|
|
|
 Re: هل تم ايقاف رودا، مرة اخري؟ (Re: Bashasha)
|
الأخ بشاشا، تحية طيبة..
نعم.. تم ايقاف رودا، مرة اخري.
والسبب حسب علمى.. أن شخصاً ما أسمه أبقوتة إشتكى!!!!!
فقد قال أنها أسآءته بقولها "أبقوتة.. قنبلة الخواء الموقوتة (أو المقدودة.. لافرق عندى!)
الذى يحير.. هو.. كيف إكتشف بكرى أبو بكر.. أن تعليق رودا.. ليس صحيحاً؟
لكم الود، ول أبقوتة الإعتذار إن كانت الطاقية ليست مقاسه!
عدلان.
| |
 
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
الاخ العزيز عدلان شكرا جزيلا.
كلام غريب جدا!
هوبكري ماشايف شيري بتقول في شنو؟
علي العموم دي فرصة انا اخلي زمتي من كلام قلتو للاخت الحبيبة رودا بخصوص الاخ بكري:
قلت لك ياعزيزتي رودا في بوست الترحيب بعودتك ان لا تحكمي علي نوايا الاخ بكري في قرارو الخاطئ السابق، وماكان لي صراحة ان اقول ماقلت في السابق، والان انا اعتذر واسحب ماقلت لاني ماعدت افهم دوافع الاخ العزيز بكري وان كنت لااملك دليل يحملني علي التشكيك في نفس الوقت.
الاخ العزيز بكري،
لن اخطآ واخلط مابين علاقتي بيك، او راي في قراراتك كمالك ومدير للمنبر. فياجاري العزيزي المثل بقول اكلو اخوان واتحاسبو تجار.
راي حاقولو ليك لكن ماحانقل اختلافي معاك هنا لي علاقتي بيك خارج المنبر. فلن انه عن خلق واتي بمثله، عار علي اذا فعلت زميم.
| |
|
|
|
|
|
|
|
|
 Re: هل تم ايقاف رودا، مرة اخري؟ (Re: Bashasha)
|
بشاشا...
أنا جيت ماري بهنا..
وقلنا نغشاك...
بعدين شايفين ظهورك إنت ودينق..
بقي على طول.. بعد فصل رودا...
يا ربي الحاصل شنو...
ولا توافق زمني ساكت..
على عينة توارد الخواطر...
بعدين:
زميم جاية من موية زمزم..
زي دي.. زمي زمي..
وقالتها هاجر..
أم سيدنا إسماعيل...
وبرضو بتقول لي بت عمك...
يا بشاشا... المعني الأنت قاصدو..
بينكتب زي ده.. ذميم...
بالذال .. وما هو بالزاي..
وزيادة كوم...
بالدارجي اللوكال السوداني المحلي... دميم..
بالدال...
يا بشاشا..
كده راجع الكي بورت حقك..
ما يكون.. من عينة الفرقان الحق.. الدائر اليومين ديل عندكم هناك..
خاصة بعد صلاة أمينة ودود.. القالو أمت الضكور عندكم هناك...
إذا طقطقتا بنصرك ...
ممكن تلاحقو... ومحلتو ما بعيدة..
عشان ما تقوم تتناول ليك أقرب حاجة بتشبها.. على وزن تشابه الإبل...
وتقوم تختها لينا...
تعرف..
إنت بالطريقة دي.. بتحرف الكلم عن موضوعو..
وبتثبت مقولة إنو السودانيين كسالي..
الربنا واهبهم أرض هدادي مدادي....
ونعمة الموية... الدافقة في كل الفيافي..
وما قادرين يصلحوها ولا يفلحوها..
وعينهم.. ما وقعت إلا على البترول..
القاعدين بتكاتلو فوقو ده...
المهم..
رودا.. فصلت..
لأسباب كتيرة...
ماها خافية على زول..
زي شبح فانوس...
المدردح...
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Marouf Sanad)
|
Quote: بينكتب زي ده.. ذميم...
بالذال .. وما هو بالزاي..
وزيادة كوم...
بالدارجي اللوكال السوداني المحلي... دميم.. |
كلمة دميم ما دارجي محلي ولا لوكال يا الدؤلي ,, دي كلمة عربية فصيحة معناها
,,قبيح,,
| |
|
|
|
|
|
|
|
|
 Re: هل تم ايقاف رودا، مرة اخري؟ (Re: Marouf Sanad)
|
أبو عريب...
وينـــك يا راجل..
تعرف أنا ماشي وبجيك يوم باكر...
زولك ياسر الشريف.. كتل ملف جوه بوستيهو بتاع اللسته..
وغلب حيلة......
وشايفو فرحان...
بلستة كوفي عنان...
وقام هددني.. يا أدين الإرهاب.. يا يسجلني في لستة كوفي عنان..
قلت ليهو في طريقة...
ختني رقم واحد...
وحق التذكرة علي..
بس قول لي ناس برلين.. الكونكشن من عندكم..
المهم..
هاهه يا بشاشا..
تعرف..
تاج السر حسن.. الجمهوري...
لعبو بقى خشن..
ونزل سب..
وما خلى لينا جنبة نرقد عليها...
وبرضو قلنا مرحب بيهو ..
كلو دواس وكل إناء بما فيه ينضح..
ومهم يكون برضو أخ عزيز وابن أخٍ كريم..
الحاجة التانية.. المحيراني...
إنو البروفسور/ خالد كودي..
مرة في مداخلة لي معاهو كده.. قال لي..
يا زول أنا ما داير معاك أي كلام..
ولقيتو في بوست الأخت شيري.. القمتو إتهمتوها زور بكلام ما قالتو..
فارد لي.. ربع سطر..
قلنا تقدم ملحوظ... بروح الحوار المباشر...
وأهلاً بالحوار..
الحاجة التانية..
يا بشاشا..
الناس البمشو لدول الفرنجة ديل...
