|
الليلة ولّيلا
|
الشفع يلعبوا جوة الأوضة بالكورة ، شى مصارعة وشى نطيط وشى كواريك ، وفجأة واحد يشوت ليه كورة ، وتاخ تضرب فى المراية بتاعت الدولاب وكشلو المراية تتكسر ، ويحدث صوت فرقعة من القزاز المكسر الإتطاير فى الوضة ، والشفع يتخلعوا وينططوا عيونهم ، ويعاينو لى بعض ولى الولد الشات الكورة وكسر المراية ، وبدون شعور تلقاهم يقولوا ليه (الليلة والليلة)
(الليلة) دى جابوها من وين؟؟؟
وما علاقة (الليلة) بالمصيبة السووها
نحن السودانيين ديل الظاهر قاطعين لينا كلام من راسنا ساى
أفتونا يا جماعة
|
|
|
|
|
|
|
|
Re: الليلة ولّيلا (Re: احمد معتصم الطيب)
|
أظن المقصود هنا إشتقاق من (شيلة العرس) لأن كل عريس يشيل شيلته براه
أو خلينى كمان أنا أجتهد معاك:
الشيلة بمعنى (الوزر) ، إذ لا تزر وازرة وزر أخرى ، ويأتى بعض الناس يحملون أوزاراً على أوزارهم فهذه أيضاً (شيلة)
أى كل أعمالك هى (شيلتك) وهى مسئوليتك التى (تشيلها براك)
يا أحمد ما تجى ناطى لى تانى تقول لى (براك) يعنى شنو؟
| |
|
|
|
|
|
|
Re: الليلة ولّيلا (Re: يازولyazoalيازول)
|
الليلة :عند اهل القري تقال لليوم باعتبارها جزء معبر عنه...ياخي ما شفت الليله ديك الحصل كذا وكذا....ويكون الحصل دا نصّة نهار ولا علاقة له بالليل الا علي سبيل اطلاق الجزء بقصد الكل
والثانية هي ولّيله...بتشديد اللام الاولي....ويقصدون بها الويل مع تقديم وتأخير في الحروف وزيادة لام
لزوم الزنجنة...هسي ما سمعت بي ناس مننا بقولوا...هسّي...وهسع ...وهسة...لسّ ولسه ولسع والاسبتاليه والاستباليا...والدوسونتاريا والدوسومتاريا... وبونا ملوال وبولا منوال... وكتار زي ديل والله دا كلو سمعتو البحميني اسمع والويل دي والليلا شنو؟
| |
|
|
|
|
|
|
Re: الليلة ولّيلا (Re: nazar hussien)
|
الليلة والليلة وفي رواية امدرمانية بحتة باصات ابو رجيلة بالحنة والسيرة
في الاصل هي دعوة ترهيب ووعيد وثبور
اي (ان احد ما سوف لن يبارح ليله بسلام ) في الاصل هي كذلك اللي ليله اليل
| |
|
|
|
|
|
|
Re: الليلة ولّيلا (Re: nazar hussien)
|
Quote: اليوم ويلي حين ذكري دار ام بادر |
بالغت يانزار
تعرف يا نزار كلامنا السودانى عجيب شديد ، هسع ترجم لى دى:
ناس هناى صنقرو ساى فى العناقريب جمب السبلوقة طاقيهم همبريب وجاهم أرو غتس حجرم شالو الفانوس مرقنبو قرنبو وامهم قاع تورد
| |
|
|
|
|
|
|
Re: الليلة ولّيلا (Re: يازولyazoalيازول)
|
Quote: ناس هناى صنقرو ساى فى العناقريب جمب السبلوقة طاقيهم همبريب وجاهم أرو غتس حجرم شالو الفانوس مرقنبو قرنبو وامهم قاع تورد
|
يا هشام
انت ام درمينك دا كيفنو؟ وكت بتعرف لا قدر داّّّّّّّّّّ
يعني زمان البقولوا لينا....قلت شنو؟؟؟ ديك كانوا مستهبلين...يا راجل نحن زمان بنتكلم وسطهم بي طرف اصابعينا بي الرااااحة زي الحرامية...خوف تتسرب منا كلمات زي دي...
هسي بتدور اترجمها ليك بي ياتو لغة...دي العربي بيخربا
| |
|
|
|
|
|
|
Re: الليلة ولّيلا (Re: يازولyazoalيازول)
|
Quote: علا كاتلاهم فلقصة ساى |
يعني كنّا بنخاف من الخايفة عينهم؟؟؟
والله كان كدي وا حسرة علي العباد... نحن فرطنا في سماحة ونضافة ناس...
يا زول كان معانا واحدات بنطقن الجيم جششش
| |
|
|
|
|
|
|
Re: الليلة ولّيلا (Re: nazar hussien)
|
ديل كضابات ساى يا نزار أخوى ، ما تصدقهم
فى البيت كان امها كوركت ليها يا فلانة ، هى تكورك لى امها (هووووووووووووى يمة)
وكان شافت ليها كلب تقول ليه جْرْت ، يعنى تزيد ليها تا كمان
وقدامك كان شافت الكلب تقول ليه : جشششر يا بوبى
شفت الحنكشة كيف؟؟؟
| |
|
|
|
|
|
|
Re: الليلة ولّيلا (Re: يازولyazoalيازول)
|
يا زول انت متأكد...مالك عايز تندمني...
سمعت ليك بي ونسه فيها تفكير...يعلم الله زمان بنفكر عديل كدي عشان نتونس بس...وخايفين من قولة جرت من تخرب علينا...هو اتاري الموزة كده
| |
|
|
|
|
|
|
Re: الليلة ولّيلا (Re: nazar hussien)
|
إنت عارف يا نزار ، نحن طبعاً أولاد أمدرمان ومقرمين شديد خالص خالص
كنا لما نحب لينا واحده زمان ، نقوم بنحبها ليك بطريقة (أهل العوض)
نحاكى كلامهم وحركاتهم وإشاراتهم
وهم يقعدوا يضحكوا ، وينبسطوا شديد خلاص ، ونلقاها ليك أتارى دى أقصر طريق لى قلوبهم
تقوم إنت عايز تتخرطم عليهم؟؟؟؟
عشان كده بيدقسوك
| |
|
|
|
|
|
|
Re: الليلة ولّيلا (Re: يازولyazoalيازول)
|
شبكونا ليك يااااااي
لامن عفاريتنا كوركت...
ونحن الكنا جاهزين نتعوّض علي كيفنا...ما كنا عارفين نقلب الشريط...عليك امان الله نتدرق لامن طلعنا من الجامعة
| |
|
|
|
|
|
|
|