|
الحقوا ....فضيحة كبري باتحاد طلاب جامعة امدرمان الاسلامية
|
في المسيرة التي ادعوا انها مليونية للتنديد بأمريكا، حمل اتحاد طلاب جامعة امدرمان الاسلامية لافتة مكتوب عليها DAWN USA
ولا يعلم هؤلاء البؤساء انهم بهذا الشعار يحيون بزوغ فجر امريكا اذا كانوا يعنون سقوط امريكا فهي تكتب هكذا DOWN USA
وا اسفاي
تخريمة ، ارجو من الاخوة الذين لهم مقدرات فنية في تحميل الصور ، تحميل هذه الصورة الفضيحة علي هذا البوست وتجدونها بهذا الرابط http://www.sudaneseonline.com
|
|
![Edit](https://sudaneseonline.com/db/blank.gif)
|
|
|
|
|
|
Re: الحقوا ....فضيحة كبري باتحاد طلاب جامعة امدرمان الاسلامية (Re: lana mahdi)
|
الاخت الحبيبة لنا مهدي تعرفي محل ما يمشي عمر البشير ويلقي روضة فاضية ، تشيلوا الهاشمية وتنتفخ اوداجه ليقول قولته المشهورة : ولتكن هذه نواة لجامعة ، من غير اي مقومات . لكن المحير انو ناس جامعة ام درمان الاسلامية ذاتهم يكتبوا كده ، ولا احتمال يكونوا بتاعين الاتحاد ديل من الناس الادوهم 7% لأنو رجلينهم تغبرت في سبيل الله ، يازولة ما فرقت كوز الموية لحق كلو ، حنشوف ناس شئون التعسيل رأيهم شنو . مع ودي
| |
![Edit](https://sudaneseonline.com/db/blank.gif)
|
|
|
|
|
|
Re: الحقوا ....فضيحة كبري باتحاد طلاب جامعة امدرمان الاسلامية (Re: Esameldin Abdelrahman)
|
أنتو لو عاوزين تعرفو مستوى الجماعة دييل بس عليكم الله حاولو تسمعو وزير الخارجية ده بتكلم أنجليزي. لقد جمعتني به الظروف مرتين بمعاهد أمريكية مختلفة وسمعت الراجل بتكلم أنجليزي, في البداية بي ورقة مكتوبة وبدون ورقة مكتوبة, أنا رغم أني زعلان منو ومن كلامو الفارغ البوقولو, لكن والله حالته كانت بتخجل جداً.رغم أنه قالو الوزير ده حضر ببريطانيا وأنا لا أدري حضر بياتو لغة.
دينق.
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|