|
|
|
 Re: نعم للسلام والجلوس للمفاوضات (Re: أبوبكر عباس)
|
لعن الحرب
التي جعلت الاتفاق بيينا وبين المستنير هو السمة الغالبةوجعلت عهد الاختلاف والمناكفة ترف!!
ايوة
نعم لوقف الحرب من اجل. الضحايا والأبرياء والمدنيين
نعم لوقف الحرب التي لا " ولن يكون فيها حسم نهائي او انتصار اوهزيمة لاي طرف وستظل هكذا مشتعلة تحرق وتدمر
نعم لوقف الحرب كضرورة. ثم كموقف مبدئي
وهو موقف يختلف من لا للحرب
التي يتفوه. بها الجنحويد كمزايدة وتكسب سياسي زي حراس الثورة وحماة الديموقراطية !
| |
 
|
|
|
|
|
|
|
 Re: نعم للسلام والجلوس للمفاوضات (Re: Hassan Farah)
|
المستنير أبو بكر
دقيناكم دق الدخن لما قلتم الرووووب!
أنا معكم، نعم لوقف الحرب الفوري وبدون مفاوضات .. فقط ترتيبات لتعايش الجيوش وكل زول يظل في محله حتى ينتخب الشعب حكومته الديمقراطية لتقضي في أمر الجيوش بما يرتضية قادة الجيوش.
تصوري هنا أشبه بنهاية الحروب في بريطانيا العظمى في كيفية التعامل مع الجيوش، وأختزال مسألة تنصيب أسرة مالكة ..
(وهذا يخالف سقوط الأمبراطورية الرومانية وبداية تأسيس الكيانات الأوروبية .. السيناريو دا ما عايزنه لأنه يمزق الوطن).
-----------------
ما قلتوا نوبة يا المستنير!
بريمة
| |
|
|
|
|
|
|
|
|
Re: نعم للسلام والجلوس للمفاوضات (Re: mohmmed said ahmed)
|
تمام
كلام سمح بالحيل
نعم لوقف الحرب ونعم للسلام والجلوس للمفاوضات.
طيب يا مستنير ويا متداخلين عشان نمشي خطوة لقدام
مع الكلام السمح دا عندكم مقترحات للتفاوض وحلول النزاعات بين الاطراف القومت الحرب؟
ول نكتفي نشيل ليكم بيهو الفاتحة بعد الصلوات؟
| |
|
|
|
|
|
|
|
|
|
Re: نعم للسلام والجلوس للمفاوضات (Re: Hafiz Bashir)
|
شكرا للمستنير سيد الخيط ولمولانا
| Quote: مع الكلام السمح دا عندكم مقترحات للتفاوض وحلول النزاعات بين الاطراف القومت الحرب؟ |
نرجع لمنصة الثورة وشعارهاالاساسي
الجنويد ينحل والجيش للثكنات
وتبقى المفاوضات للتفاصيل ووضع الآليات والتواقيت وكلو ذلك في اطار منصة التأسيس لسودان جديد
| |
|
|
|
|
|
|
|
|
|
Re: نعم للسلام والجلوس للمفاوضات (Re: Al Sunda)
|
Quote: أنا معكم، نعم لوقف الحرب الفوري وبدون مفاوضات .. فقط ترتيبات لتعايش الجيوش وكل زول يظل في محله حتى ينتخب الشعب حكومته الديمقراطية لتقضي في أمر الجيوش بما يرتضية قادة الجيوش.
تصوري هنا أشبه بنهاية الحروب في بريطانيا العظمى في كيفية التعامل مع الجيوش، وأختزال مسألة تنصيب أسرة مالكة ..
(وهذا يخالف سقوط الأمبراطورية الرومانية وبداية تأسيس الكيانات الأوروبية .. السيناريو دا ما عايزنه لأنه يمزق الوطن).
|
- وقف فوري للحرب
- ترتيبات أمنية: 5 مفاوضين من الدعم السريع، 5 مفاوضين عن الجيش،
وينبروا في الترتيبات الأمنية ..
