|
|
 Re: مريخيون نعم ! (Re: محمد حامد جمعه)
|
يا سيد محمد حامد جمعه
بيقولو
الكوره كده
واللعب كده
من ده لي دهو
يباصيها لي ده
والدوري أخدوهو الإستاهلوه
وكفاح الأهله ما راحش سدى
الكلمات محرفة من أغنية للنادي الأهلي المصري
أقول لك هاردك لك سيد محمد حامد جمعه ، فقد تمنيت إبتداء أن تستهل سردك المموسق هذا بمباركة للهلالاب فقد إجتهدوا وكان لهم ما أردوا ، وما تمنيت إذا تمنيت إلا ليتسنى لك جمع المجد من اطرافه فتضيف بجانب أدبك الجم وتمكنك من اللغة روح رياضية تؤمن بأن الرياضة هي فوز وهزيمة وتعادل وإن كانت حقيقة عندنا هزيمة ونصر فقط ما ألتقي الهلال بالمريخ الأمر الذي جعل الرياضة عندنا تتدهور لولا عناية الله وبعض اللمحات والفلتات التي يقدمها ناس القبيلة الزرقاء من وقت لآخر.
هسع قول لي شلتو المدرب ده ليه وقبيل جبتوهو ليه أنا ما قلت ليكم إنو أى فوز لأحد الفريقين بيشيل المدرب والإدارة ، يا ريت لو ده ينطبق على السياسة وتقوم هزيمة زي دي تغير الحكومة إن شاء الله نستقدم أو نتعاقد مع حكومة أجنبية وحا تفرق شنو يعني مش مدرب الهلال أجنبي ومدربكم الذي أقلتوه أجنبي برضو ، وبالضرورة لو ما نفعت الحكومة الأجنبيةالمتعاقد معها نشيلها ليك طوالي إن شاء الله تشتكينا للفيفا ، أصلو نحن ما هامينا بعد أن قربنا ندخل في محور الشر وقائمة الدول الراعية للإرهاب والمتهم قادتها بجرائم حرب ، وزي ما بيقولو محل رهيفه التنقد والسما الإنهد.
ناس كمال عبد الوهاب وبشري وهبه وقرعم وبشاره وكاوندا وهواري وبقية كوكبة النجوم دي محطات يحق لك ولغير التوقف فيها والتأمل لكنها لن تعود ، فنحن أحسن ناس بننسي وبسرعه عشان كده ديماً آخر الأحداث هي التي نتذكرها وأنه لابد لنا من أن ندخل الفيلم – أى فيلم – مرتين ، دور أول ودور تاني حتى نستوعب كيف مات البطل.
|
|
 
|
|
|
|
almulaomar
فيس بوك
تويتر
انستقرام
يوتيوب
بنتيريست