|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: توضيح هااام جدا واعتذار ومذكرة تفاهم بيني (Re: محمد عبد الله الحسين)
|
اهلا محمد سيد أحمد (إسم سوداني أصلي) وجبلاوي كمان 🌹
Quote: تسلم يا محمد
وتشكر على جهودك ا لعلمية في البحث واثارة الاسئلة
العناويين التي طرحتها هامة جدا ومتشعبة جدا
وتستحق التفاكر
نحاول ان نقدم ما نستطيع في المجالات التي نعرفها |
ما بتقصر والله.. وأخوك عارف نفسو كلامو كتير ومتعب جداً.. قصدي مواضيعي كتيرة شوية وطويلة شديد ومرات كمان غريبة.. لذا أحاول الإعتذار.. وكمان ما مشارك جيد
مع أهل المنبر العتيق والذي لا منبر غيره في مقامه.. لذا أنا معاك.. سودانيزأونلاين تقع وتقوم لكنها الأولى والأخيرة بتاريخها وبتطورها ومواكبتها وإلتصاقها بالناس.. لا تعالي على الواقع.. إشارة
إلى بوستك التاني عن سودانيز عجبني ولما ألقى شوية زمن بجيك هناك.. وعد🌹
| |
 
|
|
|
|
|
|
|
|
Re: توضيح هااام جدا واعتذار ومذكرة تفاهم بيني (Re: محمد جمال الدين)
|
سلامات أخوي البديع محمد حسين عبد الله
Quote:
يا أستاذ محمد واصل كتاباتك وعرض آراءك ولا تثريب عليك ولا لوم..
فأنت رجل محترم ورجل مهتم بعرض الأفكار..
واصل وربنا يوفقك |
دوماً حاضر وفاعل إنساني وثقافي ومختلف ودوماً شخصياً بلقى في
كلامك شيء جديد مختلف وغير مكرر أو معتاد .. مفيد كل المرات عندي.
برغم أنني أتابع وأقرأ وأستفيد.. دون كثير مشاركة أو ردة فعل.. إلا في المناسبات.. ودي واحدة
من أسرار الإعتذار.
المهم أعرف روحك وأعرف أنك تعرف.. وشكراً ليك🌹
| |
|
|
|
|
|
|
|
|
|
Re: توضيح هااام جدا واعتذار ومذكرة تفاهم بيني (Re: محمد جمال الدين)
|
سلام محمد جمال الدين
بالمناسبة كتاباتك مقروءة جداً بس كتيرين بقروها لزيادة معرفة وقلة في كل مجتمع من يملكون القدرة على تفكيك الأفكار ومناقشة المفاهيم أو نقدها والدليل شوف الندوات الفكرية بحضروها كم مقارنة بالحفلات الغنائية التي تطرب البني آدم ولا تتطلب منه تشغيل عقله. الناس ميالة بطبعها للسهل المشبع للروح وليس الصعب المتعب للعقل. كثير من المهتمين بالفكر إنشغلوا عن متابعة البورد لذا قلت المناقشات الفكرية
انت في النهاية توصل رسالة ولا يقعدك عن تبليغ الرسالة ردود أفعال مستقبليها
لك الود كله
| |
|
|
|
|
|
|
|
|
|
Re: توضيح هااام جدا واعتذار ومذكرة تفاهم بيني (Re: عبد الصمد محمد)
|
اهلا عبد الصمد
شكرا ليك.. زي ما بقولو اهلنا دا من لطفك.. بس اخوك لا يتذمر
من شي بل العكس انا شاعر باني ما مشارك مع الناس كفاية وبالبوست دا بشرح فيه الاسباب وكمان بشرح فيه
اسباب نشري لبوستات كتيرة في العدد واحيانا كتيرة دون متابعة مني انا صاحبها ذاتو.. ومشاريع مزعومة برضو كتيرة.. لذا اقول انا اتفهم.. واستاهل الجزمة 😅🔥
المهم اظن كلامي مدفوس بكمية من المعاني المتعددة واي زول بياخدو حسب قرايتو ليه.. واظني اصلا قاصد كدا😅🔥
مع التحيات الطيبات🌹
| |
|
|
|
|
|
|
|
|
|
Re: توضيح هااام جدا واعتذار ومذكرة تفاهم بيني (Re: محمد جمال الدين)
|
في ناس بنصحوني ما اتكلم في السياسة لأنها مضيعة للزمن.. وفي المقابل بذكروني انو عندي مشروع السودان200 وعندي ابحاثي الشغال فيها.