بريمة
| |
|
|
|
|
|
|
|
|
|
Re: نعم للسلام والجلوس للمفاوضات (Re: Biraima M Adam)
|
هلا يا مولانا،
بداية يتخلى الجيش عن شروطه للجلوس مع الدعم السريع (أول مرة أكتب الدعم السريع بدل الجنجويد)،
الدعم السريع لن يخرج من بين السكان بدون اتفاق قوي لأن هذا هو تكتيكه للدفاع عن نفسه والهجوم.
بعد يجلسوا برعاية أمريكية سعودية مصرية:
المرحلة الأولى حسن النوايا:
- أول حاجة وقف فوري لإطلاق النار والسماح للإغاثة بالدخول.
- فك الحصار عن الفاشر وتراجع قوات الدعم السريع إلى خارج ولاية شمال دارفور
- حظر الطيران بضمانات أمريكية للدعم السريع
- انسحاب الدعم من الجزيرة وسنار والنيل الأبيض والتمركز في الخرطوم والخرطوم بحري
- قوات أممية للفصل بين الجيوش وتسهيل مرور الإغاثة
بعد داك المرحلة الثانية
| |
|
|
|
|
|
|
|
|
|
Re: نعم للسلام والجلوس للمفاوضات (Re: أبوبكر عباس)
|
Quote: - فك الحصار عن الفاشر وتراجع قوات الدعم السريع إلى خارج ولاية شمال دارفور
- انسحاب الدعم من الجزيرة وسنار والنيل الأبيض والتمركز في الخرطوم والخرطوم بحري |
المستنير، أمسح هذين الشرطين .. الجيوش تظل في مواقعها ..
--------------------
المستنير، ههههاي: عايز تحرر ولايتكم الجزيرة بالفهلوة ساكت .. تلقاها عند الغافل ..
أبو عاقل كيكل يظل حاكم، واللواء أحمد قجة يكون قائد اللواء الخامس مدنى.
ما عندي معاك أي نقاش.
بريمة
| |
|
|
|
|
|
|
|
|
|
Re: نعم للسلام والجلوس للمفاوضات (Re: Biraima M Adam)
|
سلام يا السندة
Quote: نرجع لمنصة الثورة وشعارهاالاساسي
الجنويد ينحل والجيش للثكنات
وتبقى المفاوضات للتفاصيل |
غايتو لو دايرين تنادوا آل دقلو لمفاوضات شعارها حل جنجويدهم،
أحسن من هسه أقوم علي تبروقتي وسبحتي.
| |
|
|
|
|
|
|
|
|
|
Re: نعم للسلام والجلوس للمفاوضات (Re: Hafiz Bashir)
|
| Quote: بعد داك المرحلة الثانية |
يا مستنير خش لينا في المرحلة التانية طوالي
مرحلتك الأولى دي كلها مبنية على فرضية أن كل ما يبحث عنه آل دقلو الآن هو مخارج آمنة لانسحاب جنجويدهم من المناطق التي احتلوها.