البيحصل ليهم شنو...؟
في ناس قالت نست كل القيم.. وما بتتذكر إلا الزلابية.. (المنون).. النزل في القرآن (مائدة بني إسرائيل...)
وفي ناس قالت جاية بالشبك.. زعلانة في شنو ما عارف... وبتحرف في الكلم...
وواحدين تانين دايرين إشاعة الفاحشة في مجتمعنا... البسيط ده...
حتى ولو أمت المصليين الدكتور/ أمينة بت ودود.. ولا واحدة من محارمهم...
وناس قريعتي راحت ... وسط الجوقة.. ما عارفين يسو شنو..؟
لو لقو الفريق الغالب... بيقولو ليهم.. نحن معاكم..
ولو لقو الفريق المهزوم ... بيقولو ليهو إنما نحن مستهزئون..
فاكرين... طلوع القمر ...
بإنحلال القيم.. والأخلاق..
بالله عليك هو متي كان الإنحلال..
بيعني... التحضر... والحداثة..
والتمسك بقيم المجتمعات... تخلف...
بالله عليك... ما تتأخر..
وراجينك تتحفنا..
برؤية ..
تمرقنا من المحن الأنحنا قاعدين فيها دي....
بعدين بطل عياط...
دايرين كلام عقل...
وكفانا..
جعجعة سلاح..
الما جابت لينا..
إلا خيبة الأمل..
ولاها حرست لينا بلد..
ولا عقيدة...
ومعالك لآخر السكة...
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
الاخ العزيز/ بشاشا.
لقد نجح الجلابة بالبورد في أقصاء قلم الاخت رودة من البورد ودي حاجة طبعاً كانت متوقعة من بدري, وأنت تعلم ذلك جيداً وحتى أنك حزرت بذلك من قبل عدة مرات. وزي ما عارف أن هناك ناس بهذا البورد يريدونه أن يكون نادي شمالي بتاع جلابة فقط. وللأسف الشديد أن الاخ بكري أبوبكر أستجاب لتلك الدعوات الموهسة التي طالبت بأقصاء الاخت رودة من البورد.
تعرف يا بشاشا
الزول ال أسمه عبد الرازق ده أنا سألتوا كم مرة عن دارفور ولماذا لا يتحدث كثيراً عن دارفور بحكم أنه أحد أبناء الاقليم, ولغاية حسع الزول ده ما جاوبني.
دينق.
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
(لقد نجح الجلابة بالبورد في أقصاء قلم الاخت رودة من البورد ودي حاجة طبعاً كانت متوقعة من بدري, وأنت تعلم ذلك جيداً وحتى أنك حزرت بذلك من قبل عدة مرات. وزي ما عارف أن هناك ناس بهذا البورد يريدونه أن يكون نادي شمالي بتاع جلابة فقط. وللأسف الشديد أن الاخ بكري أبوبكر أستجاب لتلك الدعوات الموهسة التي طالبت بأقصاء الاخت رودة من البورد.)
مقتطف من مداخلة دينق !
ست البنات
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: ست البنات)
|
| Quote: لقد نجح الجلابة بالبورد في أقصاء قلم الاخت رودة من البورد ودي حاجة طبعاً كانت متوقعة من بدري |
الأخ / دينق :
في فترة غيابك الماضية كنت أتمنى أن تجلس إلى نفسك و تعيد القراءة التاريخية ببصيرة طبيعية إسترمدتها فيك عقلية إستصعب عليها إدراك تواتر الأحداث القريب منها و البعيد ؛ تفكير جلابي و غرابي و عبد و إبن بلد ما عاد ( يأكل عيش ) و إستعطاف المنظمات الدولية بهذا التفكير و بهذه اللغة أصبح متاجرة بالقضية الكلية للسودان .
في ظل هذا النظام أصبحنا جميعا فى الهامش بحكم التفكير الجبهوى المسيطر على مقاليد أمور الدولة من نمولي إالى حلفا ؛ وأنت تعرف قبل الآخرين أن هناك من يحسبون ( جلابة ) أستبسلوا في كفاحهم ضد هذا النظام حد الإستشهاد و الموت في سبيل اعادة الحرية و السلام و إسكات الصوت المنادي بالحرب . و أنت تعرف قبل الآخرين أن هناك منهم أيضا من حمل السلاح مع الحركة .
وتعلم أن هناك من فرق بين أبناء الوطن الواحد كما صنفت أنت ,اذى الناس و تسلط عليهم و عذبهم و نهب أموال الناس و الدولة و فيهم جنوبيون و من أبناء الغرب و الشرق و الشمال .
هذا تنظيم سياسي إستلقط اللصوص و الحرامية من كل حدب و صوب و كون بهم حزبا سياسيا ما زال يحكم و يتغطرس على أبناء السودان أجمعين( جلابتهم و غرابتهم و جنوبييهم) .
أتمنى أن تعيد النظر فى لغتك السياسية و تستهدى بالخط العام الجماهيري الذي ينادى بالوحدة الوطنية و إحلال السلام .
صدقنى ستكون أول الخاسرين من هذه اللغة ؛ و ستجد نفسك يوما ما مقصيا و منبوذا فى المنبر و خارجه و ستأتي يوما في آخر الصف و أنت تعض على أصبع الندم.
إرتقى بفهمك السياسي و الاجتماعي ؛ ستجد من يحاورك في كل القضاياو بفهم و بطرح جديد و مقبول ؛ أما الإستمرار بهذا الفهم سيلحقك بقوم ولوا من زمن بعيد .. بعيد جدا .
و لي عودة ..
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
الحبيب دينق،
صراحة موقف بكري هنا، محير لدرجة!!
فعلا ذي ماحذرنا جلابة المنبر لايملكون غير اللجوء للبتر والقتل العمد للمناهضين لي هيمنتهم، متطلعين للانعتاق والتحرر.
لافرق علي الاطلاق مابين محرقة التطهير هنا او ذات محرقة التطهير هناك. نفس المعركة، بس بي سلاح مختلف.
