|
Re: نور تاور...امبارح حلمانة بيك! (Re: Sana Khalid)
|
العزيزة سناء خالد
صباح الخير
حاجة عجيبة جدا زول يحلم بى وكمان حلم فيه احترام وعصير..
ومن وين من البورد!
دا مش كلام غريب؟
والله يا سناء رغم انه حلم لكين فرحت لانه بعيد عنك صحيت بواحدة من اوجاع الغربة المزمنه
وراقدة فى السرير افكر...
(هذا التفكير الدائرى الذى يعود دائما الى نقطة البداية..)
فى النهاية قلت اقوم اشوف السودان حصل فيه شنو قبل ما اطلع واقوم اتجارى وامشى الشغل..
الشغل دا كمان مسلسل تانى..
يعنى شغلانة ما فكرت ابدا انى ممكن اضيفها للسيرة الذاتية بتاعتى فى يوم من الايام , رغم انها وبالنسبة لناس البلد دى حاجة راقية وما بياخدوا ليها زول الا بعد مؤهلات كتيرة..
لكين نقول اللهم اجعله خير...
وانشاء الله تكون كباية العصير دى فى بيتى فى السودان...
فى كادقلى...
وقريب انشاء الله...
رغم كلام اساسى العلمى..
والتفسير المنطقى الكتبه
لكين انا بتمسك بالحلم
لانه فرحنى..
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|