| |
|
|
|
|
|
|
|
|
|
Re: نعم للسلام والجلوس للمفاوضات (Re: muntasir)
|
سلام للجميع~
مفاوضات منو مع منو
مثلا:
- ابو شتال مع المصباح
لأن أبو شتال قال يدمجوا الجيش فى الدعم السريع - هههها - فشنو يدمجو المليشيا مع المليشيا
-أبو قحة يتفاوض مع مليشيا تانية
-المرتزقة الأجانب مع التانين الإجانب
-المساجين الكانوا فى سجن الهدى مع المساجين الكانوا فى سوبا
-جماعات الشفشفة مع جماعات الشفشفة
اللستة طويلة
**من بداية الحرب زعماء الجنجويد زى جنجويد هايتى عايزين مفاوضات
وطالعين لا للحرب وجنحويدهم على الأرض مدورين الحرب - مستشارى وأبواق الجنجويد عارفين جماعاتهم حيجوضوا القصة ، وهم حريصين على الكراسى ما تطير منهم
*وزير الخارجية السعودى بداية الحرب قال لازم الحرب تآخذ مجراها! - أها تعال وقفها كان تقدر…
*الأمريكان من البداية اجتمعوا وقالوا دى حتكون حرب طويلة ، فاكرين الريموت كنترول عندهم
***كل الدول عايزين سودان خالى من الشعب السودانى
| |
|
|
|
|
|
|
|
|
|
Re: نعم للسلام والجلوس للمفاوضات (Re: أبوبكر عباس)
|
سلام
فيسبوك وتكتوك و (X) علي استحياء فقط من لهم اليد العليا لتغيير
مجري الاحداث في السودان
حيث طبقة العامة والجوقة (G5) تقدمت ستين صفر علي
النخبة والمثقفة
و استولت عنوة علي
الاعلام والدعاية والبروبقندا تكاثرت بسرعة البرق واصبحت لسان حال طرفي الحرب
و اكتسبت القوة واصبح لها تاثير واضح
ادواتها
-جهاز اسمارت فون موصول بالنت.
-لا تؤمن بالحصول علي المعرفة بالطرق التقليدية وحتي المعرفة ليست بالشئ المهم لديها.
-التفرغ الكامل لادراة البث المباشر/ اللايفات حيث مدة البث تتفاوت بين ٥الي ١٠ ساعة
اغلبها في الليل بنسبة حضور ومشاركات تفاعلية بارقام فلكية.
-لا تشترط توفر/الحصول علي اي
علم مهارة معرفة خبرة الخ سوي القدرة علي الكلام وقول اي شئ
مثل ( كلام خارم بارم/ تحليل فطير/ اساءة/ دشمانات اونلاينية/ كلام الطير في الباقير/
لخ الاحزاب السياسية/ لخ الجنجويد/لخ الجيش/ ورجغ في السياسة/ ورجغ في التاريخ/
ورجغ في اي شي تقريبا
الا الكورة غريبة بجضموها تحليل وقراءة المباريات وخططها واللعيبة كيفية توظيفهم الخ
فدحين وقف الحرب ما ظنيتو حاليا مهم و اولية للطبقة 👆
زغبير والون ماسك وبتاعين تيكتوك يمتكلون خيوط اللعبة
او يموت البرهان وحميدتي ومناوي وياسر العطاء والكباشي
وعبدالرحيم دقلو وكل الاشوس والقوقو والحركات المصلحة
او تتوقف شركات ومصانع الذخيرة والسلاح في العالم وينفذ مخزونهم
او يقوم يوم القيامة
المهم ندعم ايقاف الحرب
| |
|
|
|
|
|
|
|
|
|
Re: نعم للسلام والجلوس للمفاوضات (Re: حامد عبدالله)
|
Quote: غايتو لو دايرين تنادوا آل دقلو لمفاوضات شعارها حل جنجويدهم،
أحسن من هسه أقوم علي تبروقتي وسبحتي. |
صباخ الخيرات بتوقيتنا
يا مولانا
صدقني
نعم انهزم الجيش ويخشى من شروط المنتصر ولكن هل انتصر الدعم في هذه الحرب العبثية ؟
الانتصار يعنى تحقيقك لاهدافك المحددة للحرب فهل حقق الدعم اهدافه من الحرب ؟ اشك
المفاوضات هي الفرصة الوحيدة لطرفي الحرب من الخروج من مأزق الحرب بحفظ ماء الوجه امام الشعب الخاسر الاكبر من / في الحرب
لا الجيش حماه ولا الدعم ترك له شيئا يبدأ به حياة جديدة
واضيف لعبارة الاستاذ ابوبكر الذي كتب (عن نفسي مسامح لكل الأموال التي نهبت مني والخراب الذي لحق بنا، ) وكمان مسامح الجيش على خذلانه على امل بناء جيش وطني يدافع عن الوطن لا عن التنطيم
