بالرغم من المرارة الشديدة تجاه الجنجويد، إلا أنني أتراجع وأدعو قيادة الحكومة للجلوس مع المليشيا ومحاولة التنازل والتسامح للوصول لسلام.
إذا كانت الحرب قد أذلتنا، فالجوع القادم سوف يقضي علينا
نستعد لموسم الأمطار بالقضارف لزراعة الذرة والموسم الصيفي بالجزيرة
الفشّ غبينتو ضيّع الموسم الزراعي وجاع أهله
# الجوع يحاصرنا
عن نفسي مسامح لكل الأموال التي نهبت مني والخراب الذي لحق بنا، ونمد أيدينا بيضاء للعدو
Post: #2 Title: Re: نعم للسلام والجلوس للمفاوضات Author: أبوبكر عباس Date: 06-21-2024, 03:36 AM Parent: #1
الدوائر الأمريكية تتوقع في حال استمرار الحرب أن تحدث مجاعة بالسودان مثل التي حدثت في أثيوبيا في الثمانينيات.
كلنا نتذكر تلك الصور الفظيعة للأطفال الجوعى
Post: #3 Title: Re: نعم للسلام والجلوس للمفاوضات Author: كمال عباس Date: 06-21-2024, 04:44 AM Parent: #2
لعن الحرب التي جعلت الاتفاق بيينا وبين المستنير هو السمة الغالبةوجعلت عهد الاختلاف والمناكفة ترف!! ايوة نعم لوقف الحرب من اجل. الضحايا والأبرياء والمدنيين نعم لوقف الحرب التي لا " ولن يكون فيها حسم نهائي او انتصار اوهزيمة لاي طرف وستظل هكذا مشتعلة تحرق وتدمر نعم لوقف الحرب كضرورة. ثم كموقف مبدئي
وهو موقف يختلف من لا للحرب التي يتفوه. بها الجنحويد كمزايدة وتكسب سياسي زي حراس الثورة وحماة الديموقراطية !
quote ايوة نعم لوقف الحرب من اجل. الضحايا والأبرياء والمدنيين ++++++++++++++++++++ شكرا ابوبكر شكرا كمال
Post: #5 Title: Re: نعم للسلام والجلوس للمفاوضات Author: Biraima M Adam Date: 06-21-2024, 08:54 AM Parent: #4
المستنير أبو بكر
دقيناكم دق الدخن لما قلتم الرووووب!
أنا معكم، نعم لوقف الحرب الفوري وبدون مفاوضات .. فقط ترتيبات لتعايش الجيوش وكل زول يظل في محله حتى ينتخب الشعب حكومته الديمقراطية لتقضي في أمر الجيوش بما يرتضية قادة الجيوش.
تصوري هنا أشبه بنهاية الحروب في بريطانيا العظمى في كيفية التعامل مع الجيوش، وأختزال مسألة تنصيب أسرة مالكة .. (وهذا يخالف سقوط الأمبراطورية الرومانية وبداية تأسيس الكيانات الأوروبية .. السيناريو دا ما عايزنه لأنه يمزق الوطن).
----------------- ما قلتوا نوبة يا المستنير!
بريمة
Post: #6 Title: Re: نعم للسلام والجلوس للمفاوضات Author: mohmmed said ahmed Date: 06-21-2024, 08:55 AM Parent: #4
لا للحرب هو الموقف الواقعي الوطني الأخلاقي الإنساني
تمام كلام سمح بالحيل نعم لوقف الحرب ونعم للسلام والجلوس للمفاوضات.
