ترجم لي براعم الخرطوم ناس قبة ودينق ونزار وشخاليت الخلا الكلام ده بقينا بين السلة او الذلة وهيهات من الذلة اما الفدرالية او الغزو الدولي امور البراهان والعاصمة بوتسودان دي ما بتنفع ⛔ *صاحب مصطلح الجغم في المهدية💪🏼*
الأمير يونس ود الدكيم سندانة الخيل وعفريت المشاركة.. يعتبر صاحب الملكية الفكرية لطلسة الجغم فهو أول من أطلقها محذرا ومهددا كتشنر الذي يقود الجيش الإنجليزي، وذلك في رسالته إليه قبيل المعركة والتي جاء فيها : من: يونس ولد الدكيم سندانة الخيل عفريت المشركين💪🏿 إلى : كتشنر زعيم المشاركة والملاحدة. 🤛🏼 *يومك داك وبي الله كي نلاقوكو في لب الوادي* *نتفوكو تف.. ونمجغوكو مجغ..* *ونجغموكو جووووت* *ونترعيكو باااااع* *ونعلقو بلابيطكم للكولاب في الخلا يا ود ام زقدة* *كع*💥 😝😝
08-30-2023, 01:47 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27629
جدودنا الأنصار كانوا رجال حوبة .. الأمام أرسل رسالة لملكة بريطانيا .. أسلمى تسلمى وإن حسن إسلامك زوجناك الخليفة ود الدكيم.
كلام الأمير ود الدكيم .. تحذير شديد اللهجة ..
المفردات: سندانة الخيل: السندانة أو السندالة معروفة .. وهى لطرق الحديد وسن الرماح .. فهو يفتخر بأنه سندانة في التعامل مع الخيل. عفريت المشاركة: المشاركة هم المشركون .. وعفريت، فهو كالعفريت يخيف المشركين. وبي الله: قسم .. كالذي يقول أقسم بالله. نلاقوكو: الملاقات هى المقابلة .. أو المطالعة بقصد الدواس لب الوادي: بطن الوادي نتفوكو تف: وتف الشيئ أي طحنه في الفندق .. مثلاً تتف اللحم المجفف في الفندق نمجغوكو مجغ: المجغ .. حينما تغسل الملابس .. فأنت تمجغها حينما تريد أخراج الماء منها .. تلويها بقوة حتى تخرج الماء منها. كذلك المجغ هو المضغ للحمة. ونجغموكو جووووت: الجغم هو تناول المشروب مع صوت قوي مثل الشفط .. جغم الشاي ونترعيكو باااااع: التترع هو التدشع .. حينما يشبع الأنسان يتدشع. ونعلقو بلابيطكم: البلابيط هى الجيفة .. الجثة التى تم تقطيعها أشلاء .. أو ما يتبقي من الرمة بعد أن تأكلها الكلاب ود ام زقدة: ود الغلفاء .. نبذة في ذلك الوقت ..
بريمة
08-30-2023, 03:13 PM
adil amin
adil amin
تاريخ التسجيل: 08-01-2002
مجموع المشاركات: 37036
Quote: ود ام زقدة: ود الغلفاء .. نبذة في ذلك الوقت ..
دي العجبتني شديد يا بريمة اها اب جلة شيخ االمسريرية طهر سلاطين وزعل لمن جا في كرري مع كتشنر قال جيبو لي اب جلة جابو ليه حلق ليه شعرو ودقنو وحواجبو وشنبو ودقنو وقعد اب جلة يضحك قال لي سلاطين شيف يا ود ام زقدة الحسنتو فيني ده برجع لكن الحسنتو فيك ده لي يوم الدين ما برجع هسة دخلنا اجواء المهدية لمن يجو اولاد ام ذب لامريكيين بتقيف مع منو؟؟؟ مع اهلك الجنجويد ولي العم سام اولاد ام زقدة كع هاااااك ابرج ليك برجة في البوست
08-30-2023, 03:45 PM
دفع الله ود الأصيل
دفع الله ود الأصيل
تاريخ التسجيل: 08-15-2017
مجموع المشاركات: 13747
Quote: ها اب جلة شيخ االمسريرية طهر سلاطين وزعل لمن جا في كرري مع كتشنر قال جيبو لي اب جلة جابو ليه حلق ليه شعرو ودقنو وحواجبو وشنبو ودقنو وقعد اب جلة يضحك قال لي سلاطين شيف يا ود ام زقدة الحسنتو فيني ده برجع لكن الحسنتو فيك ده لي يوم الدين ما برجع
هههههاي!! الناظر علي الجلة .. كان رجل زعيم قبيلة ..
بريمة
08-30-2023, 04:18 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27629
هسة بريمة ده مزرور شديد وحالتو صعبة بعد خلا الكيزان وبقى دعامي يبقى مع ود ام زقدة الامريكي والى اهله الجنجويد لو جات امريكا براها تمعط السودان يا بريمة بتجي مع دينق والمارينز ولي بتمشي بي الضرا لحدي ما تجهز نفسك لي ود ام زقدة والغزو الدولي بالفصل السابع وانت شايف الولولة وحوامة قحت الما جايبة مريسة تامزين https://www.0zz0.com
السودان داير مهدية الثالثة بس
08-31-2023, 12:37 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة