(مِيتَةٌ و خَرابُ دِيارٍ)

فى صالون النواعم بهناك جلست سوسو (فى اسم دلع لصابحة الماتم اصلن
هي ست البنات قبل أن يصبح حسن يورو رجل أعمال) جلست على سرير مهوقنى مستورد
عليه ملاية قطيفة تتلقى التعازى من جاراتها وصويحباتها اللواتى جئن وهن فى كامل زينتهن
(ناقشات) الحنة الما خمج يرتدين ثياب (الشيفون) المطرزة والشباشب ذات الكعب (البلية)
تمتلئ أياديهن ورقابهن بآخر صيحات سوق الدهب فى (دبى) وبقية العواصم الخليجية!
- كلمتى (عوضية ردحى)؟ همست (سوسو) لجارتها وصديقتها (نوسة) والتى مالت قريبا منها وهى تجيبها:
- والله (عوضية ردحى) دى قالو عندها مناسبت بكاء فى (مدنى) سافرت مشت ليها ، قمت مشيت لى ( هاجر
حى ووب) قالو ليا عندها إرتباط خارجى فى (دبى) فى واحد من ناس الجالية مات هناك أها فى الأخير مشيت
كلمت ليكى (حنان سكليب) لقينا ما عندها ارتباط ووقعت العقد مع مدير أعمالا! وأديتو مليون عربون مقدم.
- وشالت منك البيانات!
- أديتا ليها كووولها.. المرحوم كان شغال شنو؟ وعندو كم عمارة؟ وقاعد يتبرع لى ياتو
(نادى) وإشترى ليهم كم (لاعب)؟ وعربيتو الراكبا نوعا شنو؟ وموبايلو الشايلو موديلو كم؟
انتهت مجموعات النساء من تناول وجبة الغداء الفندقى (المو كارجقل ثم جئن لهن بالتحلية
(باسطة وبسبوسة وكنافة وعين جمل وأم على) شئ باللوز وشئ بالجوز وشئ يالما بعرفو
شنو داااك وبعد أن (ضربن) بدأن فى زحزحة الكراسى (البامبو) والجلوس كيمان كيمان
(للشمارات) وهن ماسكات بثرامس الشاى (المذهبة) المتشابهة (الكبيرة حقت
الشاى والصغيرة للجبنة) التى تفوح من (فناجينها) رائحة (المستكا)..
وفجأة يرفع الستار عن شابة (آخر شياكة) ذات مظهر يطابق كثيرا مظهر
مغنيات الراب و القونات هذا الزمان صويحبات العدادات الرامية بوتيرة أسرع
من الجمرة الخبيثة ، ترجلت نحو خشبة ( المسرح) تتبعها جوقة من ستة فتيات
مطقمات بزيٍّ موحد و مزركشة بالوان قوس قُزَح الثمانية وهن يرفعن
أياديهن عاليا فى حركات متتابعة و يصحن بصوت متصاعد كالجرس
يشق عنان السماء:ووووب وووووووب وووووووووووووووووب
وووووووووووووووووووووووووووووووب..
ث