لن يجد آل دلقو وسيلة للخروج ببعض رغباتهم الا عبر لتفاوض وقد يكون الفائز الاكبر هو اللواء عثمان عمليات
| |
|
|
|
|
|
|
|
|
|
Re: نعم للسلام والجلوس للمفاوضات (Re: Al Sunda)
|
ايام النضال ضد نظام نميري
كان السؤال البديل منو
وبعد إسقاط الكيزان برضو السؤال البديل منو
المنطقي والبديهي البداية بوقف إطلاق نار
ثم بحث الهدنة وفصل القوات
بعد ذلك مرحلة المفاوضات المباشرة كل طرف لديه مطالب ومصالح
السؤال المهم هل توجد ارادة حقيقة لدى الطرفين لوقف الحرب
نوع الأسئلة الملولوة دي
أسئلة انصرافية لو تابعناها حتجي بعدها سلسلة من هذه النوعية الدائرية
| |
|
|
|
|
|
|
|
|
|
Re: نعم للسلام والجلوس للمفاوضات (Re: Hasheem Karouri)
|
عوداً حميداً يا ول أبا الدقم
Quote: إيقاف الحرب ضروري، لكن بعد سحق مليشيات التطرف الاسلاموية قاطعي الرؤوس واكلي الأعضاء البشرية تماما...
|
مبروك تحرر ولاية غرب كردفان. الفلنقايات الذين جروا بورتكيزان يبلوا الجرقسة ويشربوا خبوبها.
بريمة
| |
|
|
|
|
|
|
|
|
|
Re: نعم للسلام والجلوس للمفاوضات (Re: خضر الطيب)
|
سلام للجميع
نرجو أن تقف الحرب اليوم قبل الغد. ولكن الحرب لن تتوقف ما لم تكن هناك إرادة واطمئنان لما سوف يعقبها. وهذا الاطمئنان لا يأتي إلا بوجود قوة دولية مسلحة تفوق قوة الطرفين تحفظ كل طرف من الآخر وتستطيع أن تضغط على القوى الإقليمية التي تؤجج الحرب وهي تتظاهر بالعمل للسلام.
السؤال هو هل هذه القوة الدولية المسلحة مستعدة للقيام بهذا الدور؟؟ نرجو ذلك. وبغير ذلك فالمستقبل مظلم، فوضى ومجاعة وكارثة إنسانية.
| |
|
|
|
|
|
|
|
|
|
Re: نعم للسلام والجلوس للمفاوضات (Re: عبداللطيف حسن علي)
|
شكرا لك أبوبكر علي هذه الحكمة والعقل الراجح
وشكرا لكل من قال لا للحرب نعم للسلاح
والحمد لله أنهم أغلبية هنا
وتحذير أبوبكر من المجاعة حقيقي جدا وأقرأو تقارير الأمم المتحدة
وزي ما ما بنرضي الموت لإنسان واحد
لا نرضي بالجوع ولو لكلب في أرض السودان
وكما يقول ناس السودان
خلوها بالنية
أولا تقيف الحرب وتدور الأنشطة الإقتصادية العادية للناس
وباقي التفاصيل نخليها للمتفاوضين
للمتطرفين من الطرفين
ناس بل بس
أول حاجة التفاوض في حد ذاته ليس إستسلاما
فها هي حماس تفاوض إسرائيل
أمش المفاوضات وأرفض الما دايره وأقبل الدايره
تاني حاجة
المفاوضات السرية لم تتوقف بين الطرفين
آسف إن كنت قد أمطرت في حفلة أحدكم
لكنها الحقيقة
في توازن ضعف خطير
ينذر بحالة حرب قد تستمر لسنوات
تقضي علي الإنسان والعمران في بر السودان
وذلك قد يرضي أناسا أخرين
لكنه قطع شك ليس من مصلحة أحد في السودان
ولا حتي الكيزان
فأعقلوا
والفش غبينته خرب مدينته
| |
|
|
|
|
|
|
|
|
|
Re: نعم للسلام والجلوس للمفاوضات (Re: Nasr)
|
بس
ناصر اداكم المفيد؛
في توازن ضعف عجيب؛
يجعل المواطن هو وحده الضحية وسوف يهلك الناس بالمجاعة،
التفاوض حل
الحسم حل
لكن لا أحد يستطيع حسم الآخر ولو بعد سنين
أرحموا المساكين في دارفور والجزيرة وكردفان من المجاعة القادمة
خليكم عاقلين وتخلوا عن النفخة الكضابة دي
التفاوض والعفو والتعويضات عن الأرواح هم مفتاح الحل
| |
|
|
|
|
|
|
|
|
|
Re: نعم للسلام والجلوس للمفاوضات (Re: Biraima M Adam)
|
المستنير أنت وNasr أنتم فلول مندسين وسط الحرية والتغير.
