اختلاف تنسيقية تقدم في السودان

04:08 AM January, 15 2025

سودانيز اون لاين
Hassan Farah-جمهورية استونيا
مكتبتى
رابط مختصر

اختلاف تنسيقية تقدم في السودان

هذا البكري الجاك لغة جسده دعامي ، عينو على الشفشفة والقتل والنهب والاغتصاب ولم يرمش له جفن
لادانة هذا الافعال ، مفروض يعرف إنو الشعب السوداني هو من اقتلع النظام الكيزاني، وإنو الكيزان والجنجويد
هم العدو الاول للمواطن السوداني ، اما الجيش فليس هم جلهم كيزان ، المشكلة إنو الجيش اوامر، والامر في يد الكيزان ،
الشعب السوداني الآن يواجه انتقاما من الفلول وصنيعتهم الجنجويد ، لو هو ما قادر يفهم ده فلا يصلح أن يكون ناطقا باسم
التقدم ، الفلول وربيبهم الجنجويد هم من عرقلوا الانتقال الديمقراطي، الحرب دي في الظاهر بين الجنجويد والفلول ولكن
في الحقيقة هي حرب جنجويد وفلول ضد سودان معافى، ضد مواطن مغلوب على أمره.
لن يصلح حال السودان إلا بنفوق الفلول والجنجويد ، لا البرهان بفلوله ولا حميدتي بمرتزقته عايزين مصلحة للبلد،
الانسان السوداني ما كان متوقع إنو في يوم من الايام حيدخل حتة اسمها بيوت الاشباح ويختوا ليهو مسمار في نص راسو
وبرضو ما كان متوقع إنو زول حيجي يخت ليهو بندقية في راسو ويطلعوا من بيته، ده لو ما اغتصب مرته وبناته ،
ومنم العملوا ده كلو؟ الفلول والجنجويد لعنة الله عليهما اينما حلوا.

بعد هذه. التجربة المرة التي عاشها وعايشها كل سوداني
لن يكون هناك في المسرح اي مكان
لدعامي
او كيزاني
او اخواني
او قحطي
او تقدمي
الا الجيش
ولكن يبقى في سكناته
ولا يمس السياسة من قريب او بعيد
والامر يومئذ لشباب الثورة
والرجال والنساء الذين دحروا الدعم السريع
وان ذلك اليوم سيكون قريبا ان شاء الله