اعترافات خطيرة لمحمد على الجزولي : الجيش هو من بدأ الحرب !!

08:37 PM May, 23 2023

سودانيز اون لاين
علاء سيداحمد-
مكتبتى
رابط مختصر

وتتوالى اعترافات الكيزان

الزول دا انتهى من :
- انس عمر
- على كرتي
- اسامة عبدالله
- البرهان
- الوسيط اللواء حسن بلال

فعلا الكيزان بتوعين حلاقيم ماناس حارة .

آثار التعذيب واضحة على ملامحه .

هل اعتقلته قوات الدعم السريع؟

اتمنى امتثال تقع عينها على البوست دا عشان تعرف حقبقة ما يحدث

ما يشي بأن هذه الاعترافات منزوعة تحت التعذيب .

مددد مددد

Quote: هل اعتقلته قوات الدعم السريع؟ اتمنى امتثال تقع عينها على البوست دا عشان تعرف حقبقة ما يحدث

سلام يا هندسة

هو اول من اعتقلته قوات الدعم السريع من الكيزان .

محجوب شريف
ما شفتي ود الزين الكان وحيد امو
وماليها كان العين
قالولو ناسك كم ورينا ناسك وين؟ ورينا شان تسلم
العودو خاتي الشق
ما قال وحاتك طق تب ما وقف بين بين لي موتو يتقدم
انا ما بجيب الشين
انا ما بجيب الشين

شوف ياعلاء
الاعتقالات السياسية والاختطاف مرفوضة والتعذيب. مرفوض

ولكن. حينما. تكون. قياديا للتنظيم

مفترض. تتحمل تبعات القيادة ومسؤولياتها كاملة
واولها حفظ الاسرار وصيانة ارواح من معك
يجب ان تضحي بنفسك من صيانة ارواح الزملاء والرفاق
الانكسار وفضح كشف الاسرار وتعريض حياة اخريين للخطر ليست من سمات القيادي المقدام

الصمود والصلابة والمبدئية. هي من ابرز سمات القيادات العليا

Quote: مددد مددد

ههههههه مدد وبس يا قدورة .. دى مدد لامن ح تجيب اجل الكيزان
الزول دا من اول ضربة فكّ آخرو وجاب كل الاسرار .

غايتو الحرب دي ورت الشعب السوداني حقيقة الكيزان .

Quote: محجوب شريف ما شفتي ود الزين الكان وحيد امو وماليها كان العين قالولو ناسك كم ورينا ناسك وين؟ ورينا شان تسلم العودو خاتي الشق ما قال وحاتك طق تب ما وقف بين بين لي موتو يتقدم انا ما بجيب الشين انا ما بجيب الشين

يا كمال اخوي الناس ديل جابو الشين وكل الشين
وعودم قال طق .

Quote: ههههههه مدد وبس يا قدورة .. دى مدد لامن ح تجيب اجل الكيزان الزول دا من اول ضربة فكّ آخرو وجاب كل الاسرار . غايتو الحرب دي ورت الشعب السوداني حقيقة الكيزان

حميدتي في ذروة حماسه بعد عزل المخلوع بايام قليلة
قال نحن نسدها بحاي والكيزان ينفسوها بهنا قال كدة مابنقدر نشتغل
وقال عاوزين محاكم(جايرة) اي والله قالها نصا محاكم جايرة
اعدام علي طول ويبدو انه سيقيم المحاكم الجائرة فيهم الان هههه
اللهم لا شماتة

يوم ستة ونص دة بالميلادي ولا الهجر ولا الهيروغليفي

الشعب عاوز محاكم جايرة ياحميدتي

لا لجريمة الإعتقال والاحتجاز التعسفي ولا لتعذيب المعتقلين.
.
.

الحرية لهذا الداعشي، لو معتقل..
كلام في غاية الغرابة، من واحد زي ده!!!
الحاصل شنو يااخوانا؟
هل كلام زي ده، براهو كده قالو، ام ماذا؟

Quote: حميدتي في ذروة حماسه بعد عزل المخلوع بايام قليلة قال نحن نسدها بحاي والكيزان ينفسوها بهنا قال كدة مابنقدر نشتغل وقال عاوزين محاكم(جايرة) اي والله قالها نصا محاكم جايرة اعدام علي طول ويبدو انه سيقيم المحاكم الجائرة فيهم الان هههه اللهم لا شماتة

والله يا عبدالقادر اخوي لا خير فى الكيزان ولا خير فى حميدتي والجنجويد
كوووووووووووولهم طينة واحدة طينة البؤس طينة محاكم جائرة .

