# تَلْقَى فيها عُروقُ مَحبَّةٍ#

02:53 PM March, 12 2024

سودانيز اون لاين
دفع الله ود الأصيل-
مكتبتى
رابط مختصر

+هدهدة الروح و دغدغة النفس بما يروق لها حسياً او إيحاءً
من مشاعر الوُدِّ ربما تُشبة، للأسف في أحايينَ كثيرٍ، ولا أقول كلها، خدعةً/
Booby Traps، كنا نسميها " ود أب تشة" (اسألو عنها الكوامر اللي طهروهم
قبل يحفرو بحر أبيض). فكلماً علقتَ في حبائها و لم تعتبر كلما كررتْ نفسها .
+ نحن بشرٌ فلا بأس أن نضعف أمام لمسات حنانٍ في سخائها و براءتِها للوهلة
الأُولى، ولكن نخشى أن ترتدَّ عليناً لاحقاً سهاماً برأسين و حذارِ من بريق
أنياب اللَّيث ؛ و الحُبُّ المُتعجَّل (تيك أواي) غالباً ما يذهب جُفاءً و باكراً
من حيثُ أتى، فكلما أصاب قلباً خالياً كان كَمَثَلِ حجر مَسَنٍ عَلَيْهِ تُرَابٌ
فَأَصَابَهُ هبباي فَتَرَكَهُ صَلْدًا ، إذ لا وقت لديه لانتظار
و من الحكمة قطف ثماره عاجلاً.

والتائب من الذنب كمن لا ذنب له
ذاتَ ليلةِ ليلاءَ ماجنة.. دبَّ في أوصاله إحساسٌ قهريٌّ بأن ظلَّه يوشك يفارق عوده ،
ونفسه الأمارة بسوءٍ تتململ خارجةً من بين جوانحه ؛ شعر برغبةٍ ملحاحةٍ في غسل أدرنانه
مرةً وإلى الأبد ، حينما خشع قلبه ولهاً، ليُصلي واقفاً على نعشه في صباحاته العاثرة، يومَ اعتنق مذهبَ
التيهِ في عرسات جنونه الفاخرة.. فإذا بدنياه تحتوينه في ثوب قديسة فاجرة تدنو رويداً رويداً لتترع كأس
هنائي الفارغة لأغدو كراهبٍ فاسقٍ أثيمٍو لتسقطني في أتونٍ من غواياتٍ سافرة ،و تعمدنه في شبر ماءٍ من
بحور طيشٍ غابرةٍ. فحين يغسل عاره ، تنزع نعومةَ أظفارشه بصماتٌ دامغةٌ من نسيج جلد أحساسه المرهف
ليغوص في تهاليل فرحةٍ غامرةٍ .. تنهمر صباً في كؤوس صبابابته الثائرة.. و لم يبقَ له ذرّةٌ واحدةٌ لم تضاجع
في كل كرةٍ خاسرةٍ أكف ضراعته و تُثير رعشةً بلهاءَ في مخاضاته العاسرة..و لم تبق سُلامةٌ منه لم تنسكب
صبابةً في أضلعه العوجاء. و يسيل لعاب الأمنيات يمشّط ثقوب يقينه.. حينها تدارك بقاء وضوئه بين خيوط
شكٍ و يقينٍ ؛ ليتدثّر بنقاء طيفٍ، يفترش مصلاة طهرٍ عفيفٍ، ليقيم صلاة استسقاءٍ تغتال أجنحة اللهيب
المشتعل تحت دمنةٍ من رماد تشبعه بجناب رفيع. أحس بكائنة حين تلعق حبات العرق لامعةً كحَبِّ
الخرز ، مالحةً بطعم الوصال و يمسح بقايا من عنفوان قبلته الأخيرة قبيل سرمدٍ و نيفٍ ..
و هي تهم بحرق رفاته ألفَ مرةٍ كل ليلةٍ و تترمل علي حياته السافرة..
+تلك التي قرر هجرها بعد طول زمان يعمه فى غيه. و قبل أن تجب
الشمسُ إلى مغربها و يخلع الشفقُ ردائه الكستنائي دلف إلى جامعٍ عتيقٍ لعله يمسك
بخيوط إيمانه التي باتت أوهن من بيت عنكبوت، ذلك أنه كلما خشع داهمته الهواجس ، وتراءت
له الموبقات كما تتراءى النُّجَسماتُ الحُمر لأهل الأرض ..ظن إن الله لم وسوف لن يقبل توبته
فطأطأ هامة راسه حزيناً، كم يودُّ التقرب إلى الله زلفى..وظل يصلي الوقت ويصلي قبله ويصلي
بعده، حتى سكتت وساوسه و سكنت روحه الهائمة، واستعادت عيناه بريقهما الملائكي. ثم أشعلها
حرباً على مردة شياطين الإنس و عفاريت الجن و لا يزال يفعل !

هذا سحر العشق يا صديقي

سحر العشق
من يرى سحر محيّاك يَسْحَرُهُ

من يَهيمُ بحُبّك لا يَفْتَرُهُ

من يَذوقُ عَسَلَ ثغرِك يَسْكَرُهُ

من يَرى بَهْجَةَ خدّك يَسْتَحْسِرُهُ

من يَسْمَعُ لحنَ صوتِك يَسْحَرُهُ

من يَرى طيبَ أخلاقِك لا يَصْبِرُهُ

من يَرى رَقّةَ قلبِك يَسْتَسْلِمُ

من يَرى حُبّك يَسْتَسْهِلُ أصْعَبَ مُرّ

من يَراكِ يَرى الكونَ يَتَأَلّقُ

من يَراكِ يَرى الدُّنيا يَتَحَلّى

من يَراكِ يَرى الحُبّ يَتَجَلّى

من يَراكِ يَرى الحَياةَ يَتَحَلّى

من يَراكِ يَرى السّعادةَ تَتَجلّى

من يَراكِ يَرى النّورَ يَتَألّقُ

من يَراكِ يَرى الكونَ يَتَحَلّى

من يَراكِ يَرى الدُّنيا تَتَألّقُ

من يَراكِ يَرى الحُبّ يَتَجَلّى

من يَراكِ يَرى الحَياةَ تَتَألّقُ

من يَراكِ يَرى السّعادةَ تَتَجلّى

من يَراكِ يَرى النّورَ يَتَألّقُ

من يَراكِ يَرى الكونَ يَتَحَلّى

من يَراكِ يَرى الدُّنيا تَتَألّقُ

من يَراكِ يَرى الحُبّ يَتَجَلّى

من يَراكِ يَرى الحَياةَ تَتَألّقُ

من يَراكِ يَرى السّعادةَ تَتَجلّى

من يَراكِ يَرى النّورَ يَتَألّقُ

+ و هو سحر نساح يا صديقي، يا ما
في الحبس مواهيم ولكن شقيا لحل يقع في القيد بس.
+ شردتْ في نظراتِه تلسعُ جسدها ممشوق القوام..
كانتْ جافَّةً من دون لعابٍ أو بوارد شهوة فاطمأنتْ نفسُها لذلك ،
فانتصبت قبالته عاريةً مولاها كما خلقتها و كما ولدتها أمها حوريةً حُرةً ،
و دونما أية حشمةٍ ، و كأنما تُناجي جلمود صخرٍ حطه السيل من علٍ !!
.. كان جامداً كما الأنصاب و الأزلام ، و هي كالموقوذة و المتردية
و النطيحة و ما افترس السبعُ .. ثُمَّ قالت "هُيْتَ لك".
+ و مع ذلك وقف يتأملها بكل تحنانٍ و مراعاة لأحسيسها، ليس كأنثي
منسلخة من عفافها..كلا ، بل كواحدةٍ من بني البشر. و أما هي فلم ترعِ أي
اكتراثٍ لبروده ، و لكن راحت تذوب في دباديبه، ولم تقع فقط فريسة لاشتهائه ،
وإنما اجتاحتها نزوةٌ فى ملازمته دائماً مثل ظله ، تُرى لماذا؟! لأن الهِرَّ قد استفزها
بكبح جماحه عن لحمها الأبيض المتوسط ؛ ذلك أن أشد ما يُشعِل " نار الجوى" في
قلب أنثى أن تبذل نفسها هكذا لفحلٍ و تلقى منه صدوداً.فلم يتفرس في مفاتنها كدأب أيٍّ
بيضة وحجرٍ، بل جنح إلى السَّلْم بسلوك نحَّاتٍ راح يبدع فى صنعه مع "تحفة حَّا روح
آدم. تسمرت أمامه ، متأملاً بصنع الله في جسدها البِلَّوْريِّ فيعمل على محاكاته
فى إتقان فنه.. فجاءت العلاقة بينهما عُذريةً...كما بين دافنشي و جيوكاندا.
*** ود ال ح ي ش ان ال ت ل ا ت ة ***

