|
|
|
 Re: متداول: وصول القايد حميتي لجيبوتي. (Re: محمود الدقم)
|
| Quote: مولانا حافظ، الخبر متداول في بعض المنصات، ننتظر ونشوف |
يا محمود ياخي نحن دول الجوار دي بقت تحقرنا حقارة شديدة.
معقولة قائد وزعيم بقامة الفريق اول محمد حمدان دقلو (حميدتي) يزور دولة أجنبية ونسمع الخبر من بعض المنصات؟!!!!!
وين القنوات الإخبارية؟!!!
| |
 
|
|
|
|
|
|
|
|
Re: متداول: وصول القايد حميتي لجيبوتي. (Re: كمال عباس)
|
كمال عباس
Quote: عفارم عليك يا ول أبا الدقم
دي أخبار من العيار التقيل .. |
أنت مرات بقيت تحمّر لي في الضلام ساكت بدون سبب.
حسي بالله وين أنا قلت أنا منضم أو ول أبا محمود منضم للدعم السريع ..
أنت ليه لا تعتبرنا .. الطرف الأخر لمعادلة خبر الفلول .. لحسب معرفتنا وخبرتنا في مناطق والخلفيات الأثنية للدعم السريع.
-----------------
أنا شخصياً منذ أن ظهر الشيخ موسي ومنذ أن ظهر القائد حميدتي .. موقفي داعم لهم .. وإنت تعلم ذلك .. والمنبر يعلم ذلك .. ما في جديد يا حبيب.
بريمة
| |
|
|
|
|
|
|
|
|
Re: متداول: وصول القايد حميتي لجيبوتي. (Re: Biraima M Adam)
|
يابريمة منو القال إنت شايل بندقية أومضيت في إستمارة طلب عضوية للجنجويد؟
لكن إنت معاهم ـ قصدي داعم لهم بحسب حرفية عبارتك ـأما الدقم فقال ماعندو معاهم شغلة تب ـ
بعدين أنت مش بتقول لا للحرب ـ ؟ لا للحرب دي عندها فواتير من ضمنها عدم تمجيدها أو تشجيع توسع رقعتها وتمددها ...
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: محمود الدقم)
|
| Quote: علي حسب معلوماتي حميتي حي يرزق |
سلام محمود
لا لا الكيزان ما حيبطلوا الحاجة البعملوا فيها دي. يعني حتى لو شافوا حميدتي شوف العين وسمعوهوا يتكلم وشافوهو
بيأكل مع رئيس جيبوتي حيقولوا ليك دا ذكاء صناعي وان الزول هو شبيه حميدتي وهو مستنسخ الكترونيا. غايتو الخوف
الامريكان والروس يجوا يغزو السودان للحصول على التكنلوجيا الرهيبة التي يستخدمها الدعامة في حربهم ضد الكيزان.
لاحظت في الصورة ان حميدتي (سمن) زاد وزنه وحتى البدلة ضاقت شوية ودا دليل علي انه قاعد ضارب الراحة.
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: Zein Abdalla)
|
Quote: لاحظت في الصورة ان حميدتي (سمن) زاد وزنه وحتى البدلة ضاقت شوية ودا دليل علي انه قاعد ضارب الراحة.
|
ما تنسي يا ول أبا، في مثل هذه الحالات ال VIP مثل القائد حميدتي مفروض يكون لابس سيكورتي فيست .. واقي ضد الرصاص.
بريمة
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: Biraima M Adam)
|
| Quote: ما تنسي يا ول أبا، في مثل هذه الحالات ال VIP مثل القائد حميدتي مفروض يكون لابس سيكورتي فيست .. واقي ضد الرصاص. |
الوجه من أول الاماكن التي يظهر فيها زيادة الوزن كما هو من اول الاماكن التي يظهر فيها نقص الوزن. السيد حميدتي وشه ابتدا يدور والجضوم كبرت.
اذا عندك فديو تقدر تنزله لينا هنا وهو في جيبوتي فيمكن معرفة حالته الصحية من طريقة وقفته ومشيته. غايتو حميدتي شكله مرتاح مش زي عبدالرحيم اخوه اللونه صار اسود من تعرضه لحراره الشمس والتعب ظاهر فيهو.
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: Zein Abdalla)
|
| Quote: علي حسب معلوماتي حميتي حي يرزق والموضوع دا ما داير حد يناقشني فيه |
| Quote: لا لا الكيزان ما حيبطلوا الحاجة البعملوا فيها دي. يعني حتى لو شافوا حميدتي شوف العين وسمعوهوا يتكلم .... ورجغك ورجغك ورجغك ورجغك... |
إنتو يا محمود وزين عبدالله
ليه الدعامة ومن ولاهم من القحاتة بزعلوا شديد كدا لمن زول يقول ليهم او يلمح ليهم بإنو حميدتي مات؟
الموت دا موش حاجة طبيعية ويجوز على كل الناس؟
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: Hafiz Bashir)
|
Quote:
إنتو يا محمود وزين عبدالله |
يا حافظ قول بسم الله..... دعامة شنو وقحاطة شنو الأنا بعرفهم... انا قاعد مرطب هنا وبعد شوية معزوم حفلة في مطعم swapna بمناسبة الكرسماس مع الانوار والوجه الحسن.
