وطن لانحميه لانستحق العيش فيه

03:22 AM December, 30 2023

سودانيز اون لاين
Hasheem Karouri-امدرمان
مكتبتى
رابط مختصر

سنة ٢٤ . حتكون غير انشاء الله

كلام واشاعات وخيانات وكضب وخيابه وبطالة رجال ، ونفاق ، ورشاوي ومصالح شخصية ، ومجاملات عشان خاطر فلان . خلي فلان ، وعشان ده عندو كم عسكري وكم تاتشر ، خلي يكون وزير ، وعشان عمو وزير ، ساعدوا في اجرأات في المرور ، في الجوازات ،اديه قطعه ارض . ده ماالسودان الدايرنه.
٢٤ دايرين سودان عديل ، ولا مايكون في .

٢٤ باقي ليها سويعات . نكون او لا نكون

جاء حميدتي ، ماجاء ، جاء برهان ماجاء ، القحاطة ، الكيزان ، الشيطان ،الدعامة ،الحركات المسلحة ،الجن الازرق، مجلس سياده ، ولا مجلس قياده ، ، الامم المتحدة ، تشاد ، مصر ، اللمارت، الحبش، الشيطان الرجيم ، المفاوضات ، الماهري ،ايغاد وماايغاد . كل الكلام الفارغ ده مادايرنه.

سلاحنا في يدنا ، وقرارنا في يدنا .

ومحل رهيفه تنقد .

برانا بنحمي ونعمل بلدنا

#وطن لانحميه لانستحق العيش فيه

Quote: وطن لانحميه لانستحق العيش فيه

وطن نال "إستغلاله" من 1956 ماقادرة تحميه قواته المسلحة وبعين قوية عايزين المواطنين يحموه ليكم عشان ترجعوا تحكموهم اقصد تألموهم!!
عملتوا شنو سمح للمواطنين، الله يكرمك" مراحيض" ماعملتهوها ليهم ناهيك من باقى الكماليات من مأكل ومشر، مواصلاتهم بحمير الكوارلو والدرداقات وباقى البنيات التحتية حدث ولاحرج!

Quote: سنة ٢٤ . حتكون غير انشاء الله

نعم، وبإذن الله حتكون خالية من عصابة الحركة الإسلامية وحييسلم من شرورهم الوطن والمواطنين!

السودان ما محتاج لي سنة جديدة
محتاج سنة مستعملة
سكند او ثيرد هاند
و يا ريت كمان تكون سنة 1957

Quote: نعم، وبإذن الله حتكون خالية من عصابة الحركة الإسلامية وحييسلم من شرورهم الوطن والمواطنين!

ومن الجنجويد والحركات المسلحة ، قرفوا عيشت الشعب السوداني كلو الله يقرفهم

Quote: وطن نال "إستغلاله" من 1956 ماقادرة تحميه قواته المسلحة وبعين قوية عايزين المواطنين يحموه ليكم عشان ترجعوا تحكموهم اقصد تألموهم!! عملتوا شنو سمح للمواطنين، الله يكرمك" مراحيض" ماعملتهوها ليهم ناهيك من باقى الكماليات من مأكل ومشر، مواصلاتهم بحمير الكوارلو والدرداقات وباقى البنيات التحتية حدث ولاحرج!

محمد ادم . كل عام وانت بخير . واتمني ليك سنه جميلة ، افضل من القبلها ، ويوفقك في حياتك .