الدعم السريع أقوي من الجيش بمراحل، لولا الطيران كان البرهان مرق في تركيا.
رغم أنى مع لا للحرب، لكن الدعوة شوية جاءت قبل موعدها .. لو أنتظرتم حبة لما ناس الناجي(عبدالله + مصطفي) أندرشوا كنتم تروا قبول أكبر.
بريمة
| |
|
|
|
|
|
|
|
|
|
Re: نعم للسلام والجلوس للمفاوضات (Re: أبوبكر عباس)
|
العزيز أبوبكر عباس التحية والإحترام دا كلام عقل لا للحرب ونعم للمفاوضات وأظن أن مقترح الإيقاد الوارد في مبادرتها والقاضي بخروج القوات من المدن بمسافة ٥٠ كلم مع وجود مراقبين علي الأرض للفصل بين القوات هذا أن يكون بداية جيدة علي أن يلي ذلك مؤتمر دستوري لحل الأسباب السياسية التي أدت إلي الحرب وإقتراح دستور دائم للبلاد يجري الإستفتاء عليه كل هذا لا يتعارض مع ضرورة إبتدار العدالة الإنتقالية التي تشمل العدالة الجنائية والعدالة التقليدية والحقيقة والمصالحة والتعويض وجبر الضرروإصلاح الأجهزة الأمنية وكل ذلك ينتهي إلي المصالحة الوطنية التي ستمكن السودانيين من التسامي فوق الجراحات والإنطلاق نحو مستقبل مشرق
| |
|
|
|
|
|
|
|
|
|
Re: نعم للسلام والجلوس للمفاوضات (Re: محمد الحسن حمدنالله)
|
مرحب اخونا عبد اللطيف
و سعيد بعودتك
Quote: يابريمة دقكم كلو فوق راس
المدنيين..انا في عمق مناطق الحرب
دي حاجة كويسة تتفاخر بيها
كمان ولاعوارة ساي |
هذا البريمة يا اخي هو شخص ساذج و عنصري
و سادي او كما قالت اختنا هدى الميرغنية
ان هذا الكائن مجرد سيمبلتون
و ما يقوم به في هذا المنبر ليست عوارة انما تفاهة
جلي المعتوه دا عشان تكون في سلام روحي
عظيم تحياتي
| |
|
|
|
|
|
|
|
|
|
Re: نعم للسلام والجلوس للمفاوضات (Re: خضر الطيب)
|
الميدان ياحميدان .
لا تفاوض . لا صلح ، لاغفران ، بل بسسس.
كل من يقول تفاوض وجلوس مع القتله المجرمين . يكون واحد من اثنين :
* هو نفسه منتمي اليهم ، وطابور .
* لم يتأثر بجرائم الكلاب ، وعائش هو وذويه ، في بلد تانيه غير السودان .
المكتوين بالنار :
* بل بس
* موت بس ، حتي قتل اخر كلب من الكلاب الضاله .
* وتاني بل ، لو استمرت الحرب الف عام .
