|
Re: WHY WOMEN TALK SO MUCH؟؟؟؟ (Re: lana mahdi)
|
لنا مهدى قالوا الزول عينو ما تملاها الا التراب ... والمرأة ( مع التحفظ ) عينا ما تملاها ولا حاجة ... كان لديها مال منو كدة ما عارف برضو النقة هى مربط الفرس لديها ... يعنى بتعمل للرجل سافوتا دماغية دة اذا ما شطبت بيهو فى كثير من الحالات واصبح من مرتادى نادى الهلوسة ( السحلبة ) الدائمين ... وبصراحة النسوان ديل واحد فى اركان الدنيا السبعة ... مزركشات بالوان التعب ( جيب ) اذا كانت غنية او مفلسة وجهان لعملة واحدة .. زى واحدة مجهجها راجلا جهجها بطالا ... قال ليها يا ولية .. يومى بس جيب معاك .. جيب معاك .. اصلو مرة واحدة ما بتدينى حاجة ؟ ... قالت ليهو هاك البوتجاز دة وديهو صلحو ...والغريبة عينا ما تقع فى حاجة طوالى يا راجل هوى جيبا معاك ... اذا بالاحتكاك مع الجيران او الاصدقاء ... دة نوع تانى من النقة يعنى لزوم الفشخرة لازم تكون افضل من غيرها ايى شئ انشاء الله لو شافت واحدة عندها سن دهبى .. لازم تقلع سنونا كلهن ويبدلوها ليها بالدهب كية فى المابينا ...والراجل المسكين بقت عندو ( قطايع – فلايد ) من المشاوير والتهلكة الجيبية والنفسية ... دة اذا وقع فى زوجة كمان ما بتراعى شعورو ولا ميزانيته ...والله قال بقولك اذا وقعت مفلس كمان .. الغريبة برضو هى عارفاك قبل الزواج مفلس ... يعنى تعمل فيك عمايل ابليس ما فكر فيها زاتو ... تجى داخل البيت وهى تكون شغالة تمارين من الصباح لتحمير العيون لزوم تجرسك وكت تجى .. وعند دخولك تطير فوق واوردلب فى الواطة ...شنو ؟ .. الجيران يتلبوا بفوق الحيطة والنسوان دقن الصفائح ... والشفع تحت الارجل ماسكين تياب امهاتهم ...والصراخ مالى الحتة للسماء الرابعة ... والمسكين يندهش من الحاصل .. لكن الحكيمات موجودات .. يقولن ليك بدل توديها ( المش تشفى ) لا علاجا هنا ... الولية عندها ظار .. يا ساتر .. والزار دة زارها امتى ؟ ... يزورو بصاروخ توما هوك .. كان داير يشل جيبى .. ويدوك لستة بتاعة طلبات تجيبا بأسرع ما يكون ... عشان ما يكسروا رقبتا والرماد كال المسكين ... يمشى بالدين يجيب الحاجات والبيت يكون عرض تلفزيونى .. سهرتنا مع القناة الرابعة ... والمخرج ادم زار ... الدلاليك تطاقش والرقيص والكشف ما يديك الدرب ... بيت عرس مجانى ...وتيس اسود .. وقمرية عوراء ... وبطة رجلها اليمين شولا ... اها سبعة ايام وليالى وفى النهاية السكرة فكت بتفاوض نيفاشا ... الطلبات دى اذا ما جبتها للسيد شمهروش نحنا بندخل ليك فى رقبتك انت برضو ... ودائما فى الحتة البتوجع ... دة كلو كوم وانت فى صمة خشمك يطلعوا ليك فضائحك كلها فى كرتونة ويسلموك ليها فى تقرير بدون امضاء ... شمارات دوت كوم .... وبرضو تانى مداولات النقة تبدأ من جديد وهكذا الى ما لا نهاية لحدى ما يلحق الفاتوا ... والنوع التانى دة بتاع جرسة من قولة تيت بتضبح للراجل الكديسة ... يعنى الراجل تلقاهو عيونو حمرو زى الزارينو فى قضية ... وانتهاك عينك يا تاجر لحقوقو المهضومة ( مهمش ) ... زى فى شركة كدة التعيين فيها يتم حسب تعامل الزوجة مع الراجل فى البيت ... وعلى شرط تكون بتهرشك ... صاحبنا مشى يتعين فى الشركة والمدير سأله قال ليهو اول ما تصحى من النوم بتعمل شنو ؟ .. قال ليهو بغسل العدة ... المدير طاخ ضرب التربيزة ورد قائلا ... فى عدة بيخلوها لحدى الصباح ؟! ...
