|
|
 يازول بناديكم يارجال العرب تسلم أياديكم
|
كتبته يوم الخميس 27 سبتمبر 2001 ، عندما قمت بدعوة جرئية لبورداب جدة وأعددت عشاء يكفى لخمسين شخصا ، قلت فيه:
الساعة الآن تمام السابعة مساء بتوقيت مكة المكرمة ونحن الآن فى انتظار الضيوف الكرام المتوقع حضورهم بعد هنيهة
لقد أشعلوا فى البيت فرحة ، وفى الصغار بسمة ، وضعت يافطة يازول على الباب ، فسمانى أولادى :
يازول يازول
ودواخلى تختلج وتقول
الزول شرف
والزول أصالة وبسالة
والزول ميزان
والزول ديوان
والزول حيشان
والزول فقران
والزول زهجان
والزول صنديد
والزول ضكران
والزول ضليلة للضهبان
والزول منقد
والزول كانون
والزول موية
والزول شربات
والزول ضيفان
والزول حيران
والزول مغلوب على أمره
وكل الناس مستغربه فيه
بس لكن
دائماً فائز فى الآخر
دائماً فرحان
والزول رياد
والزول بى زرقتو الشينة
أحلى الحلوين
والزول كان جاطت الشغلة
أرجل راجل وأكعب واحد
ممكن يطعن
ممكن يدافر
ممكن يكسر أحسن حاجة
لكن لو شفت الوش الصح
تلقى الزول أغرب إنسان
طيب طيبة
عجيبة خلاص
والشغلة دى عندها سر
عارفين السر ، ولاّ أقول ليكم
السر فى الكِسرة الناشفة
وفى الأرض الحنت مرة علينا قبيل
فى قولة يُمة وفى يابا
فى النيل
فى الحوش
وفى القَمره لمن تسطع
ولمن تعكس فى أحسن زاوية
والزاوية دى ،
الناس سموها السودان
الناس سموها السودان
الناس سموها السودان
ودعتكم الله ، النمشى على الجماعة
|
|
 
|
|
|
|
يازولyazoalيازول
Mamoun Ahmed
humida
فيس بوك
تويتر
انستقرام
يوتيوب
بنتيريست