من دون صوت كصوت رودا، مغاير ومختلف جذريا، مامعني ان يستمع جلابة هذا الفضاء، لي رجع ذات صدي صوتهم القديم البائس والممجوج؟
ماهو الجديد في كلام دكتور بولا او نجاة، او اسامة او الفيا الي الي اخر قائمة رموز هذا الفضاء الجلابي؟
ماياهو ذات الكلام المكرور الممجوج عن الراسمالية والعولمة، او الطيب صالح في مقابل يمني العيد.
نفس الانصراف الحساني او سبق الحمير المدور من نصف قرن!
بالنسبة لي المؤلف قلبه، عبدالرازق اخوي، فالرجل تجسيد حي للمسخ الجلابي الامبريالي.
تذكر كيف:
The most powerful weaponn, an oppressor has, is the oppressed mind.0
فالرجل مبرمج ماعلي كيفو، ذي برمجة المصريين والعرب للجلابة والجلابيات!
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: معتز تروتسكى)
|
الاخ بشاشه
رودا جعلت حيارين للمنبرين اما ان ينظروا في الدواخل القبيحه ويسعوا لتجميلها او ان يهربوا بها فتزداد قبحا.. والسبيل الي ذلك ان تصمت كلماتها هنا!
لذا متي ما عادت حاربوها
لك ولها التقدير!
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
عبداللطيف اوست البنات، اولا مرحب بيكم,
ثانيا واضح طرف السوط لحقكم.
الجلابية مالفظة اوعبارة معزولة وخاوية، بقدرماهي ذهنية واسلوب حياة متكامل.
نظامك الاجتماعي جلابي والسياسي جلابي والاقتصادي جلابي.
دولتك جلابية او جيشك جلابي او برلمانك جلابي او حتي نشيد علمك جلابي، بل حتي هواء الله ذاتو في السودان جلابي.
ده كلو او كمان تحتجو علي مجرد تسمية الاشياء باسمائها ممن عانو وكابدو اثقال جلابيتكم علي مر الدهور والايام، ليموتوا بالملايين؟
امااذا جاء سؤلكم عن ماهي الجلابية؟
فالاجابة كالاتي:
هي ذهنية استعلاء عرقي لاقلية افرادها اصحاب حظوة بالميلاد، تم تنصيبهم كعائلة مالكة للسودان، بواسطة الاحتلال من اجل الحفاظ علي التركة حتي يحين موعد استلامها، وقد حان.
بطول وعرض افريقيا قام الاحتلال الغربي بتنصيب اقليات محددة علي مناطق نفوذها، بعد صياغة انسان هذه الاقلية بمايخدم مصالحه علي الوجه الاكمل كما في رواندا ونيجيريا وجنوب افريقيا، واثيوبيا..الخ.
في الختام، انا الموقع ادناهو كمال بشاشا هو اول من واظب علي استخدام هذا المصطلح، ولهذا استغرب جدا محاولة محاصرتكم للحبيب دينق والذي لم يفعل اكثر من استلاف مصطلح شهد به شاهد من اهل الجلابة.
فلماذا غض الطرف عن مخترع المصطلح ثم ملاحقة مستهلك عادي للاختراع؟
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
الاخ/ معتز.
أنا شخصياً لا أعتبرك عضوا بنادي الجلابة بل أصنفك من ضمن المستنيرين بالبورد, أما إذا كنت أنت ترى غير ذلك فهذا موضوع أخر يا عزيزي. وأنت تعرفني جيداً أنا لا أجامل أحد.
دينق.
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Deng)
|
خالص التحايا..
العزيز
Deng
عموما فى ماذكرته اساسا ايضا لابدمن الوقوف عليه ويحتاج منك ايضا وقفه فى ان المصطح ياعزيزى به كثير من اللبس (كعملية تفكك الاتحاد السوفيتى وانهيار الشوعيه).. كثيرون يقعون فى هذا المعنى المغلوط ويتصورن بان الشوعيه انهارت ..بعض النظر عن اتفاقنا معها ام لا لكن هناك مصطلحات تحتاج لضبط وبخلاف احد الزملاء هنا قام بتفسير كلمة جلابى .ولازال البعض يرددها هل هى على سبيل المكاوه ام محاولات الصاق تهمة العنصريه ببعض الفئات..
عزيزى دينق..
تفريخ مصطلح جديد على ارض الواقع كهذا ليس بالشى السهل او انزال مفرده الجلابى وربطها بمواقف العنصريه ليس بالساهل .. وانا حصل من مجموعه صغيره من الكل فالاحصائيات تُخذ على اساس الكثره وليس العكس يعنى لايمكن ان ناخذ بمقولة(الخير يخص والشر يعم)...
العنصريه شى هو غريزى تلجااليه النفوس المريض عندما تفقد الحجه والمنطق ..الخ..
لكن هذا لايمنع من كونها شى غريزى..
حتى على مستوى البلد الانت موجود فيها موجوده لكن التزام السلطات بتنفيذ حدودها هذا مايجعل التساوى موجود نوعا ما وهو ماينقصنا على مستوى الاجهزه العليا.
لكن على مستوى البشر لاتنتهى هذا الفكره بتلك السهوله..
نحن عندنا يادينق الاله فى اسطورة الدينكا لمن جاء يخلق الناس اول ماخلق الدينكا الى ان وصل الى اخر شى وهو شكل غريب وعجيب الا وهو العرب..
على مستوى السودان كل فى منطقته ملك وشايف روحو (فالجعلى لايسوى شيئا لادروب فى منطقته وو الخ)
لذا الطريق فى ايجاد حلول شى مهم وليس مستحيل ان كان صعب ..
لكن تصبح المهمه صعبه فى شكل تناول القضيه فى حد زاتها
ومن ضمنها كلمة جلابى هذه..
بالاضافه الى عملية صراخنا نحن وانا الجلابى كذا وكذا هذا فى حد زاته شى من العقد النفسيه او التوهم بان الاخر افضل منا مهما كنا فى مركز رفيع او غيره..
