي كلمة فصيحة استخدمت ببلاغة في وصف حال اكثر اهل ذلك المكان و لا اقول (كل)..لان البعض قد يجد بوسته طافيا بالخور لا ايدو لا كراعو! و السبب يعود لاشتباك داخل البوست (بين عناصر اخرى) قد لا يعني صاحبه في كثير أو قليل .. و تتعدد الاسباب و الخور واحد!
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: مهيرة)
|
السلام عليكم جميعا بع إذنك يا سعد والله يا دكتورة مهيرة كنت عاوز أجيب سيرتك هنا بس قلت يمكن ما تجي أها أمس شاورت المحامي وتم تقدير التعويض ب130 مليون جنيه لأنو الضررالوقع علي كبير إنت مية والشفيع 30 رأيك شنو ---- يا ســعد أنا زول مسكين وبسيط تشهد على ذلك الدكتورة مهيرة
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: Mohamed E. Seliaman)
|
تعظيم سلام سعد الدين واخوي نوبي
الظاهر انو الخور تبخر صيفاً
ويبدا في الجريان بعد يداية موسم الأمطار ( ما بعد الارشفة).
وهنا تخضر الحقول وترتع الاغنام وتتفتح الزهور وتحلق الطيور( إنشاء السادس ابتدائي)
وعندما تذبل بعض الأزهار وتفسد الزهور يجرفها ماء الخور ...
فكرتك تجنن ياابو الافكار انت
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: القلب النابض)
|
هلا قلبنا و منبع فخرنا
غنى الراحل خليل فرح من جناين اب روف للمزالق من فتيح للخور للمغالق قدلة يا مولاي حافي حالق قدلة يا مولاي حافي حالق بالطريق الشاقيه الترام و ما هو عارف قدمو المفارق!
ان شاء الله اكون اتذكرتها كويس بس. هناك من يغني الخور خورنا و نحن اهلو و نستاهلو
الشدة على الله.
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: مهيرة)
|
سعد الدين سلام
والله باين انا!!!!!!!
لانه عندي بوست ضائع من اول امبارح
قدر ما فتشته ما لقيته,بس لسه ما كسته في الخور
الغريبه ما فيهو حاجه توديه الخور
ده بوست شكر لناس امريكا وكندا الساعدوني في رحلتي.
اها انا ما لاقيه زمن من امبارح للذهاب للخور
كان لقيتوا لي بوست ده قولوا لي
والا فمعناه الخرف بلغ اوجه واظن اني لم انشره وعملت كلك خطأ واتمسح كله.
غايتو بورد بكري ده انا مقتنعه انه مسكون.
لكم الود.
تراجي.
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: مهيرة)
|
تسلمي من الزهج و الرجيع يا خالتي مهيرة انتي ممكن تكوني اولى في كل حاجة الا الخور ده.
و الله لكن اتاريك جايبة خبرنا تب! التسونامي و الزلزال ديل ما سمعت بيهم الا تاني يوم من زميلنا في الشغل قال صحا حلتهم كلها عشان كدا جا الشغل متأخر ..قلت لي ما جيت صحيتني مالك يعني اغرق و انا نايم الزلازل دي شكلها بتخليني انوم زيادة.. زمان زلزال الخرطوم الفي 93 ولا 94 داك لقاني برضك ناااائم.. لكن جا واحد تاني يوم الضهر.. دا بقى كنا واقفين انا و صاحبي قدام باب الفرن و عايزين ندق الباب..لقينا الباب بدق براهو ... وبعد شوية بدل ما يمرقوا لينا الخبازين مرقت الحلة كلها تتاوق من ابوابها..غايتو نحن شعب مسكين كيف..الزلزال ده تقول ضيف جاي بكرعينو!
كل الود
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: saadeldin abdelrahman)
|
Quote: خار يخور فهو خائر و الخور هو الوهن ( كان ما غالطني محمد E سليمان اخونا) اذا هي كلمة فصيحة استخدمت ببلاغة في وصف حال اكثر اهل ذلك المكان و لا اقول (كل)..لان البعض قد يجد بوسته طافيا بالخور لا ايدو لا كراعو! |
الخور للجدعان ياجدع
ولا عزاء للخائرين والواهنين
والمطبلاتية و( الانصاص ).
