|
مسمار 4 بوصه فى جمجمته و يشتكى من الم بسيط فى الاسنان
|
ذهب عامل الانشاءات الامريكى باتريك لولر لطبيب الاسنان مشتكيا من الف خفيف فى الاسنان .. وعند قيام العياده باخذ صوره اشعه كانت المفاجاه
اتضح ان باتريك اثناء عمله قبل سته ايام قام بتثبيت احدى اللوحات الخشبيه باستخدام Nail Gun , و يبدو ان احدى المسامير طلع فى الاتجاه الخطا و اصاب باتريك فى اعلى الفم.. لم يشعر باتريك لحظتها باى شئ , الا انه بدا يشعر بعدها بالم خفيف فى الاسنان و حاول استعمال بعض المهدئات , استمر الالم مع باتريك اضطر بعدها للذهاب لعياده طبيب الاسنان حيث تعمل زوجته وكانت المفاجاه ... مسمار 4 بوصه فى الجمجمه.... خضع بعدها لعمليه معقده لاستخراج المسمار ... وقد علق الطبيب بعد العمليه انه لم يصادفه شخص بهذا الحظ
النصرى
|
|
|
|
|
|
|
|
Re: مسمار 4 بوصه فى جمجمته و يشتكى من الم بسيط فى الاسنان (Re: هشام مدنى)
|
الأخ العزيز النصري
و في ناس تانين يلقو العضمة في الفشفاش
زولك ذكرني بقصة حقيقيةأغرب من الخيال قرأتهافي جريدة الإتحاد الظبيانية حصلت على ما أذكر في الولايات المتحدة من كم طاشر سنة: واحد عندو ورم tumor في الدماغ وتخوف الأطباء من إجراء جراحة نسبة لخطورتها البالغة لوجود الورم في منطقة صعبة وحساسة.. فما كان من الراجل إلا وأطلق النار على نفسه منتحرا..
العجيب في الأمر أن الرجل لم يمت.. وبعد إسعافه وإنقاذ حياته وعمل الفحوصات اللازمة: اكتشفوا أن الطلقة أزاحت الورم تماما دون التأثير علي أية وظيفة دماغية !! مش حاجة عجيبة برضو!
| |
|
|
|
|
|
|
Re: مسمار 4 بوصه فى جمجمته و يشتكى من الم بسيط فى الاسنان (Re: Elnasri Amin)
|
الاخ هشام تحيه طيبه والله سؤال وجيه ...كيف المسمار وصل الحته دى!!!!! غايتو دى صورةاحدى انواع "شاكوش المسامير" المستعمل فى المبانى
و دى الوصله من ال CNN http://edition.cnn.com/2005/US/01/16/nailgun.accident.ap/index.html
تحياتى و شكرا للمرور
الاخ امام حسن تحيه طيبه لله فى خلقه شئون... القصه دى شفتها انا النهارده فى ال CNN و و هى جديده لنج و لسه ما انتشرت فى باقى وسائل الاعلام.. المشكله الراجل المسكين ده ما عنده تامين صحى .. البركه غايتو فى عمره الاتكتب ليهو .... تحياتى و شكرا ليك
الاخت الفنانه تماضر تحيه طيبه و الله لكن توارد خواطر رهيب... الظاهر انا سرقت منك البوست ده بدقائق.... للمعلومه انا اصلو مافى شئ بفوتنى فى التلفزيون... لانى بقلب الريموت بصوره مستمره واحضر عشره قنوات فى وقت واحد.. تحياتى و شكرا ليك
النصرى
| |
|
|
|
|
|
|
Re: مسمار 4 بوصه فى جمجمته و يشتكى من الم بسيط فى الاسنان (Re: omar ali)
|
Elnasri Amin
Quote: للمعلومه انا اصلو مافى شئ بفوتنى فى التلفزيون... لانى بقلب الريموت بصوره مستمره واحضر عشره قنوات فى وقت واحد.. تحياتى و شكرا ليك |
فى كتاب اسمه why men don't have a clue and women always need more shoes فيه تفسير للحاله دى .امشى جيبوا و اقراه و شوف المشكله شنو
| |
|
|
|
|
|
|
Re: مسمار 4 بوصه فى جمجمته و يشتكى من الم بسيط فى الاسنان (Re: Elnasri Amin)
|
الاخت تماضر شكرا ليك
الاخ بله تصدر هذا الخبر معظم نشرات الاخبار المشكله انو المصاب ما عندو تامين تحياتى (وشايف مزنوق بهناك)
حبيبنا دكتور سجيمان اول حاجه نود ان نبلغكم بعدم رضائنا و غضبنا منكم ...و نحن بصدد رفع شكوى قضائيه ضد حضرتكم السبب... وين اللون الاحمر؟
ياخى ليك تلتميه سنه فى عالم المنتديات و ماخليت بنبر ما كتبت فيهو ... الا يعنى بوستينى ده تفطو ...و تكتبو باللون الاسود... ده حقاره و لا شنو؟ ولا بقيت تفرز ذى ديجانقو...
قال له الخائن
"ها ديجانقو افرز"
و ديجانقو يقول لو
"مانى مافارز"
وطبعا انت عارف بدائة القصه و نهائتها
مع تحياتى النصرى
| |
|
|
|
|
|
|
|