طيب يا مستنير ويا متداخلين عشان نمشي خطوة لقدام مع الكلام السمح دا عندكم مقترحات للتفاوض وحلول النزاعات بين الاطراف القومت الحرب؟ ول نكتفي نشيل ليكم بيهو الفاتحة بعد الصلوات؟
Post: #8 Title: Re: نعم للسلام والجلوس للمفاوضات Author: Al Sunda Date: 06-21-2024, 01:08 PM Parent: #7
شكرا للمستنير سيد الخيط ولمولانا
Quote: مع الكلام السمح دا عندكم مقترحات للتفاوض وحلول النزاعات بين الاطراف القومت الحرب؟
نرجع لمنصة الثورة وشعارهاالاساسي الجنويد ينحل والجيش للثكنات وتبقى المفاوضات للتفاصيل ووضع الآليات والتواقيت وكلو ذلك في اطار منصة التأسيس لسودان جديد
Post: #9 Title: Re: نعم للسلام والجلوس للمفاوضات Author: Biraima M Adam Date: 06-21-2024, 01:18 PM Parent: #8
Quote: أنا معكم، نعم لوقف الحرب الفوري وبدون مفاوضات .. فقط ترتيبات لتعايش الجيوش وكل زول يظل في محله حتى ينتخب الشعب حكومته الديمقراطية لتقضي في أمر الجيوش بما يرتضية قادة الجيوش.
تصوري هنا أشبه بنهاية الحروب في بريطانيا العظمى في كيفية التعامل مع الجيوش، وأختزال مسألة تنصيب أسرة مالكة .. (وهذا يخالف سقوط الأمبراطورية الرومانية وبداية تأسيس الكيانات الأوروبية .. السيناريو دا ما عايزنه لأنه يمزق الوطن).
- وقف فوري للحرب - ترتيبات أمنية: 5 مفاوضين من الدعم السريع، 5 مفاوضين عن الجيش،
هلا يا مولانا، بداية يتخلى الجيش عن شروطه للجلوس مع الدعم السريع (أول مرة أكتب الدعم السريع بدل الجنجويد)، الدعم السريع لن يخرج من بين السكان بدون اتفاق قوي لأن هذا هو تكتيكه للدفاع عن نفسه والهجوم.
بعد يجلسوا برعاية أمريكية سعودية مصرية: المرحلة الأولى حسن النوايا: - أول حاجة وقف فوري لإطلاق النار والسماح للإغاثة بالدخول. - فك الحصار عن الفاشر وتراجع قوات الدعم السريع إلى خارج ولاية شمال دارفور - حظر الطيران بضمانات أمريكية للدعم السريع - انسحاب الدعم من الجزيرة وسنار والنيل الأبيض والتمركز في الخرطوم والخرطوم بحري - قوات أممية للفصل بين الجيوش وتسهيل مرور الإغاثة
Post: #12 Title: Re: نعم للسلام والجلوس للمفاوضات Author: Biraima M Adam Date: 06-21-2024, 03:22 PM Parent: #10
Quote: - فك الحصار عن الفاشر وتراجع قوات الدعم السريع إلى خارج ولاية شمال دارفور - انسحاب الدعم من الجزيرة وسنار والنيل الأبيض والتمركز في الخرطوم والخرطوم بحري
المستنير، أمسح هذين الشرطين .. الجيوش تظل في مواقعها ..
-------------------- المستنير، ههههاي: عايز تحرر ولايتكم الجزيرة بالفهلوة ساكت .. تلقاها عند الغافل .. أبو عاقل كيكل يظل حاكم، واللواء أحمد قجة يكون قائد اللواء الخامس مدنى. ما عندي معاك أي نقاش.
يا مستنير خش لينا في المرحلة التانية طوالي مرحلتك الأولى دي كلها مبنية على فرضية أن كل ما يبحث عنه آل دقلو الآن هو مخارج آمنة لانسحاب جنجويدهم من المناطق التي احتلوها.