أسير العشق ما شغله الصيام عن عشقه أيها الرجل الحكيم كيف العلاج ؟

أسير عشق
على شاطئ البحر، حيثُ الأمواجُ تَتَلاطَمُ
و نسماتُ الليلِ، في الأرواحِ تَتَسَرّبُ

جلستُ وحيدًا، أسيرَ عشقٍ هائمٍ
قلبُهُ مُحطّمٌ، و روحُهُ مُتَأَلّمُ

أُفكّرُ في حبيبتي، و عيونِها اللامعةِ
و شفتيها الورديةِ، و بسمتها الساحرةِ

أتذكّرُ لحظاتِنا الجميلةَ معًا
و ضحكاتِنا، و أحلامِنا، و آمالِنا

و لكنّ القدرَ فرقَنا، و أبعدَنا عن بعضِنا
و تركَني وحيدًا، أعاني من ألمِ الفراقِ

أُحِبّها بجنونٍ، و لا أستطيعُ نسيانَها
و سأظلُّ مخلصًا لها، إلى الأبدِ

و سأنتظرُها، حتى تعودَ إليّ
و نُكمِلُ حياتَنا معاً، في سعادةٍ و هناءٍ

و لكنّني أعلمُ أنّ هذا مستحيلٌ
فقد رحلتْ إلى الأبدِ، و تركَتْني وحيدًا

و سأظلُّ أسيرَ عشقِها، إلى الأبدِ
و سأحملُ ذكراها، في قلبي، إلى الأبدِ

و سأبكي عليها، كلّ يومٍ، و كلّ ليلةٍ
و سأظلُّ مُنتظراً لها، إلى أنْ أموتَ

جلستْ والشَّوْق بعينيها تسترق النظر من رقراق نافذتها و تُرهِف السمع إلى أن تناهى
إليه قرع نَعليه وهي تمشُط الأرضَ جيئية و ذهاباً بخطًى ضائعةٍ ( LES PAS PERDUS) ،،
تمامن تلك التي يبذلها الناس عبر قاعات الانتظار لقدوم حبيب تطاول ليلُ غيابه وأنهكت قِواه
وأثقلت كاهله عصا الترحال و وعثاء الأسفار عبر مرافئ الغربة. جاءه صدى كعبيها
العاليين على الأرض الخشبية القديمة فلكأن كلَّ خطوةٍ كانت تقفز مباشرتن
إلى نخاخ عصبه السابع لتنتظم دقات فلبه قائلةً له :"
إنما الحياةُ دقائقٌ وَثَوانٍ
فَاِرفَع لِنَفسِكَ بَعدَ مَوتِكَ ذِكرَها
فَالذِكرُ لِلإِنسانِ عُمرٌ ثاني
+ حين وقعت عينها عليه أحس كلاهما تمرة فؤاديهما قد انزلقت وتناثرت
مشاعرهما حتى راحا في غمرة عناقٍ معاً يتقاسمان الليلَ سرمداً.. يفترشان الأرض
و يلتحفان السماءَ، متعانقينكجمرتي بخورٍ في حضن مسرجةٍ تفوحان بالعنبر لدرجة لم
يُدركا أيُّ قلبيها ذاك ينبض بإكسير الحياة.. ذاب في غياهب شعرها الكستنائي الغجري
المجنون.. و كان الليل وردياً بلون ردائها الذي تقلص كما العرجون..يتمايلان برقصة
البجع على أنغامٍ أوتار قيثارة حزائنيةٍ لا يعياها، فقط يسمعان وشواشها مع وقع قدميهما،
كما يستبين بريحٍ عشرجٌ زجلُ، يهيمان كما المجرات عبر الكون و المارة حولهما
شُهُبٌ تهاوت كما الفُقَّاع من فرطما ثملوا.
+ ياخ لدرجة ألا يدرگانتماماً أيُّ قلبيهما ، ذاگ الذي ينبض بينهما بإكسير
الحياة. نظراتك على غموضها أجدها غاصةً بمقاصدَ بعيدة تكاد تفتت غبار النور
لتبدد الشحوب عن أسارير وجهي.. في زمن الجوائح .زمان عز فيهعلى الحرف أن
يستنطق الألسن لتبوح بما تنطوي عليه السرائر.. .. ففررت هاربة ، تعدو في برد
الشتاء كأرنب مذعور،وتركت الصلاة،ولم تعد تسمع أجراس الآحاد، إنه هو!

0أحلى مطب نواعم)
+ في مره كنت راجع من الكلية معاي حوبوكانتي طابق في
صفافي متل سلعة عرض خاس (SPECIAL OFFER)
وركبنا باص شماعة وهي ما قادرة تقيف و تتلولح مع مطبات بص
الشنقيطي ف عشان تقعد قمت قلت للناس القاعدين معليش ياجماعة
الخير مرتي دي حامل وعايزة تقعد، تحين ما فيكم أبو مروة يقوم ليها؟
ف سامع صوت حجة بتقول لي خليها تجي تقعد جنبي ي ولدي فقمت
عاينت للحجة عشان اشكرها لقيتها امها بي وشها الما بيغباني!!

# تَلْقَى فيها عُروقُ مَحبَّةٍ#اختيار العنوان ذاته فن وعبقريةولا يُنبِّئُكَ مثلُ خبير( الخبير هنا لست أنا)

**يعني الواحد يجي ماشي بالشارع ساهي ومشغول و عيونه معَمِّشة يقوم يشوف العنوان ده طوالي تووش بيدفر

الباب ويخش...

تسلم يا مبدع..

تلقى فيها الريدة فاردة جناحها
تشتاق للربيع
يا ربيع يا ربيع

يا سلام على زيدان .. ربنا يرحمه برحمته الواسعه.

ابوالدفاع يا حبيبنا.... ياخي ليك وحشة كبيره بالحيل .

وهي وحشة نصاح يا تربالي
طلاع نخل مركب مكنة بحراوي
+ أولن تجيب لي إذن من أستاذي و تاج راسي
دكتور ود الحسينلأني ما حصل فطيتو في تراتبية
الردود ، لكن يشهد الله وماك طالبني حليفة يا شيخي قلبي دا
"هو جبنك و مشتهيك يا عيون .. وكيف لما الفراق يحصل" و أكيد
حتصدقني لو قت ليك مما عيني وقعت على اسمك طفرت مني دمعة
واليوم دان جِمعة و اللمة مجتمعة. يا جنا إت وين الحي بيك شفقتنا
عليك ونسعل منك في التير التاير و لولا عشمنا في يوم نرجع
نلاقيك أمثالك متل هسي ، البورد دا زاتو ختينالو السودا
و اللودا. عمومن جيدن جيتا و تاني خسمتك بي الله لا
تطول النجعة .باقي عندي معاك حديث و
ونسات دقاقات كوتارات بلحيل.