#لا للحرب
# نعم للسلام المُفضي لدمج الجنجويد وبقية الحركات المسلحة فى الجيش
وكنس الجيش من القيادات الكيزانية .

تحياتي اخونا حافظ بشير
رفض الاختطاف والاعتقال خارج موسسات الدولة
بل حتي الاعتقال استغلالا للقانون. لستهدافا. لخصم سياسي

دي قضية مبدئية
ًولكن بعد التثبيت علي هذا المبدا

هناك قضية. اخري
وهي تتعلق بتبعات القيادة. ومسؤلية. القائد
في الحفاظ. علي التنظيم والاسرار
هناك ارواح معلقة. باعترافك يحب ان تصونها. وتتعلم قيم التضحية والثبات والصمود

وخصوصا في دولة. ديموقراطيتها هشة ونظمها بوليسية وعسكرية وهي اوضاع تتطلب نوع محددة من القيادة

واعني. هنا القيادة العليا او قمة القيادة
وليست القيادات والكوادر الدنيا والبسيطة فالضعف الانساني. مقدر في حالتها
ولكن انكسار القيادة العليا قد يودي لازهاق ارواح. اخري
هذه هي النقطةً

Quote: لا لجريمة الإعتقال والاحتجاز التعسفي ولا لتعذيب المعتقلين.

لكن مين ال ح يسمعك يا مولانا ؟؟!!
فوضى عارمة فى البلد .

Quote: الحرية لهذا الداعشي، لو معتقل.. كلام في غاية الغرابة، من واحد زي ده!!! الحاصل شنو يااخوانا؟ هل كلام زي ده، براهو كده قالو، ام ماذا؟

الحاصل يا بشاشا اخوي

الداعشي دا اعتقلوه الجنجويد قبل اسبوع تقريباً .
وطبعاً بيكون قال الكلام دا تحت التعذيب
ومش ممكن يكون اتبرع من نفسو وقالو .

Quote: شوف ياعلاء الاعتقالات السياسية والاختطاف مرفوضة والتعذيب. مرفوض ولكن. حينما. تكون. قياديا للتنظيم مفترض. تتحمل تبعات القيادة ومسؤولياتها كاملة واولها حفظ الاسرار وصيانة ارواح من معك يجب ان تضحي بنفسك من صيانة ارواح الزملاء والرفاق الانكسار وفضح كشف الاسرار وتعريض حياة اخريين للخطر ليست من سمات القيادي المقدام الصمود والصلابة والمبدئية. هي من ابرز سمات القيادات العليا

كلام سليم واتفق معك فيه تماما يا كمال .

في تقرير لصحيفة عكاظ السعودية فى بداية الحرب
«إخوان السودان» يشعلون الحرب للعودة إلى المشهد


تم ارفاق التقرير فى بوست :

الدليل الدامغ على انّ الكيزان هم من أشعلوا هذه الحرب اللعينة ..

اعفص هنـــــــــا

هل يمكنني الجمع بين نفسي الليبرالية التي تدين الإعتقال والتعذيب من قبل الجنجويد والكيزان وبين شماتتي في الكيزان الما طلع فيهم فارس واحد يركز لتحقيق ميليشيا الجنجويد مالي أراهم يكرهون الجنة؟

Quote: هل يمكنني الجمع بين نفسي الليبرالية التي تدين الإعتقال والتعذيب من قبل الجنجويد والكيزان وبين شماتتي في الكيزان الما طلع فيهم فارس واحد يركز لتحقيق ميليشيا الجنجويد مالي أراهم يكرهون الجنة؟

الشماته هى إرضاء للنفس الأمارة بالسوء .. ! والنفس الليبرالية أيضاً أمارة بالسوء .. ألحق نفسك.

بريمة

Quote: والنفس الليبرالية أيضاً أمارة بالسوء .. ألحق نفسك.