سلام للجميع~ مفاوضات منو مع منو مثلا: - ابو شتال مع المصباح لأن أبو شتال قال يدمجوا الجيش فى الدعم السريع - هههها - فشنو يدمجو المليشيا مع المليشيا -أبو قحة يتفاوض مع مليشيا تانية -المرتزقة الأجانب مع التانين الإجانب -المساجين الكانوا فى سجن الهدى مع المساجين الكانوا فى سوبا -جماعات الشفشفة مع جماعات الشفشفة اللستة طويلة **من بداية الحرب زعماء الجنجويد زى جنجويد هايتى عايزين مفاوضات وطالعين لا للحرب وجنحويدهم على الأرض مدورين الحرب - مستشارى وأبواق الجنجويد عارفين جماعاتهم حيجوضوا القصة ، وهم حريصين على الكراسى ما تطير منهم *وزير الخارجية السعودى بداية الحرب قال لازم الحرب تآخذ مجراها! - أها تعال وقفها كان تقدر… *الأمريكان من البداية اجتمعوا وقالوا دى حتكون حرب طويلة ، فاكرين الريموت كنترول عندهم ***كل الدول عايزين سودان خالى من الشعب السودانى
سلام فيسبوك وتكتوك و (X) علي استحياء فقط من لهم اليد العليا لتغيير مجري الاحداث في السودان حيث طبقة العامة والجوقة (G5) تقدمت ستين صفر علي النخبة والمثقفة
و استولت عنوة علي الاعلام والدعاية والبروبقندا تكاثرت بسرعة البرق واصبحت لسان حال طرفي الحرب و اكتسبت القوة واصبح لها تاثير واضح
ادواتها -جهاز اسمارت فون موصول بالنت. -لا تؤمن بالحصول علي المعرفة بالطرق التقليدية وحتي المعرفة ليست بالشئ المهم لديها. -التفرغ الكامل لادراة البث المباشر/ اللايفات حيث مدة البث تتفاوت بين ٥الي ١٠ ساعة اغلبها في الليل بنسبة حضور ومشاركات تفاعلية بارقام فلكية. -لا تشترط توفر/الحصول علي اي علم مهارة معرفة خبرة الخ سوي القدرة علي الكلام وقول اي شئ مثل ( كلام خارم بارم/ تحليل فطير/ اساءة/ دشمانات اونلاينية/ كلام الطير في الباقير/ لخ الاحزاب السياسية/ لخ الجنجويد/لخ الجيش/ ورجغ في السياسة/ ورجغ في التاريخ/ ورجغ في اي شي تقريبا الا الكورة غريبة بجضموها تحليل وقراءة المباريات وخططها واللعيبة كيفية توظيفهم الخ
فدحين وقف الحرب ما ظنيتو حاليا مهم و اولية للطبقة 👆 زغبير والون ماسك وبتاعين تيكتوك يمتكلون خيوط اللعبة او يموت البرهان وحميدتي ومناوي وياسر العطاء والكباشي وعبدالرحيم دقلو وكل الاشوس والقوقو والحركات المصلحة او تتوقف شركات ومصانع الذخيرة والسلاح في العالم وينفذ مخزونهم او يقوم يوم القيامة
المهم ندعم ايقاف الحرب
Post: #19 Title: Re: نعم للسلام والجلوس للمفاوضات Author: Al Sunda Date: 06-22-2024, 06:21 AM Parent: #18
Quote: غايتو لو دايرين تنادوا آل دقلو لمفاوضات شعارها حل جنجويدهم، أحسن من هسه أقوم علي تبروقتي وسبحتي.
صباخ الخيرات بتوقيتنا يا مولانا صدقني نعم انهزم الجيش ويخشى من شروط المنتصر ولكن هل انتصر الدعم في هذه الحرب العبثية ؟ الانتصار يعنى تحقيقك لاهدافك المحددة للحرب فهل حقق الدعم اهدافه من الحرب ؟ اشك المفاوضات هي الفرصة الوحيدة لطرفي الحرب من الخروج من مأزق الحرب بحفظ ماء الوجه امام الشعب الخاسر الاكبر من / في الحرب لا الجيش حماه ولا الدعم ترك له شيئا يبدأ به حياة جديدة واضيف لعبارة الاستاذ ابوبكر الذي كتب (عن نفسي مسامح لكل الأموال التي نهبت مني والخراب الذي لحق بنا، ) وكمان مسامح الجيش على خذلانه على امل بناء جيش وطني يدافع عن الوطن لا عن التنطيم لن يجد آل دلقو وسيلة للخروج ببعض رغباتهم الا عبر لتفاوض وقد يكون الفائز الاكبر هو اللواء عثمان عمليات
Post: #20 Title: Re: نعم للسلام والجلوس للمفاوضات Author: mohmmed said ahmed Date: 06-22-2024, 08:12 AM Parent: #19
ايام النضال ضد نظام نميري كان السؤال البديل منو
وبعد إسقاط الكيزان برضو السؤال البديل منو
المنطقي والبديهي البداية بوقف إطلاق نار
ثم بحث الهدنة وفصل القوات
بعد ذلك مرحلة المفاوضات المباشرة كل طرف لديه مطالب ومصالح
السؤال المهم هل توجد ارادة حقيقة لدى الطرفين لوقف الحرب
نوع الأسئلة الملولوة دي
أسئلة انصرافية لو تابعناها حتجي بعدها سلسلة من هذه النوعية الدائرية
Post: #21 Title: Re: نعم للسلام والجلوس للمفاوضات Author: محمود الدقم Date: 06-22-2024, 09:09 AM Parent: #20
إيقاف الحرب ضروري، لكن بعد سحق مليشيات التطرف الاسلاموية قاطعي الرؤوس واكلي الأعضاء البشرية تماما...
