|
Re: جنجـــــــــويد البورد (Re: shammashi)
|
shammashi الصبي ... التحايا النواضر... وين غبت ليك كم يوم.. الطردك من البورد شنو...؟
Quote: جنجـــــــــويد البورد |
من هم...؟؟
Quote: كونداليزا جاتكم..... |
ما تكون جاية لإمامة... الفحول... ضكور.. بلدي.. السودان... بس...
شمس... أرقد قفى... وما تخاف...
والفارغة يملاها الله... طالما عينتك موجودة...
يا ....
شماسي...
| |
|
|
|
|
|
|
Re: جنجـــــــــويد البورد (Re: shammashi)
|
70% منهم من كاميرون وافريقيا الوسطى والنيجر وتشاد
ويتبجون ويقولون
نحنا
دخلنا السودان على ظهور العــــــــــاديات ضبحا
شوف الفهم
يقال اخى ان الفار دخل المطبخ وتصادف وجود باقى ابو جنقر (عجينة )
بايت فتعشى منها وكان من ضمن مكونات ابوجنقر شوية خميرة فلعبت تلك وفعلت افاعيلها
فى راس الفار ، فخرج يتبختر ويسال عن الكديسة ليتحداها .... فظهرت الكديسة وتغدت بيها
| |
|
|
|
|
|
|
Re: جنجـــــــــويد البورد (Re: شدو)
|
الغالي/ شدو أم جنقر.. بس يا الغالي ما تكون حقت رز... أصلها بالدخن.. والروب... وشوية سكر في رأس الأصابعين.. أصلي بلادي زيو ما حتشوف... صدقني كنت من قبل فترة عايز أفتح ليك بوست.. باسمك.. أنا وإنت رأس... عشان نشوف مسألة تراث دار فور... بس قلت كانت الفرصة ما مناسبة... ولكن برضو ما في مانع... نشوف.. ما بعد لاهاي...
والحال المايل.. تفتكر إنو عمر البشير لو فرضاً أدين.. حيدير السودان من داخل السجن...؟
وهل تفتكر إنو ممكن الشعب السوداني يرضي ... وتكون لأول مرة في تاريخ العالم... رئيس دولة سجين...
أم جنقر...
كلو وأشربو هنيئاً...
| |
|
|
|
|
|
|
Re: جنجـــــــــويد البورد (Re: A.Razek Althalib)
|
صدقني كنت من قبل فترة عايز أفتح ليك بوست.. باسمك.. أنا وإنت رأس... عشان نشوف مسألة تراث دار فور... بس قلت كانت الفرصة ما مناسبة... ولكن برضو ما في مانع... نشوف.. ما بعد لاهاي...
الغالى / عبد الرزاق
لك التحية وعجبنى ما قلته
لانى مهموم بروح ثلاثمائة الف روح بريئة ازهقت
فانا فى انتظار عدالة السماء ان تنزل على المجرمين
والقتلة والمغتصبين اما مسالة التراث ليس من اهتماماتى الان
هناك قتل وخراب وحقيقة لفته بارعة منك بعد لاهاى دى
اما عن البشير ولاهاى فلا تسبق الاحداث يا اخى ودع الافعال لتتحدث
| |
|
|
|
|
|
|
Re: جنجـــــــــويد البورد (Re: شدو)
|
الحبيب/ شدو ذكرت:
Quote: لانى مهموم بروح ثلاثمائة الف روح بريئة ازهقت |
كلنا مهمومون... تفتكر يا الحبيب شدو.. إنو العدالة الإنعدمت جوة بلدنا.. وبدأنا نستجداها من العالم المتحضر ده...
ممكن تكون نزيهة... فرضاً... لو إنو عمر البشير ده... دخل السجن.. بالثابته...
وهتف الشعب السوداني... يحكمكم مين... والغوغاء.. والعامة... والشماسة.. والمثقفين.. وأنصاف المتعلمين.. قالوا بصوت واحد... عمر البشير... على وزن سير سير ....
تفتكر حيفكوهو بضمانة... ويجي يحكم بالنهار... وبالليل يرجع يبيت في السجن.. طبعاً إنت عارف... سجون زي حقت لاهاي دي... بتخايل لي... بتكون خمسة نجوم.. يعني أحسن من القصر الجمهوري... وخدمة فورية بالمس كول... وبعد ما يقضي المدة... أنا خايفو يقول حرم ما حأطلع من السجن...