طبعا ده ماكسير تلج لكن الواقع يحتم ان اخاطبك كانسان مثلك مثلي ، مثل غيرنا ، عادة في مثل كهذا مناسبه يتبادلوا التهاني والامنيات .( رغم اني اعلم سلفا مفهومك من هذه الناحية ) .
عموما يااخ محمد ادم ، نرجع لموضوعنا :
اولا : كتبت في بداية مداخلتك " استغلاله " . كهذا ، وطبعا ايضا اعلم انه ليس خطأ كتابي او مطبعي . فانت تقصد الاستغلال . بمعني استغلوك وشالوا حقك . صاح ؟
طيب انت منو وانا منو ؟
نحن مواطنين سودانين يجمعنا رابط اسمه السودان .مهما فعل الانسان ، وحصل علي جنسيات دولة اخري ، لن يستطيع نكران جنسيته . يعني كده انت سوداني ، وانا سوداني . لو غرابي ، ولا حلفاوي ، ولا ادروب ،ولا من امدرمان ، ولا من الفاشر ، ولا من جبل مره ،ولا ولا . المهم بجمعنا رابط . تمام .
يلا الظلم البتقول عليه انت وبعض الاخوة هنا ، واقع علي انا برضو . وواقع علي غيري . حتي الذين يحملون كلاش ويقاتلوا . هم ايضا مظلومين . فالغلط مش غلطنا . دي انظمة جات غصبا عني وعنك، ونحن المسحوقين . عندك حل يلا قولوا . اي زول يجي يكون في منصب من يدير هذا البلد . بكون همه مصلحتوا هو والاقربين ! جاء العسكري ، مانفع ، جاءت الاحزاب برضو مانفع ، جوا اساتذة ومتعلمين ، ولهم خبرات كبيرة وافكار متطورة ، برضو مانفع . طيب المشكلة وين ؟ المشكلة فينا نحن ديل يازعيم .
ملاحظ انتا دائما تخاطبني بقصه كوز وماكوز دي " ياخ انا صلاة مابصلي " اها تاني شنو !
انا في البورد ده قلت اكتر من مرة انا ماعندي اي توجه لي ديل ولا ديل . ولانو انا بكتب هنا وبدافع عن الجيش والوطن ؟
يعني اي زول ينادي باصلاح بلدو كوز ؟ او فلولي؟ ياخ انا قاعد وسط الدانات وال
رصاص الطائش ، وبعاني من الكهرباء والموية ، وشبكات الاتصال ، وعيني طالعه قبل الحرب اصلا الواحد كان قلبوا واقف ، وجات الحرب تمت الناقصه. فقصة كوز وفلول دي ماصاح ، مع العلم في الايام الجاية ممكن الواحد يشيل سلاح عشان يدافع عن نفسو او يموت . الناس دي كلها ماشه . بس لما القصه تبقي في " تولا " . ما اظن في زول حيقيف . كان يقولوا كوز ولا جك . !
......
اتمني ان تكون السنه الجديدة سنه خير وبركة . مع اني بشك في ذلك ، والسودلنين الراسهم قوي ديل يتفقوا ويشوفوا مصلحة بلدهم وين ، رغم المغريات المقدمة للبعض ، ومشكلتنا المزمنة الماممكن نتخلي عنها ابدا كسودانين ، وودتنا ورجعتنا مليون سنه ، ولسه مصرين عليها ( ركبان الراس ) . الواحد يركب راسوا وماعندو استعداد يسمع اي رأي تاني ، وكلاموا هو الصاح والمفروض الناس تمشي بيه .
عشان الامور تكون واضحه يا ابوحميد ، السودان ماشي لحته انه يكون او لايكون . ونشوف ٢٤ دي فيها شنو ( ده لو لسه في باقي عمر ، خاصه انوو الوحد شغال بالبنزين الفي الفلتر )

Quote: السودان ما محتاج لي سنة جديدة محتاج سنة مستعملة سكند او ثيرد هاند و يا ريت كمان تكون سنة 1957

الاخ . جلادونا . اتمني لك عام قادم سعيد خالي من الهموم والقلق ، ويوفقك في حياتك .
تعرف ياجلال في كتير من الناس بتقول اننا غلطنا في الاستقلال المبكر ! وانا منهم .
طبعا الزمن لايرجع للوراء . ( لكن المفترض ان نكون مستعمرين حتي التسعينات ) !

لو كان حدث هذا لكنا اليوم في مصاف الدول التي يشار اليها بالبنان ( لكن الجينات شغاله من الوقت داك ) شالتهم الهاشمية وطلعوا الانجليز . ودفعنا الثمن نحن الان .

في ردي علي الاخ . محمد ادم ، ذكرت له ان العيب فينا نحن !
لسه ياجلال نحنا محتاجين حاجات كتيرة عشان نكون زي الناس .
وده داير شغل كتير وزمن .
نشر الوعي هو اهم شي . الانسان السوداني له حقوق وواجبات . لازم كل زول يعرف يعني شنو حرية وديمقراطية ، اول ماسمعوا بدؤا ممارستها من نصفها ، وكانت كلها غلط في غلط . ودي برضو من الحاجات الضارنا شديد . ( مابنمشي علي مراحل ) !
يعني الواحد فجاة كده عاوز يكون عندو الكون كلو !!
والمشاعر دي كلها لانو في فوارق اجتماعية كبيرة . المجتمع السوداني نفسه مضطرب ، وفي حالة سباق دائم مع الزمن للاحسن مهما كانت التحديات والممارسات !
اضف لهذا كله ( الوطنية ) . كلنا كضابين !
ماعندنا الاحساس بالانتماء لبلد واحدة ، كل اعمالنا ووظائفنا وحياتنا كلها تصب في مايخصنا فقط .
سيرة البلد او الوطن بتجي صدفه او من ضمن الونسه ، وكل واحد يقول ( ماعلينا طالما انا واحبابي بعيدين . في ستين ) . ليس الجميع بالطبع . بل الاغلبية العظمي هكذا .
عشان الزمن وكده ، وكل الكلام ده كل الناس عارفها كل حسب موقعه وواقعه .







اتمني ليك سنه قادمه خاليه من الحزن ،،،

Quote: محمد ادم . كل عام وانت بخير . واتمني ليك سنه جميلة ، افضل من القبلها ، ويوفقك في حياتك . طبعا ده ماكسير تلج لكن الواقع يحتم ان اخاطبك كانسان مثلك مثلي ، مثل غيرنا ، عادة في مثل كهذا مناسبه يتبادلوا التهاني والامنيات .( رغم اني اعلم سلفا مفهومك من هذه الناحية ) . عموما يااخ محمد ادم ، نرجع لموضوعنا : اولا : كتبت في بداية مداخلتك " استغلاله " . كهذا ، وطبعا ايضا اعلم انه ليس خطأ كتابي او مطبعي . فانت تقصد الاستغلال . بمعني استغلوك وشالوا حقك . صاح ؟ طيب انت منو وانا منو ؟ نحن مواطنين سودانين يجمعنا رابط اسمه السودان .مهما فعل الانسان ، وحصل علي جنسيات دولة اخري ، لن يستطيع نكران جنسيته . يعني كده انت سوداني ، وانا سوداني . لو غرابي ، ولا حلفاوي ، ولا ادروب ،ولا من امدرمان ، ولا من الفاشر ، ولا من جبل مره ،ولا ولا . المهم بجمعنا رابط . تمام . يلا الظلم البتقول عليه انت وبعض الاخوة هنا ، واقع علي انا برضو . وواقع علي غيري . حتي الذين يحملون كلاش ويقاتلوا . هم ايضا مظلومين . فالغلط مش غلطنا . دي انظمة جات غصبا عني وعنك، ونحن المسحوقين . عندك حل يلا قولوا . اي زول يجي يكون في منصب من يدير هذا البلد . بكون همه مصلحتوا هو والاقربين ! جاء العسكري ، مانفع ، جاءت الاحزاب برضو مانفع ، جوا اساتذة ومتعلمين ، ولهم خبرات كبيرة وافكار متطورة ، برضو مانفع . طيب المشكلة وين ؟ المشكلة فينا نحن ديل يازعيم . ملاحظ انتا دائما تخاطبني بقصه كوز وماكوز دي " ياخ انا صلاة مابصلي " اها تاني شنو ! انا في البورد ده قلت اكتر من مرة انا ماعندي اي توجه لي ديل ولا ديل . ولانو انا بكتب هنا وبدافع عن الجيش والوطن ؟ يعني اي زول ينادي باصلاح بلدو كوز ؟ او فلولي؟ ياخ انا قاعد وسط الدانات وال رصاص الطائش ، وبعاني من الكهرباء والموية ، وشبكات الاتصال ، وعيني طالعه قبل الحرب اصلا الواحد كان قلبوا واقف ، وجات الحرب تمت الناقصه. فقصة كوز وفلول دي ماصاح ، مع العلم في الايام الجاية ممكن الواحد يشيل سلاح عشان يدافع عن نفسو او يموت . الناس دي كلها ماشه . بس لما القصه تبقي في " تولا " . ما اظن في زول حيقيف . كان يقولوا كوز ولا جك . ! ...... اتمني ان تكون السنه الجديدة سنه خير وبركة . مع اني بشك في ذلك ، والسودلنين الراسهم قوي ديل يتفقوا ويشوفوا مصلحة بلدهم وين ، رغم المغريات المقدمة للبعض ، ومشكلتنا المزمنة الماممكن نتخلي عنها ابدا كسودانين ، وودتنا ورجعتنا مليون سنه ، ولسه مصرين عليها ( ركبان الراس ) . الواحد يركب راسوا وماعندو استعداد يسمع اي رأي تاني ، وكلاموا هو الصاح والمفروض الناس تمشي بيه . عشان الامور تكون واضحه يا ابوحميد ، السودان ماشي لحته انه يكون او لايكون . ونشوف ٢٤ دي فيها شنو ( ده لو لسه في باقي عمر ، خاصه انوو الوحد شغال بالبنزين الفي الفلتر )