ابوبكر بعارين كيف حالك عن اي سلام تتحدث؟ سلام سلاح ولاسلام اولاد ملاح؟ و سلام لشنو و مع منو و عشان شنو؟ دعوتك هي بالتأكيد دعوة حق اريد بها باطل حسم الجنجا هو السلام و عليكم السلام
نرجو أن تقف الحرب اليوم قبل الغد. ولكن الحرب لن تتوقف ما لم تكن هناك إرادة واطمئنان لما سوف يعقبها. وهذا الاطمئنان لا يأتي إلا بوجود قوة دولية مسلحة تفوق قوة الطرفين تحفظ كل طرف من الآخر وتستطيع أن تضغط على القوى الإقليمية التي تؤجج الحرب وهي تتظاهر بالعمل للسلام. السؤال هو هل هذه القوة الدولية المسلحة مستعدة للقيام بهذا الدور؟؟ نرجو ذلك. وبغير ذلك فالمستقبل مظلم، فوضى ومجاعة وكارثة إنسانية.
Post: #27 Title: Re: نعم للسلام والجلوس للمفاوضات Author: عبداللطيف حسن علي Date: 06-22-2024, 03:16 PM Parent: #26
كتب بريمة للمستنير: دقيناكم دق القطن!! يابريمة دقكم كلو فوق راس المدنيين..انا في عمق مناطق الحرب دي حاجة كويسة تتفاخر بيها كمان ولاعوارة ساي
شكرا لك أبوبكر علي هذه الحكمة والعقل الراجح وشكرا لكل من قال لا للحرب نعم للسلاح والحمد لله أنهم أغلبية هنا وتحذير أبوبكر من المجاعة حقيقي جدا وأقرأو تقارير الأمم المتحدة وزي ما ما بنرضي الموت لإنسان واحد لا نرضي بالجوع ولو لكلب في أرض السودان
وكما يقول ناس السودان خلوها بالنية أولا تقيف الحرب وتدور الأنشطة الإقتصادية العادية للناس وباقي التفاصيل نخليها للمتفاوضين
للمتطرفين من الطرفين ناس بل بس أول حاجة التفاوض في حد ذاته ليس إستسلاما فها هي حماس تفاوض إسرائيل أمش المفاوضات وأرفض الما دايره وأقبل الدايره تاني حاجة المفاوضات السرية لم تتوقف بين الطرفين آسف إن كنت قد أمطرت في حفلة أحدكم لكنها الحقيقة في توازن ضعف خطير ينذر بحالة حرب قد تستمر لسنوات تقضي علي الإنسان والعمران في بر السودان وذلك قد يرضي أناسا أخرين لكنه قطع شك ليس من مصلحة أحد في السودان ولا حتي الكيزان
بس ناصر اداكم المفيد؛ في توازن ضعف عجيب؛ يجعل المواطن هو وحده الضحية وسوف يهلك الناس بالمجاعة، التفاوض حل الحسم حل لكن لا أحد يستطيع حسم الآخر ولو بعد سنين
أرحموا المساكين في دارفور والجزيرة وكردفان من المجاعة القادمة
خليكم عاقلين وتخلوا عن النفخة الكضابة دي
التفاوض والعفو والتعويضات عن الأرواح هم مفتاح الحل
Post: #30 Title: Re: نعم للسلام والجلوس للمفاوضات Author: Biraima M Adam Date: 06-22-2024, 08:03 PM Parent: #29
Quote: دي حاجة كويسة تتفاخر بيها كمان ولاعوارة ساي
ول أبا عبد اللطيف حسن علي، لا هذا ولا ذاك .. ولكن لشيئ في نفس يعقوب.
