|
|
 Re: اختلاف تنسيقية تقدم في السودان (Re: Hassan Farah)
|
هذا البكري الجاك لغة جسده دعامي ، عينو على الشفشفة والقتل والنهب والاغتصاب ولم يرمش له جفن
لادانة هذا الافعال ، مفروض يعرف إنو الشعب السوداني هو من اقتلع النظام الكيزاني، وإنو الكيزان والجنجويد
هم العدو الاول للمواطن السوداني ، اما الجيش فليس هم جلهم كيزان ، المشكلة إنو الجيش اوامر، والامر في يد الكيزان ،
الشعب السوداني الآن يواجه انتقاما من الفلول وصنيعتهم الجنجويد ، لو هو ما قادر يفهم ده فلا يصلح أن يكون ناطقا باسم
التقدم ، الفلول وربيبهم الجنجويد هم من عرقلوا الانتقال الديمقراطي، الحرب دي في الظاهر بين الجنجويد والفلول ولكن
في الحقيقة هي حرب جنجويد وفلول ضد سودان معافى، ضد مواطن مغلوب على أمره.
لن يصلح حال السودان إلا بنفوق الفلول والجنجويد ، لا البرهان بفلوله ولا حميدتي بمرتزقته عايزين مصلحة للبلد،
الانسان السوداني ما كان متوقع إنو في يوم من الايام حيدخل حتة اسمها بيوت الاشباح ويختوا ليهو مسمار في نص راسو
وبرضو ما كان متوقع إنو زول حيجي يخت ليهو بندقية في راسو ويطلعوا من بيته، ده لو ما اغتصب مرته وبناته ،
ومنم العملوا ده كلو؟ الفلول والجنجويد لعنة الله عليهما اينما حلوا.
| |
  
|
|
|
|
Hassan Farah
ترهاقا
Ali Alkanzi
فيس بوك
تويتر
انستقرام
يوتيوب
بنتيريست