وتاني بل ،،،،،،
| |
|
|
|
|
|
|
|
|
|
Re: نعم للسلام والجلوس للمفاوضات (Re: Hasheem Karouri)
|
الحيوانات يا كاروري، لمان تسير في طريق بحثاً عن الماء ووجدت هذا الطريق مقفول ولا يؤدي إلى ماء،
طوالي بتغير الطريق لطريق آخر ولا تصر على الطريق القديم،
أنا حيوان كبير يبحث عن الماء والآن أطرق طريق التفاوض.
طريق بل بس لا يؤدي إلى أي مكان
فقط يريحنا نفسياً لفش مراراتنا من فظائع هؤلاء الوحوش،
أنا رجل ذكي ومحلل سياسي لا يشق له غبار،
لو قلت ليك الطريق مقفول يعني مقفول
لا تراجعني فيه وتتهمني لتخيفني
| |
|
|
|
|
|
|
|
|
|
Re: نعم للسلام والجلوس للمفاوضات (Re: أبوبكر عباس)
|
يعني ياالمحلل الذي لايشق له غبار . مالقيت كلمة ترد بيها غير ( حيوان وحيوانات ) .
حتي ضربك للامثال يقلل من مقدارك " كمستنير " . المهم ياحبيب .
بكرر ليك تاني لا دايرين مفاوضات ، ولا دايرين سلام ، ولا اي حاجة .
هداك الميدان بينا وبينهم . اما قضينا عليهم . او قضوا هم علينا . ماعندنا حل وسط .
وانت لو عندك حل وشائف انك بتقدر توقف الحرب الدائرة الان . اركب امشي بورسودان وقول ليهم وقفوها .
وحتي ذلك الحين .
بل بسسسسس،،،،
| |
|
|
|
|
|
|
|
|
|
Re: نعم للسلام والجلوس للمفاوضات (Re: Hasheem Karouri)
|
لن يكون هناللك منتصر في هذه الحرب ولو استمرت عشرة سنوات
هي حرب مدن لا الجيش فيها ظاهر في ميدان معركة ولا الدعم السريع ثابت
في منطقة لمواجهته- هي حرب جغم وفتك ومتك لكل السودان اما بالبنادق
والدانات والطيران أو بالمجاعة والموت في طرق النزوح واللجوء
معركة أهانت كرامة كل السودانيين - واتنهبت ممتلكاتهم ودمرت
البنية التحتية للبلد وهجرت أكثر من نصف السكان- وشكلت أكبر كارثة
انسانية علي وجه هذه الارض منذ بدء الخليقة - ولولا تضامن وتكافل
بعض اهل السودان لمات نصفهم بالقهر.
لذلك لازم تقيف وبأعجل ما يكون.
| |
|
|
|
|
|
|
|
|
|
Re: نعم للسلام والجلوس للمفاوضات (Re: nazar hussien)
|
الزميل نزار .
تقريبا هذه اول مره اتناقش معاك .
كل ماذكرته في مداخلتك السابقة ( مقبول نظريا ) . لكن الواقع غير ذلك .
من يقبل بغفران لمن اغتصب زوجته وبناته امامه .
من يقبل بغفران لمن قتل والده العاجز الكهل امامه .
من يقبل بغفران لمن ضربه بوحشية امام عائلته ، وتم بعد ذلك نهب كل ممتلكاته وطرده من منزله .
وووووووووووووووووووووووووووو
اعتقد ان السيد المسيح نفسه لن يقبل ان نسامحهم ،،،،
| |
|
|
|
|
|
|
|
|
|
Re: نعم للسلام والجلوس للمفاوضات (Re: nazar hussien)
|
الزميل . نزار
وماذا تعني مفاوضات ووقف اطلاق نار ؟
هل نتفاوض مع من ارتكب الجرائم اعلاه ؟
التفاوض مع عدو معناها عفو وغفران وتسامح ونسيان وووو
المفردات مختلفه لكن المعني واحد .