بريمة
Post: #31 Title: Re: نعم للسلام والجلوس للمفاوضات Author: Biraima M Adam Date: 06-22-2024, 08:09 PM Parent: #30
Quote: في توازن ضعف عجيب
المستنير أنت وNasr أنتم فلول مندسين وسط الحرية والتغير. الدعم السريع أقوي من الجيش بمراحل، لولا الطيران كان البرهان مرق في تركيا.
رغم أنى مع لا للحرب، لكن الدعوة شوية جاءت قبل موعدها .. لو أنتظرتم حبة لما ناس الناجي(عبدالله + مصطفي) أندرشوا كنتم تروا قبول أكبر.
بريمة
Post: #32 Title: Re: نعم للسلام والجلوس للمفاوضات Author: محمد الحسن حمدنالله Date: 06-22-2024, 08:44 PM Parent: #1
العزيز أبوبكر عباس التحية والإحترام دا كلام عقل لا للحرب ونعم للمفاوضات وأظن أن مقترح الإيقاد الوارد في مبادرتها والقاضي بخروج القوات من المدن بمسافة ٥٠ كلم مع وجود مراقبين علي الأرض للفصل بين القوات هذا أن يكون بداية جيدة علي أن يلي ذلك مؤتمر دستوري لحل الأسباب السياسية التي أدت إلي الحرب وإقتراح دستور دائم للبلاد يجري الإستفتاء عليه كل هذا لا يتعارض مع ضرورة إبتدار العدالة الإنتقالية التي تشمل العدالة الجنائية والعدالة التقليدية والحقيقة والمصالحة والتعويض وجبر الضرروإصلاح الأجهزة الأمنية وكل ذلك ينتهي إلي المصالحة الوطنية التي ستمكن السودانيين من التسامي فوق الجراحات والإنطلاق نحو مستقبل مشرق
Quote: يابريمة دقكم كلو فوق راس المدنيين..انا في عمق مناطق الحرب دي حاجة كويسة تتفاخر بيها كمان ولاعوارة ساي
هذا البريمة يا اخي هو شخص ساذج و عنصري و سادي او كما قالت اختنا هدى الميرغنية ان هذا الكائن مجرد سيمبلتون و ما يقوم به في هذا المنبر ليست عوارة انما تفاهة جلي المعتوه دا عشان تكون في سلام روحي عظيم تحياتي
كل من يقول تفاوض وجلوس مع القتله المجرمين . يكون واحد من اثنين :
* هو نفسه منتمي اليهم ، وطابور . * لم يتأثر بجرائم الكلاب ، وعائش هو وذويه ، في بلد تانيه غير السودان .
المكتوين بالنار :
* بل بس * موت بس ، حتي قتل اخر كلب من الكلاب الضاله . * وتاني بل ، لو استمرت الحرب الف عام .
وتاني بل ،،،،،،
Post: #35 Title: Re: نعم للسلام والجلوس للمفاوضات Author: أبوبكر عباس Date: 06-23-2024, 04:57 AM Parent: #34
الحيوانات يا كاروري، لمان تسير في طريق بحثاً عن الماء ووجدت هذا الطريق مقفول ولا يؤدي إلى ماء، طوالي بتغير الطريق لطريق آخر ولا تصر على الطريق القديم، أنا حيوان كبير يبحث عن الماء والآن أطرق طريق التفاوض.
