πتوفيق عيسى مكي تعال نجيب خبرك£

05:32 PM June, 27 2023

سودانيز اون لاين
دفع الله ود الأصيل-
مكتبتى
رابط مختصر

∆ رغم حجودك دومن لنعمة
الضهاري و هي دين واجب في ذمتك.
لكن،خلينا أولن نقلت لم محمد إنك راكز
معانا صامدين على ثغر واحد خلف
صقور الجديان حماة تراب بلدك
و هذا من أفضالنا عليك.

∆ يا زول ما تجي مارق ، دا خيت مفترع
بي اسمك تلاتي عديل، ما تلاوز من اسمك الهوى يقسمك،
كدي قول بسم الله و تعال مد راسك المقودس تراهو متل
سرج العجلة دا و تاوق ساي شوف الحاصل شنو لعلو خير.
§ دي بقى طريقتنا من يوم كفرنا بالكل و اعتنقنا حزب
الكنبة الورانية، عشان كائنا من كان يتفاوت حدودو
نختو في علبو و بالحتة المضببة بحديدة.

ود
الاصيل
مالو توفيق
مش ليك
اعز صديق
الحصل شنو
تكتب
عنه بوست
بكلمات
لا تليق
بشخصك
ايها الرفيق
بس خلي
صدرك رحب
انت اعلم بتوفيق

∆ طمنو يا صديق ، قولو:
كف لسانك عن ناس الضهاري في
ظرف أنتم أحوج ما تكونون لهم.

هو لو ما ناس اقاليمنا السمحين كان انقرضنا من عمايل ناس الضهاري الاوباش

∆ طبعن الواحد لامن تلقاه ماسكلو حاجة
لهاية كدا يمدغ فوقا ليل و نهار ، فأكيد و لا بد في
المية بتكون موجعاه في حتة حساسية و غالبن
تكون الحكاية فيها «إن لله و إنا إليه راجعون»
∆ كدي تمعن في البروفابل دا طيب مليح و حك
قرص ذاكرتك المخرفة دي شوف الوش دا مر
عليك ولا قرأ معاك مسلن في ياتو ضهاري؟!
أخد راحتك تب، و ممكن تستعين بصديق
قديم بعرغتا الاتنين كويس ، و لو
كمان انبشكت براك ، فيك الخير.

تعرف من اول يوم شفت صورتك عرفتك بس الذاكرة ما ساعدتني
شديد عشان كده سنين جاري معاك كلام حلو وسرحان اتذكر

جبت أخري سريع

{) وأجيب آخر حنانك ظاطو و لسة
كمان الغريق جاييك شايف كيف .. لكن كدي أول
حاجة العيد مبارك و ليس مبروك عليك و العفو لوجه
الله الكريم، بس لازم تعرف يا دفعة إنو العبد الفقير
إلى الله بعرفك زي جوع بطنك. و كول الدرامة دي
قصدنا بيها نفرمتك نظام إعادة اصلك المصنع لامن
ترجع لصواب رشدك و ينكسر أنف كبريائك رأفة
بيك لأنو لا يدخل الجنة و لن يجد ريحها من
مان في قلبو حبة خردل من كبر !!!!

(} نعتز للنخاع بضهارينا و نفخر أكتر
بأننا أهل العوض ، أي نعم ، عشماء و عبطاء نظل
نأتي المدائن من أبوابها بطانا بالبيض و اللبن و العسل
و نفوتا خماصا خاليي الوفاض سوى من ويكة و تمباك.
∆ من عيوبنا و لعلها تكون مزايا، أننا لا نعرف فن
الاقتصاد في أي شيء ، لا في علاقات عامة و لا
خصويات و لا هم يحزنون ، بيوتنا مفتحات على
مصاريعها في نفافيج بعض ، ديوان بلا حيشان و
مسالمون جدن لم ندخل إلى غابة ولم نسعى إلى
حرابة و لم نقتل حتى ذبابة،كلو منكم . .