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: Hani Arabi Mohamed)
|
يا هاني ازيك في نيالا هنالك ما يسمى بالوادي ينحدر من جبل مرة.. يكون احيانا جاف و لكن يمتلئ بسرعة البرق.. وفي اندفاع السيل هذا يأتي بجزوع الأشجار و اشياء كثيرة قد جرفها في طريقه.. يحكى ان مجموعة من الأولاد كانت فى احد طرف الوادي و مجموعة من البنوت في الطرف الآخر و أتى عمك كبير يحمل عنقريب قاصدا عبور الخور و هو جاف من الطرف الذي به الأولاد الى الناحية الأخرى.. و بعد ان تقدم قليلا سمع الجميع دوي السيل و هو يلتطم منحدرا فصاح الشباب بعمنا ان يعود نسبة لخطورة العبور في ذلك الوقت و لما ادار عمك وجهه عائدا زغردن البنوت! فصعد الدم و الحرارة معا الى رأسه وعزم ان يعبر.. صاح به الشباب يا عمنا الواااادي جا.. و ارتفع الدوي فعزم النكوص فما كان من البنوت الا ان زغردن مرة ثانية و صعد الدم مجددا فتجاسر.. و ظل عمك هذا يترواح بين الزغاريد و صيحات الشباب.. لما الوادي شالوا هو عنقريبو!
اها كان زغردوا ليك ما تنفعل
محبتي
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: بكري اسماعيل)
|
Quote: اذا هي كلمة فصيحة استخدمت ببلاغة في وصف حال اكثر اهل ذلك المكان و لا اقول (كل)..لان البعض قد يجد بوسته طافيا بالخور لا ايدو لا كراعو! |
برضـو ياااااااي..... سـوفاج!
Quote: و السبب يعود لاشتباك داخل البوست (بين عناصر اخرى) قد لا يعني صاحبه في كثير أو قليل .. و تتعدد الاسباب و الخور واحد! |
كـفانـا الله شـرهم وسـتر بوسـتاتنا..قـول آمـين!
مـني
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: Muna Khugali)
|
سعد ياسميي استاذى الجليل
قلت لى خور يعنى وهن ؟!!!
اقسم بربى ان منبر بكرى هذا قد علمنى الكثير مما كنت لافقه عنه شيئا فى حياتى !!
مثلا البوبا بتاع وردى عرفت انها الحلق المدور !!
ومن غرائب الصدف قبيل ايمان بتى بتقرا فى نص فى كتابها لقت كلمة خور قالت لى يعنى شنو ياماما خور ؟!!
خطر ببالى خور بكرى للوهلة الاولى !!
حلوة الوهلة دى ياسعد ؟!!
المهم قلت ليها اقرى لى الجملة عشان اعرف موضع الخور فى السياق وبالتالى افهم معناها اها لمن قرت لى جاتنى كلمة خور معناها ضعف وجبن !!
يعنى برضو اياهو الوهن زاتو ولاانت رأيك شنو ؟!!!!
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: نادية عثمان)
|
Quote: خدر يقص شريط الإفتتاح قبل دقائق |
.. والله يا الصاوي دي كارثة .. .. لانو أنا متعود .. بعد ما خدر يمشي قدامي الخور .. بلحقو طوالي بعد تمنية وأربعين ساعة . . سعد الدين .. انا عندي اربعة في الخور ولسه مشكلتي ما اتحلت لكن عندي احساس انو الخامس في السكة.. غايتو باقي اربعة وعشرين ساعة من مشيت ( خدر ) قدامي الله يستر..
| |
|
|
|
|
|
|
Re: من سيكون صاحب/ة اول بوست ينكشح الى الخور؟ (Re: مهيرة)
|
Quote: تسلمي من الزهج و الرجيع يا خالتي مهيرة انتي ممكن تكوني اولى في كل حاجة الا الخور ده. |
لك الشكر يا سعد ------------------------------------------------------
Quote: قلت لى 130 شنو؟ يامحمد الحسن أخوى؟ مابسمع الدوشة شديدة فى البكان دة تحياتى |
ربنا يبارك ليكم يا دكتورة وتحياتي للأسرة الكريمة . المجموعة تلقت الخبر(50) ونديكم الخبر قريبا بس حقي ما بخلي بنزل الشفيع محامي والأجاويد يمتنعون ------------- معليش يا سعد شوتنا برةالموضوع محمد الحسن
| |
|
|
|
|
|
|
|