Quote: [}بالجد، العارف يرفع لينا يدو!!
|
و المو عارف، أوعارف ومو عارف إ نو عارف ينقطنا بالسكات والموية الباردة ،
و يرجى الردم؛ يا أولاد أم زقدة اللليلة لقيت ملكتي فيكم و بالحتة المضببة بي حديدة
و قبال ما واحد متهور يجي يقبقبني ، هاكم دا خبر طاظة من (رابطة ضنب الككو) :
إنو الكوز المتستبط ، مامون حميدة قالو نقل طلاب كيلة الطب مستشفى الزيتونة حقاتو
لى كيغالي ، سمعتو بيها ، خايتو أنا علا هسي ، قالللك دي عاصمة رواندا اللي من كم
سنة كان الدم رُكب الضبح فيها من اللضان لي اللضان على عينك في الشوارع بين
الهوتو و ابناء عمومتهم التوتسي ، يلا أمش شوفا الليلة بقت قبلة الأنظار
و مهبط للاستثماراتفي الصناعة والتجراة والسايحة بكافة أنماطها ,
+ مرة في مطار أديس لاقاني واحد رواندي طقينا حنك قلت أمسك بيه
زمن في الترانزيت و نن واقفين علىكريعنا لانو مافي كراسي نقعد و لا
في حتى مكرفون ينبهوبو الركاب للرحلات. الشاهد عفرت منو إنهم طووا
ذكريات الحرب بكل مغائسها و مراراتها و اوعادو أخوةً على سُرُرٍ متقابلين
متاحبين امين و لامين (وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ
أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ )
دفع الله ود الأصيل
فيس بوك
تويتر
انستقرام
يوتيوب
بنتيريست