(} أها ، الليلة حالف باليمين علا عمل فيك
«DOUBLE KICK». معليش ، حنرجع بيك القهقرى
بشوية تنويم مغناطيسي، تعيش معانا لحظات «تنمل»
إيحائي في فترة كان عمرك حوالي طلطاشر سنة كدا ،
يا جدو يا جولكين، مضطرين لكدا لأنو يبدو من تهكمك
علينا طوالي كدا، إنك الحتة دي سالخا تمامن من فروة
دماغك الناشفة،راميها خلف أستار عقلك اللا-واعي.
∆ ولسة ما عرفتني منو و لا تلاقينا وين، شيل صبر!
نقدر نقول: يا حبيبو نحنا اتلاقينا مرة
في شعوري و في خيالي 1000 مرة

البوست ده ناقصه أحي أنا عامل نسيتني 😅

اقرب ليك المسافة يا توفيق
ود الاصيل ده تكون قابلته في اليونان أو قبرص لو حصل زرتهم

Quote: البوست ده ناقصه أحي أنا عامل نسيتني 😅

(} يجازيك با منونتي، نزعت مني البسمة
زي شوكة بالمنقاش، رغم إني معيد بوزي
شبرين ،أحداث مؤسفة و متلاحقة لدرجة
ما تديك فرقة تجبد نفس يجازي الكانو السبب
تبت يدا النفخو الشرارة و تبت يدا الجاب الحطب
تبت يدا العفن الخسيس اللاغاصب
تبت يدا الهاب الدواس وللقاش ما كرب
تبن يدا كووول الهدن تبن و تب
تلنوعلى الدعامة من جمع غضب

Quote: أقرب ليك المسافة يا توفيق ود الاصيل ده تكون قابلته في اليونان أو قبرص لو حصل زرتهم

(} سلام للقوة 4 يا حيدر، و الطلة عيدية ، بس شايفك
شبحتها شديد، ياخ الراجل محلي خالس، و نحن ناس بنعيش حياتنا
الفانية بالنية السليمة. و أنا حأديك راس خيت يقرب لينا الردة
فكدي أنت أسألو براك قولليه: « قريت الثانوي العام وين»؟!

قريتو مع الصادق ملح وود الرفيق وعبد المطلب دوره والغالي ومحمد ابراهيم وكرار وموسى واولاد الكرنكي واولاد ود رويبح وزي 200 زول متواصل معاهم يوميا
امتحنت من السانية جنب ود المنسي قريت في كل قرى الجزيرة والمناقل دخلت مدني السني مع المرحوم اللاعب صلاح الامين ايام الطاهر هواري وسامي عز الدين
زي شهرين ورجعته امدرمان الاهلية واهلنا وبيتنا في بيت المال
منها بيروت العربية بالاسكندرية مع ناس تراجي وجمال الوالي اما الشغل كل جحر في السودان كنت جلابي كبير خلا السودان ده كلو تاجرت فيه
وشركات بره السودان في اكتر من خمسة ستة دول بي الناس العايشين في كل بلد
تقريبا الزاملتهم ما اقل من مليون سوداني ومتذكرهم كلهم واظن متواصل شبه يومي مع نصهم

اهو جاب ليك الـ Curriculum Vitae بتاعه كله
بس شافك وين دي النجيضة العاوزنها

∆ فعلن يا خيدر ، جاب الزيت حااار
وما قصر ، علا شافني وين دي في بيت القصيد
اللي شكلو فطاه ، لا أدري إن كان عامدا أم ساهيا
جحر مغنتس هنوك كدي، خليه ينحت فاخورتو
يمرقو و لا أنا بس فركة قدم بصلي و بجيكم
نتم الباقي حقيقة مش خيال في أول تعليق

∆ بالموناصبة الحتة الجلاها دي عاش
فوقا الأمير/توفيق فترة من مراتع طفولته و براطع صباه
و شذرا من ريعان شبابه ، يوم كان يتنقز بي بالكورة برشاقة
مذهلة حقيقتن متل سخيل البرم ، دا قبل ما يبرطج و يترهل.
و(شايف ذكر ليك الراحلين سامي و طاهر هواري ) ، و بكدا
برضو رمى حاجة كشفت إنو أكبر مني بكم سنة ضوئية ،
عمومن دي محطة كان مفروض غصبن عنه يعتبرها.
«الزمن الجميل»,If Any»، طبعن.