يا أخ هاشم كارورى ما ح أرد على كلامك الكلو مواجع ديا... فقط أقول ليك... كل عام انت والوطن بخير.. نسأل الله ان يألف بين قلوبنا جيش، دعم سريع ومواطنين. .

يااخى إنتو احسن منا ومن كل واحد مرتاح بيكتب من خارج السودان.... فعلا، الجمرة بتحرق الواطيها.. والله حسيت بمعاناتك وبعمق شديد من خلال المداخلة اعلاها ...

نعمل شنو بس ..!!
سودانا مسحور يا اخ هاشم..

ربنا يسامح من كان السبب فى إشعال هذة الحرب اللعينة..

Quote: ومن الجنجويد والحركات المسلحة ، قرفوا عيشت الشعب السوداني كلو الله يقرفهم

الاخ . ترهاقا . اتمني لك سنه طيبة مباركة ، نتفأأل فيها بنصر كبير علي كل المعتدين الطامعين في هذه الارض وترابها ، ونيلها .

هكذا هي الحياة لاتستقر علي حال واحد .
هذه الحرب كان حدوثها حتمي ، توفرت لها كل الظروف لقيامها . وبمن ؟؟
بأيدي ابنأءها !
كل شئ بعدي ياصديقي ، والذي نمر به حاليا ، حدث باشكال مختلفه في دول كتيرة ، حتي في بلادنا .
هي ازمة وحتمر ، وطبعا فيها خسائر كتيرة ، لكن هذه هي سنه الحياة . المهم لازم نستفيد ( او بالاحري الاجيال القادمة ) . ويشوفوا ويقرروا مصير بلدهم ( نحنا من جانبنا بنسلمها ليهم نضيفه من المرتزقة والطامعين ) .
التاريخ يسجل والتركيز دائما يكون علي الذين قدموا حياتهم فدأ لبلدهم ، كذلك يسجل الخونه ، قصيري النظر ، الذين وضعوا انفسهم في كفه ، والبلد والناس في كفه تانية . هولاء التاريخ لن يرحمهم ، وسيكونوا عبره يتندرون بها ، ومصيرهم معروف ، فالمزبله في انتظارهم ، فقد سبقهم اليها الكثيرين غيرهم .


السودان بلد عظيم وله تراث ومورثات . وسيرجع رغم كيد الكايدين .

