عشان تعرف نفسك أنت تافه قدر شنو، أنظر إلي محمد خليفة، خال الغلابة يقول شنو عن بسيونى كامل؟!! .. وبعدين، محمد خليفة هو الشخص الوحيد الذي يثق فيه المستنير أبو بكر عباس
عاوز اسمع حاجة متوافقه مع وضعي الحالي و ربما وضع كثيرين من اعضاء هذا الموقع او المتابعين له و ما اكثرهم و اطلب من الاخ العزيز بكري ابو بكر ان يوافق على كل الطالبين للعضوية لانعاش هذا المنبر و لينتعش مرة اخرى
هي اغنية للفنان المتميز و جاري في حي الملازمين وقتها الرائع الاستاذ عثمان مصطفى ومن كلمات الشاعر اسحاق الحلنقي
و مشي امرك يا قدر كل احكامك مطاعة رغم الالم و رغم كل شئ احكام الله واقدره و اقدارنا كلها رهن ارادته نستمع
04-30-2024, 04:16 AM
خضر الطيب خضر الطيب
تاريخ التسجيل: 06-24-2004
مجموع المشاركات: 7483
💕حب الاديم💕 الفنان : صلاح بن البادية 💞الشاعر مبارك المغربي💞
🌹🌹🌹 ما عشقتك لي جمالك إنت أيه من الجمال أو هويتك لي خصالك أنت أسمى الناس خصال أو لي روحك لي جلالك إنت هالة من الجلال
الفؤاد دايماً بنادي في اغترابي وفي ابتعادي ليك لأنك من بلادي 🌹🌹🌹 شلت من النيل صباهو ومن جمال النيل بهاهو 🌹🌹🌹 من مناظر الثغر صفحة من رهيدي البردي لوحة من نخيل الباوقة طرحة من مريدي السمحة نفحة الطبيعة حنت عليك خلدت بصماتا فيك وليك غرد كل شادي 🌹🌹🌹 ما بصح وطريقنا باين يا شبابنا نقيف نعاين الأمل معقود علينا والعمل ظمئان إلينا بي سواعدنا ونضالنا في جنوبنا وشمالنا غيرنا من يحرث أرضنا يبني ويعمر بلدنا غيرنا مين يفني الأعادي ( الاعادي هنا بالتاكيد الجنجا و الكيزان) 🌹🌹🌹 نحن سافرنا وبعدنا ...و بعدنا ...و بعدنا ما عرفنا هواك بعدنا كل ما لاقتنا فتنة الفؤاد حن ولفتنا 🌹🌹🌹 وكل ما اتمناهو بسمة من ملاك أضناه حبو حلموا كان في الغربة نسمة من أريج بلدو البحبو جينا في لهفة مشاعر ليه تزحمنا الخواطر و نبني مجدك يا بلادي يا بلادي 🌹🌹🌹 اتمنى ان تكون بلادنا خالية من الجنجويد و الحركات المسلحة وكل الطفابيع و الجلافيط
05-01-2024, 02:29 AM
خضر الطيب خضر الطيب
تاريخ التسجيل: 06-24-2004
مجموع المشاركات: 7483
قوم نقضى الليل في ضفاف النيل ننشد الفسحه اطرد الأحلام يا جميل و اصحى شوف جمال الليل يا جميل واصحى واسمع البلبل ولهجته الفصحى مع الغصون ما خدات مع النسيم كسحه والطبيعة تميل توبها كاسى النيل من جمال لمحه غير كلامى معاك يا جميل لمحه وقوم معايا وميل قامتك السمحه كل شئ ميسور والظروف سامحه منظر النوار يغنى عن أنوار للظلام يمحى ديك شواطئ النيل بالسرور طافحه لابسه بدر التم وللنجوم لافحه شتلة الياسمين مايله بصفحه ميلها بشجيك من شذاها يجيك كل حين نفحه شوف وجوه الروض باسمه منطرحه وتضحك الأزهار ميته بالفرحه ليه شجرة الفل ياخى منشرحه الورود بالمر لونها ليه يحمر كأنه منجرحه ديك طيور منظوم رامية زى سبحه طايره كالآمال في الفضاء سابحه في حدانا قريب ظلالها جات شابحه ياخ ما فايتات أظنهن بايتات فى الرياض صابحه النسائم لو غاديه أو رايحه بى شذى الأزهار والعبير فايحه الفروع بتميل بالطرب مايحه والسواقى تئن بى نغمة الحن صوتها كالنايحه منظر البدر وبهجته الفاضحه تبدو ليك في النيل كالدرر واضحه الطيور تختال في الغصون صادحه السرور ميل وروقه يتخيل كفته الراجحه
من كلمات مصطفى بطران و الحان سرور وغناء ابراهيم خوجلي و محمود هارون صداح
05-03-2024, 02:51 AM
خضر الطيب خضر الطيب
تاريخ التسجيل: 06-24-2004
مجموع المشاركات: 7483
اريدك فتح الرابط ادناه، فهو مهم ويربط بتاريخ لم تعشه اثناء غيابك عن المنبر:
علم وقيد التنفيذ يا حبيب صاحبك عدولي البطة بصحى بعد شوية هسي الساعة عندهم اربعة صباحا بقوم بصلي الصبح اول مايقول السلام عليكم طبعا الاولى على اليمين التانية طوالي على الكمبيوتر 😁 يعني بجيك بجيك و بعدها عيييك
05-11-2024, 02:26 PM
خضر الطيب خضر الطيب
تاريخ التسجيل: 06-24-2004
مجموع المشاركات: 7483
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خضر الطيب
Biraima M Adam
osama elkhawad
فيس بوك
تويتر
انستقرام
يوتيوب
بنتيريست