عموما الكلام طويل لذا كنت اريد ان اخوض معك فى بوست لكى تقنعنى او اقنعك بصحة ماذهبت ليه انت او انا..
بالتاكيد كما اعرفك لاتجامل تعرفنى ايضا باننى لااجامل...
ولايقف اختلاف وجهات النظر عثره فى ان التمس ودا لبعضا نهائيا ..
لكن ان ندور فى فهم جلابى جلابى للماشى والغاشى..
كما اوضحت اعلاه..
يازم الموقف وليس هم الجلابه فقط العنصريون..
والتحايا النواضر..
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
العزيزة سوسن احمد تحياتي او يامراحب.
ماجريمة روداء كمراة، انها عكست و عرت الدواخل المهترئة والمتعفنة، ولذلك نالت جزاءها، قبرا ووآد!
ديل من النوع البقطع الصورة لمان تطلع قبيحة!
كانو اعدام الصورة حيخلصهم من كابوس الاصل!
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
Quote:في الختام، انا الموقع ادناهو كمال بشاشا هو اول من واظب علي استخدام هذا المصطلح، ولهذا استغرب جدا محاولة محاصرتكم للحبيب دينق والذي لم يفعل اكثر من استلاف مصطلح شهد به شاهد من اهل الجلابة.
I'm Jalaby, Mustafa Seed Ahmed jalaby, Yasir Arman is jalaby Alsadig almahady is Jalaby...Mohamahd Ibrahim Nogod is Jalaby...
What you are doing isn't struggle bro...neither it's correctional, eventually it will not give you the title of Sudanese Martin Luther king..It's nothing less than adding more fuel to the ongoing problem.
Call me jalaby and i iwill wonder what does he mean...and the street person will say ok.. he is trying to get racist Iwill call him Slave...the other will insult the religion and moslims will call him Atheist and he will answer you are Keezan and so forth. It's just a stupid snow ball! Part of of the sudanese culture of ignorance solving a dispute with yet a bigger one.. wasting your time and the people's time on net. Pls be creative positive Don't be just a writer!
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: saadeldin abdelrahman)
|
| Quote: هرطيق ) أنت و قاصر عن إستيعاب التاريخ و الجغرافية . و ( الهرطقة ) تصنيف علمي و إجتماعي و ذلك كي لا أجد شكوى ضدي الى حين العودة إليك بمزاج . |
الاخ عبد اللطيف
والله لو سمعك الخليل ابن احمد لعمل بحرا شعريا يسمى هرطقة
اما عن حديثك مع دنق لا تترك قهوتك تبرد..لانى اعرفك لا تمسك القلم الا وكاسة الشاى يتعالى بخارها
فوق انفك التى تستنشق رائحة الهبهان
ما وجدت مداخلى لدينق مئذ وضعى رجلى على عتبة البورد الى هذه اللحظة الا هرولت لها
لكى اجد فيها كلاما مغايرا غير عنصرية....فما خيب ظنى يوما ذلك الفتى الابنوسى...
اما كمال بشاشا يحرث فى الماء.. فلا سمك زواله الحياة..ولا زرع له ابصر شعاع الشمس
لكن جادلهم فانى اعرفك ذو نفس طويل..حير فطاحلة بونا المتغطرسين..امثال محو اب شعر
صاحب الندوة التى جمعت الرواد من كل حدب وصوب..ويومها قلت لك لماذا تتركون هذا الناعق
الكوزى يبرطع فى ساحة الاتحاد..فقلت لى بيت الشعر المعروف.(.لو كل كلب عوى القمته حجرا
لاصبح الصخر مثقال بدينار) فهمشت تلك الندوة وهمش ذلك الزيلى ولم يعد لفعلته بعدها
فسر ربما تجنى من الشوك العنب..او حلبت فى ماعونك ضنوب من قارز
ولقدام
ابقوتة فى اول الدوام
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: saadeldin abdelrahman)
|
دينق..بشاشا..
أو..
بشاشا.. دينق.
تطابق تام.. في الآراء.. وحتى طريقة الكتابة...
برضو توافق..
الغريبة... إنو إنتو الأتنين لا أدري ما هو الذي يجمع بينكم..
دينق وبشاشا... غير زرع الحقد والكراهية.. وإنكاء لجراح.. لا زالت دامية..
بشاشا .. إن الذي يقتاد على الفطيسة...
نافر ومنفر...
والعنصرية أفطس.. فطيسة..
وهي منفرة.. كما وردت في شرعنا الحكيم.. وعلى لسان صاحب الرسالة..
دعوها فهي منتنة...
الحاجة.. التانية... يا أبو عريب...
أظنك ذاهب إلى عكس ما يقوله شرعنا...
المسلم أخو المسلم.. في مسألة الموادده..
أما بالنسبة للأخ دينق..
يا دينق.. وبشاشا..
مشكلة أختكم رودا.. أو مشكلة دار فور.. كما ترونها...
هي العنصرية على أوضح وأشنع صورها..
وقد لاكتها.. مراراً.. أقلام الأخوة إبراهيم بقال.. والعنصري محمد سليمان.. وكوبيستا... وحامد حجر.. إلخ...
وعلى مرأى من الجميع..
وكلماتهم أفجعت ضحايا أحلامهم في مقابرهم...
فهل من مدكر....
فإن كنت تعيب العنصرية على الجلابة...
فبلدنا السودان كله يخوض في هذه البركة الآسنة...
فمثلاً.. وعلى أبسط مثال... أهلنا في جنوب السودان...
تسمع شم تراب ده بقول شنو...؟ وتلصق على قفاك مندكورو جني منقه...
وبها ختم صنع خصيصاً.. لزرع الأحقاد...
إذن يا باشا...
المسألة ليست حكراً.. بحق الأمتياز...
خاص بشمال السودان...
ولو زرتنا مرة... وجيتنا.....
بتلقى فينا العنصرية.. على أشنع صورها..
فأهلنا الفور.....
