بالله يا بريمة اشرح لينا الحاصل هنا شنو؟

10:20 PM July, 07 2023

سودانيز اون لاين
Yasir Elsharif-Germany
مكتبتى
رابط مختصر

Quote: قوات قوات العمل الخاص بامدرمان معنويات تعانق عنان السماء اليوم ... البرهان فليلك شين اردم الدعم وحزن العوين.

دكتور ياسر

الشباب ديل برفهوا عن أنفسهم ببعض الأغانى الفكاهية .. وهذا كل ما في الأمر؛ يمكن من الكلمات الواضحة هى: "يا البرهان فليلك شين .."
وكلمة فليله أو فليلي .. هي تقال في المناحات .. مثل أبوي وييي .. أو يا البرهان نهارك أسود ..فهى تعنى أن الأنسان وقع في كارثة أو ورطه وهم يندبون حظه العاثر سخريةً منه ..
ومن بعد الكلمات المفتاحية يأتون بجمل أخري أشبه بالفكاهية: أردم يا الدعم وحزن العوين .. (العوين تعنى النساء) ..

يبدو هؤلاء الشباب في مكان تعدين .. وورد أسم النيجر .. ومعروف أن قبائل غرب السودان إمتداداتها واسعة ..

------------------------
ول أبا المستنير محمد أدم، هم أقرب للرزيقات مننا نحن الحوازمة والمسيرية في جنوب كردفان، ممكن يشرح لينا بطريقة أوفي.

بريمة

شكرا لك يا بريمة

تحياتى وسلامى الاعزاء دكتور ياسر الشريف والاخ بريمة
على ما اعتقد كلمة ( فليل ) تعنى جرى او هرب او غادر مسرعا وهذه الكلمة يستخدموها اللبنانيين ايضا بقولوا ( فل ) يعنى اذهب او امشى او روح او غادر
وعندنا برضو فى بعض الاماكن فى السودان يقولوا ليك الزول دا من الخوف فللى على البيت

فليلك شين تعني والله أعلم يا البرهان ضربك كعب أردم الدعم وبكي النساء حزناً عليهم ديل شمتانين في الجنجا لأنه غالباً دهابة والجنجا ما خلوا ليهم صليح من النيجر وحتى اهل موسى هلال أما بريمة ده ما أصلي أمباي ساكت زينا. 😅

فيما يتعلق بـ فليل، تفسير الاخت زينب صحيح .. الفللي عندنا هو الجري والهروب من واقع الخوف
وقد يكون لها معنى آخر عند من رددوها في هذا المقطع