ترجم لي براعم الخرطوم ناس قبة ودينق ونزار وشخاليت الخلا الكلام ده بقينا بين السلة او الذلة وهيهات من الذلة اما الفدرالية او الغزو الدولي امور البراهان والعاصمة بوتسودان دي ما بتنفع ⛔ *صاحب مصطلح الجغم في المهدية💪🏼*
الأمير يونس ود الدكيم سندانة الخيل وعفريت المشاركة.. يعتبر صاحب الملكية الفكرية لطلسة الجغم فهو أول من أطلقها محذرا ومهددا كتشنر الذي يقود الجيش الإنجليزي، وذلك في رسالته إليه قبيل المعركة والتي جاء فيها : من: يونس ولد الدكيم سندانة الخيل عفريت المشركين💪🏿 إلى : كتشنر زعيم المشاركة والملاحدة. 🤛🏼 *يومك داك وبي الله كي نلاقوكو في لب الوادي* *نتفوكو تف.. ونمجغوكو مجغ..* *ونجغموكو جووووت* *ونترعيكو باااااع* *ونعلقو بلابيطكم للكولاب في الخلا يا ود ام زقدة* *كع*💥 😝😝
Post: #2 Title: Re: يا بريمة والله جدك الانصاري ده كلس Author: Biraima M Adam Date: 08-30-2023, 01:47 PM Parent: #1
جدودنا الأنصار كانوا رجال حوبة .. الأمام أرسل رسالة لملكة بريطانيا .. أسلمى تسلمى وإن حسن إسلامك زوجناك الخليفة ود الدكيم.
كلام الأمير ود الدكيم .. تحذير شديد اللهجة ..
المفردات: سندانة الخيل: السندانة أو السندالة معروفة .. وهى لطرق الحديد وسن الرماح .. فهو يفتخر بأنه سندانة في التعامل مع الخيل. عفريت المشاركة: المشاركة هم المشركون .. وعفريت، فهو كالعفريت يخيف المشركين. وبي الله: قسم .. كالذي يقول أقسم بالله. نلاقوكو: الملاقات هى المقابلة .. أو المطالعة بقصد الدواس لب الوادي: بطن الوادي نتفوكو تف: وتف الشيئ أي طحنه في الفندق .. مثلاً تتف اللحم المجفف في الفندق نمجغوكو مجغ: المجغ .. حينما تغسل الملابس .. فأنت تمجغها حينما تريد أخراج الماء منها .. تلويها بقوة حتى تخرج الماء منها. كذلك المجغ هو المضغ للحمة. ونجغموكو جووووت: الجغم هو تناول المشروب مع صوت قوي مثل الشفط .. جغم الشاي ونترعيكو باااااع: التترع هو التدشع .. حينما يشبع الأنسان يتدشع. ونعلقو بلابيطكم: البلابيط هى الجيفة .. الجثة التى تم تقطيعها أشلاء .. أو ما يتبقي من الرمة بعد أن تأكلها الكلاب ود ام زقدة: ود الغلفاء .. نبذة في ذلك الوقت ..
بريمة
Post: #3 Title: Re: يا بريمة والله جدك الانصاري ده كلس Author: adil amin Date: 08-30-2023, 03:13 PM Parent: #2
Quote: ود ام زقدة: ود الغلفاء .. نبذة في ذلك الوقت ..
دي العجبتني شديد يا بريمة اها اب جلة شيخ االمسريرية طهر سلاطين وزعل لمن جا في كرري مع كتشنر قال جيبو لي اب جلة جابو ليه حلق ليه شعرو ودقنو وحواجبو وشنبو ودقنو وقعد اب جلة يضحك قال لي سلاطين شيف يا ود ام زقدة الحسنتو فيني ده برجع لكن الحسنتو فيك ده لي يوم الدين ما برجع هسة دخلنا اجواء المهدية لمن يجو اولاد ام ذب لامريكيين بتقيف مع منو؟؟؟ مع اهلك الجنجويد ولي العم سام اولاد ام زقدة كع هاااااك ابرج ليك برجة في البوست
Post: #4 Title: Re: يا بريمة والله جدك الانصاري ده كلس Author: دفع الله ود الأصيل Date: 08-30-2023, 03:45 PM Parent: #3
أففففو يا يا ول أبأ ، عمك عمل ليك (BOOBY TRAP )،و تدقس تجي داخل؟! ا
Post: #5 Title: Re: يا بريمة والله جدك الانصاري ده كلس Author: Biraima M Adam Date: 08-30-2023, 04:17 PM Parent: #4
Quote: ها اب جلة شيخ االمسريرية طهر سلاطين وزعل لمن جا في كرري مع كتشنر قال جيبو لي اب جلة جابو ليه حلق ليه شعرو ودقنو وحواجبو وشنبو ودقنو وقعد اب جلة يضحك قال لي سلاطين شيف يا ود ام زقدة الحسنتو فيني ده برجع لكن الحسنتو فيك ده لي يوم الدين ما برجع
هههههاي!! الناظر علي الجلة .. كان رجل زعيم قبيلة ..
بريمة
Post: #6 Title: Re: يا بريمة والله جدك الانصاري ده كلس Author: Biraima M Adam Date: 08-30-2023, 04:18 PM Parent: #5
Quote: أففففو يا يا ول أبأ ، عمك عمل ليك (BOOBY TRAP )،و تدقس تجي داخل؟!
الكوكو يعرف من أين تؤكل الكتف ..!
بريمة
Post: #7 Title: Re: يا بريمة والله جدك الانصاري ده كلس Author: Arif Nashed Date: 08-30-2023, 10:19 PM Parent: #6
التغيير الجذري للضحاكات
Post: #8 Title: Re: يا بريمة والله جدك الانصاري ده كلس Author: adil amin Date: 08-31-2023, 05:58 AM Parent: #7
سلام يا كرام عارف ود الاصيل
هسة بريمة ده مزرور شديد وحالتو صعبة بعد خلا الكيزان وبقى دعامي يبقى مع ود ام زقدة الامريكي والى اهله الجنجويد لو جات امريكا براها تمعط السودان يا بريمة بتجي مع دينق والمارينز ولي بتمشي بي الضرا لحدي ما تجهز نفسك لي ود ام زقدة والغزو الدولي بالفصل السابع وانت شايف الولولة وحوامة قحت الما جايبة مريسة تامزين https://www.0zz0.com
السودان داير مهدية الثالثة بس
Post: #9 Title: Re: يا بريمة والله جدك الانصاري ده كلس Author: Arif Nashed Date: 08-31-2023, 12:37 PM Parent: #8
ول ابا بريمة الموضوع مذاع ومتلفز علي الهواء مباشرة . عمك بخم اي حاجة