∆ ممكن ندي بروفايل كفافي لدائرة نصف
كم نمرة حواشة كنا ندور في فلكها و عني صخشيا من ود
مدني السني الكبرى، و ما ح تصدق يا حيدر إني ولا قريت
فيها الثانوية كانت في حنتوب و منها طفشان زي طائر
سمندلي الإهاب« كلما تعب منو الجناح في السرعة
يزيد» ولا يوم الليلة و باگر. ما يجي هاجمنا
البعشوم حبيبو ود اللمير يخرب الونسة دي!
(} وللمفارقة كمان الحلال و القرى و النجوع
اللي ذكرن ليك توفيق ديل ولا حتة فيهن أنا
يعميني ما شفتها. ولا حتى المناقل إلا مرة، رفاعة
و حصى/حسى عبورا، زي طرود مواد الإغاثة،
و حتى الخرتوم إلا الجامعة و شغل سنتين
في قاعة الصداقة بمهنة من لا مهنة له.
يعني محيط ود مدني بس و بلاد برة.

§ تسأل توفيق ي حيدر عن حتة اسما
«عدار» في قلب المحنة في غرب الجزيرة ، لو ما
كانت مسقط رأسه ،درس فيها مرحلة الثانوي العام.
خليه يحدثنا عنها قبال نجيب اللوكيشن.

مساء الخير يا الأمير ( كده خلاص الغنية حتعلق معاي اليوم كله ) ود الأصيل قاليك تعال مارق ولا ( عدار )دموعك ما بتفيد

توفيق باشا في الكماشة
العدار نفر
تعال وليك الامان

فعلا عدار دي سقطت من ذاكرتي مع انها تمثل فترة مهمة من تكوين شخصيتي لكم العتبى اهل تلك القرية التي فيهاكل معاني جمال طيبة وأخلاق السودان وقد ذكرت باني في فترةبحكم شغل الوالد بمشروع الجزيرة تنقلت في كثير من ربوعها وكونتعلاقات اخوان متواصلين معي لليوم حتى من عدار نفسها يوجد مم من هو مواصله حتى اليوم هم من كانوا معي في مكتب التفتيش الذي كنا فيهمكتب شاكر الذي يكون ضمن منطقة ود المنسي وقد ذكرت السانية التي امتحنامنها للثانوي العام جوار رآسة القسم في ود المنسي عدار لم يكن فيها ثانوي عام بل ابتدائي

ما اتذكره فيها الحكيم وابناءه الذين كانوا معي في الصف
وكذلك الناظر وابنه ونبق
أهميتها بالنسبة لي كونت فيها الجمعية الادبية التي كانت تحت
اشرافي وكنت اقدمها كل اثنين مساءا من كل اسبوع الغيت فيها
الشعر عربي وانجليزي وكذلك مثلت فيها مسرحيات عربي وانجليزي
وكذلك نشرت فيها صحيفة حائطية اسبوعية اعلقها في فناء المدرسة
لا تضاهي اي صحيفة في ذلك الوقت اغلب بل كل المقالات والعواميد
كانت من انشائي

درست فيها سنتين وامتحنت منها للثانوي بحكم كانت اقرب مدرسة لمكتبنا
الذي لا انساه كنت الأول على الصف الا مرة واحدة جئت الثاني وكان الاول هو
بنت الحكيم سمية بفارق نصف درجة والعمل الفرق مادة الفنون اخدت فيها صفر
او قريب الصفر وكنت فنان المدرسة لزمن قريب كنت محتفظ بلوحات رسمتها في
تلك الايام ربما موجودة في ركن ما بمنزلنا الآن نادرا ما تضيع مني اشياء احتفظ بها
أتذكر يوم النتائج عندما تمت اذاعتي الثاني لم استلم نتيجتي من الشعور بالظلم والغضب
كانت لنا عربة مخصصة تأتي بنا وترجعنا للمدرسة ولكن تأتي ايام وتكون العربة معطلة فنأتي
بالحمير كل واحد بحمار نشق المزارع نعم هو شارع واحد ولكن من أجمل الذكريات

يا سلام يا توفيق على الاندياح ده
ود الاصيل ذاته بكون متكيف شديد وكمان منتصر

∆ فعلن يا حيدر يا زول يا لطيف و ظريف
وأكلك طحنية بالرغيف. دي كانت أطعم وجبة لينا الزمن
داك . و خلينا برضو نرفع تمام لصاحب السموم العاطفي
الأمير/ توفيق، دفق لينا زيت أكتر مما كنا ننتظر.
π مكتب «شاكر» كنت مخليه تحلية و مزة للعڨدة و
هو كان بمثابة الأم لكورجة من القرى ، كتير من أساميها
يكطعن الوضو، و مر ذكرهن في مشاغباتي مع عمو جقود
و ستعود لسردها بالواحدة في حين ميسرة.

