|
Re: ما رأي نــاس حــــزب الامــــة في هذا المـــــوقف وفي هذا الكــــلام؟؟!!! (Re: omar ali)
|
Quote: اليوم هذا هو موقفه من قضية تقديم مجرمي الحرب في دارفور الي العدالة الدولية |
يا سيد عمر سيبك من محمد محمد خير دا فرد سوداني كلامو لا بيقدم ولا بياخر على الاقل اذا ما قورن براي الحركة الشعبية الانت لحدي الان مستحي انك تضع فيهو راي , الحركة يا سيدي ولو انت خجلان ما قادر تقول اعلنت رفضها للمحكمة الدولية ورفضت تسليم المتهمين وطبعا انت عارف الاسباب . انت ما قادر ترفض راي الحركة الشعبية ليه ؟؟؟ وليه ما قادر تضع راي في كونها خلاص بقت هي نفسها النظام الانت طول عمرك يا عمر بتكيل ليهو الاتهامات ؟ ما هو نفس النظام المجرم البنطالب بتسليمو للمحكمة الدولية هو نفس النظام الكنت بتقول انو مجرم هل تاب النظام ام اجرمت الحركة الشعبية ؟ وبفقه النظام هل اسلمت الحركة الشعبية ام كفر النظام ؟؟ وما هو موقف الحركة من انتهاكات النظام لحقوق الانسان الحياتية واغتيال واغتصاب مواطني دارفور ؟ لا الحركة الشعبية ولا طبالي الحركة الشعبية يستطيعون وضع راي في الانتهاكات او مجرد التلميح للنظام لان فاقد الشي لا يعطيه وسجل الحركة الشعبية مشبع بالانتهاكات وفي النهاية وزي ما قلت ليك في البداية يا سيد عمر محمد محمد خير ( مع اختلافي الكبير معه وراي الحاد فيه ) فرد ومواطن نحنا عاوزين رايك في ارتماء الحركة الشعبية وممارستا التطبيل للنظام الفاشستي ويبقى بينطبق عليكم المثل اياهو 000 وشايلا الموس تطهر
|
|
|
|
|
|
|
|
|