طريق بل بس لا يؤدي إلى أي مكان فقط يريحنا نفسياً لفش مراراتنا من فظائع هؤلاء الوحوش، أنا رجل ذكي ومحلل سياسي لا يشق له غبار، لو قلت ليك الطريق مقفول يعني مقفول لا تراجعني فيه وتتهمني لتخيفني
يعني ياالمحلل الذي لايشق له غبار . مالقيت كلمة ترد بيها غير ( حيوان وحيوانات ) . حتي ضربك للامثال يقلل من مقدارك " كمستنير " . المهم ياحبيب .
بكرر ليك تاني لا دايرين مفاوضات ، ولا دايرين سلام ، ولا اي حاجة .
هداك الميدان بينا وبينهم . اما قضينا عليهم . او قضوا هم علينا . ماعندنا حل وسط . وانت لو عندك حل وشائف انك بتقدر توقف الحرب الدائرة الان . اركب امشي بورسودان وقول ليهم وقفوها .
وحتي ذلك الحين .
بل بسسسسس،،،،
Post: #37 Title: Re: نعم للسلام والجلوس للمفاوضات Author: nazar hussien Date: 06-23-2024, 06:30 AM Parent: #36
لن يكون هناللك منتصر في هذه الحرب ولو استمرت عشرة سنوات هي حرب مدن لا الجيش فيها ظاهر في ميدان معركة ولا الدعم السريع ثابت في منطقة لمواجهته- هي حرب جغم وفتك ومتك لكل السودان اما بالبنادق والدانات والطيران أو بالمجاعة والموت في طرق النزوح واللجوء معركة أهانت كرامة كل السودانيين - واتنهبت ممتلكاتهم ودمرت البنية التحتية للبلد وهجرت أكثر من نصف السكان- وشكلت أكبر كارثة انسانية علي وجه هذه الارض منذ بدء الخليقة - ولولا تضامن وتكافل بعض اهل السودان لمات نصفهم بالقهر. لذلك لازم تقيف وبأعجل ما يكون.
Post: #39 Title: Re: نعم للسلام والجلوس للمفاوضات Author: nazar hussien Date: 06-23-2024, 06:43 AM Parent: #37
الغالبية العظمي تتوجس من كلمة مفاوضات - والاسئلة المتكررة :نتفاوض مع من قتلنا ونهب ممتلكاتنا واغتصب الحراير؟؟؟وما هي اجندة المفاوضات؟؟نعم تتفاوض مع القتلة وناهبي الممتلكات والمغتصبين دون ان تضيع حق المقتولين والمنهوبة ممتلكاتهم والمغتصبات والا فالقتل ونهب الممتلكات والاغتصاب لن يتوقف وبالأمس القريبة كانت ام دوم-التفاوض لا يعني استسلام او هزيمة- التفاوض من اجل حقن مزيد من الدماء ستسيل ومزيدا من الدمار والنهب والسلب ومزيدا من اللجوء والنزوح ووتيرة كل ما ذكرته في تصاعد كما يظهر واقع هذه الحرب العبثية اللعينة.اجندة المفاوضات:وقف الحرب- عودة المواطنين الي بيوتهم ومدنهم وقراهم - ممرات آمنة للمساعدات الانسانية قوات دولية او اقليمية يتفق عليها للفصل بين المتقاتلين- محاسبة كل المتورطين في القتل من الطرفين وارجاع جميع الممتلكات المنهوبة او التعويض عنها عبر لجنة سودانية/سودانية من كافة المناطق التي احتلتها قوات الدعم السريع-مؤتمر عام لكل ممثلي ولايات السودان او استفتاء لكل اهل السودان لكيفية تعيين ادارة تأسيسية مؤقتة للحكم ليس من بينها طرفي الحرب- لا ناس بل بس ولا ناس جغم بس- ولا تقدم ولا قحت. المرحلة التأسيسية ما عايزين اسم اي زول سمعنا بيه قبل كده ولا ممثل عن اي حزب- كفاءات وطنية سودانية خالصة
كل ماذكرته في مداخلتك السابقة ( مقبول نظريا ) . لكن الواقع غير ذلك .
من يقبل بغفران لمن اغتصب زوجته وبناته امامه . من يقبل بغفران لمن قتل والده العاجز الكهل امامه . من يقبل بغفران لمن ضربه بوحشية امام عائلته ، وتم بعد ذلك نهب كل ممتلكاته وطرده من منزله .
