[جيش مالك عقار من معسكر الكدرو شادول وسلاح الاسلحه استباح ام القرى جنوب اخر محطه المنطقه كلها بتتعرض ل سرقه البيوت بتتسرق بالدور بيت بعد بيت حرفيا وبيشيلو الشاشات أنابيب الغاز واي شي خفيف والباقي بيكسرو تقريبا المنطقه شبه فاضيه الا قليل من الشباب لانو منطقه اشتباك مباشر عشان قربها من المعسكرين ديل...نحن اتسرقنا من جيش عقار اتخيل بس البيوت بتتكسر اي شي فيها بعد تتسرق وما عارفين نبلغ وين ماف زول شغال ب زول حتى الشباب الموجود هناك لمن حاولو يتكلمو معاهم قالو ليهم اي زول عليهو ب بيتو بس ولا بنملاك ناار و اغلبهم عساكر سكرانيين و شغالين نهب بالدور.. ان شاءالله الحرب تقيف و نلحق باقي بيوتنا الفضل فيها..] نقلا عن تويتر.
07-23-2023, 07:07 PM
زهير ابو الزهراء
زهير ابو الزهراء
تاريخ التسجيل: 08-23-2021
مجموع المشاركات: 8142
سلام في تقارير مصورة منتهي البشاعة عن جيش مالك عقار ما فعل في أطراف بحري لو نشرت ح تغيير في خط مناصرة الجيش وح نطلع من الجنجا ربك يستر علينا وعلي البلد لا حولا ولا قوة الابالله
07-23-2023, 07:36 PM
محمود الدقم
محمود الدقم
تاريخ التسجيل: 03-19-2004
مجموع المشاركات: 8977
استاذ ابوالزهراء فظايع بشكل مقيت، ناس عقار لابسين لبس الجيش السوداني، بسرقوا وهم في حالة سكر بشعة، بعض البيوت سرقوها واطلقوا الرصاص علي الحيطان، وهي بيوت لناس فقراء، المبكي في الامر ان هناك عشرات الاسر والعوايل ما عندها قروش او جهة يمشوا عليها، هؤلاء منتظرين رحمة الله الذي وسعت رحمته كل شيء.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة