Post: #1
Title: عاجل: جيش مالك عقار يستبيح "ام القري" بيت ، بيت.
Author: محمود الدقم
Date: 07-23-2023, 07:02 PM
Parent: #0
07:02 PM July, 23 2023 سودانيز اون لاين
محمود الدقم-London
مكتبتى
رابط مختصر
[جيش مالك عقار من معسكر الكدرو شادول وسلاح الاسلحه استباح ام القرى جنوب اخر محطه المنطقه كلها بتتعرض ل سرقه البيوت بتتسرق بالدور بيت بعد بيت حرفيا وبيشيلو الشاشات أنابيب الغاز واي شي خفيف والباقي بيكسرو تقريبا المنطقه شبه فاضيه الا قليل من الشباب لانو منطقه اشتباك مباشر عشان قربها من المعسكرين ديل...نحن اتسرقنا من جيش عقار اتخيل بس
البيوت بتتكسر اي شي فيها بعد تتسرق
وما عارفين نبلغ وين ماف زول شغال ب زول
حتى الشباب الموجود هناك لمن حاولو يتكلمو معاهم قالو ليهم اي زول عليهو ب بيتو بس ولا بنملاك ناار و اغلبهم عساكر سكرانيين
و شغالين نهب بالدور..
ان شاءالله الحرب تقيف و نلحق باقي بيوتنا الفضل فيها..]
نقلا عن تويتر.
|
Post: #2
Title: Re: عاجل: جيش مالك عقار يستبيح andquot;ام القريandquot;
Author: زهير ابو الزهراء
Date: 07-23-2023, 07:07 PM
Parent: #1
أخي محمود
سلام
في تقارير مصورة منتهي البشاعة عن جيش مالك عقار ما فعل في أطراف بحري لو نشرت ح تغيير في خط مناصرة الجيش وح نطلع من الجنجا
ربك يستر علينا وعلي البلد
لا حولا ولا قوة الابالله
|
Post: #3
Title: Re: عاجل: جيش مالك عقار يستبيح andquot;ام القريandqu
Author: محمود الدقم
Date: 07-23-2023, 07:36 PM
Parent: #2
استاذ ابوالزهراء فظايع بشكل مقيت، ناس عقار لابسين لبس الجيش السوداني، بسرقوا وهم في حالة سكر بشعة، بعض البيوت سرقوها واطلقوا الرصاص علي الحيطان، وهي بيوت لناس فقراء، المبكي في الامر ان هناك عشرات الاسر والعوايل ما عندها قروش او جهة يمشوا عليها، هؤلاء منتظرين رحمة الله الذي وسعت رحمته كل شيء.
|
|