|
|
 Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ (Re: يازولyazoalيازول)
|
الأخ الفاضل / هشام ـ يازولyazoalيازول
تحياتي و تقديري و إحترامي
أشكرك شكراًجزيلاً على هذه اللفتة الإنسانية ..
و على لمسة الوفاء الحانية ..
و على تضامنك الإيجابي مع هؤلاء الحجات العفيفات ..
هولاء هن خالاتي .. و صاحباتي ..
منذ أن عرفت الطريق إلى بني مالك ..
حيث الناس و اللمة و ريحة الأهل الوطن ..
عرفت فيهن البساطة و النقاء .
و لمست فيهن معاني التضحية و الإيثار ..
فكن جزءاً من برنامجي اليومي في كثير من الأحايين ..
و بيني و بينهن حميعاً..
ود موصول و مزاح برئ و برنامج شبه يومي ..
و كثيراً ما يستشيروني في شئونهن ..
اليوم قرأت البوست صباحاً ..
و كنت في بني مالك ظهراً ..
و كعادتي في المزاح معهن فأجأت الحاجة / مريم ـ الظاهرة في الصورة ـ و أنا على فكرة بلدياتها فهي من مدينتنا الحبيية الأبيض ..
ـ و الله يا حجة بختك لقيتيها !!
** بختي في شنو إن شاء الله خير ؟؟
ـ كيف يا حاجة قاعدة مقنقنة في الأنترنت وتقولي لي بختي في شنو ؟؟
** الأنتر ني ـ هكذا قالتها ـ !!
_ أآي الأنتر ني يعني عاملة لي فيها ما عارفة ؟؟
** و حات نظري كلامك دا ما عارفة فيهو شي ..
ـ يسلم نظرك يا خالة بس في واحد ود ناس كدا كتب عنكم كلام كويس خلاص و جاب صورتكم كمان يعني عمل ليكم دعاية مجان ..
** في الجريدة ؟؟
ـ في الإنترنت .. يعني حاجة كدة زي الجريدة و زي التلفزيون .. بختك لقيتيها ..
** و الله بارك الله فيهو بس ما يكون دا الزول اليومداك جا قال لينا أنا حأبلغ السفارة تجي تكشكم و توديكم السودان ..
ـ دا منو دا ؟؟
** و الله واحدن مجينين كدا مقابلنا بلا سبب ؟؟ يا ولدي أنحنا السودان مابينو في زول بيابى أهله لكن هو عارف المقعدنا جنس القعدة دي شنو ؟؟
ـ و يوديكم السودان ليه ؟؟
** قال إتن قاعدات هنا جايبات لينا الكلامات .. هسة دي يا ولدي في ذمتك دي أنحنا كان ما مجبورين في زول بابى الراحة لي نفسو ؟؟
ـ الله يعينكم يا خالة لكن الزول المجنون دا ما تشتغلي بيهو الشغلة إنتي البتعمل فيهو دا و الله رجال ما بسووه ..
** الله كريم يا ولدي ..
هكذا تحدثت مع حجة مريومةو تداخلت معنا حجة تمرة التي تجلس إلى جانبها ـ حتى في الصورة ـ بينما غابت عنا حجة هدية التي تجلس أقصى يسار الصورة ـ التي أشتري منها منذ أكثر من عشرة سنوات ـ و علمت أنها تراجع المستشفى اليوم لمتابعة العلاج من الجلطة التي أصابتها في رجلها ـ شفاها الله شفاءاُ تاماً ـ بسبب قعاد الدوكة ..
فقل لي يا زول ..
هل أحدثك أكثر عن صديقاتي .. خالاتي .. ستات الكسرة .. عن علاقاتي المتينة بهن جميعاً ..
.. أم عن ذلك المجينين الذي ما درى أنهن أشرف و أنفع من أمثاله ؟؟
|
|
 
|
|
|
|
|
| العنوان |
الكاتب |
Date |
 ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 03-28-06, 04:43 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | قرشـــو | 03-28-06, 04:54 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 03-28-06, 05:01 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | قرشـــو | 03-28-06, 05:05 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 03-28-06, 05:17 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | Dr.Saeed Zakarya Saeed | 03-28-06, 09:15 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 03-28-06, 09:21 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | Dr.Saeed Zakarya Saeed | 03-28-06, 10:41 AM |
 Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 03-28-06, 10:52 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | حبيب نورة | 03-28-06, 12:27 PM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | jini | 03-28-06, 12:52 PM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 03-29-06, 02:35 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | كبسيبة | 03-29-06, 02:56 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | مهاجر | 03-29-06, 03:28 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 03-29-06, 04:25 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | عصام دهب | 03-29-06, 12:57 PM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 04-01-06, 03:53 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | garjah | 04-01-06, 10:43 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 04-02-06, 03:47 AM |
| Re: ست الكسرة فى بنى مالك بجده - توجد فتريتة ، دكوة ، ويكة ، كركدى , زيت سمسم ...الخ | يازولyazoalيازول | 04-02-06, 02:05 AM |
|
| |
عصام دهب
فيس بوك
تويتر
انستقرام
يوتيوب
بنتيريست