تعتبر هذه القصيدة من أعظم القصائد للشاعر إيليا ابوماضي
____________^__________^



اذا القى الزمان عليك شراً
وصار العيش في دنياك مرا
فلا تجزع لحالك بل تذكر
كم أمضيت في الخيرات عمرا
وإن ضاقت عليك الأرض يوماً
وبت تئن من دنياك قهراً
فرب الكون ما أبكاك إلا
لتعلم أن بعد العسر يسرا
وإن جار الزمان عليك فاصبر
وسل مولاك توفيقا وأجرا
لعل الله أن يجزيك خيرا
ويملأ قلبك المكسور صبرا
وإن شن البغاة عليك حرباً
وأجروا من دم الأحرار نهرا
فلا تحزن فربك ذو انتقامٍ
سيصنع من دم الابطال نصرا
وإن فرض الطغاة عليك ذلاً
فلا تخضع وعش دنياك حرا
وقل يانفس لي ربُ كريمُ
سيسلخ من ظلام الليل فجرا
وإن جار الصديق عليك ظلماً
وقابل بالوفا بعدا وهجرا
فلا تحزن عليه وعش عزيزاً
فقد كنت الوفي وكفاك فخرا
وإن صفت الحياة عليك فاحذر
فَرُبَّ بليةٍ تأتيك غدرا
فكم من مترفٍ بالمال فيها
فأصبح يرتدي ذلا وفقرا
وكم في الناس ذو ملك عظيمٍ
وقد ملك الدنا براً وبحرا
فبعد العز وافته المنايا
وأدخل في ظلام الليل قبرا
هي الدنيا فلا تركن إليها
ولا تجعل لها في القلب قدرا
ومد يديك للرحمن دوماً
فربك لن يرد يديك صفرا

.......

غدا ستشرق شمس الوطن ، والعزة ، والكرامة،،،،،،،

‏أمدرمان . الآن الان . شغل " عجيب " قواتنا المسلحة وروافدها المختلفه تتقدم في مناطق كبيرة ومختلفة ، تهاوي وانهيار قوات اللصوص والمرتزقة ، والمجرمين ، وسقوطهم بين قتيل وجريح .



اللهم ثبّت اقدامهم و سدد رميهم،،،،



ملحوظة :
لانحتاج أسري .،،،،،،

الطيران الحربي يستهدف ويقصف تمركزات مليشيات الدعم السريع في ود مدني ولاية الجزيرة صباح اليوم ٢ يناير ٢٠٢٤

Quote: كاميرون هيدسون مراقبة الطريقة التي يتعامل بها القادة المدنيون المفترضون في السودان مع الشخص الذي يدمر بلدهم ويعتدي على نسائهم وينهب منازلهم كأخ لهم أمر مقرف حقًا ولا يعطيني أي أمل في مستقبل البلاد. إنها مصالح ذاتية و خيانة مخزية لجميع السودانيين. مرحله مزرية

---

Post: #16 Title: Re: وطن لانحميه لانستحق العيش فيه Author: Hasheem Karouri Date: 01-02-2024, 06:29 PM Parent: #15 الجيش يقتحم اخر معاقل التمرد في في بيت المال وسوق الشجرة وابوروف بعد تقدم ارتكازاته العسكرية وتوقعات بانتهاء العملية خلال الساعات القادمة .. ٢يناير٢٠٢٤ #نحن في الشدة بأس يتجلي

---

Post: #17 Title: Re: وطن لانحميه لانستحق العيش فيه Author: Hasheem Karouri Date: 01-03-2024, 12:40 PM Parent: #16 هلكوا . او شارفوا . وانزلقوا لمزابل التاريخ غير مأسوف عليهم .... بسواعد الرجال ، وليس " اشباه الرجال " . الذين ماتت عندهم الرجولة والنخوة والشهامة والغيرة و أصبحوا كالانعام بل اضل سبيل. ...... سودانا فوق رغم كيد الكايدين والمرجفين 👊👊 ....... الفينا مشهودة عارفانا المكارم انحنا بنقودا والحارة بنخوضا الزول بفتخر يباهي بالعندو نحن اسياد شهامة والكرم جندو ما في وسطنا واحداً ما انكرب زندو البعجز يقع بيناتنا بنسندو الحارة بنخوضها ........ وبكره احلي ،،،،، https://www.raed.net/