لذا
القصاص هو الحل ،،،
| |
|
|
|
|
|
|
|
|
|
Re: نعم للسلام والجلوس للمفاوضات (Re: أبوبكر عباس)
|
العزيز أبوبكر عباس التحية والإحترام دا كلام عقل لا للحرب ونعم للمفاوضات وأظن أن مقترح الإيقاد الوارد في مبادرتها والقاضي بخروج القوات من المدن بمسافة ٥٠ كلم مع وجود مراقبين علي الأرض للفصل بين القوات هذا أن يكون بداية جيدة علي أن يلي ذلك مؤتمر دستوري لحل الأسباب السياسية التي أدت إلي الحرب وإقتراح دستور دائم للبلاد يجري الإستفتاء عليه كل هذا لا يتعارض مع ضرورة إبتدار العدالة الإنتقالية التي تشمل العدالة الجنائية والعدالة التقليدية والحقيقة والمصالحة والتعويض وجبر الضرروإصلاح الأجهزة الأمنية وكل ذلك ينتهي إلي المصالحة الوطنية التي ستمكن السودانيين من التسامي فوق الجراحات والإنطلاق نحو مستقبل مشرق
| |
|
|
|
|
|
|
|
|
|
Re: نعم للسلام والجلوس للمفاوضات (Re: محمد الحسن حمدنالله)
|
ما هو قوي الثورة بعد فض الإعتصام
تفاوضت مع من إغتصب الكنداكات وقتل الشباب ورماهم في النيل
ليس ضعفا ولكن عشان السلام والأمور تمشي لقدام
وفي محادثات جوبا
تنازلت قوي الكفاح المسلح
وجلست للتفاوض مع من حرق القري الامنة وأغتصب الفتيات وهدر المحاصيل المخزنة ودفن الأبار
ووصلت لسلام يحقن الدماء ويودي السودان لقدام
وقبلهم بأكثر من ألف عام
جلس الرسول مع كفار قريش في تفاوض أدي لصلح الجديبية
في حاجة إسمها عدالة إنتقالية
ما بتضيع حق زول
لكن بتعمل بمبدأ الفش غبينته خرب مدينته
فيا بلابسة
الجيش ضعيف وما قادر يحسم المعركة
عاوز رجال
يللا شدو حيلكم خلوا الكيبورد
في الغرف الأمنة
| |
|
|
|
|
|
|
|
|
|
Re: نعم للسلام والجلوس للمفاوضات (Re: محمد الحسن حمدنالله)
|
يا مستنير
تظل الدعوة للسلام والجلوس للمفاوضات مجرد أمنية حالمة ما لم تصحبها حلول لتنزيلها للواقع.
تنزيل هذه الأمنية للواقع يأتي عن طريقين:
الطريق الأول:
طرح حلول سياسية لمعالجة الأسباب الجذرية للنزاع بين الاطراف المتحاربة
وتضمين دعوة وقف الحرب مقترحات للتعامل مع القضايا الأساسية المتنازع عليها والمساعدة في إيجاد حلول عادلة.
وتضمين الدعوة مشاريع لإجراء إصلاحات سياسية واقتصادية لمعالجة الأسباب الكامنة وراء النزاع.
الطريق الثاني:
تنزيل الدعوة لايقاف الحرب في حال تبنتها جهة قادرة على فرض إرادتها على اطراف النزاع.
غير كدا أي زعيط او معيط بقول "لا للحرب" بدون ما يقدم مقترح لحل النزاع السياسي بين الاطراف المتحاربة ببقى بيطرح مجرد امنية.
| |
|
|
|
|
|
|
|
|
|
Re: نعم للسلام والجلوس للمفاوضات (Re: Hafiz Bashir)
|
| Quote: عن نفسي مسامح لكل الأموال التي نهبت مني والخراب الذي لحق بنا، ونمد أيدينا بيضاء للعدو |
| Quote: واضيف لعبارة الاستاذ ابوبكر الذي كتب (عن نفسي مسامح لكل الأموال التي نهبت مني والخراب الذي لحق بنا، ) وكمان مسامح الجيش على خذلانه على امل بناء جيش وطني يدافع عن الوطن لا عن التنطيم |
يا مستنير وي السندة
بجانب الجيش والدعم السريع، هنالك ظرف ثالث له درو قوي في اشعال الحرب واستمرارها بحسب زعم قوى الحرية والتغيير وهذا الطرف هو الكيزان والحركة الإسلامية.