لأنو تحت حماية من قوات دولية.. الحاجة الوحيدة... الحيفتقدها... تفاعلو مع الناس البسطاء... ورقيصوا معاهم... في السهلة...
أنا مرة قلت السيد الرئيس ده... يقوم يتجعلن... ويركز للناس فوق في المنصة... وتبدأ مراسم إحتفاليات جلد الذات... وتكتر الشبالات...
والناس تزغرد.. والحكامات يغنن.. والدم يسيل للركب... زي ما سال من قبل...
الله يلعن الفتنة أخوي شدة.. بالله عليك...
شفت جنس المحن دي...
| |
|
|
|
|
|
|
Re: جنجـــــــــويد البورد (Re: A.Razek Althalib)
|
الحبيب / عبد الرزاق
وين العدالة ؟
تقول عدالة وثلاثمائة الف قتلوا ليس بفعل غضب الطبيعة لكن بفعل
الدولة وطائرات الدولة وجيش الدولة ومليشيات الدولة
العدالة ان نحمى هذه الارواح
ود البشير اطلق يد جيشه على الابرياء وهو مهموم برقيصه والناس يقتلون فى دارفور
مـــــــــا مشكلة
هذا هو غاية الالم ومنتهاه وشيل معنا الهم يا اخا الاسلام عبد الرزاق
| |
|
|
|
|
|
|
Re: جنجـــــــــويد البورد (Re: شدو)
|
أخي العزيز/ شدو السؤال ده محيرني جنس.. حيرة.. صحي كده في عدالة مطلقة.. وعدالة مقيدة...
Quote: تقول عدالة وثلاثمائة الف قتلوا |
لهم الرحمة... هؤلاء الثلاثمائة ألف... تفتكر إنو ما دامت المسألة ما هي غضب الطبيعة... بيكون غضب إلاهي لأننا عصينا أوامره.. وما إجتنبنا نواهيه... شفت الحرب يا أخوي شدو... أول ما تكون فتية ... تأثر بزينتها كل جهولا... وحتى إذا إشتد ضرامها.... ولت عجوز... شمطاء... يكره الشم فيها والتقبيلا...
Quote: الدولة وطائرات الدولة وجيش الدولة ومليشيات الدولة |
شدو يا أخوي الدولة والطائرات ديل ... والجنجويد الطائرات البشرية... تفتكر كده... قاوموا بس .. أمسك أقطع... كتل بدون أي سبب...
بعدين الجنجويد .. ذراع الحكومة المدني ديل... تفتكر إنو لامن قامو ناس الحركات المسلحة دايرين ليهم سبب.. وقاموا نخسوهم... حيكون قاعدين... مربعين يدينهم... راجيين... البكتل فيهم... شدو... إنحن .. برضو لو ما متنا مع ضحايا هذه الحرب اللعينة.. فقدنا أحبة... وما في غزالاً ما قام جدي.. وما في شجرة في دار فور ... ما هبتها الريح... والأسى الدخل بيوتنا في دار فور... صار فرحة عند كوستاوي منتهك بكارة حسان عذروات البقارة.. ولا أهلك البقارة ديل ما من دارفور...
شفت كيف... كوستاوي .. وبشاشة ... ودينق.. ورودا.. منتظرين... اليوم البترمي فيهو لاهاي كلابيشها في يدين الناس الظالمين ديل.. عشان يجو بالعديل والزين... والتمن جماجم... أهل... البسطاء... أمثال محمد سليمان.. وكوبيستا... وبقية الشباب... الهمام...
بعدين تفتكر إنو ... بعد الحصل ده... محمد سليمان... حيرضى بي بشاشا... ولا كوستاوي...
أصلوا يا أخوي شدو... عندنا هناك في دار فور... بنلاقي كلدنق... الصغر... بيدخل راسو جوه الفطيس.. عشان يغتاد.. ويعيش.... آهه.. أنا بشوف الحرب العندنا في دار فور دي.. هي الفطيس لأنها حرب عنصرية نتنة.. وزي ناس كوستاوي... ديل صقور الحرب.. يعني كلادينقها...
كلدنق ده.. يعني الصقر أبو صلعة..
تذكير عشان ممكن تكون نسيت... زي كوستاوي النسى كل القيم والأخلاق السودانية.. وما نسي الزلابية... شفت الزلابية... (المنون) الليقيمات البيقمن صلباً..
اللهم أكشف عنا هذا الهم..
والغم...
قول آمين ...
| |
|
|
|
|
|
|
|