وبكل ما يحملونه من طيبة.. وخلق أقله يقال له خلق المسلم السوي..
تسمع منهم كلمة سلونقا.. وهي تعني العبد.. أو القرد.. أو العربي...
على طرف أذنك..
وقيس على ذلك باقي أركان السودان... وحسبك كلمة الحلبي التي تطلق عليك أنت بالذات يا بشاشا.. (أبو عريب)..
إذن.. يا باشا... المشكلة ليست في تحديد من هو الذي يقوم بهذا السلوك.. الشائن..
والقبيح... أو الدميم.. أو قل الذميم...
بقدر ما هو أصبح سلوك ..
يقوم به الكل .. المتعلم.. والجاهل...
الدكاترة..... والرعاع.....
وقد تتفق معي على أن نصل إلى أن..
المشكلة ليست في من تأذوا ... بقدر ما هي في من يستخدم هذه الظاهرة.. لتحقيق مآربه.. دون العمل على علاجها..
وتدري ما هي وسائل العمل التي يمكن أن تعالج هذه الظاهرة...
وأولها.. هو الدين الإسلامي الذي يحاربونه بكل ما أوتوا من قوة..
حتى ولو كانت الإستعانة بمن حرم علينا شرعنا الإستعانة بهم.. لكتال أو التفريق بين المسلمين..
تعرف يا بشاشا.. المؤلفة قلوبهم.. أمثالكم..
أكلو سحت أعدائنا...
فتشابهت عليهم.. الحقائق..
فتألبو علينا.... ونحن لا نملك أن نقول..
حسبنا الله ونعم الوكيل...
دينق..
أرجع السودان.. وعش وسط أهلك وعلمهم معني التعايش السلمي.. وثقافة السلام..
لقد نلت حقوقك وزيادة كاملة... الكاتلت عليها سنين عدداً...
وأزهقت بها أرواح العباد... وخيرات البلاد..
ولم يرمش لك بها.. جفن..
بل لا زالت حركتكم الشعبية.. سجونها تعج بالآلاف.. من أسرانا..
نسأل الله أن يفرج عنهم..
دينق ..
أسألك بالله لو قابلت بشاشا...
جنوب كوستي ما تقول ليهو...
مندكورو جنى منقا...
فالغاية لا تبرر الوسيلة...
وما بني على باطل ...
فهو باطل....
عشان نبني بلد...
| |
|
|
|
|
|
|
|
|
 Re: هل تم ايقاف رودا، مرة اخري؟ (Re: Bashasha)
|
الأخوان دينق وبشاشا
التحية لكم
اخونا ع الطالب
تحياتي
لقد سالك الأخوان عن موقفك من دارفور بصفتك
من احد ابناء المنطقة وحسب علمي انك تنتمي
لقبيلة التعايشة وهي من القبايل الكبيرة بدارفور
والتي تتدعي انتمائها العربي،،
ولكن رغم ذلك اراك يا ع رازق تهرب كثيرا من الحديث
عن دارفور
اوعا يا صديقي تكون من الجنجويد
كتبت
Quote: وتدري ما هي وسائل العمل التي يمكن أن تعالج هذه الظاهرة...
وأولها.. هو الدين الإسلامي الذي يحاربونه بكل ما أوتوا من قوة..
حتى ولو كانت الإستعانة بمن حرم علينا شرعنا الإستعانة بهم.. لكتال أو التفريق بين المسلمين..
تعرف يا بشاشا.. المؤلفة قلوبهم.. أمثالكم..
أكلو سحت أعدائنا...
فتشابهت عليهم.. الحقائق..
فتألبو علينا.... ونحن لا نملك أن نقول |
..
الأخ رزقة
ياتو دين اسلامي بتتكلم عنه هنا
هل هو اسلام الترابي ؟؟
ام حاج نور
ولا اسلام موسي هلال؟؟ ولا الزرقاوي
ولا ياربي يمون اسلام القرضاوي وبن لادن ،،،
لا تتاجر بالدين يا صديقي
لقد قلت لك ذلك
من قبل
سؤال اخير ،،
اذا كان الدين بحل المشاكل
فما هو راي الدين في حل مشلكة الجنوب ،،
الأ تعتقد ان الدين هنالك كان وسيلة لزيادة الحرب
اشتعالا،،،
لك التحية
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: ahmed haneen)
|
صديقي المناضل/ ahmed haneen
تعجبني يا مداخلاتك.. لدرجة..
أنها تفتح الآفاق..
عموماً..
Quote: ولكن رغم ذلك اراك يا ع رازق تهرب كثيرا من الحديث
عن دارفور |
لم أهرب يا صديقي العزيز...
وقد تحدثت كثيراً.. عنها.. في عدة مداخلات..
وقد وصفتها بالجيفة.. المنتنة..
وقد طالبت بتركها..
ولكن كلام القصير ما بنسمع...
| Quote: اوعا يا صديقي تكون من الجنجويد |
أبوكم أنا يا التيمان...
| Quote: ياتو دين اسلامي بتتكلم عنه هنا |
يا صديقي العزيز..
الدين الذي يدين به كل ما قال لا إله إلا الله .. وشهد بأن محمد رسول الله..
وأقام الصلاة.. وآتي الزكاة.. وصام رمضان .. وحج البيت لمن إستطاع إليه سبيلاً..
| Quote: لا تتاجر بالدين يا صديقي |
لماذا يضيق صدر الناس .. حرجاً..
وينكتم النفس ...
كلما ذكر كتاب الله..
وكأنهم يصعدون إلى السماء..
إن الله أشترى من المؤمنين أنفسهم... يا صديقي العزيز...
ومن خدعنا باسم الدين إنخدعنا له...
والحكمة هي ضالة المسلم...
Quote: الأ تعتقد ان الدين هنالك كان وسيلة لزيادة الحرب
اشتعالا،،، |
الحبيب ..
لا تتلاوى على الحقائق الأنصع من عمتك اللابسها دي.. اللهم لا حسادة..
