وطن لانحميه لانستحق العيش فيه

Quote: وطن لانحميه لانستحق العيش فيه

Quote: نعم، وبإذن الله حتكون خالية من عصابة الحركة الإسلامية وحييسلم من شرورهم الوطن والمواطنين!

Quote: وطن نال "إستغلاله" من 1956 ماقادرة تحميه قواته المسلحة وبعين قوية عايزين المواطنين يحموه ليكم عشان ترجعوا تحكموهم اقصد تألموهم!! عملتوا شنو سمح للمواطنين، الله يكرمك" مراحيض" ماعملتهوها ليهم ناهيك من باقى الكماليات من مأكل ومشر، مواصلاتهم بحمير الكوارلو والدرداقات وباقى البنيات التحتية حدث ولاحرج!

Quote: السودان ما محتاج لي سنة جديدة محتاج سنة مستعملة سكند او ثيرد هاند و يا ريت كمان تكون سنة 1957

Quote: محمد ادم . كل عام وانت بخير . واتمني ليك سنه جميلة ، افضل من القبلها ، ويوفقك في حياتك . طبعا ده ماكسير تلج لكن الواقع يحتم ان اخاطبك كانسان مثلك مثلي ، مثل غيرنا ، عادة في مثل كهذا مناسبه يتبادلوا التهاني والامنيات .( رغم اني اعلم سلفا مفهومك من هذه الناحية ) . عموما يااخ محمد ادم ، نرجع لموضوعنا : اولا : كتبت في بداية مداخلتك " استغلاله " . كهذا ، وطبعا ايضا اعلم انه ليس خطأ كتابي او مطبعي . فانت تقصد الاستغلال . بمعني استغلوك وشالوا حقك . صاح ؟ طيب انت منو وانا منو ؟ نحن مواطنين سودانين يجمعنا رابط اسمه السودان .مهما فعل الانسان ، وحصل علي جنسيات دولة اخري ، لن يستطيع نكران جنسيته . يعني كده انت سوداني ، وانا سوداني . لو غرابي ، ولا حلفاوي ، ولا ادروب ،ولا من امدرمان ، ولا من الفاشر ، ولا من جبل مره ،ولا ولا . المهم بجمعنا رابط . تمام . يلا الظلم البتقول عليه انت وبعض الاخوة هنا ، واقع علي انا برضو . وواقع علي غيري . حتي الذين يحملون كلاش ويقاتلوا . هم ايضا مظلومين . فالغلط مش غلطنا . دي انظمة جات غصبا عني وعنك، ونحن المسحوقين . عندك حل يلا قولوا . اي زول يجي يكون في منصب من يدير هذا البلد . بكون همه مصلحتوا هو والاقربين ! جاء العسكري ، مانفع ، جاءت الاحزاب برضو مانفع ، جوا اساتذة ومتعلمين ، ولهم خبرات كبيرة وافكار متطورة ، برضو مانفع . طيب المشكلة وين ؟ المشكلة فينا نحن ديل يازعيم . ملاحظ انتا دائما تخاطبني بقصه كوز وماكوز دي " ياخ انا صلاة مابصلي " اها تاني شنو ! انا في البورد ده قلت اكتر من مرة انا ماعندي اي توجه لي ديل ولا ديل . ولانو انا بكتب هنا وبدافع عن الجيش والوطن ؟ يعني اي زول ينادي باصلاح بلدو كوز ؟ او فلولي؟ ياخ انا قاعد وسط الدانات وال رصاص الطائش ، وبعاني من الكهرباء والموية ، وشبكات الاتصال ، وعيني طالعه قبل الحرب اصلا الواحد كان قلبوا واقف ، وجات الحرب تمت الناقصه. فقصة كوز وفلول دي ماصاح ، مع العلم في الايام الجاية ممكن الواحد يشيل سلاح عشان يدافع عن نفسو او يموت . الناس دي كلها ماشه . بس لما القصه تبقي في " تولا " . ما اظن في زول حيقيف . كان يقولوا كوز ولا جك . ! ...... اتمني ان تكون السنه الجديدة سنه خير وبركة . مع اني بشك في ذلك ، والسودلنين الراسهم قوي ديل يتفقوا ويشوفوا مصلحة بلدهم وين ، رغم المغريات المقدمة للبعض ، ومشكلتنا المزمنة الماممكن نتخلي عنها ابدا كسودانين ، وودتنا ورجعتنا مليون سنه ، ولسه مصرين عليها ( ركبان الراس ) . الواحد يركب راسوا وماعندو استعداد يسمع اي رأي تاني ، وكلاموا هو الصاح والمفروض الناس تمشي بيه . عشان الامور تكون واضحه يا ابوحميد ، السودان ماشي لحته انه يكون او لايكون . ونشوف ٢٤ دي فيها شنو ( ده لو لسه في باقي عمر ، خاصه انوو الوحد شغال بالبنزين الفي الفلتر )

Quote: ومن الجنجويد والحركات المسلحة ، قرفوا عيشت الشعب السوداني كلو الله يقرفهم

Quote: كاميرون هيدسون مراقبة الطريقة التي يتعامل بها القادة المدنيون المفترضون في السودان مع الشخص الذي يدمر بلدهم ويعتدي على نسائهم وينهب منازلهم كأخ لهم أمر مقرف حقًا ولا يعطيني أي أمل في مستقبل البلاد. إنها مصالح ذاتية و خيانة مخزية لجميع السودانيين. مرحله مزرية