يعني هسي يا بريمة ولدكم الborn again ginga عزت الماهري ( أبنوس ) في النار لأنه كان ليبرالي جداً ولا الجنجويدية تجب ما قبلها

يا جماعة ممكن يكون فى جدة غير؟
اشتمّ grilled Deal يتصاعد😂

منتصر،

Quote: يعني هسي يا بريمة ولدكم الborn again ginga عزت الماهري ( أبنوس ) في النار لأنه كان ليبرالي جداً ولا الجنجويدية تجب ما قبلها

أنت مسؤول من الخير، ليه الدعم السريع ما عندهم شيوخ دين يفتون لهم؟

بريمة

يعني ما عارف يا بريمة ناسكم ديل ولا شغالين بالدين شغلة ، والقوني ده عندكم زول عاطل ساكت ما عندا شغلة 😅 حليل البروف سنوسي وقصة الفقير أب بعراية 😅

عشان انا قلت لي الزنديق ليك حق تقيف مع الجنجا لأنهم أكفر منك ، فالجنجا ويحمد لهم ذلك ما محتاجين فتاوي او مفتي حدهم أمبتاري يسوي ليهم حجبات ( قال ليك العمل ليهم الحجبات دي لمن مشو زنقوه قال ليهم إتفاقنا رصاص بس سوخوي وميج ما معانا )

سلام أخي العزيز كمال عباس
لا أحد يدري حجم التعذيب او نوع التهديد ومن يشملهم التهديد الذي تلقاه هؤلاء المعتقلين وبالتالي من الصعب أصدار أي أحكام.
قد تكون هذه الفيديوهات نهاية لهؤلاء المعتقلين كقادة سياسيين بعد ظهورهم بهذا الشكل المنكسر،
ولكنه في كل الأحوال إغتيال لشخصياتهم تحت وطأة التعذيب وذلك يظل مرفوض عندي.

طبعا الأخطر كلام اخونا احمد هارون..
ناس الدعم السريع اعتقلوا الفريق عصام كرار..رشان اوشي بتتونس معاهو..اخبارك يا ساعدتك..!
ناس الدعم السريع ردوا عليها وقالوا ليها: زولك معانا وكويس..والمرتب ح يصلك قريب..!

Quote: هل يمكنني الجمع بين نفسي الليبرالية التي تدين الإعتقال والتعذيب من قبل الجنجويد والكيزان وبين شماتتي في الكيزان الما طلع فيهم فارس واحد يركز لتحقيق ميليشيا الجنجويد مالي أراهم يكرهون الجنة؟

سلمات يا منتصر بالانجليزي

المعادلة دي صعبة شديد يا صاحبي .

Quote: يا جماعة ممكن يكون فى جدة غير؟ اشتمّ grilled Deal يتصاعد

سلمات يا ابّارو

فعلاً هناك طبخة على نار هادئة فى جدة
ولكن تلك الطبخة ليست فى صالح الوطن
ولا فى صالح المواطن انما فى صالح الطباخين .

Quote: أنت مسؤول من الخير، ليه الدعم السريع ما عندهم شيوخ دين يفتون لهم؟ بريمة

هههههههه انتا ما شفت الحجبات الكتيرة فى اليوم الاول للحرب معروضة على الشاشات ؟؟
زي ما قالوا حجاب واقي من الرصاص .

Quote: طبعا الأخطر كلام اخونا احمد هارون.. ناس الدعم السريع اعتقلوا الفريق عصام كرار..رشان اوشي بتتونس معاهو..اخبارك يا ساعدتك..! ناس الدعم السريع ردوا عليها وقالوا ليها: زولك معانا وكويس..والمرتب ح يصلك قريب..!

سلمات يا ول ابا كبر

بصراحة حميدتي عنده عقليه جباره الزول دا شاف انو ح يخسر جيشه وأيضاً ثرواته الضخمة من الاستثمارات
فى الذهب والصمغ العربي وفى الماشية واللحوم وغيرها من الاستثمارات .
وقد رأى الرجل ان افضل طريقة لتقوية مركزه حين انتهاء الحرب واتفاق انهاء الحرب فى :

- اعتقال كبار رموز الحركة الاسلامية وايضاً كبار قادة الجيش ( وبالمناسبة مسلسل الاعتقالات ستستمر )

وهدف حميدتي من تلك الاعتقالات هو :

- المساومة فى اتفاق انهاء الحرب على استثماراته وطبعاً لن يركن الى جيشه لان جيشه سيدمج فى القوات المسلحة .
وعلى قدر عدد المعتقلين ورفعتهم سيكون سقف مطالبه .