|
|
 Re: صور تُظهر حجم الدمار الذي طال مركز محمد عم (Re: حيدر حسن ميرغني)
|
كتب Abdelgadir Ismail Ahmed في حسابه في الفيس بوك :
احساسنا بالدمار والنهب الحصل للبلد دي غايتو ما اظن في كلمات بتوصفو....
وحجم القهر البتحس بيهو لمن يقولو ليك خشو بيتك وعبثو بي محتوياته وماتكون انتا عارف زاتو شالو شنو وخلو شنو وكسرو شنو دا حاجة كدا لا توصف...
أما الحصل لي مركز محمد عمر بشير للدراسات السودانية جامعة أم درمان الأهلية الشفتو في صور الليلة دا كمان كارثة واحساس بالخسارة صعب يتخيلا زول ما زار المركز دا وشاف الفيهو...
المركز دا انا بفتخر وبحمد الله طول عمري اني واحد من الاشتغلو فيهو ونعموا بالمتوفر فيهو من مراجع وكتب ووثائق وارشيف...
المركز دا فيهو أراشيف كتيرة ونادرة شديد.... فيهو ياخ محاضر مؤتمر الخريجين.
فيهو مكتبات ناس فاتو واوصو بي انو مكتباتم واراشيفم تجي المركز دا وتتاح من خلاله للباحثين.
المركز دا فيهو وثائق ذات قيمة كبيرة خلاص اتجمعت من خلال عمل بحثي ميداني ما بتتلقي تاني...
فيهو مخزن فيهو نسخ لي اصدارات من منشورات المركز دا نفدت ومافي تاني في الاسواق...
صعب صعب صعب قيمة ما بالمركز دا من كتب واراشيف ووثائق تقدر بثمن..
ياخي فيهو مكتبة بروف محمد عمر بشير الشخصية والله فيها مخطوطات بي خط يدو ووثائق نادرة اصلو ما ممكن تتلقى في حتة تانية....
لي حرقو انا ما عارف؟
لي بتحرق مكتبة؟
لي بتدمر ارشيف؟
لي بتبيد بي يدك ذاكرتك وذاكرة وطنك؟
غايتو بتحصل حاجات في الحرب دي انا غايتو ما قادر افسرا....
الخسارة الفردية بتاعت بيتك، عربيتك، دكانك، بضاعتك، مصنعك، على كبر حجمها وفداحتا والله بتضاءل قدام حاجة زي حريق ارشيف زي دا....
طيب دار الوثائق القومية، بي موقعها جم القيادة يا الله كيف حالا؟
مكتبة السودان، الفي نفس المنطقة المدورة فيها اعنف معارك الحرب دي من شهر؟ كيف؟
مكتبة معهد الدراسات الافريقية والآسيوية بجامعة الخرطوم كيف؟
اصابتنا الحرب في أعز ما نملك..
|
|
  
|
|
|
|
|
| العنوان |
الكاتب |
Date |
| صور تُظهر حجم الدمار الذي طال مركز محمد عمر بشير للدراسات السودانية بجامعة أم درمان الأهلية | حيدر حسن ميرغني | 05-16-23, 06:11 PM |
| Re: صور تُظهر حجم الدمار الذي طال مركز محمد عم | حيدر حسن ميرغني | 05-16-23, 06:13 PM |
| Re: صور تُظهر حجم الدمار الذي طال مركز محمد عم | حيدر حسن ميرغني | 05-16-23, 06:16 PM |
| Re: صور تُظهر حجم الدمار الذي طال مركز محمد عم | حيدر حسن ميرغني | 05-16-23, 06:19 PM |
| Re: صور تُظهر حجم الدمار الذي طال مركز محمد عم | حيدر حسن ميرغني | 05-16-23, 06:22 PM |
| Re: صور تُظهر حجم الدمار الذي طال مركز محمد عم | حيدر حسن ميرغني | 05-16-23, 06:24 PM |
| Re: صور تُظهر حجم الدمار الذي طال مركز محمد عم | Nasr | 05-17-23, 01:14 AM |
| Re: صور تُظهر حجم الدمار الذي طال مركز محمد عم | Abureesh | 05-17-23, 03:58 AM |
| Re: صور تُظهر حجم الدمار الذي طال مركز محمد عم | Ali Alkanzi | 05-17-23, 07:01 AM |
| Re: صور تُظهر حجم الدمار الذي طال مركز محمد عم | حيدر حسن ميرغني | 05-17-23, 07:24 AM |
| Re: صور تُظهر حجم الدمار الذي طال مركز محمد عم | Ali Alkanzi | 05-17-23, 07:42 AM |
|
| |
حيدر حسن ميرغني
فيس بوك
تويتر
انستقرام
يوتيوب
بنتيريست