متداول: وصول القايد حميتي لجيبوتي.

09:37 AM December, 15 2023

سودانيز اون لاين
محمود الدقم-England
مكتبتى
رابط مختصر

الفيديو منشور في تيكتوك..
والفلول من شدة الاسهال قالوا دا شبيهوا وليس هو 🤩🤩

ومتداول ايضا:
سقوط كبري حنتوب وعموم شرق مدني في يد الدعم السريع الفيديوهات ينضح بها تويتر

عفارم عليك يا ول أبا الدقم

دي أخبار من العيار التقيل .. طيب يا ول أبا فائدة الحوار بالنسبة للدعم السريع وين؟ أنا شايف ح يستفيد الفلول ويلقوا وقت لترتيب أوراقهم وقواتهم المستنفره.

بريمة

حمد لله على السلامة
لكن وين إسماعيل عمر جليه؟
رئيس على شنو إذا ما جا استقبل القائد حميدتي في المطار؟!!!!

مولانا حافظ، الخبر متداول في بعض المنصات، ننتظر ونشوف

علي حسب معلوماتي حميتي حي يرزق والموضوع دا ما داير حد يناقشني فيه، الايقاد ضاغطين علي الطرفين انهم خلاص كرهوا الاجتماعات الكتيرة حول السودان، والتطور المهم الخارجية الاميريكية قالت أنها ستسمح لقوانينيها بمحاكمة المتورطين في ارتكاب جرايم حرب داخل السودان، بمعني العسكر والمقاتلين من الطرفين،، اما الازرط علي الفلول وعلي الاطلاق هو ارتفاع معدل المخاوف لدي الولايات المتحدة واوروبا من دخول السلاح الايراني لبورتسودان-ستان، حيث يبدو علي مخابرات تلك الدول انهم يتخوفون من تدفق هذا السلاح لغزة، ولو دا ثبت انصح سكان بورتسودان الرحول صوب شرق النيل ومنطقة جنوب الحزام بالخرطوم، لذلك علي الفلول يبطلوا الملوطة البعملوا فيها دي.

ليس من رأى كمن سمع..

**عايزين فيديو..

منتظرين المفاجأة الليها سبعة شهور...كل مرة يبشرونا بيها..

في الانتظار..

الفيديو في تيكتوك حيث حميتي نازل من طايرة وخلفه خلق من الناس
شخصيا منتظر تاكيد من صفحة الدعم السريع
لذلك قلت متداول

اسكرين شوت من الفيديو بتاع تيكتوك

Quote: مولانا حافظ، الخبر متداول في بعض المنصات، ننتظر ونشوف

يا محمود ياخي نحن دول الجوار دي بقت تحقرنا حقارة شديدة.
معقولة قائد وزعيم بقامة الفريق اول محمد حمدان دقلو (حميدتي) يزور دولة أجنبية ونسمع الخبر من بعض المنصات؟!!!!!
وين القنوات الإخبارية؟!!!

بريمة بقي ما داسيها
شغال
High five
هاي فايف
وعرضة. وبشير
ويهني في اخوانو ويربت علي أكتافهم بالاسم مع انو بعضهم بقول انو منحاز لاي طرف !

كمال عباس

Quote: عفارم عليك يا ول أبا الدقم دي أخبار من العيار التقيل ..

أنت مرات بقيت تحمّر لي في الضلام ساكت بدون سبب.
حسي بالله وين أنا قلت أنا منضم أو ول أبا محمود منضم للدعم السريع ..
أنت ليه لا تعتبرنا .. الطرف الأخر لمعادلة خبر الفلول .. لحسب معرفتنا وخبرتنا في مناطق والخلفيات الأثنية للدعم السريع.

-----------------
أنا شخصياً منذ أن ظهر الشيخ موسي ومنذ أن ظهر القائد حميدتي .. موقفي داعم لهم .. وإنت تعلم ذلك .. والمنبر يعلم ذلك .. ما في جديد يا حبيب.

بريمة

يابريمة منو القال إنت شايل بندقية أومضيت في إستمارة طلب عضوية للجنجويد؟
لكن إنت معاهم ـ قصدي داعم لهم بحسب حرفية عبارتك ـأما الدقم فقال ماعندو معاهم شغلة تب ـ
بعدين أنت مش بتقول لا للحرب ـ ؟ لا للحرب دي عندها فواتير من ضمنها عدم تمجيدها أو تشجيع توسع رقعتها وتمددها ...

Quote: الفيديو في تيكتوك

ياخي معقولة يا دقم ياخ؟!
الدعم السريع بي قروشو دي كلها ما عندو منصة إعلامية تنشر هذا الفيديو؟!