حرب الجنوب هي .. الفرمالة التي أستخدمها أعدائنا... ووجدت هواها..
لكل من أراد أن يضري عيشو...
وحتى يوم الأمس..
خرجت مظاهرات عارمة عمت مدينة نيالا.. وجابت شوارعها..
إستنكاراً.. لقرار مجلس الأمن..
فماذا أقول لك..
أكثر مما قاله الناس.. هنا..!
فكل من له موقف من حكومة السودان..
تسلق عبر جماجم أهلنا..
ويا للأسف وهم يستشهدون بمناظر البؤس التي تعشعش خلف خيام البلاستيك...
لماذا.. لم تكن دار فور قبل إنقسام المؤتمر..
إلى مؤتمرين..
ألم يكن هناك تعساء.. في كل فيافي السودان..
وهل منظر هذا البؤس... وليد اللحظة..
لا يا أخي العزيز...
هي ضحالة لثقافة.. تنتجها الآلة الإعلامية العاملة على عكس ما تشتهي أمتنا..
ويتبناها العينة أمثال بشاشا.. ودينق..
ويجلسون خلف شاشاتهم البلورية..
ويشربها العنصري محمد سليمان...
لتنتج.. جعجعة السلاح..
ويكون هذا الحصاد..
ضعف الطالب والمطلوب...
ولكم الله يا أهلنا....
| |
|
|
|
|
|
|
|
|
 Re: هل تم ايقاف رودا، مرة اخري؟ (Re: Bashasha)
|
اخوي الطالب
لك الود يا ظلامي
لماذا لم تجب علي سؤالي
Quote: ياتو دين اسلامي بتتكلم عنه هنا
هل هو اسلام الترابي ؟؟
ام حاج نور
ولا اسلام موسي هلال؟؟ ولا الزرقاوي
ولا ياربي يمون اسلام القرضاوي وبن لادن ،،،
لا تتاجر بالدين يا صديقي
لقد قلت لك ذلك
من قبل
سؤال اخير ،،
اذا كان الدين بحل المشاكل
فما هو راي الدين في حل مشلكة الجنوب ،،
الأ تعتقد ان الدين هنالك كان وسيلة لزيادة الحرب |
لأنو الجماعة الفوق ديل
كلهم بقولوا لا اله الأ الله
وايضا ماهو راي دينك في حل مشكلة الجنوب؟؟
واين كان هذا الراي عند اعلان الجهاد
والقتل وحرق القري في جبال النوبة؟؟
اسمعك
يارزقة
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: ahmed haneen)
|
صديقي الصحفي المستنير أحمد حنين..
ولك كل الود والتقدير... يا الغالي..
| Quote: لماذا لم تجب علي سؤالي |
وينو هو السؤال..
بعدين ما أنت سيد العارفين...
من هو البادئ بالقتال....؟
وإنت سيد العارفين... في مسألة الموت والدمار الذي لحق بنا..
يا أخي الكريم.. مثال لذلك..
يعني لو أنا وأنت ..
أو أنت وأنا.. قاعدين في أم دافوق أقصى غرب البلاد... وعندك أو عندي مشكلة مع الحكومة الماكلة حقي.. وحقك.. الأنت أصلاً.. كنت جزء أصيل منها... أو أنا..
وأقوم يا أحمد حنين أجيك إنت الزول المسكين .. أو تجيني..
وأقوم أنخسك أو تنخسني في محلك أو محلي بحجة إنو بقرك أو بقري أكلو زرعي أو زرعك قبل عشرة سنوات...
وأقع فيك كتل وياكا الكاتلني أو الكاتلك.... إنت وأسرتك.. أو أسرتي..
يا أحمد حنين .. مالكم يا ناس كيف تحكمون...
وأنتم عارفين كيف تم إستغلال.. وضع علامي معين لترويج.. قضية.. تندى لها الجباه العالية...
وأستخدمت فيها كل الأدوات ... من الطرفين.. ومات من مات..
وتشرد من تشرد..
والصراع كان حلم السلطة.. وبريقها..
كده جاوبني على سؤالي الأولاني داكا ..
بعدين تعال نشوف منو الظلم.. ومنو المظلوم..
وخليك من ظلم الحكومة.. الوقع على المظلمين المعتدين.. على من أدعت الحكومة إنها بتدافع عنهم... فهل بعد كده... الظلم الواقع على الحكومة دي لو نصفها بكلمة حق..
يعتبر ظلامي...
طيب يا أخي .. لو جيتك وقلت ليك في شيوعي بيصلي...
وأنا لقيتو متعلق بأستار الكعبة..
وهو عارفني وأنا عارفو..
الراجل إستحق من مواقفو الكان بتباهى بيها قدامنا في أركان النقاش..
وقال لي بالحرف الواحد أسترني..
والسترة والفضيحة متباريات...
زي فضيحة الجمهورين في المنبر...
وعقبال البقية...
وعلى نفسها جنت براقش..
وخليك معانا هنا في ظلم الرعية...
لغاية ما يجينا الحاكم العادل..
بعد ما جيب على سؤالى ده.. بنكون قطعنا نص الشوط..
| Quote: وايضا ماهو راي دينك في حل مشكلة الجنوب؟؟ |
ديني ودينك ودين رب العالمين..
وهو الإسلام خاتم الرسالات ولو كره الكافرون...
بقى تاني المسألة ما محتاجة مجلس إفتاء.. وعلماء..
ولكن.. رأي الدين على حسب إعتقادك الما بيخالف
وإن جنحو إلى السلم فأجنح لها...
| Quote: والقتل وحرق القري في جبال النوبة؟؟ |
لهم الرحمة والمغفرة لكل من فاضت روحه دفاعاً عن كرامة هذا الوطن...
والله العظيم أمرك عجيب يا أحمد حنين..
يا أخي العزيز.. هل تتوقع إنو الحكومات المتعاقبة دي هي القامت..
أخنق فطس.. ووقعت كتل..