مرحب حبيبنا ود اللصيل
وحدك بشاطي النيل
صدقني وصفك جميل
حقيقة مستمتع بكل كتاباتك
متعة غير عادية
ربنا يديك الصحة و العافية
يا من اسعدتني و متعتني
بهذه الكتابات الرائعة
انت تعلم انه لا فرق بين
حنتوب و بخت الرضا
انسال يا حبيب يعني كون كالسيل
محبتي التي مكنونة في قلبي لك
و لود اللمير صديقنا الشرير 😁
تعرف يا ود اللصيل
مش في مثل بقول تلد ذنوبك
رغم انو من خلال علاقتي الحقيقية بود اللمير
اشهد اني ما شفتا ليهو ذنوب
لكن جاب ليهو جنا و سماهو الامير
اها الامير دا جنا ذي الحصحاصة في الجزمة
لا تقدر تطلعا و لا تقدر تواصل بيها 😁
لكن الكويس انو متفوق في دراستو
و الحمد لله كل ابناء بدر الدين متفوقين
الله يحفظو لينا

تسلم يا ابوالدفاع والله ليك وحشة شديدة بالحيل .
تحياتي برضو ل محمد عبدالله الحسين ونستسمحوا في انك عملت ليهو Jump :)

العيون يا وداللصيل ...عمليات كتيرة ولله الحمد
باختصار شديد قضيت سنة 2023 ما بين القاهرة و الخليج في عمليات عيون ..بلغ عددها 14 عملية ولله الحمد
اخر عملية كانت قبل شهر تقريبآ....نشوف المقابلة الجايه... ان شاء الله ما نحتاج لي حاجة تانية.
دعواتكم معانا بالله.

ان الله هون. لنا عودة باذن الله.

Quote: باختصار شديد قضيت سنة 2023 ما بين القاهرة و الخليج في عمليات عيون ..بلغ عددها 14 عملية ولله الحمد اخر عملية كانت قبل شهر تقريبآ....نشوف المقابلة الجايه... ان شاء الله ما نحتاج لي حاجة تانية. دعواتكم معانا بالله. ان الله هون. لنا عودة باذن الله.

اخونا الشيخ سيد احمد
اسال الله لك عاجل الشفاء
و مرحبا بعودتك يا حبيب

Quote: تسلم يا مبدع.. ¨

أنت اللي تﺳﻠﻢ ﺑﻲ ﻋﻴﻮﻧﻚ ﻟﻮ ﻋﺰ ﺍﻟﻜﻼﻡ
ﻭ تﺳﺎﻝ ﻣﺮﺓ ﺭﻭﺣﻚ ﻣﻴﻦ ﻓﻴﻨﺎ ﺍﻟﻤـــــــﻼﻡ
ﺳـــــــــــــﻠﻢ .. . ﺳـــــــــــــﻠﻢ ﻳﺎ حبيبــو
******
ﻳﺎﻣﺎ ﻋﺸﺎﻥ ﻋﻴﻮﻧﻚ ﺷﻠﻨﺎﻫﺎ ﺍﻟﻤﺤﺒﺔ
ﻳﺎﻣﺎ ﺯﺭﻋﻨﺎ ﻓﻴﻬﺎ ﺍﻟﺸﻮﻕ ﺣﺒﺔ ﺣﺒﺔ
ﺗﻬﻨﺎ ﻭﺿﻌﻨﺎ ﻣﺮﺓ ﺷﻔﻨﺎ ﺍﻟﺪﻧﻴﺎ ﻏﺮﺑﺔ
ﻟﻴﻬﺎ ﺭﺟﻌﻨﺎ ﺗﺎﻧﻲ ﺳﻴﺒﻮ ﺟﻔﺎﻙ ﺣﺒﺔ
ﺳﻴﺒﻮ ... ﺳﻴﺒﻮ ﻳﺎ حبيبـــــــــــــو
*******
+ تعرف ي دكتور ، الفخ مفردةٌ ظلاميةٌ خفَّاشيةٌ دنيئة سبق
للنابغة الذبيانية أحلام مستغانمي أن لجأت مضطرةٌ لا بصلة ،
بطيبعة الحال ، لجأت غ لى حشرها كالوشرة بين سنان المِنشار مع
مفردة أخرى نقيضة هنيئةٍ نبيلة كالأنسام ربما مع ترك قرينةٍ مانعةٍ
لخذلان تلك لهذه ، كي لا تهبط بالمشاعر إلى هاوية الإحباط ويترتب هذا
الفعل فى حالة عدم نضج الغاية وا لغرض مع خشية انزلاق غضروفي بين
مفاصل الفكرة ، لأن العجلة في نزع الثمار نزعاً وهى نيئة مصيرة يحدث
ندباتٍ لا تندمل على جبين الغصن الرطب.. في لو قُطِفتْ وهى فاسقةٌ من قشرته
ا دانيةٌ من فرعها فلا بُدَّ و أنَّ الأخذ يتم بكل أريحية ٍ و يُسر كالسبيبة من العجين،
و لأن حاملات جِرار الغذاء تكون قد استنفدت غرضها فأنهت مأموريتها
وقفلت عائدةً أدراج الرَّياح وأوهنت أسباب التشبث بثمرة بات مصيرها
أنها زائلةٌ و زائلٌ نعيمها ولا محالةَ بين فكَي صيادٍ جائر.
+ لماذا نقع في حبائل حب ّفردٍ دون سواه . لماذا هو؟ لماذا نحن ؟
لماذا هنا ؟ لماذا الآن ؟ ولماذا نفترق في هذا الزمان ، في هذا المكان بالذات .
وحدهم الذين عادوا من " الحبّ الكبير " ناجين أو مدمّرين، و مسمرين في
مقاعدهم ليقصّوا علينا عجائبه، ويصفوا لنا سحره وأهواله، و لينبّهونا
إلى مخاطره ومصائبه، لوجه الله .. و لوجه الأدب.
التوقيع/ الأديبة أحلام مستغانمي
+ أيام مملة في غربة ومستقبل وطن مجهول
...لانمنا غطانا العشم..ولاصحينا عاجبنا الصباح
التوقيع/، مجنون سعاد / عمر الطيب الدَّوْش

Quote: عاينت للحجة عشان اشكرها لقيتها امها بي وشها الما بيغباني!!

😂😂😂😂
ياخ دا نحس غير عادي و غير متوقع حتى في اسوا الحالات
والله من الضحك دموعي سالت عشرة دقايق ما شايف الشاشة
رغم ضخامتا ابل ماكنتوش 70 سم في 50 سم

Quote: اخونا الشيخ سيد احمد اسال الله لك عاجل الشفاء و مرحبا بعودتك يا حبيب

يا هلا يا خضر
كتر خيرك ومشكور على الدعوات ربي يتقبل دعواتك

Quote: تسلم يا ابوالدفاع والله ليك وحشة شديدة بالحيل . تحياتي برضو ل محمد عبدالله الحسين ونستسمحوا في انك عملت ليهو Jump :) العيون يا وداللصيل ...عمليات كتيرة ولله الحمد باختصار شديد قضيت سنة 2023 ما بين القاهرة و الخليج في عمليات عيون ..بلغ عددها 14 عملية ولله الحمد اخر عملية كانت قبل شهر تقريبآ....نشوف المقابلة الجايه... ان شاء الله ما نحتاج لي حاجة تانية. دعواتكم معانا بالله. ان الله هون. لنا عودة باذن الله.

