| Quote: Mohammad Elabadieتحياتي ... ياود الأصيل .. انته شكلك من كتر ماغمتوا ليك لما بقيت بروف في عالم الغمتات ... زمان أهلنا الكبار أهل جود حتى لو كان رزقهم محدود ... المهم بغمت ليك .. والحبوبات تدخل يدها في المفحضه ... وتقلدك وتعصر ليك .... دا زمن المحنه بساطه وعيشه هنيه ... ودمتم |
∆ Mohammad Elabadie ∆ حي الله عبادي و صحبكم و مساكم بكل صباحات و أماسي رابخات و بكل خير نافحات. صدقت والله الغمتان من
أصدق وشائج القربى العمليه بين الإنسان و أخيه اللنسان.
∆قالك جمهرة شفع مندرعين في جدهم متل نمل السكر و هو ماشي السوق كل واحد يقوللو:. يا جدو عليك تجيب لي معاك زمبارة و هو عشان الحامل طرشا، برود عنقليزي، علا واحد فيهم ناصح ومدردح «غمت» لجدو تعريفة بالدس كدا و قاللو: بي دي جيبلي زمبارة ؛ قام جدو لامن حس بيها صااااقطة في راحة يدو انشرح لها صدره و انفرجت أساريرو و قاللو: يشهد الله يا وليدي ياكا إنت بس اللي زمبرتا.
∆ فا شنو، لو فيها «غمتة » تمرنا بغادي
ولا كب اللوگيشن نشد الرحال إليك!!