يبدو أستقبال رسمى .. "رد كاربت" .. وموسيقي

والذي يسير علي يمينه يبدو المستشار فارس النور



بريمة

Quote: علي حسب معلوماتي حميتي حي يرزق

سلام محمود
لا لا الكيزان ما حيبطلوا الحاجة البعملوا فيها دي. يعني حتى لو شافوا حميدتي شوف العين وسمعوهوا يتكلم وشافوهو
بيأكل مع رئيس جيبوتي حيقولوا ليك دا ذكاء صناعي وان الزول هو شبيه حميدتي وهو مستنسخ الكترونيا. غايتو الخوف
الامريكان والروس يجوا يغزو السودان للحصول على التكنلوجيا الرهيبة التي يستخدمها الدعامة في حربهم ضد الكيزان.
لاحظت في الصورة ان حميدتي (سمن) زاد وزنه وحتى البدلة ضاقت شوية ودا دليل علي انه قاعد ضارب الراحة.

Quote: لاحظت في الصورة ان حميدتي (سمن) زاد وزنه وحتى البدلة ضاقت شوية ودا دليل علي انه قاعد ضارب الراحة.

ما تنسي يا ول أبا، في مثل هذه الحالات ال VIP مثل القائد حميدتي مفروض يكون لابس سيكورتي فيست .. واقي ضد الرصاص.

بريمة

اخشي. عليك. من فريق جهينةً بابريمة !
وعن. جهينة الخبر اليقين !

Quote: اخشي. عليك. من فريق جهينةً بابريمة ! وعن. جهينة الخبر اليقين !

ضاعت عنى صفحة جهينة ..
هل لديك الوصلة؟

بريمة

الأخ كمال عباس
مافي أي حاجة في صفحة جهينة .. ما زال مصداقية وصول القائد حميدتي .. راكزة تب.

شكراً علي التنبيه.

بريمة

Quote: ما تنسي يا ول أبا، في مثل هذه الحالات ال VIP مثل القائد حميدتي مفروض يكون لابس سيكورتي فيست .. واقي ضد الرصاص.

الوجه من أول الاماكن التي يظهر فيها زيادة الوزن كما هو من اول الاماكن التي يظهر فيها نقص الوزن. السيد حميدتي وشه ابتدا يدور والجضوم كبرت.
اذا عندك فديو تقدر تنزله لينا هنا وهو في جيبوتي فيمكن معرفة حالته الصحية من طريقة وقفته ومشيته. غايتو حميدتي شكله مرتاح مش زي عبدالرحيم اخوه اللونه صار اسود من تعرضه لحراره الشمس والتعب ظاهر فيهو.

Quote: علي حسب معلوماتي حميتي حي يرزق والموضوع دا ما داير حد يناقشني فيه

Quote: لا لا الكيزان ما حيبطلوا الحاجة البعملوا فيها دي. يعني حتى لو شافوا حميدتي شوف العين وسمعوهوا يتكلم .... ورجغك ورجغك ورجغك ورجغك...

إنتو يا محمود وزين عبدالله
ليه الدعامة ومن ولاهم من القحاتة بزعلوا شديد كدا لمن زول يقول ليهم او يلمح ليهم بإنو حميدتي مات؟
الموت دا موش حاجة طبيعية ويجوز على كل الناس؟

Quote: إنتو يا محمود وزين عبدالله

يا حافظ قول بسم الله..... دعامة شنو وقحاطة شنو الأنا بعرفهم... انا قاعد مرطب هنا وبعد شوية معزوم حفلة في مطعم swapna بمناسبة الكرسماس مع الانوار والوجه الحسن.
لكن انا بتمنى حميدتي يكون شديد ولضيض عشان بعتقد انه جلوسه في الخرطوم تعايش مع الناس وبعد فترة حيكون جلابي عديل، لكن اذا جاء عبدالرحيم فمصيبة عشان هو عوير زي عبدالرحيم ابوريالة وزير دفاع عمر بشير بتاع الطيارة جات بالليل وما ضربت بوري.... ورجغ.. ورجغ .. ورجغ..ورجغ.. ورجغ.

لكن بشوية العقل العندنا دا .. الولد بتاع قحط اسمه طه قال بتواصل مع حميدتي في مقابلة مع احمد طه بتاع الجزيرة وزول الامم المتحدة قال اتكلم معاه ورئيس كينيا تحدث معاه واركوكي مناوي قال اتكلم معاه، فالزول المتشكك في وجود حميدتي يكون في مشكلة في مخه... ورجغ ورجغ ورجغ

Quote: انا قاعد مرطب هنا وبعد شوية معزوم حفلة في مطعم swapna بمناسبة الكرسماس مع الانوار والوجه الحسن.