السموحة يا شيخي متل ما بقولو عندكم.
ألف ألف بعد ا لشر ، طهوراً و لا بأس عليك تصدق
+ عندي عادة ما عارف كيف ، لو سمعت أي شكيةمن
أي ألم من أي حببيب بريدو من جوة قلبي دا، طوالي ،
تمسكني ليك نفس الآلام ، يعني كأننا روح واحدة في
جسدين و لا جسد واحد تتداعى له سائر الأعضاء بالسهر
و الحمى. فمن يوم سمعت منك ألم شديد والليلة بالذات
يومي دا كلو معديه مع الدكاترة ،
+ ربي يواليك بألف عافية و ما نسمع عنك إلى كل خير
طمني عليك هسي إتا وين و عامل كيف عليك الله؟

Quote: السموحة يا شيخي متل ما بقولو عندكم. ألف ألف بعد ا لشر ، طهوراً و لا بأس عليك تصدق + عندي عادة ما عارف كيف ، لو سمعت أي شكيةمن أي ألم من أي حببيب بريدو من جوة قلبي دا، طوالي ، تمسكني ليك نفس الآلام ، يعني كأننا روح واحدة في جسدين و لا جسد واحد تتداعى له سائر الأعضاء بالسهر و الحمى. فمن يوم سمعت منك ألم شديد والليلة بالذات يومي دا كلو معديه مع الدكاترة ، + ربي يواليك بألف عافية و ما نسمع عنك إلى كل خير طمني عليك هسي إتا وين و عامل كيف عليك الله؟

تسلم يا وداالصيل
يا زول بعيد الشر عليك - نسال الله ان يواليك بالعافية

الحمد لله ماشي متحسن شوية شويه ذك الفضل من الله
آخر عملية كانت عملية حقن في العين وننتظر المقابلة بعون الله وان شاء الله ما نحتاج لي عملية تانية.
انت عارف يا وداللصيل المشكلة ان انا اتاخرت في العملية الاولى
يعني كانت البداية نزيف في الشبكية وتطور الامر لي تجلط في العين لأنو انا اخرت العملية- عشان كده
الموضوع طول شديد - الحمد لله كنا وين وبقينا وين.
تسلم يا حبيبنا

تسلم شيخي من كل ِّ أذى
وعشان نمرق من المعمشة دي, طالما الحديث أصلن بجيب
العريس ، خلينا نعمل جو رطب شوية و نتونس عن العيون
التي في طرفها حَوَرٌ .. قتلننا و لم يُحيينَ قتلانا.
الخنساء و هي تبكي تنوِّح أخاها صخراً قالت في ما قالت:
أَعَينَيَّ جودا وَلا تَجمُدا أَلا تَبكِيانِ لِصَخرِ النَدى
أَلا تَبكِيانِ الجَريءَ الجَميلَ أَلا تَبكِيانِ الفَتى السَيِّدا
طَويلَ النِجادِ رَفيعَ العِمادِ كثير الرماد إذا ما شتى
سادَ عَشيرَتَهُ أَمرَدا إِذا القَومُ مَدّوا بِأَيديهِمِ إِلى المَجدِ مَدَّ إِلَيهِ يَدا
فَنالَ الَّذي فَوقَ أَيديهِمِ مِنَ المَجدِ ثُمَّ مَضى مُصعِدا
يُكَلِّفُهُ القَومُ ما عالُهُم وَإِن كانَ أَصغَرَهُم مَولِدا
تَرى المَجدَ يَهوي إِلى بَيتِهِ يَرى أَفضَلَ الكَسبِ أَن يُحمَدا
وَإِن ذُكِرَ المَجدُ أَلفَيتَهُ تَأَزَّرَ بِالمَجدِ ثُمَّ اِرتَدى.
+ و قد أخِذ على الخنساء زلة تعبيرها بجمود العينين كناية عن جفافهام وعصيانهما
على ذرف الدموع،على أنه نوع من الضعف المعنوي ، الذي يُخلُّ بالبنية البلاغية البديعية
لبيت القصيد. على محمل أن الجمود أقرب إلى موات الروح و ذهاب ماء النظرمنه إلى جفاف الدمع.
بيدَ أن الخنساء أبدعت في وصفها صخراً بتصاويرَ غايةً في العمق بقولها: "طويل النجاد" والنجاد
معلاق غمد السيف كنايةً عن الشجاعة ، و قولها : "كثير الرماد إذا ما شتى" ، على أن كثرة الرماد
في فصل الشتاء (حيث شح الزاد و ضيق ذات اليد) دليلٌ آخرُ على حسن الوفادة و الرفادة ،
و على كثرة ما ينحرون و يطبخون ويهشمون الثريد لأضيافهم.

غزل وشعر العيون الجميلة في الشعر العربي،
وكيف تغنى شعراء العرب بالعيود السود و الزرقاء، العيون
الحوراء و العسلية، لم يبقَ إلا أن يلمس المرء العين كما هي على الورق،
وأن يبلغ مداها ويبحر في ألوانٍ حقيقيةٍ على الورق، إذ إن الشعر العربي
حمل أجمل تجليات العيون و ترجم كل تفاصيلها، وقرأ وَقْعها، لكن ليس
بلغة العلم بل بلغة المجاز والرمز و والغمز و المز و التصوير البديع!

+ فالعيون شكلت منذ القديم وحياً يلهم الشاعر عذب الصور، ويدخله
في معترك السحر والهيام، ومع تطور المجتمعات وتغير معطيات العصر.
لم يتخلَّ شعراء العصر الحديث عن رمزية العيون ووصف العيون الجميلة
ووقعها بكلمات وأبيات شعرية رائعة.لكن أكثرهم دخل في عوالمٍ أعمق من
الظاهر، فلم تعد العيون تُتَرجم فقط لحظاً أو رمشاً ولوناً، إنما أصبحت عالماً
يدل الشاعر على ذاته ووجوده، فيصور ما لا يراه الناس و يقرأ ما هو أعمق
من الظاهر.تَبْسِمُ عن واضح ذي أثر.... وتنظر من فاترس ذي حَوَر،
و مما يبدِّد لبَّ الحليمِ.... حسنُ القوامِ وفترُ النظر.

Quote: لا باس عليك يا شيخي شيخ ترابلتنا. و أنتا ما أصلاك حبيبنا والحنان الفي قلبونا برضو نابع من عيونك

+ أشهر صفات العيون التي تغنى بها الشعراء العرب
تنوعت أوصاف العيون في الشعر العربي، إذ لم يقف الأمر فقط على حالة
الشاعر أو طريقته في الوصف، إنما لكل عين نظراتها وأهدابها التي تختلف عن
الأخرى.فتنوعت أوصاف العيون في اللغة العربية وبدورها تنوعت في الشعر العربي.
جاء التنوع وفقاً للون العين واتساعها و ما تتركه من وقعٍ في النفوس، فالعيون السوداء تختلف
عن العيون الزرقاء أو الحوراء...الخ، ومن أشهر الصفات الجميلة للعيون والتي تغنى بها الشعراء:
+ الفتور، هو الذبول والانكسار في العيون، وغالباً ما يكون من أصل الخُلقة، وكثيراً ما وصف
الشعراء ذلك بالمرض والسقم:(ليس القصد المرض والسقم وإنما مقاربة للذبول في العين،
كأنها عين سقيمٍ، والقصد ما تظهره العين من غنجٍ في النظر).
من أشهر ما قاله الشعراء عن العيون الفاترة:
•وصف يزيد بن معاوية (وهو أحد الخلفاء الأمويين) جاريته
التي تملك عينين فاترتين سحرتاه بغنجهما، فقال:
على أني أجيب إذا دعتني ... ذوات الدلِّ والحدق المراض
(الحدق المرض، مجاز للعيون الذابلة والفاترة).
+ وصف الشاعر ابن الرومي فتور العيون بأنه ضربٌ من الغنج والدلال،
فقال: يسبي العقول بمقلةٍ مكحولةٍ ... بفتور غنجٍ لا فتور نعاس
• أحمد شوقي يلجأ إلى العيون الفاترة
لم يجد الشاعر المصري أحمد شوقي ما يشكو له تعب الشوق والحب،
إلا عيون المحبوبة ذاتها، فجعل العيون الذابلة الفاترة قصده وملجأه، فقال:
أداري العيون الفواتر ساجيا ... وأشكو لها كيد إنسانها ليا
(ساجياً من سجا أي سكن)

يا سلام يا وداللصيل
متعه ياخي.