Quote: مساء الخير يا الأمير ( كده خلاص الغنية حتعلق معاي اليوم كله ) ود الأصيل قاليك تعال مارق ولا ( عدار )دموعك ما بتفيد

+ علا لقيتني كيف يا ساعدتو منونتي ، شغل
زي الشغل ، مفروض ناس ا ستخبارات الديش
يستفيدو من خدمانتنا، نباري ليك القحاطي لام
نجيب ضقلو يكركب، لكن حاشاه اللمير / توفيق
مشهود ليه بأنو ملفو نضيف و زول الله في بلد
الله ، النوع البشرب لبنو و ينوم مع الجداد.

كانت لنا عربة مخصصة تأتي بنا وترجعنا للمدرسة
تسلم حيدر ، نشيد بدورك المقدر في تحريك مضابط هذا الخيت
الاخواني بامتياز، ساعدتنا كنير في محاصرة أميرنا توفيق في
كماشة و لو إنها ة نيران صديقة ما بتعضي، و هو زاتو أثبت
روح رياضية تحيرك قدما ما استفزيناه سايسنا بدمٍ باردٍ.

نجي بقى لمكتب شاكر و خلينا نبدأ بالمقتبس أعلاه ، حكاية
( حكاية عربية مخسسة دي ، مالكة معانا جبنة حادة) بيتعكس لينا جانباً
من ظاهرة المحسوبية الكانت سائدة ، و طبعن عربية مخسسة لسموالأمير /
المُفدَّى حفظ ا الله ، نوردم يشهانوك و رفيقته بت الحكيم، دي براها كافية ترسل
الزول لمحكمة لاهاي تحت البتد السابع لمن اي لك هذاو هلا جلست في بيت أمك
و أبيك عشان يخسسو ليكم عربية نقل توديكم و تجيبكم و نحن داجين رحيح بي
شقيانة تموت تخلي , و بالعدم قدلة يا مولاي حالفي حالق ، بالطيرق الشاي "لتراب"
و هم كل حاجاتم من عرق ناس عدار دموعك الغُبُش أبان مسوحن موية.
و لكنها حاجات للإنصاف ، لا ترقى للطعن في الباشمهندس والد توفيق،
و هو رجل ان مشهوداً له حقاص بأنه رمزق للنزاهة واليدالنضييفة.
+ عمومن كان أهل عدا ر يُعانون شظف العيش ، في حين ناس توفيق
ديل كانوا في السرايا عيشة ملوك مبغبغين و لقمتم دهنا سايل للكوع ،
يا زول ، شيي بط وشي وزين و ديل رومي و كان ط بالعدم ، جدتد جداد
الوادي يا راحل مع النسيمة الفايحية،ياخ أقول ليك حاجة ، تسدد مناخيرك
بس و تقرا، حتى مروقكم زي الناس زاتو كان بيختلف عن مروقنا، نحن
ماسكانا كوفارة ، ، كنا نضع كالشاة نظام يابوسة مزمنة( أم بعيرة )
كدا متحجرةصحافة ظلط بس، في حين أولاد المصارين البيض
حاجة سامبتيك ممكن تاخد معاها سيلفي للذكرى.

Quote: حاجة سامبتيك ممكن تاخد معاها سيلفي للذكرى.

والبولندا عصير تانك واناناس

من
الكلام
العلم
ممكن
كل واحد
بالعشرة
يبصم
ويقول ودالاصيل
وتوفيق
توأم
في كل
ما تقدم
نجزم
كل
واحد منهم
جنجويدي
مخضرم
لا كراسة
لا قلم
كان
راعي غنم
ارادة الله
لبستو
الكاكي
والبوت
دون علم
الضابط
الابكم