السبب شنو الأدي لتعاقب الإنقلابات العسكرية.. وفشل إرساء قواعد الديمقراطية..
ولا نقوم نجيب مقال عادل عبدالعاطي عن دور الحزب الشيوعي في تغويضهم للنظم الديمقراطية.. في السودان...
والكتل.. والحرق.. الأنت شايفو ده...
هل تتوقع.. إنو في حكومة في الدنيا..
تقابل.. ما يبارزها السلاح..
أن تهديه الورود..
أخي الكريم..
لو كان هناك عتاب.. أو ملامة..
فالأولى قبل أن نلوم الآخرين على رادات فعلهم..
خلينا نسأل أنفسنا أولاً.. من قام بالأصل بالفعل..
ومن بدأ القتل..
وتحدى إرادة سلطة الدولة.. بغض النظر عن إنو هي ديمقراطية..
ولا عسكرية..
فنحن كلنا في الهوى سواء..
ولا أظنك تخالفني الرأي في مسألة...
اللوم الراكبانا كلنا ...
من ساسنا لراسنا..
ما فيهو خير لينا وللبلد..
ولا أقول إنو الناس تنسي..
ولكن يجب أن يعو الدرس..
ويرسو قواعد عمل يلم شتات هذه الطاقات... لبناء بلد..
تقينا شر الشتات الأنحن قاعدين فيهو.. ده..
فلا أقول ..
لا تلوماني..
فكفانا اللوم..
ما بنا..
والأسى.. الذي يتاجر به.. بعضنا..
هو أصلاً.. له تجاره.. وهم من لفظتهم قيم مجتمعنا السامية....
وعراقة تقاليدنا.. المتسامية..
فهذه المرحلة .. أخي الكريم..
مرحلة البحث عن حلول..
والعض على مكتسبات الأمة..
بالنواجز...
وكده أطلع أعمل ليك بوست.. سميهو البحث عن حلول..
وتعال شوف المخربين.. وتجار الموت.. المنتفعين.. كيف بيخربوهو ليك...
ومعاك لآخر السكة......
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
Quote: المسلم أخو المسلم.. في مسألة الموادده..
أما بالنسبة للأخ دينق.. |
عبد الرازق.
طيب لماذا لم يراعي "مسلمي" حكومتك أخوانهم المسلمين بدارفور يا أبن دارفور؟
ولماذا لم يراعي "المسلمين" بالحزب الحاكم بقية أخوانهم المسلمين بالسودان؟ ناهيك عن غير المسلمين.
دينق.
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
الزول، مرحبتين.
فهمت شنو من عبارة "كمرآة" اعلاه؟ طيب النوقع ليك: مرآة مقصود بيها، مراية او "المنضرة". اي قطعة القزاز البتشوف فيها وشك.
يازول في العام والعالي اخوك كان كبتن عربي او انجليزي! ماكنت برفع يدي ذاتو للاجابة، اسوي "فندي فندي" ذي البقية!
لمان السؤال يغلب الفصل الاستاذ عارفني بناديني بالاسم او يقول لي وريهم! بالذات الاعراب والبلاغة! طبعا ماقاعد امارس عربي في البلددي الا هنا! برضو عربينا اخير من عربي امثال بكري ابوبكر بي مراحل!
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
دينق.. بشاشا..
أو بشاشا.. دينق..
ما يكون قاصد زول هشام هباني القالو في اللغة العبرية..
على العموم وعليكم بما قلتم...
| Quote: فهمت شنو من عبارة "كمرآة" اعلاه؟ طيب النوقع ليك: مرآة مقصود بيها، مراية او "المنضرة". اي قطعة القزاز البتشوف فيها وشك. |
يا باشا.. الرقابة.. برضو اسم للقطعة الزجاجية البتشوف فيها.. صورتك..
والمراية كبرت حجماً.. زي ضلفة الدولاب .. الكبير..
ولا.. مراية عين الجمل..
المهم..
| Quote: يازول في العام والعالي اخوك كان كبتن عربي او انجليزي! |
وإنت لغاية هسعي برضو كابتن...
بس تعالنا بالمفيد.. وخليك من العياط.. الكمل رقابنا...
وخليك شوية من طبع العنصرية الأنت معشعشة جواك...
والقاعد بتسخدمها معول هدم... لقيم مجتمعنا..
وأنت ما داري..
عشان توصل على أضعف الإيمان... لي معاني ضعف الطالب والمطلوب...
| Quote: اسوي "فندي فندي" ذي البقية! |
يا بشاشا.. تعرف .. يا أخي ضحكتني لامن قربت أقع من الكرسي الأنا قاعد فيهو العامل زي كرسي السلطة ده..
تعرف..
المرحلة الإبتدائية في مليط.. كنا بنقول "فندي"..
ولامن جيت نيالا.. العيال هناك بيقول أستاذ أستاذ.
المهم.. فكا لينا سؤال على الطائر.. وأخوك قام على حيلو وبأعلى صوتو فندي فندي..
والفصل قررررر يضحك..
فمن ديك وصلت للإجابة.. لحاجة واحدة..
إنو الما بتعرفو.. ما بيشبهك..
يعني.. هسعي لو جبت ولدك..
بشوية القيم الأمريكية وخلطة العادات والتقاليد الإكتسبها منك..
لبلدنا السودان..
غايتو..
أخير أنا الضحكو فيني..
هو غايتو إلا تجيب معاهو بودي غارد... حارس شخصي..
وتراكا كل يوم ماشي مدرسة ولدك بدعوى ...
وبدون دعوي.. ده لو ما جاب البودي قارد نفسو ولي أمر ليهو.. بقرار إنفرادي..
زي حق مجلس الأمن..
أو بتفويض منك أنت كولي أمر...
بعدين في سؤال محيرني شوية..
أنت..
ودينق..
شغالين في كمبيوتر واحد...
دي بس بلمحة لامن بتمر عليَّ..
وبنظرة خفيفة.. لاحظت..