+ ولو يا شيخي ، يلا تعال نديق فارغة
و تديننا مقدودة عن العيبون المكحلة طبيعي:
شعر العيون الكحلاء والساحرة
وهي العيون التي تبدو كأن المرود قد مسها بالكحل، بيد أن جفونها تبدو سوداء
من غير كحل، و يكون ذلك من أصل الخلقة ودون تكلف، وهو ما تغنى به الشعراء.
فالعيون الكحلاء فتنت عيون الناظرين، حتى احتلت مكانتها بين العيون الجميلة
فوصفها وتغنى بها الشعراء، ومن أجمل ما قاله الشعراء عن العيون الكحيلة:
• العيون الكحلاء تأتي على الطبيعة
+ يرى الشاعر المصري محمد بن سعيد البوصيري؛ أن جمال العيون الكحيلة هو
ما أتى على الطبيعة، دون أن يمسها الكحل، كما هو الحال في عيون الغزلان، فقال:
لا تحسبوا كحل الجفون بزينةٍ ... إن المها لم تكحل بالإثمد
(الإثمد هو المرود أو المكحل، الذي يستخدم في تكحيل العيون).
+ ويؤكد ذلك ما قاله الشاعر ابن هانئ الأندلسي، واصفاً أن سحر عيون محبوبته
وما يبدو فيها من كحل أبهر الناظرين، إنما هو من خلق الله ولم يمسه كحل، فقال:
حسبوا التّكحل في جفونك حليةً ... تالله ما بأكفهم كحلوك
• العيون الكحيلة أشد العيون فتكاً وسحراً
+ يصف الشاعر محمد بن أبي العباس الأبيوردي (من شعراء العصر العباسي)
العيون الكحيلة، بأنها أكثر العيون قدرة على أن تفتك وتفتن الناظر إليها، فقال:
رمتني بسهمٍ راشه الكحل بالردى ... وأقتل ألحاظ الملاح كحيلها

موضوع العيون دا موضوع رائع و عميق بعمق العيون
و لغة العيون و تفاصيل العيون وكيفية النظرات
نظرات مجحمة و نظرات مسبهلة و نظرات فيها غمزة
و اسبهلال .. العيون موضوع يطول ويطول
قال الشاعر ( بِفُتُورِ عينٍ ما بها رَمَدٌ
وبها تُداوَى الأعْيُنُ الرُّمْدُ)
امنت بالله
الاعين الرمد دي ذي عيوني و عيون اخونا ود سيد احمد
انحنا الشاشات يا ود الاصيل و الشيخ عيونا دمرتا الشاشات
حتى لو ما كانت الشاشات يبقى الشوف شوف
رغم وجود النضارات لكن بتحاشاها تماما
لانو في النهاية النظر ببقى في اضمحلال من نضارة
لنضارة قعر كباية لحدى ما الكباية ذاتا ما اشوفا 😁

و تبقى سيرتك هي الكلام و يبقى اسمك هو الغناء
واصل غناء و امتاع و ابداع يا اصيل العبارة

عظيم تحياتي

راجعنالك ي خدوري و تسامحمنا للتأخير
مشغوليات و أحزان ، أمبارح الأوباش هجمو علنا
في شرق مدني تقتيل من طرف ، الله المستعان.

يلا نضرب الهم بشر البليلة
😂😂😂😂
دي مواعظ حصة في التنمية البشرية !!
🤔✌🌹🍯
دكتور جامعي في علم الأحياء وضع أمام طالباته و طلابه النُّجَباء
قفص كبير بداخله ارنب ذكر..ووضع على شباك القفص جزرة وعلى
الشباك المقابل أرنب أنثى فأر حسناءَ!وقام بتحرير الأرنب الذي ركض
ليظفر بالجزرة,,أعاد الدكتور التجربة، بأن وضع حزمةً خضراءَ من
البقدونس ..ففعلها الأرنب ثانيةً، وركض ليخطف البقدونساية ..
ثم أعاد التجربة عدة مرات، مع تغيير نوع طُّعْم المصيدة
في كُلِّ مرةٍ ..و الأرنب في كل مرة، يركض ناحية الطعام ،
في ما هو غير آبهٍ بوجود أنثاه وهي تتحرق شوقاً لأحضانه ..
فقال الدكتور للطلاب: نستنتج من هذه التجربة،
أن شهية البطن أقوى من شهوة "الفرج" ..
فرفع أحد الطلاب يده قائلاً:
دكتور .. الرجاء إعادة التجربة ، مع أنثى ثانية
فقد تكون هذه الأنثى هي زوجته، كول يوم معانا يعني!!
فصاح به الأرنب الفحل بصوتٍ عالٍ
علي الحرام يا ابني .. إنت الوحيد
اللي ناقش "ما وراء الخبر"...
😜😂👇

‏تقول الراوية في أحد مطبات النــــــواعم :
راجلي بيراسل واحدة علي الماسنجر ، قمت حظرتها
من حسابه وعملت حساب باسمها وبقيت براسلو كل يوم
واتونس واتكلم معاه كل يوم بالساعات و اكتشفت إنه
طلع ما متزوج وبيفتش علي توأم روحه
‏+ قلت ليه : معقولة ولسه مالقيتها قال لي : لسه بس حسيت
بأني غرريب هنك و غريبة إنتي ومعايا في الحلم وفي ‏الواقع قلت له :
وانا كمان نفس الشعور والله راجلي يانااااس احبو زي ما انا عايزة
+ ‏مع مرور الوقت طلبت منو نعرس بس اعتذر وقالي ما حاقدر هسي ،
في اللحظة دي قمت صارحتو و قلت ليه : انا عارفة انك متزوج
وعندك بتين تؤام !!قال لي : عرفتي كيف ؟
+ ‏قلت له : انا ساحـ.رة وبعرف كل حاجه عنك حتي ‏اهلك ولو ما حولت
لي مبلغ 2 مليار جنيه حاعمل سحـ.ر ليك ولمرتك واخليها تنشل وقتي
وبعدها انت تنشل كمان ، قام قفل المكالمة طوالي ‏و لما رجع من الشغل
لقاني راقدة في السرير وقلت ليه الحقني ما قادره احرك رجليني ولا
قادرةأاقيف علي طولي انا شكلي اتشـ.ليت ‏بقى يكورك ويقول حسبي الله
ونعم الوكيل ويقرأ قرآن... ومن يوميها مسح الفيس والماسنجر وغير ارقامو
وباع التلفون الجالكسي وجاب ليه واحد ربيكة تعبان مكالمات بس
وبقي يمشي مدنقر علي الصراط المستقيم.. والعجين ما يشخبتو!!
+ لو غلتاناة بلاي وروني، راجلي ومن حقي احافظ عليه.
لا والله فعلن كيدكُنَّ ع ظسم (صدق الله العظلم)
رشيدة Rashida

