سامي الخصال : وما الجديد في ذلك ؟؟؟؟ مازدا جا ..مازدا مشى ..مازدا بليد ..مازدا شاطر ..مازدا ابن المريخ البار ... والله نحن عندنا مدربين اي كلام وما غلطان عليهم كمال شداد .. نعم هم مدربين زعيط ومعيط .. استغرب ان يكون الدوري في نهاياته وتلقى ليك مدرب فااااااااضي وما عندو شغلة وفي انتظار المريخ !!!! يعني جمال ابو عنجة ده ما كان لاقي ليهو فريق طيلة الدوري الممتاز وفجأة المريخ يجيبو بي حنك ابن المريخ ؟؟ إن كان في جمال ابو عنجة خير لما جلس دون تدريب.. والادهى لو طلع هو كان بيدرب فريق ويقوم يفكوا عكس الهوا في سبيل المريخ العظيم .. وكذلك الحال لي ماذدا!!!! الراجل مدرب المنتخب يقوم توووشك يفك المنتخب عشان جاب ليهو تلاتة اقوان ويبقى هو المدرب العظيم ؟؟؟؟؟ مازدا حا يسوي شنو للمريخ ؟؟ وكدي نشوف فصاحتو فطيلة الدوري الممتاز شغال تحليل في الدوري ومفروض المدرب يسوي ده ويعمل ده و و و .. اها الفرصة جاتو النشوفوا بيسوي شنو ؟؟؟ نحن عندنا مدربين يهوون المال ويغلفونهو بي حنك ( تلبية نداء المريخ العظيم)!!!!! وكذلك الحال في الهلال يجيبوا طارق يطردوا كندورة يرجعو احمد ادم وكلللو في سبيل الهلال العظيم !!!!! الهلال نجح في الاستقرار التدريبي بالرغم من وجود الكوارث وده لأنو انا بعتبر حصل وعي اداري نوعاً ما فليس كل هزيمة تطرد المدرب وليس كل ضياع بطولة يخسف بالمدرب فهاهو ريكاردو هزم الهلال بالخماسية واضاع البطولات الافريقية والعربية ولكن الهلال حالياً افضل فريق يلعب كرة القدم في وسط افريقيا شئنا ام ابينا والسبب المدرب والاستقرار التدريبي.. زولكم العجوز ده يا سامي حا ينوم ليكم في نص المباراة والله يستر يقدر يكمل معاكم باقي الدوري اصلو بعيد عنك الراجل بيلعب تحت الثمانين
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر الفاروق
فيس بوك
تويتر
انستقرام
يوتيوب
بنتيريست