وووووووووووووووووووووووووووو
اعتقد ان السيد المسيح نفسه لن يقبل ان نسامحهم ،،،،
Post: #41 Title: Re: نعم للسلام والجلوس للمفاوضات Author: nazar hussien Date: 06-23-2024, 07:05 AM Parent: #40
حبابك هاشم كاروري
ارجع لما كتبته... ليس فيه غفران مطلقا هو برا الغفران دا الوصلنا الحتة دي شنو؟؟ الغفران فيه استرخاص لدماء ذكية- الغفران لا يمنحه الا اولياء الدم والمغدور بهم
هذا هو رأي الزميل المخرج التلفزيوني الاستاذ اسماعيل عيساوي
Post: #45 Title: Re: نعم للسلام والجلوس للمفاوضات Author: محمد الحسن حمدنالله Date: 06-23-2024, 09:15 PM Parent: #1
العزيز أبوبكر عباس التحية والإحترام دا كلام عقل لا للحرب ونعم للمفاوضات وأظن أن مقترح الإيقاد الوارد في مبادرتها والقاضي بخروج القوات من المدن بمسافة ٥٠ كلم مع وجود مراقبين علي الأرض للفصل بين القوات هذا أن يكون بداية جيدة علي أن يلي ذلك مؤتمر دستوري لحل الأسباب السياسية التي أدت إلي الحرب وإقتراح دستور دائم للبلاد يجري الإستفتاء عليه كل هذا لا يتعارض مع ضرورة إبتدار العدالة الإنتقالية التي تشمل العدالة الجنائية والعدالة التقليدية والحقيقة والمصالحة والتعويض وجبر الضرروإصلاح الأجهزة الأمنية وكل ذلك ينتهي إلي المصالحة الوطنية التي ستمكن السودانيين من التسامي فوق الجراحات والإنطلاق نحو مستقبل مشرق
ما هو قوي الثورة بعد فض الإعتصام تفاوضت مع من إغتصب الكنداكات وقتل الشباب ورماهم في النيل ليس ضعفا ولكن عشان السلام والأمور تمشي لقدام
وفي محادثات جوبا تنازلت قوي الكفاح المسلح وجلست للتفاوض مع من حرق القري الامنة وأغتصب الفتيات وهدر المحاصيل المخزنة ودفن الأبار ووصلت لسلام يحقن الدماء ويودي السودان لقدام وقبلهم بأكثر من ألف عام جلس الرسول مع كفار قريش في تفاوض أدي لصلح الجديبية
في حاجة إسمها عدالة إنتقالية ما بتضيع حق زول لكن بتعمل بمبدأ الفش غبينته خرب مدينته فيا بلابسة الجيش ضعيف وما قادر يحسم المعركة عاوز رجال يللا شدو حيلكم خلوا الكيبورد في الغرف الأمنة
تظل الدعوة للسلام والجلوس للمفاوضات مجرد أمنية حالمة ما لم تصحبها حلول لتنزيلها للواقع. تنزيل هذه الأمنية للواقع يأتي عن طريقين:
الطريق الأول: طرح حلول سياسية لمعالجة الأسباب الجذرية للنزاع بين الاطراف المتحاربة وتضمين دعوة وقف الحرب مقترحات للتعامل مع القضايا الأساسية المتنازع عليها والمساعدة في إيجاد حلول عادلة. وتضمين الدعوة مشاريع لإجراء إصلاحات سياسية واقتصادية لمعالجة الأسباب الكامنة وراء النزاع.
الطريق الثاني: تنزيل الدعوة لايقاف الحرب في حال تبنتها جهة قادرة على فرض إرادتها على اطراف النزاع.
غير كدا أي زعيط او معيط بقول "لا للحرب" بدون ما يقدم مقترح لحل النزاع السياسي بين الاطراف المتحاربة ببقى بيطرح مجرد امنية.