حلو؟
لا ما حلو بالذات لما تعرف انو معظم الناس ديل ما شغالين معاي في المشروع ولا داعمين ليه.. دا واحد.. اتنين شغلتهم هم نفسهم اليومية السياسة
الصديق الفي الصورة المرفقة (في المداخلات) دا مجرد شقي حال وقع فيه المثال لانه اخر ناصح لاخوكم من ضمن شلة الناصحين الشاسعة.. لكنه مثال جيد جدا.. له التحية.
الناس ديل انا عارف قصدهم وهم عارفني عارفهم واكتر ناس بعرفوني.
انا بهمني انت الماك عارف وقايل اخوك مولود كيوت وبتاع زهور وعطور.. لا يا حبيب.. انا تنازلت عن العك السياسي بارادتي بعد ربع قرن وزيادة في المصارعة الحرة.. وكنت في المعتقل السياسي ست مرات.. وعندما خرجت من السودان انضميت لقوات التحالف السودانية واصبحت عضوء مجلسها المركزي وممثلها سنوات في التجمع الوطني الديمقراطي.. و رئيس ومؤسس المجموعة السودانية لضحايا التعذيب فرع هولندا ومنظمة نصون وسودان فورم وزيادة.. دا زمان.. وقبل دا كلو اول عمل صحفي اعمله في حياتي انو كنت رئيس تحرير مجلة اتحاد طلاب جامعة الخرطوم.. اول منصب رئيس تحرير قبلما اكتب
سطر واحد في اي صحيفة من قبل😅
فلا يجهلن احد علينا فنجهل فوق جهل الجاهلينا.
ولسا في فايل طويل عريض من النشاط السياسي.. والريس عمر البشير ذات وعكة شعبية قوية قال الناس ديل بحرشوهم ناس الخارج والفنادق وفي زول واحد في هولندا بكتب في اليوم 8 مليون بوست.. هو قال كدا (كلامه موجود في النت) 8 مليون انا مش مسؤول من العدد 😅
ابو 8 مليون دا هو شخصي الضعيف 😆
فهسا الحكومة والمعارضة والاحزاب يمين ويسار رضيانين مني والحمد لله لاني انا بس كنت بضايقهم في رزقهم.. هم شايفين كدا.. والصحفيين والمحللاتية وناقلي الاخبار والشمارات واللايفاتية كانوا شايفني مزاحمهم في مهنتم.. هسا الكل مرتاح وانا مرتاح.. الا الحقبنجية الربنا لسا ما فتح عليهم 😅
فانا بقول شنو .. الجماعة ديك خلوهم هم عارفين وانا عارف والله عارف بقولو كدا ليه وانا خليت العك السياسي اليومي ليه.. خليت العك السياسي واي نوع من العك الا انجبر ولكن طبعا ما اتخليت عن موقفي المبدئي وعن الادلاء برايي في عين الجعيص.. انا بحدثك انت الما عارف ديك خليهم علي.. ولو عايز
تعرف زيادة اقرا الكلام الفي الرابط دا
👇🔥👇
(يحيل الى صدر هذه البوست)
---
بوست من الفيسبوك وعنده مناسبة
| |
|
|
|
|
|
|
|
|
|
Re: توضيح هااام جدا واعتذار ومذكرة تفاهم بيني (Re: محمد جمال الدين)
|
ملاحظة مهمة جدًا وفي غاية الخطورة عندنا في مشروع السودان200 والمشروع الثقافي السوداني الوليد (المزعوم) المنبثق عنه:
ليس من أهداف السودان200 أو المشروع الثقافي السوداني (تحديداً) إنتاج علم جديد، أو صياغة ثقافة بديلة، أو إنشاء نظام اجتماعي مغاير، أو محاولة بناء حضارة متخيلة بقرارات فوقية.. بل غايتنا الأساسية هي التوثيق، التشجيع، وتعزيز الإيجابية.