---

Post: #18 Title: Re: وطن لانحميه لانستحق العيش فيه Author: Hasheem Karouri Date: 01-03-2024, 02:26 PM Parent: #17 الذين يستحقوا العيش فيه هذا الوطن ، ليس شرفاء الداخل فقط . فبالخارج ايضا هناك شرفاء كثيرين جدا . هولاء هم الذين يستحقوا ان تقول انه ( سوداني ) اصيل . كمثال : اعرف مبادرة تسمي : تجمع السودانين الشرفاء بالخارج . في انجلترا " لندن " ، وامريكيا ، وبعض الدول الاوربية الاخري . حيث انهم لهم موقع في الميديا ، يشرحوا فيها اهدافهم ، وفي نفس الوقت ، يقوموا بارسال ادوية ومعينات طبيه للسودان ، للمساهمة في علاج الجرحي والمصابين من الجيش ، وروافده من مستنفرين ، ومقاومة شعبيه ، ومجاهدين ، يعني من الاخر كده سودانيين .. ..... اما الخونه والارزقيه لامجال لهم بيننا مستقبلا ،،،،،،

---

Post: #19 Title: Re: وطن لانحميه لانستحق العيش فيه Author: Hasheem Karouri Date: 01-04-2024, 07:25 AM Parent: #18 من الذي اعطي ( حمدوك ، وقوي الحرية والتغيير ، وتوابعهم ) . الحق ، والتحدث باسمه ، ومصافحة قائدهم البائس وطلب الصفح منه ؟ هل الشعب السوداني " سامح ، وعفي " عن : تهجير الملايين من دورهم . لجؤء الملايين داخليا وخارجيا . اغتصاب الحرائر في منازلهم وامام ذويهم . نهب الالاف المركبات الخاصة والعامة . الالاف الارواح الطاهرة الذكية البريئة ، التي ازهقت بدم بارد ، او الذين غادروا غبنا وحزنا علي خسارة ممتلكاتهم التي افنوا عمرهم فيها . اجيال كاملة ضاع مستقبلهم واصبح في المجهول . ...... اعتقد ان هولاء لم يفوضوكم لطلب السماح والمغفرة . هولاء الضحايا يعلمون جيدا ، ماذا تريدون . لكن هيهات لكم . ،،،،،،، #وطن لانحميه_لانستحق_العيش_فيه

---

Post: #20 Title: Re: وطن لانحميه لانستحق العيش فيه Author: Hasheem Karouri Date: 01-05-2024, 06:27 PM Parent: #19 #الذكرى_٦٨_لإستقلال_السودان #الإستقلال_الشرف_الباذخ #النفرة_الشعبية - الإستقلال الحقيقي - نحن في الشدة بأس يتجلي . ياعزة ما هان الوطن سالكين دروب المستحيل .. وسلاحنا بالنيران رطن قلوبنا ماخشاها خوف قلناها في مشعل وطن .. نحن الفداء ولن نخن العقيدة القتالية المؤسسة على الوطن تتمثل في جندي جسور من أبطال القوات المسلحة يردد كلمات صادقة في حق الوطن ومعاني التضحية والفداء مؤكدا أن الحسم قد اقترب لمليشيا آل دقلو الإرهابية بعزيمة الرجال ومعنويات تعانق الثريا . الجمعة ٥ يناير ٢٠٢٤م #معركة_الكرامة #جيش_واحد_شعب_واحد

---

Post: #21 Title: Re: وطن لانحميه لانستحق العيش فيه Author: Hasheem Karouri Date: 01-06-2024, 01:41 PM Parent: #20 _ عبد الفتاح البرهان : لا صلح ولا اتفاق مع الدعم السريع أبدا وسنسلح المقاومة الشعبية بأي سلاح لدينا ، و يقنن هذا السلاح ويحفظ عند للقوات النظامية . ¬ حميدتي شايل ليهو سبحة ويكذب باسم الدين ويقتل الناس وينتهك أعراضهم عشان يجيب ليهم الديمقراطية! ¬ واقول لحميدتي انت ما خليت مكان ما ادسيت فيه، ما خليت بيت وجدي ميرغني، وما خليت جحر ومزرعة، تعال أقعد في نيالا أو أي مكان في السودان ؛ شوف الناس تعمل ليك شنو ¬ أنا قاعد وسط قواتي وجنودي لم افارقهم، ما عندنا جحر وما عندنا بدروم ندسى فيه زيك أيها الهارب الجبان المتخفي .. نحن قاعدين برّه وأي مكان نمشيه قاعدين فيه برّه . ـــــــــــــــــــــــــــــــــــــــــــــــــــــــــــــــــــ المهم نحنا عايزين تنفيذ . والتسليح اهم شئ .

