|
|
 Re: أمي الله يسلمك .. (Re: عمر الفاروق شيخ الدين)
|
الأم .. ذلك النبع المتدفق من الحنان .. تظل ترى أولادها صغارا مهما طال بهم العمر .. ولا تحتمل فراقهم .. كيف إن كان هذا الإبن هو الوحيد وأتى بعد سنين طويلة من الإنتظار والصبر؟؟.. الشاعر علاء الدين أبو سير وصف حال هذه الأم وهى تشكو من محاولة إبنها السفر بعيداً عنها ويسوق هذه المشاعر فى قالب تراجيدى مؤثر .. هاكم هذه القصيدة الرائعة..
عافى منَّك .. وراضى عنَّك .. سوْ رضايا
ومابيخيب الرضَّى والدتو.. يا جنايا
إنتَّ من يا دوب صغيِّر من زمان دايماً معايا
إنت ديمة أمامى ساير .. ما بخليك بى قفايا
ما بتغيب من عينى لحظة لا حصل سبتك ورايا
ولامن الله يشيل أمانتو ببقى خاصاك بالرعاية
لىِّ يرعاك البيرعى لىَّ بيك يبرد حشايا
أصلك إنت هدية منِّو الله بيك أجزل عطايا
جيتنى واحد مالو تانى رحمة فى آخر صبايا
قبل ما أفقد قدرتى وقبل ما تنهار قوايا
جيتنى زى بدراً منّور فجأة طليت فى سمايا
وصرت حد عمر المآسى وسد سيول سهرى وشقايا
وكنت راس هرم الأمانى واحتياجى ومبتغايا
وكان بتتوخد النصايب كنت جبتك بالشراية
الا كان إيمانى ثابت وراضى بى قدرى وقضايا
وجيت يا دخرى الغلابة.. مَسَّحْ غبار همى وعنايا
وصار غرامك لىَّ حرفة ولىْ مداعبتك هواية
وياما سويت فيك قصايد وياما حجيتك حجايا
وصرت لى أمك فؤادا ومركز التفكير ورايا
إنت ياكا عَدِلْ مزاجا وياك تمام الكيف وشايا
وهسى لما خلاص كبرت ماش تسيبنى أعيش برايا؟؟
ماش تفارقنى وتهاجر والحزن يصبح جزايا؟؟
كيف يهون لك تحزن أمك شان تحقق ليكا غاية؟؟
لو مناك ترحل تغادر قعدة بى جنبك منايا
لو مسافر شان علاجى بلقى فى شوفتك دوايا
ولو مسافر شان كسانا أخير نعيش جنبك عرايا
لو عشان كرعينا راحل نحن بى بعدك حفايا
لو عشان تسقينا زمزم نحن بى حنك روايا
لو مسافر شان تعرس خير ابوك مالى التكايا
خيرو وافر ابوك يحمدو مراحو مليان بالسعايا
وبالقروش الجيب متكن ولسة برضو الجايى جاية
برضى منك مابقصر بحفر اديكا المعايا
ولو دة كلو كمان شوية بتلقى فى دهبى الكفاية
اصلى من سويتو ناذرا يبقى لى ايام قسايا
داخرا للزمن البعاند ولى سعادتك يا عشايا
إنت من تبيت صغير راسى مابتحتاج وصاية
ما حصل خيبت ظنى ولا فشل فيك زين غنايا
لا تسيب أمك تسافر يمة محتاجة الحماية
ولا تسيبنى وراك ترحل وإنت للمكشوف غتاية
دايرة منك تبقى جنبى.. جنبى فى فرحى وبلايا
ودايرة كان قحيت أتبنك .. أرفع أقسملك غتايا
إنت ساعة تبقى جنبى بتبقى ضلى وتوب دفايا
وما بخاف ظلم الليالى إنت ياك عكاز عمايا
داير أقضى عميرى جنبك أصلو قارب للنهاية
وخايفة كان سافرت ترجع تلقى فاضى البيت بلايا
وحينا ما بتنفع قروشك وما بتجيبلك أم سوايا
مانى عارفى سبب رحيلك يا وليدى شنو الحكاية
الا تبقى براكا شايف فى فراق الوالدة غاية
ما بعاتبك لو رحلت وما بلومك وبلقى فى الأمثال عزايا
على حجر دايما قليبك وقلبى كلو عليك جنايا
|
|
 
|
|
|
|
|
| العنوان |
الكاتب |
Date |
| أمي الله يسلمك .. | عمر الفاروق شيخ الدين | 03-20-05, 08:23 AM |
| Re: أمي الله يسلمك .. | محمد عبدالرحمن | 03-20-05, 01:04 PM |
| Re: أمي الله يسلمك .. | خدر | 03-20-05, 01:18 PM |
| Re: أمي الله يسلمك .. | عمر الفاروق شيخ الدين | 03-20-05, 11:52 PM |
| Re: أمي الله يسلمك .. | عمر الفاروق شيخ الدين | 03-20-05, 11:47 PM |
 Re: أمي الله يسلمك .. | معتز تروتسكى | 03-20-05, 01:27 PM |
| Re: أمي الله يسلمك .. | عمر الفاروق شيخ الدين | 03-20-05, 11:58 PM |
| Re: أمي الله يسلمك .. | ودقاسم | 03-21-05, 00:11 AM |
| Re: أمي الله يسلمك .. | عمر الفاروق شيخ الدين | 03-21-05, 01:09 AM |
| Re: أمي الله يسلمك .. | هشام مدنى | 03-21-05, 01:20 AM |
| Re: أمي الله يسلمك .. | سامى عبد الوهاب مكى | 03-21-05, 01:27 AM |
| Re: أمي الله يسلمك .. | عمر الفاروق شيخ الدين | 03-21-05, 01:41 AM |
| Re: أمي الله يسلمك .. | عمر الفاروق شيخ الدين | 03-21-05, 01:33 AM |
| Re: أمي الله يسلمك .. | Tabaldina | 03-21-05, 01:45 AM |
| Re: أمي الله يسلمك .. | عمر الفاروق شيخ الدين | 03-21-05, 02:08 AM |
| Re: أمي الله يسلمك .. | lana mahdi | 03-21-05, 02:16 AM |
| Re: أمي الله يسلمك .. | عمر الفاروق شيخ الدين | 03-21-05, 02:48 AM |
| Re: أمي الله يسلمك .. | Mayada | 03-21-05, 02:29 AM |
| Re: أمي الله يسلمك .. | عمر الفاروق شيخ الدين | 03-21-05, 02:50 AM |
| Re: أمي الله يسلمك .. | عمران حسن صالح | 03-21-05, 02:57 AM |
| Re: أمي الله يسلمك .. | عمر الفاروق شيخ الدين | 03-21-05, 03:08 AM |
| Re: أمي الله يسلمك .. | mahmed alhassan | 03-21-05, 03:38 AM |
| Re: أمي الله يسلمك .. | عمر الفاروق شيخ الدين | 03-21-05, 05:12 AM |
| Re: أمي الله يسلمك .. | Habib_bldo | 03-21-05, 05:36 AM |
| Re: أمي الله يسلمك .. | عمر الفاروق شيخ الدين | 03-21-05, 08:40 AM |
| Re: أمي الله يسلمك .. | الصادق خليفة | 03-21-05, 09:12 AM |
| Re: أمي الله يسلمك .. | عمر الفاروق شيخ الدين | 03-21-05, 09:27 AM |
|
| |
mahmed alhassan
فيس بوك
تويتر
انستقرام
يوتيوب
بنتيريست