فأي محاولة لفرض رؤية محددة بهذا الخصوص ستتحول إلى مشروع سياسي أو أيديولوجي/مذهبي/عقدي أو سمه ما تشاء، وهذا ليس ما نسعى إليه ولا يدخل ضمن أهدافنا.
ونحن إذ نقول ذلك لا نبتعد عن ذلك بدافع التحفظ الأخلاقي وحده، لا، بل لأن هذا المسعى في ذاته مستحيل عمليًا (أنا على يقين).
فالعلم والثقافة والنظام والحضارة لا تُولد بقرارات أحادية، ولا تنبثق من إرادة فوقية، وإنما تتكون عبر مسار طويل ومعقد غاية التعقيد يشبه ما توضحه نظرية النشوء والارتقاء: حيث يعمل الانتخاب الاجتماعي والثقافي على إبقاء ما هو أصلح وأقدر على التكيف، بينما يتساقط ما يعجز عن إيجاد مكانه في نسيج الحياة.
إن الثقافة الحية لا تُصاغ في المختبرات أو خلف المكاتب، مستحيل، بل تُنحت في الزمن وداخل الزمن عبر صراع الأفكار وتفاعل الأجيال وتراكم التجارب. وما يثبت في النهاية ليس ما أراده شخص أو مؤسسة أو سلطة آنية مهما كانت، بل ما اختبره الناس عبر الزمن، وارتضوه، وسمحوا له أن يستمر. وكما أن الكائن الحي ينتخب بقاءه عبر التكيف، فإن الحضارات لا تبقى إلا بما ينسجم مع حاجات مجتمعها العميقة.
لذلك، فإن دورنا المتواضع والضروري معًا، هو أن نكون شهودًا لا حكامًا: نوثق، نشجع، ونضيء مسارات الإيجابية، تاركين للزمن والمجتمع آلياتهما الطبيعية في الانتخاب والفرز والبقاء.
تلك هي فلسفة وأفق مشروع السودان200 والمشروع الوليد المنبثق عنه: المشروع الثقافي السوداني (المشروع الخيالي).
التفكير العدو\المضاد/الكسول/الساي هو الذي يقول أو يشيع\يشيء بغير ذلك!
دا واضح.. نزعم اننا نعرف ذلك 😅🌹🔥✌️
---
التوضيح دا تم نشره في سبتمبر 2017 لحظة ولادة المشروع المزعوم وما زال ساري المفعول!
| |
|
|
|
|
|
|
|
|
|
Re: كتلوج في التعامل مع منشوراتي الكتيرة والم (Re: محمد جمال الدين)
|
Quote: شكرًا جزيلًا على جهودك الكبيرة في التنوير وشرح أهداف مشاريعك بشكل واضح. ما تقدمه من رؤية ومبادرات جماعية مفتوحة يسهم فعلًا في توضيح الصورة وإعطاء فرصة حقيقية للتعاون البناء.
تقديري الكبير لعملك الدؤوب وحرصك على مشاركة المعرفة والتجارب مع الجميع. |
كلنا بنحاول والحال مايل.. تحيات ابو الزهور🌹
| |
|
|
|
|
|
|
| |
محمد جمال الدين
mohmmed said ahmed
محمد عبد الله الحسين
حيدر حسن ميرغني
زهير ابو الزهراء
فيس بوك
تويتر
انستقرام
يوتيوب
بنتيريست