---

Post: #22 Title: Re: وطن لانحميه لانستحق العيش فيه Author: Hasheem Karouri Date: 01-09-2024, 04:30 PM Parent: #21 اليوم وصول تعزيزات من الجيش الشعبي لمنطقه الدلنج لقتال جنب الي جنب مع القوات المسلحه ضد مليشيات المرتزقة . نصر من الله وفتح قريب ،،،،،، #واجب الاوطان داعينا

---

Post: #23 Title: Re: وطن لانحميه لانستحق العيش فيه Author: Hasheem Karouri Date: 01-09-2024, 06:03 PM Parent: #22 الطيران الحربي التابع للجيش السوداني يشن غارات جوية على مواقع تواجد ميليشيا الدعم السريع بحيي الطائف والرياض بالخرطوم. #بل بس

---

Post: #24 Title: Re: وطن لانحميه لانستحق العيش فيه Author: Hasheem Karouri Date: 01-09-2024, 06:45 PM Parent: #23 قوات العمل الخاص بأمدرمان تواصل عملياتها بتمشيط المسالمة، بعد سيطرتها على شارع الأربعين والأحياء المحيطة. #الخرطوم_مقبرة_الجنجويد #معركة_الكرامة #جيش_واحد_شعب_واحد

---

Post: #25 Title: Re: وطن لانحميه لانستحق العيش فيه Author: Hasheem Karouri Date: 01-10-2024, 05:48 AM Parent: #24 واصلت قوات العمل الخاص بأمدرمان عملياتها بعد سيطرتها على شارع الأربعين والأحياء المحيطة اقام الجيش إرتكازات بالمناطق التى تم تحريرها وتم توزيع المياه بتناكر لمواطنى بانت شرق و العباسية ومواد غذائية تواصلت اليوم المعارك الضارية.  عمليات تنظيف المسالمة ، وامبده ، وصولا لسوق مدني. " امبده " .. ومااشين ،،،،،،، #نحن في الشده بأس يتجلي

---

Post: #26 Title: Re: وطن لانحميه لانستحق العيش فيه Author: Hasheem Karouri Date: 01-10-2024, 06:47 AM Parent: #25 الموقف العسكري في امدرمان امسك معاى من الرومى بالشنقيطى وبهناك المهداوى وتعال ماشى طوالى بتجد القسم الشمالى بودنوباوى فااااتح والشرطه قااااعده وأمشى الشهداء وسوق أمدرمان وشارع الدكاتره وهناك محطة التجانى الماحى والقسم الاوسط حتى مركز شباب أمدرمان كل الخريطه دى شرطه وجيش مايديك الدرب وده كله كوم وناس سلاح المهندسين البقوا ساكين الجماعه فى شوارع العباسيه وبانت والمهندسين وكمان جابوها الليله كبيره بضرب ارتكازات الجنجا بالفتيحاب ماشاء الله تبارك الله اللهم زد وبارك نجح الجيش في دخول الحارة الخامسه في امبدة وسوق مدني في الحارة الرابعة ودخل الجيش الي العباسية في واحدة من اقوي المعارك في امدرمان وهو ما ادي لخروج الدعامة من حي الدوحة وهو ما يعني ان الجيش الموجود.في كرور والذي يخوض معارك عنيفة في المنصورة والمربعات لحسم معركة وسط وغرب امدرمان تمهيدا للتوجه نحو جنوب امدرمان اي الصالحة وقري جنوب امدرمان،،،، ..... وماشين في السكه نبل ،،،،

