|
Re: نتفاءل - إن السودان وشعبه سيبقى صامدا (Re: هدى ميرغنى)
|
صباحك خير يا هدى بتوقيت الأمل
مبعث التفاؤل عندي جاي من قناعتي بإنه السودانيين بكل اختلافاتهم العرقية والثقافية والاجتماعية ما بشبهو غيرهم اطلاقا
فيهم خصال ومزايا وسجايا ما موجودة عند كتير من الأمم
عوامل كتيرة ساعدت وخلقت الشي دا
دائما بضرب المثل بالحرب الأهلية المقيتة والمحزنة الكانت في جنوب السودان وكيف انه القتال والحرب بدت من 1955 وطيلة الفترة دي ولغاية الانفصال المر في 2011 ما كان في ردود افعال تتوازى مع الشي الحاصل ولا كان في تعامل متطرف ومختلف بين الناس العاديين ويمكن حتى بين الناس الكانو في السلطة
الجنوبيين كانو عايشين في الشمال بكل يسر واريحية وقبول تام ولا كان في انسان حتى بجي في مجرد تفكيره انه ديل خصوم أو اعداء ونفس الشي بالنسبة للشماليين في الجنوب
اللهم الا من بعض الحاجات البسيطة جدا والبتحصل بشكل تلقائي في مناطق النزاعات والحروب
في دول تانية لما يكون في وضع زي الكان عندنا كل يوم ممكن تسمعي وتشوفي انفجارات في الشوارع والأسواق واغتيالات وهجمات الخ
العقلية السودانية مسامحة جدا ومتفهمة وبتحكمها أطر اجتماعية متفق عليها حتى لو في اللا وعي
التسامح ده برضو ممكن يكون سلاح ذو حدين زي ما بقولو
لكن خلينا نأمل ونتفائل ويا ريت قناعاتنا دي تصدق وتكون فعلا حقيقية
بالعكس
|
|
|
|
|
|
|
|
|