إسراء حيدر
# دي البتولا حلاتا يا زولة #·
اقرو دا وخلو دا يا عزابــــــــــــــــــــــــــــــة
ياولد بتبكي مالك في شنوو
عضتني بتول يمة
- يعضعض لحما قليلة اللدب وليييييه عضتك في شنو؟؟
قالت بطنها فايرة مسكتني عضتني
- والله مابخليها الليلة
- يمة أ خليها هسي هي هايجة بتاكلك عديل كان سالتيها انا الا جريت منها
سجمي دي حالة شنو يا سيد أحمد بتك دي مالا سعرت بتعضعض!؟
- كلمتك يا مرة البت زهجت من قعاد البيت و دايرة بيت العدَل ياريت
تقعدي معاها وتساعديها في موضوع العرس دة عشان مانفقدا
- وينم هم العيال البعرسو، المغتربين السنة دي حرمونا منهم والهنا ديل اي واحد تسالو مالك
ماداير تعرس يقول ليك انا رافض المؤسسة من أساسو، يسوووس سنونك لمن يقعن رب رب رب
بعدين ياااخ هي مابتسمع كلامي قدر ما اقول ليها اتلحلحي كدة و حومي واظهري في المناسبات العامة
بدل معدياها لي فيس وواتس ونقة بالليل لا بتودي لا بتجيب وتسالها من فلان دة منو وحنكو شنو جيبيه
البيت يلاقي ابوك يذوق منها ويشبكها ليك حركات حمدوك ديك سنصمد وسننتصر وسنعبر
- بتول يا بتي انا امك ونفسي اشوفك في بيت عدلك واشيل وليداتكوانتي اكيد دايرة العرس يعني هدفنا واااحدصاااح؟؟
- اي صاح يمة
- دايرة منك طلب سلميني نفسك تلاتة شهور بس تسمعي فيها كلامي والبقولو ليك تسويهو بالحرف
وانا بوعدك والله والله شهر اطناشر يلقاك بتتوحمي وتكوسي في طين البحر
- صحي يمة؟؟
- يابت أنا ابوك دة من ماشفتو وعجبني لحدي ماعرسني ماتم 16يوم
- خلاص يمة انا من ايدك دي لي دي
اتفقنا
- اااااي متفقين يمة
+ تلاتة يوووم من الكلام دة ناس بتول قاعدين بتغدو برة في نص الحوش جن ستة قلابات
ترااب في كطعة الوراهم الوراهم شئ رملة وشئ خرصانة وشئ اسمنتي وسيخ وطوب
لمن شالو صينة الغدا دخلو بيها جوة من الغبار .. اسبوعين العمال شغالين بنياااان ليل نهار
وفي نصهم ولد وجيييه شغال توجيه في العمال وبتكلم مع المهندسين خطييييييييير خطيررر
نظارات وكاطع فيها نص وديك ياالتوسان المظلة تحلف تقول توم كروز
+ امها نادتها تعالي يابتول جري شوفي السماحة والراحة
- شايفة الولد السمح دة كان مامعرس دة اعتبريه ابو عيالك من هسي!!
- بتول شافت الجني واخدت ليها سرحة ووسعت احلامها لمن اغمي عليها
+ بعد اكلوها بصلتين عشان تفتح قالت ليها يا امي ماتبالغي يااااخ
- شوفي يابتول والله لو عجبك ومامعرس اعرسو ليك
- شنوو لو عجبني يمة انا إذا حسبت بي نمري نزلن لامن بقيت بفكر في بلة بتاع حمار اللبن
تقولي لي لو عجبك
+ سمح يابتول
+ شهرين و النبنيان تم وأ سياد البيت جو مرة وراجلها وولدهم السمح معاوية
+ الفترة دي بتول لابطلعوها من الاوضة لا بتشوف شمس لابترفع حاجة لابتخت الشغل كلو
خلوهو لا اخواتها الصغار يتحاومن في البت زي شفع الدرداقات و بتول حابسنها معسكر صيفي
بس ريلا مدريد قبال يلاقي البرسا في ديربي الليقا الإسباني ، حبسة عروس راسا عديل، زي ما
قالو الحاري و لا المتعشي، بس مديدة طالعة بسبوسة داخلة شئ لوشن و زيوت ومرطبات امها
دخلت ليهاستة صناديق كملتهن كلها فيها وحات الله بقت الريان الظاهر بس لبسوها العباية المو
خمج والطرحة لفوها لفة شعراية ماطالعة ومشو للجيران الجداد بقو يتونسو معاهم
+ ام معاوية قالت ليهم انا وولدي دة بس اخواتو اتنين في النمسا والنرويج وولدي دة مهندس في قطر
الضحاكات مطر ، جاء يستقر هنا كايسين ليهو بت الحلال الهدية ورضية هنا بتول تعاين لي امها وامها
تعاين ليها لمن عيونهم دمعو وقربو يبكو المهم ام معاوية عزمتهم الكرامة حقت البيت يوم الجمعة
قالت ليها بسسسس يا بتول دة اليوم الموووعود حاتتعبي يوووم واحد لكن حاترتاحي راحة يابتي راحة
الملوك باقي عمرك دة يوووم واحد بس تعب عديه خنق و يابتي وتاني الراحة جاتك
+ ويوم الجمعة من صلاة الصبح بتول صحوها
الشمش مافي ماشين دغش إل بي نور بطارية الربيكا قعدوها في الخداااار
ماخلت بصلة ماقطعتها ..الكمونية نضفتا خلاتا انضف من نيتها ظاطو
العصيدة عاستها 40 دبليبة ..العدة قالو يجيبو ليها بنات شغل
+ ام بتول حلفت قالت بتي قاعدة مافي بت بتشتغل بالقروش
ردمو ليها الحلل دي وقعدوها في بنبر تحلف تقول بتعزف درامز
+ ولمن جاء زمن الفطور الجكس النضيف جاء وبقو لامييين في معاوية
المزة وبتول في حللها تعاين ساي زي استاذة الروضة نفسيا انهارت بقت
منهزمة وقالت معقول يسب ديل كلهم ويعاين لي انا وكوركت لي امها
- يا امي انا خلااااص تعبت والود ماشغال بي وشوفي البنات يتونسو ويضاحكن
معاهو يقولن قرررررر ساااي وانا ولاسلم علي زاتو
- يابتي اسمعي كلامي وماتبقي زي الرماة في غزة احد لمن الرسول (ص) قال ليهم
ماتنزلو من الجبل ونزلو وانهزمو (الصوابر جوابر و إن يجن قُمَّاأأأأح)،
- هسي ركزي في عدتك دي وماتشتغلي بالباقي خليه عليَّ أنا أمك
- يا امي ضهري بقي يابس ويطقطق زي سرير العجوز
- قربنا يابتي والله شايفاك بي عيني بترقصي وصحباتك يباركو ليك اصبري اصبري الله يرضي عليك
رجعت لي عدتها بي كل نشاط وتتخيلي في نفسها بترقص رقيص العروس في نص الصالة لمن كسرت
ليها صحنين اليوم عدي علي خير.
+ تاني يوم ام معاوية نادت بتول وبقت تسالها انتي يابتي مرتبطة؟
- بري يا خالةن مافي زول عندو معاي غرد
- اها وضعك شنو في زول من اهلك دايرك ، يعني اهلك بدو الغرباء ولا الا من اهلك؟
- قالت ليها اهلي بدو المسكين وابني السبيل والعاملين عليها وفي الرقاب زاتو
- اهلنا ماعندهم راي الراي راي امي وابوي وأنا شرحو
- خلاص يابتي دحين دايراك لي معاوية ولدي دة ن فكري واديني
رايك عشان نتم العرس وترجعي معاهو قطر
- أها قال ليك بتول من بيت ناس معاوية لي بيتهم الا شالوها بي درداقة
و في النهاية انتصرت البتولا حلاتا يا زوووولاااااا
و قوالو برضو # البتغب بو أعلب بو#

Quote: ●من يعشق روح الأنثى .. لن يعشق إلا واحده فقط .. اما من يعشق وجه الانثى .. فلن تكفيه اناث الارض جميعآ ● الحنين : هو اشتياق .. لقطعة من روحك .. موجودة بمكان اخر . ● الغيرة : مرض جميل لا علاج له .

