|
Re: بدرالدين شنا يالرحت طولت (Re: lana mahdi)
|
بسم الله الرحمن الرحيم اول حاجه البركه بدر الدين الغاب الخلانا نشوفك ازيك يا متولى وكل سنه وانت طيب ورمضان كريم وافتقدناك وان شاء الله بدر الدين يبقى طيب انا عارف هو مال اليمين ديل ناس الحلاويين عملوا صفحه بكون رحل بى هناك؟؟؟ نسال الله ان يكون الداعى خير الحبيبه لنا طبعا عشان ود انصار وسليل انصار خبارك ما بتسالى عنو ؟؟لا والله انتى بنت اكرمين وهو اجدر لانه كريم ومفضال ان شاء الله يكون غياب خير ما مشاكلاهو مرتوا؟؟ والله هو مزعل الخواجه والله رمضان ده يكون عمل فيهو شنو باقى الحلاوى ده بالحيل؟؟؟؟؟؟؟؟؟؟؟؟ لكم الود انور عبد الرحمن ابو غيداء
| |
|
|
|
|
|
|
Re: بدرالدين شنا يالرحت طولت (Re: محمد المرتضى حامد)
|
الشكر اجزله لكم علي المداخلات الاخت لنا - صديقي انور عبدالرحمن - اخي محمد المرتضي وفعلا نفتقد ذلك القلم الضاحك الساخر وزي مابيقول هو بدرالدين شنا ومن الحلاوين شفتو المفارقة اخي وصديقي انور رمضان كريم وتحياتي للمدام والابناء
| |
|
|
|
|
|
|
Re: بدرالدين شنا يالرحت طولت (Re: Mutwali Malik)
|
شكري وتقديري ومحبتي الخالصة ليكم يا أعز أصحاب وصاحبات متولي مالك كل الجمال الأنصارية الرائعة لنا مهدي أنور ود أمي بتول الغناي الحبيب محمد المرتضى فخري وعِزي وأستاذتي تماضر
المانع خير والعودة قرييييييييييييبة
تتذكروا زمان مش كان عندي إبداع وفيهو سلسلة؟؟؟ بالله محل طار ما عرفتو ولقيت ليك روحي زول ساي عليك الله يا تماضر أجدعي فوقي خرتوش الإبداع دا
أكرر شكري ومحبتي
| |
|
|
|
|
|
|
Re: بدرالدين شنا يالرحت طولت (Re: بدرالدين شنا)
|
Quote: تتذكروا زمان مش كان عندي إبداع وفيهو سلسلة؟؟؟ |
بكون ياربى ضاع فى رمال صلالة... ذكرتنى ..كانت عندى شدة - بكسر الشين وتشديد الدال نعلات خضرمقاس 19 اشتراها لى ابوى من فراشين العوامرة البجو يوم سوق ابقوتة.. فى نهارات موسم الطلق ( نهاية موسم مزارع القطن يسمح للدواب الرعى بدون رغيب) الترعة كانت شبه حسيانة قلت اقطعا بهناك اقرع قطيع بقراتى الجفلن..لما سمعن رزة عربية شايلة عمال القليع..اها يابدر قلت انط زى ناس اسبورت4 ..رجلى فلتت منى ووقعت فى الحيف فدخلت رجلى الى الركبة فى الطين ..هنالك فقدت فردة شدتى..وقتئذ عديت يومى داك كله نويح.. لان العيد على الابواب وخوفى من امى التى لا تفارق المطرق يدها..تلك الشدة التى علمتنى ابداع النويح ذو النغمات الوترية الثلاث.. لكن ربك ستر يابدر يوم العيد جاءت مطرة وكان عيدى عيدين فتش مع للسلسة عشان نجربيها الشدة..
تسلم يا صاحبالبوست...
عيييد سعييييد لضيوف البوست
| |
|
|
|
|
|
|
Re: بدرالدين شنا يالرحت طولت (Re: abuguta)
|
Quote: نعلات خضرمقاس 19 اشتراها لى ابوى |
وإنت من زمن الشدة كان مقاسك 19؟؟؟ يعني هسي مقاسك كم؟؟؟ صحابي إنت؟؟؟ ههههههههههههههههه والله إستمتعت بي قصة الشدة
سمعنا بي شدة وبتزول لكن شدة و(بِتْلَكِكْ) دي أول مرة نسمع بيها
كيف أخبار المدام إن شاء الله طيبة ما قاشرتك لي هسع؟؟؟
| |
|
|
|
|
|
|
Re: بدرالدين شنا يالرحت طولت (Re: بدرالدين شنا)
|
Quote: خلوهو بيجى!!
انا قلت كدى ..
هو بيجى!!
صاح يابدر السما ولا لأ؟ |
تعرفي ياتماضر انو (بدرالسما) دي مستشفى معروفه هنا، أها أنا قلت تماضر دي زي العارفه انو بدر ده عيان وبتسأل في ناس المستشفى ، كفى الله الشر. بالله يا بدرالسما أظهر ولك الأمان
| |
|
|
|
|
|
|
Re: بدرالدين شنا يالرحت طولت (Re: عبد المنعم سليمان)
|
Quote: شكري وتقديري ومحبتي الخالصة ليكم يا أعز أصحاب وصاحبات |
زكرتني بي برنامج محمد السني دفع الله اصحاب اصحاب بركة الجيت بركة الجيت وحانعمل ليك فول بالجيت تجدني سعيدا لهذه العودة وخد راحتك الا ان تجد السلسلة المفقودة
عيدكم مبارك
| |
|
|
|
|
|
|
|