هل بالإمكان مسامحتهم كما الجيش والدعم السريع على الفظائع التي ارتكبوها خلال ال35 سنة الماضية؟
| |
|
|
|
|
|
|
|
|
|
Re: نعم للسلام والجلوس للمفاوضات (Re: Hafiz Bashir)
|
نعم يا حافظ، قوى الحرية والتغيير ليست طرف ثالث هي طرف ثاني مشترك مع الدعم السريع في الانقلاب الفاشل.
ولا بد من مسامحتهم ومسامحة الكيزان،
يا حافظ، نحن نواجه أكبر كارثة إنسانية قد تكون عرفتها أفريقيا،
الجيش يحتاج لنا أن نقول له نحن نوافق على السلام، لأنه يحس بنفس إحساسك دا،
ولا يستطيع أن يقول لنا سوف أضع يدي في يد قاتلك وناهبك ومغتصبك،
إنها الحياة بخياراتها الصعبة
وأنا أختار الحياة لأهلي
الجنجويد ليس لهم نخوة ولا إنسانية ويستطيعون الحياة فوق جمم الغلابة.
أتمنى أن تضع لنا حلك هنا وتكف عن وضعنا في خانة اليك
| |
|
|
|
|
|
|
|
|
|
Re: نعم للسلام والجلوس للمفاوضات (Re: أبوبكر عباس)
|
يا حافظ
Quote: هل بالإمكان مسامحتهم كما الجيش والدعم السريع على الفظائع التي ارتكبوها
خلال ال35 سنة الماضية؟ |
فكرة العدالة الإنتقالية أساسا طرحت في مواجهة الكيزان وكانو حينها في الحكم
عشان السودان يمشي لقدام كنا مستعدين لمسامحة الكل في إطار عدالة لا تظلم أحد
ولذلك السبب إنشأت لجنة تفكيك التمكين
لكن الكيزان وللؤمهم المقيم لم يرضوا بأي محاسبة عن ثلاثين سنة نهب وقتل وتعذيب وتشريد
وما كانوا مستعدين للتخلي عن قوتهم العسكرية المتمثلة في كوادرهم في الجيش وكتائب الظل والأجهزة الأمنية
لأنهم لا يضمنون الفوز في أي إنتخابات حرة نزيهة
العدالة الإنتقالية ستطال حتي الكيزان وصنائعهم من مليشيات الدعم السريع والبراء بن مالك وغيرهم
ما دايرين غبائن وإنتقام
دي حاجات ما بتنتهي بالهين وبتجرجر البلد لمستنقعات آسنة
| |
|
|
|
|
|
|
|
|
|
Re: نعم للسلام والجلوس للمفاوضات (Re: Nasr)
|
الأمير عبد الرحمن الداخل في رحلة هروبه من دمشق للأندلس بعد سقوط دولة بني أمية،
كان يقول لرفيقه بدر كلما سأله ما هي الخطة يا أمير؟
كان يقول له أن نظل على قيد الحياة
أنا خطتي أن نذهب للمفاوضات بكل التنازلات الممكنة لنظل على قيد الحياة
| |
|
|
|
|
|
|
| |
أبوبكر عباس
كمال عباس
Hassan Farah
Biraima M Adam
mohmmed said ahmed
Hafiz Bashir
هدى ميرغنى
حامد عبدالله
محمود الدقم
Hasheem Karouri
عبداللطيف حسن علي
خضر الطيب
Yasir Elsharif
Nasr
nazar hussien
محمد بدرالدين
فيس بوك
تويتر
انستقرام
يوتيوب
بنتيريست