كلام مجرب يابو اللمير يتنقع بما الدهب بالمجمر ، حأنقلو بعد الإذن ، لصحفتنا ،
تلقي "فيها عروق محبة" محفوظ ليكم الكوبي رايت و كفانا حق السمسرة بس

Quote: ههههاى تمام

●من يعشق روح الأنثى.. لن يعشق إلا واحدةً فقط ..
.. كان الله في عون البكاي الداير يبلعا بشراك نعليها
متل عمك أبو صلاح و هو يناديها:
يا جوهر صدر المحافل
روحي معاك اتلطفيــــــلا
بالنور خدك لاح مقابــــل
للشعر الطال ليه سابـــــــــل
سهم لحاظك لي نابــــــل
لي كل شئ دون هجري قابـــــــــــــل
بنسب نوحي على البلابــــــــــــــــــل
وانتى القمرة بتنسبيـــــــــــــــــــــــــــلا
يا جوهر صدر المحافل
روحي معاك اتلطفيلا
الفرع البتنى راتــــــــــــــــــــــــــــل
طيرو ينـــــوح في غصونه حاتــــــل
بهوى نسيم لي فكرى شاتــــــــــــــــل
والأسد الفى القيد ينـــــــــــــــــــــــاتل
يتأكد ما ليهو قــــــــــــــــــــــــــــــاتل
غير مكحول ظبي النتيـــــــــــــــــــلا
ياجوهر صدر المحافل
روحي معاك اتلطفيلا
لى طيفك ما لقيت وســـــــــــــــــــــــــائل
غير بسط النسمات رســــــــــــــــــــــــائل
اغرب شئ وأعجب مســــــــــــــــــــــائل
حلم الصاحي ودمعه ســــــــــــــــــــــــايل
لو شكيت في امرى ســـــــــــــــــــــــتائل
البدرين كونك مثيــــــــــــــــــــــــــــــــلا
ياجوهر صدر المحافل
روحي معاك اتطلفيلا
زايد شوقي ودمعي هــــــــــــــــــــــــامل
جمر الحب لي جسمينــــــــــــــــــــــــــحل
حتى الطيف أبي لي يجـــــــــــــــــــــــــامل
مع كلا ما كنت آمــــــــــــــــــــــــــــــــــل
دمى تحنن بى الأنـــــــــــــــــــــــــــامل
وهل يرضيك كدا يا جميــــــــــــلة

ود الاصيل
ياريت تكون اقتنين من معرض الدوحة للكتاب
رواية صديقنا الحسن البكرى (عرق محبة) التى
صدرت مؤخرا عن دار مصورات وعندو رولية اخرى
اسمها سمر الفتنة مستلهمها من قصة عجوبة الخربت ثوبا
بالضافة لروايته الاخرى منها اهل البلاد الشاهقة واحول المحارب
القديم

و الله يا بدُر، خايف تبقى علينا البقت
في كتير من المعارض السابقة ، مشغولية براك
شفتنا لاهجسة لا قيلولة، ومرات سهر لبعد الهزيع
الأخيركان على أ قل تقدثر نقتني روية حبيبو ابو
الزوز و نلاقي كوكبة من أهل الثقافة لاكين يبدوما
لينا في الطيب نصيب و الماسكانا مي فاكانا.

قصه اغنيه
الأوصفوك للشاعر محمد بشير عتيق
جلست ثُلَّة من شعراء حقيقة الفن و الشوق بعينَيها
في احد مقاهي ام دُر لامن كانت أمان فاذا باحدهم كان
ينداحُ في وصف إحدى حسناوات حي المسالمة او حي العرب
و وصفها كما فعل أبو نواس بجارية هارون الرشيد بأنها ساحرة المنظر
مووبالغ فيه فما كان من الشاعر الكبير/ محمد بشير عتيق الا ان حفظ عنوان
منزل تلك الصيدة الموصوفة وذهب يتربص بها الدوائر إلى أمضي ثلاثين يوما كاملةً
في البحث و التحري حتى لحظها بخائنة عَيْنَيه تخرج كي ترمي كيساً به زبالة في نفاج
الفريقفلم يلبث أن يمتع نفسه فيها بالدهشة سوي لنصف سانحةٍ أو يكاد ، حتى داهمه قرين
شِعــــره بقوله : الأوصفوك بالبدر او بالزهر هم ما انصفوك يا جميل الاوصفوك وهكذا إ لخ .
+ فذهب بالقصيدة إلي الشاعر العبادي كي يجيزها له وكان العبادي يجيز القصيدة لهؤلاء
بختم مطبوع في خاتمه فيختم به القصيدة وذلك يعني انها مجازة ولكن عندما قرأها علي
العبادي رد العبادي قائلاُ : قصيدتك دي يا ود بشير دايرة ليها سمكرة ، فاصيب
لحظتها الشاعر محمد بشير عتيق بالاحباط ورمي بالقصيدة في دولابه .
+ كان ذلك في منتصف خمسينيات لاقرن المنصرم، وذات يوم جاءه الفنان الكبير /
خضر بشير وطلب منه أن يكتب له قصيدة لان انتاجه قل من فترة وليس له اي جديد
فرد عليه الشاعر محمد بشير عتيق وقال له والله ما عندي ليك حاجة دي الوقت . فشرب
الاستاذ خضر بشير الشاي و عند مغادرته قال له محمد بشير عتيق اصبر يا اخوي والله
اتذكرت عندي قصيدة زمان العبادي رفض اختمها لي وقال لي عاوزه سمكرة كدي شوفها
لو بتنفع معاك شيلها و عندما قراها الاستاذ خضر بشير طار بها فرحاً وقام بتلحينها
وتغني بها وكان ذلك في اواخر الستينات وكان ذلك اليوم ميلاد اغنية الاوصفوك .
والتي كتبها عمنا محمد بشير عتيق بامدرمان في العام 1940