أي أي .. يا ول أبا، أنت يانكي!!

Quote: واركوكي مناوي

جننت أسمه جن.

بريمة

يا زين مولانا حافظ ده متورجغ ساي .. جليهو

الصورة ابكرش دى عند زيارته ل تركيا.

حافظ، الموت حق، وسيد البشير، وخير من مشي علي الارض توفاه الله، وحميتي يا خوي كان مات فالموت نهاية كل ابن انثي وان طالت سلامته-يوما علي آلة حدباء محمول.لكن انت شايفك الزار بقوم عليك كل من جيب سيرة حميتي.....اسه دحين مدني امرها انقضي، السؤال هو:
ال ٣٥٠ تاتشر حقت الدعامة، الدخلت دي ماشة وين؟ والشيء الناس ما
منتبها ليهو انو الدعامة ما يقبضوك
وانت مستنفر، لانو الدعامة بقوا ما بعطوا فرصة للمستحمر يحصل مرحلة أنو يستسلم، ولقيت المعاملة كيف؟ وتقول لاخوانك شنو؟؟من شدة غضبهم علي المستنفرين..فبناء عليه يا حافظ اتواصل مع الفلول والمستحمرين يشوفوا ليهم بلاي-استيشن، ولا ريال مدريد ضد مان سيتي، الدعامة
حدهم أسماك القرش داخل بحر المالح...

من شوية في فيديو لحميدتي مع قواته في مدني ما عرفت انزلوا

فيديوهات كتيرة
واحد حلف بالله انو شاهد حميتي في امدرمان الاسبوع الفات...
وفيديو حميتي يا زهير شفتي بعطي أوامر لجنوده اي ضابط مشكوك فيهو اقلعوا منو الكاكي ويمشي بيتو او السجن. اعتقد فيديو يعود لأكثر من اسبوع..
لكن السؤال وين استخبارات الجيش؟؟

زمان وانا صغير سبعة تمانية سنة كنت في اجازة في الأبيض
مع حبوبتي ام الوالدة وكنا ساكنين القبة غرب اها يوم طلعته
القى ليك الشارع كله ناس جارية للتمنة اي قسم الشرطة
باللهجة بتاعت اهلنا الغرب سألت في شنو قالوا ناس البوليس
قبضو بعاتي قمت جريت معاهم اشوف العاتي للدنيا والزمان
وصلنا التمنة نلقى ليك الناس دي الأعمى شايل المكسر واقفين في السور
وكلهم بعاينو جوه الحراسة انا صغير ما شايف اي حاجة لحدي
ما لقيت واحد من اهلنا قلت ليه يا خال ما شايف حاجة قام
شالني فوق قال لي عاين في الحراسة جوه مش في زول لابس
ابيض وعمة بيضاء قلت ليه ايوه قال لي شوف تحت في حاجة
جارة في الواطة جنبه انا ما شفت حاجة لكن قلت ليه ايوه
قال لي ده الضنب بتاع البعاتي
اها من اليوم داك بقيت بصدق بحكاية البعاتي دي
ما شفت بي عيني البعاتي عديل كده
فالناس ما تستغرب حميدتي في مدني ولا جيبوتي
بس الناس تشوف بوراهو لو في ضنب بيكون بعاتي
ولو ما عندو بكون ترب البنية
الحاجات دي عندنا عادي في الغرب

يا زين عبدالله ياخي رغم إني متفق معاك في تفضيل حميدتي على عبد الرحيم
كمان حميدتي ولدنا. وولدك لو غائب 8 شهور في الظروف الحالية دي وبدون وجود مبرر كافي، لو ما قلقت عليه وقلبك اكلك تبقى زول ما عندك أي قلب.
فشنو؟: الخيار بين تكون عندك مشكلة في مخك وبين ما عندك قلب خيار صعب.

Quote: لكن انت شايفك الزار بقوم عليك كل من جيب سيرة حميتي

افو يا الدقم! زار شنو البقوم علي أنا؟
يسمعن امات قرون.

يا محمود يا دقم إنت قلت حميدتي وصل جيبوتي وزهير قال ظهر اليوم في فيديو في مدني.
الظهور في جيبوتي وفي مدني في نفس الوقت، الحركة دي غير بعاتي متمرس في البعتتة في زول عادي بيقدر يعملها؟😜

لنفترض أنه هو :

هل الحكومة الجيبوتية حكومة مغفلة لتفرش البساط الأحمر لشخص بلا منصب دستوري ؟؟ وصنفته حكومته بالمتمرد ؟؟