---

Post: #27 Title: Re: وطن لانحميه لانستحق العيش فيه Author: Hasheem Karouri Date: 01-13-2024, 02:24 PM Parent: #26 منذ حوالي 20يوم تقريبا" ، بدأت حربنا الحقيقية بعد امتصاص الصدمة وترتيب صفوفنا . طبعا" دا م بعني ب اي حال الهزيمة الكاملة او عدم المقدرة ع الهجوم علي اي مكان او نصر مكتمل يمضي فيه الجيش ، فهذه ترجع لتقديرات القيادات العسكرية . دا واقع عملياتي وفصل من فصول الحرب الدائرة الان . الاول فشل هجماتهم جميعها ، مثال : " سنار " فشل هجومهم الكبير بقيادة " البيشي " بعد وصل لتخوم المدينة وبدا المواطنيين في مغادرتها تم صدهم وتفرقو في قري السكر وهم في حالة تراجع مستمر، وقوي الجيش والمقاومة خلفهم . دي عندهم بسموها ( جري دنقاس ) . .. .... " الابيض" فشل هجوم " شيريا" بقوة لا يستهان بها 60 تاتشر جنوب الابيض تم حسمهم واغتنام وتحييد من قبل " الهجانة اب ريش " والاحتياطي المركزي وتفرقو في الحلال والوديان ايضا" ." دنقاس " . ....... " الدلنج " فشل هجومهم علي اللواء 54 وتكبدو خسائر في الافراد والعتاد ( قوات الحلو ، الجيش ، المقاومة الشعبية ) . ..... " الفاو " بالامس القريب فشل هجومهم بحوالي 40 عربة .. تم التصدي وطردهم ولم يحققو هدفهم بالسيطرة علي ولو جزء من المدينة والحامية ، فطلائع المقاومين وصلت من " القضارف " . ............ نجاح كل هجمات الجيش كمثال : " امدرمان " الجيش شن هجوم علي فلولهم في العباسية وارتكز ، وفي وسط امدر وارتكز ، وشغال متقدم في محور " السوق وامبدات " .. الابيض "الهجانة اب ريش " هجمت علي مواقعهم في 13 غرب المدينة واستلمت مقرهم وغنمت معدات وعربات وحرقت اماكنهم ، ايضا لو هاربين . " جري دنقاس " ..... " الدبيبات " هجم الجيش وتشكيلات من الحركة الشعبية شمال علي مواقعهم وطردهم منها واستلمها .. " الجزيرة " هجم الجيش ونظف منطقة (x) في جنوب الجزيرة وتقدم كثيرا"هناك حيد وغنم وهرب البقية لداخل القري والفرقان . جاري حصارهم من كل الجهات عدا مدخل الخرطوم - مدني فتوجد لديهم شوية شرازم .جاري التعامل معهم .. وقريبا سيفتح هذا الطريق . ...... # وطن لانحميه لانستحق العيش فيه

---

Post: #28 Title: Re: وطن لانحميه لانستحق العيش فيه Author: Hasheem Karouri Date: 01-13-2024, 03:06 PM Parent: #27 قائمة باسماء الذين تم بلهم وجقمهم من القادة الميدانين للجنجويد في الايام القليلة الفائتة. (دنيا زايلي). 1/القائد: محمدو هبيلا 2/القائد: حميد بندر 3/القائد: حامدين ابوصرة 4/ القائد: علي الأخضر 5/ القائد: محمد بشارة حجو 6/ القائد: صلاح رهاب موسى 7/ القائد: جرن رهاب موسى 8/ القائد: صابون توكاش 9/ القائد: انور صليبوكة 10/القائد: متوكل اوكل 11/ القائد: سالم تبلدية 12/ القائد: الفاضل جرن كودي 13/ القائد: موسى طلب انشر للفائدة الموقع والمصدر تنسيقية المعارضة التشاديه دنيا زايلي.

---

Post: #29 Title: Re: وطن لانحميه لانستحق العيش فيه Author: Hasheem Karouri Date: 01-13-2024, 04:45 PM Parent: #28 قبل قليل اشتباك لقوات الجيش وهيئة العمليات مع المليشيا المتمردة بولاية الجزيرة وتكبيدها خسائر كبيرة غرب مدني ووضع الجيش ارتكازات متقدمة داخل المدينة عرب. #وطن لانحميه لانستحق العيش فيه

---

Post: #30 Title: Re: وطن لانحميه لانستحق العيش فيه Author: Hasheem Karouri Date: 01-15-2024, 03:31 PM Parent: #29 في انتظار اعلان امدرمان نظيفة من المتمردين .💪