الكلام الجاي دا من زول سفر Zool Travel · متابعة
والغريبة لانو منسوب للمرشال البطل مِنِّني و ليس منك ، اركي مناوي
الظاهرة ا لوحيدة الممكنن تنانفس ، أو بالاحرى تخلف "الهالك سبانا "
في إطلاق الحِكَم والنصايح علىعواهنها متل (فسوة مدنقر)
المتزوجات والمقبلات علي الزواج دي نصائح ذهبية ليكم تعلقنها حلقة في أؤ حتة:
- الراجل ما بسالو تاكل شنو!؟ لانو بياكل اي شئ ماعدا الجمكسين وسم الفار.
- ما تساليهو ماشي وين ولا جاي من وين.
- مافي راجل بفرق بين العطور او الوان المنكير ولا حتي
ألوان تيابك فما تزعلي المسألة ما شخصيه معاك دي حالة عامة.
- باجماعة الخيرفقهانا، ما بحب السوق، وممكن يتحمل مشقة سفر
مشي من الخرطوم لنيالا ولا يمشي السوق، فما تحكو لينا الحتة دي شديد!
- مستعد يلحس مكوة حارة وما يشرح ليك حاصل شنو في مبارة كرة قدم.
- ما تعتمدي عليه يصحي بالمنبة طوالي، لانو ٩٩% من الرجال بنومو علي امل انهم ما يصحو.
- لما يكون نايم بالنهار ما تحاولي تصحيه الا اذا في شئ خطير حاصل
زي اقتراب نيزك من الأرض او غزو للمخلوقات الفضائية.
- اغلب الرجال بكونون صُمَّاً بُكماً عُمياً في البيت و ما حيسمعك وانتبتربقي
ةتلغلغي لكن بحرك راسو ساي بس لزوم هو معاك(ماخدك على قدر عقلك)
- البساعد في اعمال البيت دة كائن معدل وراثياً حافظي علية.
- يوم العطلات الرسمية وغير الرسمية ممكن تعتبرية يوم
لاكتشاف الذات داخل جدران المنزل فما تقول ليه ارح نطلع.
- لما يكون مكبرا برا البيت مع اصحابو مافي داعي للتلفونات الكتيرة
لأنو دة سبب أساسي ودافع قوي لانو يبدا يكضب عليك وعلى ابو أهلك.
-مافي راجل بقول لمرتو انت حلوة الا اذا عامل مصيبة خلي بالك
-ما تحاولي تحركي غيرتو باولاد اهلك الكانو عاوزنك لانو في اللحظة دي
هو بكون بفكر هل ممكن اولاد اهلك يشيلوك اسي ويعوضوه بتلفون سامسونج.
- بتابع نشرات الطقس ما عشان الطقس اقسم بالله لكن بعاين لتنورة المذيعة.
- الراجل البهاتي بانو داير يعرس فيك ما بعرس، الله يكفيك شر الكتامي داك.
-مافي راجل ما بعاين دي حالة طبيعية حتي ضكر البط بعاين.
- اغلب الرجال خاشين صناديق وصرفات بدون ما انتي تعرفي
- اكتر كلمة بكرها الراجل "ارح وصلنا".
- غالبا ما حيهتم بمشاكل صحباتك وبنات اهلك فما تضيعي زمنك في الحاجة دي.
والحياة دي عندو اكل ومرعي فاستحمليهو لحدي ربنا ياخد امانتو
#فل_مرشال_مناوي
#مورال_فوق_ياخ
#مشتركة_فوق

🌷حكمة و الله و حكاية من أدبيات الحروب🌷
+كان هناك رجل من البادية متزوج من امرأة ليست من قبيلته , بل كان من قبيله
أخرى مجاورة لقبيلتهومرت عليه فترة هو وزوجته يعيشان بأحسن حال ، وقد اختلفت
القبيلتان وحصل بينهما نزاع وكان زوجها طرفاً فيه ، وكان اخوتها من الجهة المقابلة
أطرافاً بهذا النزاع واشتدت الأزمة بين طرفي النزاع مما حدا بإخوان الزوجة أن يأخذوها
ليلاً من بيت زوجها نكالاً له وهي لم تكن راضية بفراقها لزوجها وكذلك زوجها الذي كان يحبها
حباً كبيراً أيضاً ومرت فترة طويلة بعض الشيء على فراق الزوجين والكل منهم كان يريد الآخر
ولكن النزاع الحاصل حال بينهماضاقت الأرض بالزوج , فهو يريد زوجته ولا سبيل لوصوله
إليها , ففكر بطريقة ، أن أرسل إليها إحدى عجائز القبيلة تبلغها برغبته بلقائها ، ورسم لها
خطه للقاء ، وبالفعل ذهبت العجوز للزوجة وأبلغتها بذلك فرحبت الزوجة بالفكرة
+ ولما كانت الليلة الموعودة حيث كان الوعد بينهما بعد غياب القمر جاء الزوج للمكان
المتفق عليه وكمن بحيث لا يراه أحد ، ثم أخذ بالعواء كعواء الذيب ثلاث مرات متتابعة ،
عرفته الزوجة حيث كانت تعلم بالخطة سلفاً وذهبت إليه وجلسا بعد طول الفراق يشكو
كل منهما حاله للآخر بعد الفراقحتى إذا ما جاء الفجر افترقا وعاد كل منهما لقبيلته ،
ومضى على هذا اللقاء فترة أشهر .
+ ويشاء الله سبحانه أن تحمل المرأة من زوجها كنتيجة لذلك اللقاء ، وي ربو أحشاؤها
فيراه أخوها ويهددها بالقتل فمن أين لها بهذا الحمل وقد فارقت زوجها منذ فترة طويلة ولم
تكن حاملاً ؟ عندما أخذوها من عند زوجها فأخبرت شقيقها بحقيقة ما حصل بينهما وبين زوجها
ووصفت له المكان وأعلمته بكل ما جرى فقال الأخ سأذهب أنا لزوجك وأتأكد من حقيقة ما حصل
فإن لم يكن صحيحاً فليس لك عندي غير السيفولم تكن القبيلتان على وفاق فكيف يذهب ،
فكر الأخ واهتدى إلى طريقة ، فلما جن الليل تنكروذهب إلى قبيلة زوج أخته ودخل
مجلسه وجلس ولم يعرفه أحدولما سكت المجلس تناول الربابة وأخذ يغني عليها
يا ذيـب يللـي تالـي الليـل جريت
. . . . . . . . . . . . . ثلاث عوياتـن قويات وصـلاب
سايلـك بالله عقبـها ويـش سويـت
. . . . . . . . . . . . . يوم الثـريا راوسـت والقمـر غـاب
وغنى هذه الأبيات على الربابة ثم توقف ووضع الربابة مكانها وعاد إلى مكانه
فعرف الزوج أن هذا أخو زوجته وفهم أن زوجته حامل كعادة البدوي سرعة
اللمح وشدة الذكاء فتقدم وتناول الربابة وأجاب :
أنا أشهـد إني عقـب جوعي تعشيـت
. . . . . . . . . . . . . وأخـذت شاة الذيب من بين الاطنـاب
على النقـا وإلا الـردى ما تهقويـت
. . . . . . . . . . . . . ردوا حلالـي يـا عريبيـن الأنسـاب
فلما فرغ الزوج من أبياته فهم الأخ أن أخته كانت روايتها صحيحة
وانسحب بدون كلام . . . وفي الصباح أعادوا له زوجته.
🌷 صل علي سيد الخلق سيدنا محمد🌷

من كتاب الخبر المنقوش في ترويض الافاعي و الوحوش ..
#أربع زوجات لرجل مشتكيات على بعض في المحكمة#
قال القاضي : أكبر وحدة فيكم تتكلم .
وساد الصمت !!
وعم السلام.
وانتشر الأمان في ربوع الوطن
وإلى هذه اللحظة ملف القضية مغلق 😂😂😂
_____
وقع رجل في جزيرة كلها نساء .. فقررن إعدامه ..
و قبل الإعدام سألوه عن طلبه الأخير ..
فقال أريد أن تعدمني أقبح إمرأة في الجزيرة .. !!!!
طبعا لحد الآن عايش و فتح محل وأحواله عال العال .. 😂😂
القصتين من كتاب " كن حكيم مع الحريم
😂😂😂😂😂😂😂😂
أراد صالح أن يسافر بدون زوجته
فأرسلت له زوجته :
ﺳﺄﻗﺘﻠﻚ إن سافرت !!!
فرد عليها برسالة:
"الميت ﻻ‌ ﻳﻤﻮﺕ اﻻ‌ ﻣﺮﺓ ﻭﺍﺣﺪﺓ ،،
ﻓﻜﻴﻒ تقتلين من ﻣﺎﺕ فيك عشقا" !
لها أسبوعين تفتح الرسالة
وتقرأها وتبتسم خجلاً !
🙈 و صالح يتجول بين الدول فرحا
....................
😂😂😂😂😂😂
‏شايب سألوه: ما شاء الله عليك يا عم
عمرك ٨٠ سنة ، لكنك ما زلت تنادي زوجتك: ياعمري ، ياحياتي ، ياحبي !!!!
علمنا ماهو السر ؟
قال: ناسي إسمها وخايف أسألها.