|
|
 يوميات عبدو حنفية و فتاح الكج ( 2 )
|
(10 )
ظبية المسالمة وفى الخمايل حالمة
وفيكى ياظالمة ياظالمة ياظالمة وياظالمة
ياظالمة .. يابت النيل النيل احب النيل ياجميل
* والله بالجد ظالمة معقولة بس !! تهانى الدكتورة تعرس ليها واحد زى ود الجاك قرا الابتدائى بالعصر
_ اسمع .. عبدو مانمشى ياخ نحصل الربة.. ماسامع الحفلة بدت .. ولا ماعندك مزاج
* والله ياكيمو ماعندى مزاج لكين مافى موضوع اخير نمشى نكشف ساى
_ تصدق امبارح مانمت كويس كلو ما اغمت كده القى ليك مادلين اولبرايت دى فى وشى ..
* قصدك الزولة بتاعت القيدومة انتا ياكيمو الاميركان ستايل ده ما بنفع معاك .. البيرجر بجيب ليك وجع بطن خليك مع الاجاشى حقك ده
_ والله جنس حسادتن انا لو صبرت شوية كان سنارتى غمزت ما شفت النور الطويل الجرتو فى صاحبك لمن قمنا ماشين
* نور طويل شنو ياوهم انتا .. والله الا كان محوصة ساكت ولا انتا بتخيل ليك يعنى حتعاين ليك عشان شنو
_ قتليك ياعبدو هسى حتلقى الكج قدامك عامل فيها سيدا الله يجازيهو لامى الجكس .. عامل فيها وزير العريس وقال شنو خالط ليك صاحبة العروس ياربى بكون بقول للدكتورة دى شنو
* بكون شابكا ليك انا وانا مع انو زول بيض ساى .. امممك شوف الصيوان كبير كيف .. يازول هلال مريخ عديل كده .. هديك ناس جمال القرد وطايوقة .. الجماعة كلهم قاعدين هناك
_ يللاكا ليهم ياحنفية
* يازول انا ما بمشى هناك ديل قاعدين قدام انا حاعمل لبتون هنا اخر الصيوان ياخ انا ما عندى مزاج
_ ماعندك مزاج ولا قشرتك تعبانة
|
|
 
|
|
|
|
|
| |
عامر تيتاوى
فيس بوك
تويتر
انستقرام
يوتيوب
بنتيريست