Quote: عن نفسي مسامح لكل الأموال التي نهبت مني والخراب الذي لحق بنا، ونمد أيدينا بيضاء للعدو
Quote: واضيف لعبارة الاستاذ ابوبكر الذي كتب (عن نفسي مسامح لكل الأموال التي نهبت مني والخراب الذي لحق بنا، ) وكمان مسامح الجيش على خذلانه على امل بناء جيش وطني يدافع عن الوطن لا عن التنطيم
يا مستنير وي السندة بجانب الجيش والدعم السريع، هنالك ظرف ثالث له درو قوي في اشعال الحرب واستمرارها بحسب زعم قوى الحرية والتغيير وهذا الطرف هو الكيزان والحركة الإسلامية. هل بالإمكان مسامحتهم كما الجيش والدعم السريع على الفظائع التي ارتكبوها خلال ال35 سنة الماضية؟
Post: #49 Title: Re: نعم للسلام والجلوس للمفاوضات Author: أبوبكر عباس Date: 06-24-2024, 01:31 AM Parent: #48
نعم يا حافظ، قوى الحرية والتغيير ليست طرف ثالث هي طرف ثاني مشترك مع الدعم السريع في الانقلاب الفاشل. ولا بد من مسامحتهم ومسامحة الكيزان، يا حافظ، نحن نواجه أكبر كارثة إنسانية قد تكون عرفتها أفريقيا، الجيش يحتاج لنا أن نقول له نحن نوافق على السلام، لأنه يحس بنفس إحساسك دا، ولا يستطيع أن يقول لنا سوف أضع يدي في يد قاتلك وناهبك ومغتصبك، إنها الحياة بخياراتها الصعبة وأنا أختار الحياة لأهلي الجنجويد ليس لهم نخوة ولا إنسانية ويستطيعون الحياة فوق جمم الغلابة.
أتمنى أن تضع لنا حلك هنا وتكف عن وضعنا في خانة اليك
Post: #50 Title: Re: نعم للسلام والجلوس للمفاوضات Author: Nasr Date: 06-24-2024, 03:45 AM Parent: #49
يا حافظ
Quote: هل بالإمكان مسامحتهم كما الجيش والدعم السريع على الفظائع التي ارتكبوها خلال ال35 سنة الماضية؟
فكرة العدالة الإنتقالية أساسا طرحت في مواجهة الكيزان وكانو حينها في الحكم عشان السودان يمشي لقدام كنا مستعدين لمسامحة الكل في إطار عدالة لا تظلم أحد ولذلك السبب إنشأت لجنة تفكيك التمكين لكن الكيزان وللؤمهم المقيم لم يرضوا بأي محاسبة عن ثلاثين سنة نهب وقتل وتعذيب وتشريد وما كانوا مستعدين للتخلي عن قوتهم العسكرية المتمثلة في كوادرهم في الجيش وكتائب الظل والأجهزة الأمنية لأنهم لا يضمنون الفوز في أي إنتخابات حرة نزيهة العدالة الإنتقالية ستطال حتي الكيزان وصنائعهم من مليشيات الدعم السريع والبراء بن مالك وغيرهم ما دايرين غبائن وإنتقام دي حاجات ما بتنتهي بالهين وبتجرجر البلد لمستنقعات آسنة
Post: #51 Title: Re: نعم للسلام والجلوس للمفاوضات Author: أبوبكر عباس Date: 06-24-2024, 05:02 AM Parent: #50
الأمير عبد الرحمن الداخل في رحلة هروبه من دمشق للأندلس بعد سقوط دولة بني أمية، كان يقول لرفيقه بدر كلما سأله ما هي الخطة يا أمير؟ كان يقول له أن نظل على قيد الحياة أنا خطتي أن نذهب للمفاوضات بكل التنازلات الممكنة لنظل على قيد الحياة
Post: #52 Title: Re: نعم للسلام والجلوس للمفاوضات Author: محمد بدرالدين Date: 06-24-2024, 06:39 AM Parent: #51
صباح التفاؤل و الامل صباح السودان الجديد لآمن ان شاءالله
Quote: أنا خطتي أن نذهب للمفاوضات بكل التنازلات الممكنة لنظل على قيد الحياة