|
|
|
|
|
|
|
العنوان |
الكاتب |
Date |
WHY WOMEN TALK SO MUCH؟؟؟؟ | lana mahdi | 01-11-05, 02:43 PM |
Re: WHY WOMEN TALK SO MUCH؟؟؟؟ | ترهاقا | 01-11-05, 03:20 PM |
Re: WHY WOMEN TALK SO MUCH؟؟؟؟ | lana mahdi | 01-12-05, 08:33 AM |
??Re: WHY WOMEN TALK SO MUCH | لؤى | 01-11-05, 03:21 PM |
Re: ??Re: WHY WOMEN TALK SO MUCH | ترهاقا | 01-11-05, 04:07 PM |
Re: ??Re: WHY WOMEN TALK SO MUCH | أبوالريش | 01-11-05, 05:37 PM |
Re: ??Re: WHY WOMEN TALK SO MUCH | ابو جهينة | 01-12-05, 00:17 AM |
Re: ??Re: WHY WOMEN TALK SO MUCH | lana mahdi | 01-12-05, 08:53 AM |
Re: ??Re: WHY WOMEN TALK SO MUCH | lana mahdi | 01-12-05, 08:51 AM |
Re: ??Re: WHY WOMEN TALK SO MUCH | lana mahdi | 01-12-05, 08:39 AM |
Re: WHY WOMEN TALK SO MUCH؟؟؟؟ | alfatih | 01-12-05, 06:43 AM |
Re: WHY WOMEN TALK SO MUCH؟؟؟؟ | lana mahdi | 01-12-05, 08:58 AM |
Re: WHY WOMEN TALK SO MUCH؟؟؟؟ | علي محمد علي | 01-12-05, 09:07 AM |
Re: WHY WOMEN TALK SO MUCH؟؟؟؟ | nagla abshar | 01-15-05, 08:56 AM |
Re: WHY WOMEN TALK SO MUCH؟؟؟؟ | lana mahdi | 01-12-05, 09:14 AM |
Re: WHY WOMEN TALK SO MUCH؟؟؟؟ | عاطف عمر | 01-12-05, 12:47 PM |
Re: WHY WOMEN TALK SO MUCH؟؟؟؟ | lana mahdi | 01-13-05, 08:12 AM |
Re: WHY WOMEN TALK SO MUCH؟؟؟؟ | عاطف عمر | 01-13-05, 11:21 AM |
Re: WHY WOMEN TALK SO MUCH؟؟؟؟ | lana mahdi | 01-13-05, 11:52 AM |
Re: WHY WOMEN TALK SO MUCH؟؟؟؟ | nagla abshar | 01-15-05, 08:40 AM |
Re: WHY WOMEN TALK SO MUCH؟؟؟؟ | ود المدفع | 01-23-05, 03:43 PM |
Re: WHY WOMEN TALK SO MUCH؟؟؟؟ | lana mahdi | 01-24-05, 12:00 PM |
Re: WHY WOMEN TALK SO MUCH؟؟؟؟ | lana mahdi | 01-24-05, 11:56 AM |
Re: WHY WOMEN TALK SO MUCH؟؟؟؟ | نجلاء المهدي | 01-24-05, 12:07 PM |
Re: WHY WOMEN TALK SO MUCH؟؟؟؟ | lana mahdi | 01-24-05, 12:11 PM |
Re: WHY WOMEN TALK SO MUCH؟؟؟؟ | نجلاء المهدي | 01-24-05, 12:27 PM |
Re: WHY WOMEN TALK SO MUCH؟؟؟؟ | نهال كرار | 01-24-05, 12:32 PM |
Re: WHY WOMEN TALK SO MUCH؟؟؟؟ | معتصم الطاهر | 01-24-05, 12:42 PM |
|
|
|