لكن انا بتمنى حميدتي يكون شديد ولضيض عشان بعتقد انه جلوسه في الخرطوم تعايش مع الناس وبعد فترة حيكون جلابي عديل، لكن اذا جاء عبدالرحيم فمصيبة عشان هو عوير زي عبدالرحيم ابوريالة وزير دفاع عمر بشير بتاع الطيارة جات بالليل وما ضربت بوري.... ورجغ.. ورجغ .. ورجغ..ورجغ.. ورجغ.
لكن بشوية العقل العندنا دا .. الولد بتاع قحط اسمه طه قال بتواصل مع حميدتي في مقابلة مع احمد طه بتاع الجزيرة وزول الامم المتحدة قال اتكلم معاه ورئيس كينيا تحدث معاه واركوكي مناوي قال اتكلم معاه، فالزول المتشكك في وجود حميدتي يكون في مشكلة في مخه... ورجغ ورجغ ورجغ
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: زهير ابو الزهراء)
|
فيديوهات كتيرة
واحد حلف بالله انو شاهد حميتي في امدرمان الاسبوع الفات...
وفيديو حميتي يا زهير شفتي بعطي أوامر لجنوده اي ضابط مشكوك فيهو اقلعوا منو الكاكي ويمشي بيتو او السجن. اعتقد فيديو يعود لأكثر من اسبوع..
لكن السؤال وين استخبارات الجيش؟؟
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: محمود الدقم)
|
زمان وانا صغير سبعة تمانية سنة كنت في اجازة في الأبيض
مع حبوبتي ام الوالدة وكنا ساكنين القبة غرب اها يوم طلعته
القى ليك الشارع كله ناس جارية للتمنة اي قسم الشرطة
باللهجة بتاعت اهلنا الغرب سألت في شنو قالوا ناس البوليس
قبضو بعاتي قمت جريت معاهم اشوف العاتي للدنيا والزمان
وصلنا التمنة نلقى ليك الناس دي الأعمى شايل المكسر واقفين في السور
وكلهم بعاينو جوه الحراسة انا صغير ما شايف اي حاجة لحدي
ما لقيت واحد من اهلنا قلت ليه يا خال ما شايف حاجة قام
شالني فوق قال لي عاين في الحراسة جوه مش في زول لابس
ابيض وعمة بيضاء قلت ليه ايوه قال لي شوف تحت في حاجة
جارة في الواطة جنبه انا ما شفت حاجة لكن قلت ليه ايوه
قال لي ده الضنب بتاع البعاتي
اها من اليوم داك بقيت بصدق بحكاية البعاتي دي
ما شفت بي عيني البعاتي عديل كده
فالناس ما تستغرب حميدتي في مدني ولا جيبوتي
بس الناس تشوف بوراهو لو في ضنب بيكون بعاتي
ولو ما عندو بكون ترب البنية
الحاجات دي عندنا عادي في الغرب
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: توفيق عيسى مكي)
|
يا زين عبدالله ياخي رغم إني متفق معاك في تفضيل حميدتي على عبد الرحيم
كمان حميدتي ولدنا. وولدك لو غائب 8 شهور في الظروف الحالية دي وبدون وجود مبرر كافي، لو ما قلقت عليه وقلبك اكلك تبقى زول ما عندك أي قلب.
فشنو؟: الخيار بين تكون عندك مشكلة في مخك وبين ما عندك قلب خيار صعب.
| |
|
|
|
|
|
|
|
|
|
Re: متداول: وصول القايد حميتي لجيبوتي. (Re: Hafiz Bashir)
|
| Quote: لكن انت شايفك الزار بقوم عليك كل من جيب سيرة حميتي |
افو يا الدقم! زار شنو البقوم علي أنا؟
يسمعن امات قرون.
يا محمود يا دقم إنت قلت حميدتي وصل جيبوتي وزهير قال ظهر اليوم في فيديو في مدني.
الظهور في جيبوتي وفي مدني في نفس الوقت، الحركة دي غير بعاتي متمرس في البعتتة في زول عادي بيقدر يعملها؟😜
| |
|
|
|
|
|
|
| |
محمود الدقم
Biraima M Adam
Hafiz Bashir
محمد عبد الله الحسين
كمال عباس
النذير حجازي
Zein Abdalla
حيدر حسن ميرغني
Mahjob Abdalla
زهير ابو الزهراء
توفيق عيسى مكي
Elhadi
فيس بوك
تويتر
انستقرام
يوتيوب
بنتيريست