|
يا سجيمان ده شنو ده البتسوى فيه ده؟؟؟؟
|
أخوى الحبيب سجيمان (دكتور عادل)
أمبارح فرحت فرح شديد لمن شفت الموقع الجديد بتاعك فقمت على طول دخلت وسجلت بى اسمى المعروف للناس يازولyazoalيازول فجاتنى رسالة بتقول أن اليوزر نيم ده مستخدم ولا يمكن التسجيل به مرة أخرى ، فاتخلعت أول مرة وبعدين قلت يمكن امكانيات موقعك لا تسمح بوضع اليوزر نيم بالطريقة بتاعتى دى (عربى وانجليزى) فسجلت تانى لكن المرة دى بالانجليزى بس فاخترت yazoal yazoal مرتين على التوالى فقبل موقعك هذه المرة ودخلت على طول ونزلت بوست أبارك ليك الموقع وشرحت ليك فيه الحصل
أها يا شقى تعال شوف الحصل معاى الليلة الصباح ، قلت أدخل عادى كعضو وأشوف الموقع وأطالع الردود ، فكتبت اليوزر نيم حقى ودخلت الباسوورد صاح ، جاتنى رسالة على طول تقول لى الباسوورد غلط ، فقلت الغلط مردود واتأكدت من وضعية الكابيتال وحاولت مرارا وتكرارا وكل مرة تجينى نفس الرسالة
أها يا خوى دحين واحد من أمرين يا اما تبقى راجل وتصلح لى الوضع ده وتشطب كل الزيلان العندك أو ياخ شوف لى طريقة من عندك ، وفى الوقت نفسه فأنا من الآن غير مسئول عن أى حرف يكتب فى موقعك بهذه الأسماء وأرجوك أن تعلن هذا للملأ حتى تبرىء ساحتى من أى تلاعب قد ينجم عن ذلك
وبرضو بقول ليك مبروك الموقع الجديد يا منقه
أخوك هشام أو يازولyazoalيازول أو yazoal yazoal
|
|
|
|
|
|
|
|
Re: يا سجيمان ده شنو ده البتسوى فيه ده؟؟؟؟ (Re: يازولyazoalيازول)
|
يا هشام
المشكلة مو مني.... المشكلة من المقاول.....انا زاتي امبارح.... شايل مفاتيحي و...كشلو كشلو...ماشي ادخل السايت حقي....قدر ما دخلت مفتاح ابى يفتح.....في النهاية نطيت بالحيطة...ودخلت ...لقيت السايت جايط....ولقيت لي ناس قاعدين في الضل ويلفو...ويلفو ...ويدورو......دا حين اصبر معاي لمن يجينا اخونا انور كينق....ويورنا الحل شنو....وعليكم الله الناس المسوين لنا عمل ديل... يفكوهو... وخصوصا بكري.....
| |
|
|
|
|
|
|
Re: يا سجيمان ده شنو ده البتسوى فيه ده؟؟؟؟ (Re: ودقاسم)
|
إن شاء الله بركة سيدي الحسن ما يفتح كلو كلو .. إلا لمن يجوه ناس دايرين يدخلوا. شنو يا عادل .. ورينا موقعك ده عنوانو شنو .. وجنسو شنو؟ الشنينة الـ تخليك إت وأم الخير تعركوا في جلدك ليل ونهار. شوف الجنَى المطرطش ده خلّى محاحاة القٌراد ومشى يساكِك في الانترنييييييت. يسكك الكلب الـ يقطّع عراقيبك .. راجيلك الله. وبالمرة كدي .. يقطع عراقيب يازول يازول وأهل العوض كمان .. زيادة خير. أنا ماشي أشوف لي شاي لبن أعدل بيه راسي ده. أها مالك؟ مستكتر علي اللبن؟ تلِب إيدك سعران.
| |
|
|
|
|
|
|
Re: يا سجيمان ده شنو ده البتسوى فيه ده؟؟؟؟ (Re: يازولyazoalيازول)
|
Quote: المشكلة مو مني.... المشكلة من المقاول.....انا زاتي امبارح.... شايل مفاتيحي و...كشلو كشلو...ماشي ادخل السايت حقي....قدر ما دخلت مفتاح ابى يفتح.....في النهاية نطيت بالحيطة...ودخلت ...لقيت السايت جايط....ولقيت لي ناس قاعدين في الضل ويلفو...ويلفو ...ويدورو |
يا سجيمان ضحكتنى لمن دموعى جرت انت بتجيب الكلام ده كيف؟ اها دايرنى اعملها تانى و اديهم اسم الموقع؟
| |
|
|
|
|
|
|
Re: يا سجيمان ده شنو ده البتسوى فيه ده؟؟؟؟ (Re: سجيمان)
|
والله يا سجيمان أخوى ما دام اصلو الحكاية سجمانة ورمدانة من كبارا فمافى مشكلة بس قعدت أضحك لمن قعدت أقرقر وعيونى رقرقت خصوصا من مشاركات الأحبة أهل العوض وشانتير وبت خالتى السمحة مريم وحاجة دومة وبقية العقد الفريد ، علا حارسك تدينى آخر كلام
| |
|
|
|
|
|
|
Re: يا سجيمان ده شنو ده البتسوى فيه ده؟؟؟؟ (Re: يازولyazoalيازول)
|
موقع عاملو سجيمان ؟
وبيكتب فيهو اهل العوض
وشنتير يحاحى داير يشترك فيهو ؟؟؟
آ ناس والله دى سماحة ما بعدها سماحة
ورونا دربو بى وين . ما حا اشترك لكن داير استمتع بس
اصلى فتشتو تبنى لبنى ما لميت فيهو
اسمعنى يا سجيمان ما بلقى فيهو غنا ود السافل وخلف الله حمد ؟
| |
|
|
|
|
|
|
Re: يا سجيمان ده شنو ده البتسوى فيه ده؟؟؟؟ (Re: يازولyazoalيازول)
|
عجبنى وسرا بالى يا دكتور وعقبال تسوى ليك دفار كمان وترجع اهلك
طبعا انت بوم ساكت واخوك ابوم منك مرتين دحين اركب ياتو باص عشان
اصل موقعك ده وابارك ليك وكان بوامتى فكتنى شوية ووصلتك تبقى
الصداقة قرابة ونكسب الودين وكان ضهبت ماتنسانى من صالح البوستات
ونتقابل فى البكان القديم ده وفى الحالتين سلمت،،،،،
| |
|
|
|
|
|
|
|