إنو كل مداخلاتكم.. بتم في لحظة واحدة وفي كل البوستات تقريباً..
يدخل دينق تلاقي وراهو بشاشا..
يدخل بشاشا.. جاي وراهو دينق..
بقيتو زي أساسي وكدايسو الميتفيزيقية...
الملاحظة دي طبعاً.. بدون إستخدام تكنولوجيا... الـ IP.. من عندي..
| Quote: في البلددي الا هنا! برضو عربينا اخير من عربي امثال بكري ابوبكر بي مراحل! |
يا باشا.. إنتو ما شلتو الوش... وإنت فاكر إن كافور الأخشيدي... كان ما بيعرف كلام.. أبو الطيب المتنبي...
وبعدين .. مسألة علمته الرماية...
ولما إشتد ساعده رماني...
وعلمته نظم القوافي..
ولما قال قافيته...
لاكتها مقالات.. والناس أكلت من وراها عيش...
ياما..
ملاحظة...
مارق ماشي وين..
خليك قاعد.. معانا.. شوية..
زي ما شايف التحليلات بدأت لكتاباتك..
من النواحي الفنية..
لسع تحليل ما وراء السطور.. جاي..
وده كلو..
عشان نقدر نطفي النيران الولعتوها دي..
إنت...
والنفعيين ...
ورودا قروب...
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
الأخ دينق،
الجلابة أنواع كثيرة، ومراحل متعدده،
فيما يتعلق "بالمستنير" تروتسكى راجع كتاباته فيما يتعلق بالحملة التجسسية التى تعرضت لها رودا،
فأثناء هذه الحملة أظهر الكثيرون معدنهم ومدى صدقهم من قضايا الحريات و مدى إيمانهم بها!
فققضية ان تتقمص البعض عقلية الجلابة أو يتقمصوها تتعلق بالازرار،
اى من الأازرار تضقط؟
هنالك ازرار اذا ضقطت عليها يتحول أكثر المستنيرين والمنفتحين الى أسوأ نوع من أنواع الجلابة،
يتحول الى جاسوس، ويتحول عقله المستنير الى عقل أصغر فرد فى قبيلة الجلابه!
معتز تروتسكى موقفه من الحملة الأمننجية المفضوحة تجاه رودا مردا
موجود فى هذا الارشيف، ويمكننا أن نأتى به.
رودا يا أخ دينق ضقطت على كل أزرارهم دفعه واحده!
وكم هنالك الكثير للتعلم من تجربة وجود رودا فى هذا المنبر، وكيق طاردوها وكيف طردوها!
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Bashasha)
|
Quote: يعني.. هسعي لو جبت ولدك..
بشوية القيم الأمريكية وخلطة العادات والتقاليد الإكتسبها منك..
لبلدنا السودان..
غايتو..
أخير أنا الضحكو فيني..
هو غايتو إلا تجيب معاهو بودي غارد... حارس شخصي..
وتراكا كل يوم ماشي مدرسة ولدك بدعوى ...
وبدون دعوي.. ده لو ما جاب البودي قارد نفسو ولي أمر ليهو.. بقرار إنفرادي..
زي حق مجلس الأمن.. |
أرجو أن تشرح أكتر شوية خصوصاً الحتة الفيها النق نفط دي.
دينق.
| |
|
|
|
|
|
|
|
|
|
Re: هل تم ايقاف رودا، مرة اخري؟ (Re: Deng)
|
دينق..
| Quote: أرجو أن تشرح أكتر شوية |
واحتك ما بقدر للشوية..
واللبيب بالإشارة يفهم..
وإنت زول صاحب لب...
وما تقعد تضيع في مجهودك ساكت..
كده.. أمشي وعي أهلنا هناك في جنوب السودان...
عن ثقافة السلام...
وكيف إنو لو لقو..
صاحبك بشاشاالعنصري ... جنوب كوستي..
ما يقولو ليهو...
مندكورو .. شكل منقة..
وقول ليهم إنو لو شمو التراب... ده معانا...
بيلقو رحتو بتقول .. كلو إنينا سواء...
وما في زول أحسن من زول...
| Quote: خصوصاً الحتة الفيها النق نفط دي. |
النق نفط دي..
يعني شنو...؟
لو كنت قاصد النق نط.. فياها.. نقط..
ولو كنت قاصد النفط.. فياهو الكاش..
القصر مشوار النقاش.. في نيفاش...
دينق...
وفر طاقتك لنشاطك الجاي..
عشان كمان ثقافة السلام...
وكيفية علاج مشكلاتنا ...
لبناء وطن... تتقاذفه رياح...
والأنانية العشعشت في جنبات بلدنا....
ومحاولة محو الصورة السيئة التي رسمتها الآلة الإعلامية للعملاء..
وكشف زيف إدعاء... المتاجرين بأرواح وجماجم الأبرياء...
من أجل الوصول إلى بريق السلطة...
وكمان بالمرة..
ساعد على محاولة...
إطلاق... سراح ما تبقى من أسرى شعبنا في سجون الحركة...
وبعدين... وين زولك بشاشا.. شايفو ما دخل معاك...
ما يكون ...
إتعقد من حكاية المباراة... الميت فيزيقية ...
دي...
وكان قابلتو قول... ليهو بالمرة...
خليك من العنصرية...
فإنها جيفة منتنة...
كما دعانا ليها رسولنا الكريم..
عليه أفضل الصلاة والتسليم..
سيدنا محمد بن عبدالله...
فخر الأنبياء والمرسلين...
وتعالو معانا يأ أهل الكتاب إلى كلمة سواء بأن لا نعبد إلا الله....
وفي الآخر...
كلنا سوا...
| |
|
|
|
|
|
|
| |
Bashasha
abuguta
A.Razek Althalib
عبداللطيف خليل محمد على
Marouf Sanad
Deng
ست البنات
معتز تروتسكى
الزوول
saadeldin abdelrahman
ahmed haneen
Khalid Kodi
فيس بوك
تويتر
انستقرام
يوتيوب
بنتيريست